تجمع امهاات 2007 خلونا نستفيد من بعض

[ســــــــــما]

ملك الروح انا بعد دورت وما لقيت كله من 6 شهور وفوق بس لقيت ملوبا وانا الحين دايمن اعطيه ملوبا

 

[أم حيدر]

بنات حبايبي بالنسبة حق بسكوت الفارليز ماكو اصلا حق 4 شهور هو حق 6 شهور - هذا البسكوت كنت احط ربع بسكوته بالحليبة حق ولدي لما صار عمره 3 شهور ونص تقريبا

 

[منورة الكويتية]

كت كات الله يخليه لج ان شاء الله وتسوفنه معرس




ملاك صح كلام ام حيدر ماكو حق سن 3 شهور اهوا حق سن 6 شهور وانا بعد اعطي نونتي الحين بع بسكوته اذوبها مع الحليب بس قبل النوم وامي تقولي عطيها الصبح بعد بس انا خفت احس تووو متش عليها

 

[lolo77]

تصدقون بنات ما ادري شلون نسيت
اليوم بنتي كان عندها موعد بعيادة الاطفال
ما ادري يصير اتصل واخذ موعد ثاني ولا خلاص ما يحتاي

 

[منورة الكويتية]

جربي لولو منتي خسرانه شيئ
واذا خاص اكيد يعطونج موعد ثاني

 

[malak_alroo7]

هلا بنااات
فديتكم كلكم كلكم على ردوودكم

و انا كل هالفتره احسب في حق 4 اشهر هههههه يالله و منكم نستفيد يا بعد عمري انتو
و بالنسبه حق ملوبا كله احصل اللي على الفواكه بس !

بنات اليوم رحت بيت خالتي ام ريلي .. و كان هناك ولد هم بنتى عمره سنتين
تدرون اشسوه؟ رفس بنتى على راسها بعدين ير شعرها !! والله يا بنات بغيت اذبحه ههههههههه و طبعا بنتى يمكن اقعدت ساعه و نص مو قادره تسكت من البجي فدييييييييت روحها لين اخر شئ قلت حق ريلي خلاص مشينا!!
و هذه ثانى مره يطقها اول مره عطاها طراق محترم لانه وايد يغار منها حبيبي كاسر خاطري

 

[Miss_Tiger79]

واااااااااااااااااااااي من صجج ملاك الروح
الصراحه الله يعين بنتج
بس وين كانت بنتج لما رفسها
وعليييه حبيبتي والله كسرت خاطري
بس سلامتها انشالله وما اتشوف شر
بس جان زفيتيه عشان ما يتعود يسوي فيها كل مره

 

[منورة الكويتية]

لالالالالالالالالالالالالالالا ياملووووكة
الا سمية بنيتي نورة
زفييه ولاا تخلينه يقرب يمهاا بسم الله عليها ترى مو كل مره تسلم الجره

 

[منورة الكويتية]

هلا وغلا مس تايقر
شلوونج وشلون البيبي:eh_s(22):

 

[malak_alroo7]

هلا والله مس تايقر الشر ما اييكم يا عمري
الغلطه غلطتنا ابوها قالي احطها عالارض و انا سمعت كلامه
ولد عمها ما صدق شافها و رفسها.. ريلي حاول يمسكه بس فلت منه و ير شعر بنتى
مشكلته يغار منها عشان ريلي كان مدلعه حيل و بعد يشوف امه تشيلها فشكله حقد عليها و كله يبي يطقها

منوره
افا عليج زفيته و قلت له ان ما يزت بطقك بس شدعوه يسمع الحجي اهو بروحه ياهل و يكسر خاطري بعد المهم قعد يبجى و يصارخ لين صروع نورتى زياده

 

[أم فرووحة]

مساااااااااااااااااء الورررررررررررررد

أدري فقدتوني ههههه <-- واثقه..

ماقصرتوا بعد عمري كل من سأل عني و اللي اذكر انها اسألت عني ملاك الروح :*

عاد انا دخلت على الهوشه صراحه احترييييييت رفسه عالراس عاد!! وعليه والله ماتستاهل نواره حبيبتي..

ديري بالج عليها الغييره تسوي اكثر من جذي ترى..

أنا الله يسلمكم اختفيت الفتره اللي طافت لأني كنت تعبانه شوي الظاهر فروحه امعاديتني .. مسكينه خشمها وعليه صاير نل كله مسكر ولم تيي ترضع احسها تختنق لان تتنفس من حلجها و هم بعد فيها كحه

والله كاسره خاطري..

عاد قبل لا تستمرض بيوم كنا امودينها حق الدكتوره فحص دوري حق الطول و الوزن و اذا عندنا اسأله...

بس سألتها ان بالليل و اهي نايمه اطلع صوت من خشمها..فعطتني قطره اسمها لتل نويز حق اليهال قالت قطره وحده بالليل و ان شاء الله شويشوي اطيب..

عاد ما ادري اهو نفسه حق النشله ولا ماينفع..ياربي احس صغار على الكيماويات ماودي اعطيها ادويه ثقيله من الحين..

طايحتله بشاي البابونج اللي من ميلوبا و ان شاء الله خير...

دعواتكم لها

 

[miss fabulosity]

قوه يالامهات اشلونكم وشخباركم اشلون عيالكم
حجيات بسبوستى الله يحفظها دشت السابع وماادرى شنو اوكلها ومتى اعطيها دياى ولحم ياليت اتفيدونى

 

[كيت كات]

لا حرام بالعكس لا تزفونه كلش لانه يغاااااااااااااااااااااار حقروه وديرو بالكم على البنية وانا اصلا اتبع طريقة لان بنت اختي تغار من ولدي طول اليوم تتحجى فيه بس من بديت احطه بحضنها واقلها انتي حلوه انتي احلا منه الحين صار عااااااااادي

 

[منورة الكويتية]

هلاا وغلا والله بام فروووحة
والله لج فقدة
عاد اانا ترى سيم سيم الاسبوع الي طاف ماكنت موجوده كانت عندي امتحانات
وترى الحين موسم امراض حتى انا استمرضت وتوني اخف هاليومين ونوني بس مسكر خشمها كله من الجو والسنترال الله يكون بالعووون بس

هلا ب زموووتة خخخ وحلاتها بسبووستج والله ماعندي خبره وان شاء الله ام حيدر والبنات يفيدونج


كت كااات هلا وغلا صح صاااجة انا لاحظت بنت اخوي جذي مع نوير تتحين الفرص عشان تقرصها وتتحرش فيها ولمن ازفها تزيد بس همن لمن اسكت لها واشوف شنو بتسوي والله نفس الشيئ تشوفينها تتلفت يمين يسار تتاكد المنطقه اماااان وتشوف شغلها بالمسيجينه نوير

 

[malak_alroo7]

ام فروووحه
هلا والله و غلا .. اكييييد فقدناااج وايد ..
ما تشوفون شر ان شاء الله و خلى بالج على فروووحه الحلوه ..
نوره تطلع صوت بعد احسها تشخر فديت روحها .. و دايما يعطونى قطرات اللي هي ماي و ملح
انا شاريه بابونج شاي ميلوبا بس اهلى يقولون هذا ما يسوي شى عاد ما قمت اعطيها لا البابونج و لا الاعشاب! بس تدرين ما اعتقد يضر ان شاء الله اسويلها بابونج باجر
ربي يحفظ لح فرووحه و يخليها لكم ان شاءالله و تشوفينها عروسه و تعزمينا عاد لا تنسينا ههههههه


وسومه والله مادري يا قلبي جان زين اقدر افيدج بس اكيد خواتنا حبيباتنا ما بيقصرون

كيت كات
صاجه كل ما نزفه كل ما يعصب اكثر خاصه من ريلي لانه وايد متعلق فيه بس انا لا عادي ازفه يقعد يطالعنى و يطنش
المهم تووووووووووووووووبه ما احطها عالارض بعد

ربي يخلى لكم بيبيااتكم ان شاء الله

 

[منورة الكويتية]

ملكلك جنج عطيتني طاف

 

[nandoshia]

الغيره سبايب ، ديروا بالكم على عيالكم من هالغيره ، انا بنتي الكبيره عمرها سنتين الله يحفظها مبهذله اختها الصغيره تكفخ،تكمش، عض مسكينه تكسر خاطري بالبدايه كنت اهاوشها تالي غيرت السياسه اخليها تساعدني اتييب فوطه والا كلينكس احطها بحضنها وتمسح عليها اقولها تسوي مثلي ونغني لها صرنا اراقوزات حق النتفه بس الحمدلله واااااااايد خفت صارت تحبها وماترضى عليها بس في تحرشات خفيفه من تحت لي تحت واذا صارت عندي ماامسك الصغيره جدامها لأنها تلزق فيني وتقول بقعد بحضنج ماتنلام حياتي من عقب ماكان كلشي لها ياتها شريكه وأمي تقول راح تتعود عليها لأن الوضع يديد.....وانشاالله خير

 

[Miss_Tiger79]

اي والله هالغيره ملعوزتنا عيالي كل اشوي يبون يمسكون بنتي( مناوي)ويشيلونها مثلي
سلامات فروحه وماتشوف شر فروحه
ووسومة عطي بنتج خضار مفيوحه وطحنيها وكل اشوي زيدي وياها عيش وبعديش عدس بس اشوي انا عيالي اعطيهم خضار ويه عيش وعدس اشويه واطحنهم بالخلاط بس اخر السابع اعطيهم وياه دياي مخلوط بالخلاط وياهم واذا بتعطينها لحم الحين اذا فيه هريسة عطيها منها او يريش ترى ايحبونة اليهال
وصاجة نندوشيا عيالي اول شي يكرهونها ولانهم صبيان فيقولي العود انا مو قتلج ابي صبي والحين يخافون عليها حتى من الخدم اذا بيشيلونها يزفزنهم ولا اخليها عند احد ما يرضون
ومنوره هذي بنتج , الله يحفظها لج انشالله ياقلبي والله ( سلم البنات والله)

 

[malak_alroo7]

منووووووووووووووووووووووووووره
منو انا؟؟ هههههههههه يالبي قلبج والله..
ما عطيتج طاف رديت عليج انتى و مس تايقر بالصفحه اللي قبل هذه

 

[malak_alroo7]

ناندوشيا اي زين تسوين خليها تسوي كل شى معاج و تساعدج انتى و بيبيتج .. و التحرشات و السوالف هذه اللي من تحت لى تحت لابد منها ترى ههههههه يختى عليهم صج الله يعينهم.

مس تايقر
صح دايما الصبيان يبون صبي نفسهم و البنات بعد كله يقولون نبي بنوته جنه الشغله راجعه لنا يا قلبي عليهم و على سوالفهم البريئه