تجمع امهاات 2007 خلونا نستفيد من بعض

[أم أحمد كول]

أمهات شلونكم وشلون الحلوين .. انا فكرت ادش كل يوم واكتب يوميات احمد كول وزوزو النوزو كونوزو عشان الموضوع ما يطرش من ايدينا ( انا خابره العريس ما يطرش من ايدينا )


نبدأ مع أحمد كول .. العصب صاير يصرخ ويعصب على أتفه الاسباب واذا عصب لازم يكسر اللى جدامه واااى تعبت معاه ما ادرى شلون اتعامل معاه ؟؟

أما زوزو صايره حنانه .. المسكينه منشوله .. لمن تحن اعصب عليها واقول لها متى تكبرين عشان ارتاح من حنتج

 

[أم أحمد كول]

رفرف :

كل عام وكوكى بألف خير

 

[malak_alroo7]

رفرف
كل عام وكوكى بخير ان شاءالله عقبااااااال مليون سنه
بنااااااااااااااات شخبااركم ان شاء الله تماام


ام احمد .. الله يعينج يا قلبي ترى نونه بعد حدها عصبيه والله مادري شسالفتهم عيالنا علشان اسكتها اقولها بعطيج ككاو ادري غلط بس شسوي تفضحنا بصراخها!

و سلاااامة زوزو حيااتى ما تشوف شر ان شاء الله

 

[حرم الحوت]

عسى ربي يبلقكم فيهم وتشوفونهم معاريس

 

[malak_alroo7]

حبيبتى قطوه تسلميييييييييييييييييين


اوشاال
هممممم ليش سميتها دلال .. الله يسلمج ما حبيت هالاسامي اليديده الصراحه.. فقلت خلنه على الاسامى اللي متعودين عليها و دلال على اخر لحظه اخترته والحمدلله الكل يقولى اسمها حلو

 

[lolo77]

هلا يا امهات شلونكم

والله لكم وحشه صج صج انشغلت
بس شسوي
استغليت هالفرصه ودورت الموضووع

كل عام واحلى اليهال بخير اللي كملوا سنه

انا جودي للحين ما تمشي خوافه خطوتين وتقعد وتققول حق نفسها تاتي تاتي
هههههههه
والاسنان للحين اثنين فوق واثنين تحت وبس
مليت من المرض مسكينه الفتره اللي فاتت كله مريضة والحين بقت النشله ذبحتنا
خشمها متروس ههههههههههه

وصج صايرة وايد وايد تطقنا ،،، تطق الكل اللي تشوفه تطقه
انا وابوها واخوانها وامي وخواتي واخواني الكل

ما ادري شسويلها فشلتني
اقولهم ترى اهي من بعد اصبيان عادي ترى

يقولون اشفيها عدوانية بنتج
؟؟

الله يخليهم لنا يارب

 

[أم أحمد كول]

شلونكم لكم وحشه .. والله اشتقت لكم .. مريت بأحداث عصيبه .. زوزو طاحت من السرير وانكسروا ضروسها والدم مو راضى يوقف يومين وحلجها كله دم ما يوقف وعقبها بيوم أحمد كول طاح على طابوقه وبراطمه انتفخوا وشكله يخرع وما يقدر ياكل حبيبى .. وسلامتكم

 

[رفرف]

أم احمد
ما تشوفون شر وخطاكم السو ..
هاليهال لين يكبرون وانتي بس تعابلين بطيحاتهم وفلعاتهم ..
قبل لما كنا صغار زوارة اهل امي كل زوارة لازم في جريح او 2 وطايرين المستشفى يخيطونهم ..
والحين دور عيالنا اسمالله عليهم اعيال اختي صبيان ذاب قلبها كثر ما تودي فيهم الطبيب يا منشق راس واحد والا الثاني طايح ومصعرر ..



لولو ..
بنتج كسلانة مثل بنتي ما تبي تمشي لي وقفتيها ووخرتي عنها على الرهااااة تتزبر بالارض وتييج حباي ..
والحين تطورت قامت تحبي قبل كانت تتدربح ..
كسل جذيه ما شفت ..
طبعا طافت السنة .. وما مشت .. ولا ناوية تمشي ..
اليوم مودين اليهال مكدونالدز عاد قاعدين بالحديقة وهي قلبها يفرفر تبي تروح تلعب مع اختها بس شسوي فيها ما تمشي ما قدرت تنطلق منحبسة بالعربانة ..


ملاك ..
لا تعطين ككاو يا بنية ..
خلي عند بدائل حلوة وصحية ..
كيك ميني رول - دانيت ككاو او فواكه - بسكوت عادي فيه ككاو بس الغالب بسكوت
بس لا تعطين ككاو على طول ..


باقي البنات اشلونكم وشلون عيالكم ..

سؤال طق ابالي ..
اتفرشون اسنان عيالكم ؟
انا احس صرت ام مهملة ما بديت مع كوكي والحين بتضحكون علي بس والله قمت احس حلجها تطلع فيه ريحة عاد نسيت مادري شلون افرش اسنانها ما تعرف تتمضمض

 

[منورة الكويتية]

هلا والله وغلا بكل البنات
صج لكم وحشه
ملكلك ازيك يابت وازاي نواره واختها دلووووووله وازين البنات بوسيلي اياهم

قطوةة زوجها حبيبتي الله يسلمج ويخليج



لولووووو هلا والله وغلا وحلاة البنات العيارررين ماتبي تمشي بعد وحلاتها والله لاحقه خليها تاخذ راحتها وماتشوف ر بعد قلبي الجو جو مرض هاليومييين


ام احمد كوووول بسم الله على قلوب عيالج ومايشوفوون شرررر واجر وعافيه اقري وسمي عليهم دائما الله الحااافظ


رفرف ياهلا ويامسهلاا
بالنسبه للتفريش انا قبل شهر بديت افرش اسنان نوره يوم اي وعشره لاا لوووووووول

 

[أم أحمد كول]

رفرف , منوره ..حبيايبى الشر ما اييكم وتسلمون يا قلبى .

بالنسبى للفرشاة والاسنان بديت مع أحمد من كان عمره سنه و9 اشهر تقريبا وكنت خابه عمرى بس يننى ما يعرف يتمضمض وياكل المعجون :dddds:

 

[malak_alroo7]

بنااااااااااااااااااااااااااااااااااااااااااااااااااااااااااات


شلونكم؟

 

[malak_alroo7]

تعالو صج يبتلى خدامه من اندونيسيا
تدرون الحبيبه شنو سوت؟

قاطه بجامة بنتى و لا مو اي بجامه .. هذه اختى يابتها هديه حق نونو من الامارات و البجامه كانت تهبل عجييييييبه

طبعا لما سالتها عنها اول مره.. قالت ماتدري وينها واللي يقهر انها كانت تدورها معاي تخيلوا

واااااااي صج عاله قلبي

 

[pink]

أهليييييين بنات .. شلووونكم ؟؟؟ لكم وحشة كبيييييرة ..

أدري إني مقصررررة فسامحووووني ..


شلوووون الأمامير دفعة بنتي إن شالله بخير ..

سوسو حبيبتي من مرض لثاني ما تخلص و ما نخلص معاها ..

حتى بعيد ميلادها كانت حبيبتي منتشلة و مبين بالتصوير و آنا

كل ساعة سادحتها و منظفة خشمها .. الله يستر لما تكبر و

ما تقول عني إني أم قاسية القلب


ملوكة .. حبيبتي شلونج و شلون نونو و دلالي الله يخليهم لج إن شالله .. و على
الخدامات خذيّ و خليّ ماراح تخلصين من سوالفهم الله يعينج مالج غير الصبر ..


أم أحمد .. ما يشوفون شر اليهال و الله يحفظهم إن شالله ..


منورة .. حبيبتي ما بشرتينا ها فزتي بالتصويط ؟؟؟ و شلون نونو و شنو آخر سوالفها ؟؟؟


رفرف .. شلون الأميرات صبوية و كوكي؟ و شلونج حبيبتي معاهم و شلون النوم؟ ليلحين
تعانين و اللا الأوضاع مستتبة ؟؟؟


lolo .. شلونج حبيبتي ؟؟؟ و يسلم جودي العنيفة بس ترى ماله علاقة قبل صبيان و اللا
بعد آنا بنتي بجر و هم عنيفة و شرّية و بنفس الوقت حنونة يعني إذا طقتج على طول تعطيج
حبة تعويض .. صج بنات .. و على المشي ترى جك بم و اللا اهي تمشي إنتي أدرى عندج
يهال ماني متفلسفة


Miss_Tiger79 .. شلونج وشلون مناوي ؟؟؟ إن شالله بخير


و باقي البنات قطوة زوجها .. أوشال .. keeka .. أمواج البحر .. أم حيدر .. نونو .. و الكل شلونكم ؟؟؟

 

[رفرف]

هلا بنوكة شلونج ؟
وشلون رفيجة بنتي ؟؟


انا .. ليلحين اعاني ولي بعد
بناتي اهمه طبعهم جذي يوم ينامون وعشرة لا ويتفززون وايد حتى الكبيرة ..
عادي تعودنا ...


باركولي ..
كوكي اخييييييييييييييييرا اقتنعت تمشي ..
صارلها شهر توقف وتتوازن وتصفق وما تبي تمشي ولا تبي تحاول ..
امس غصب غصب قررت تمشي ..
بنكت نووووووووووووووووون

 

[malak_alroo7]

هلااااااااااا و غلا بنوكه
انا بخير يا عمري و البناات بعد تماام .. دلالى في حظنى و قاعده تحن مادري اشتبي حيل حناانه هاعيااره
و الف سلاامه على سوسو حيااتى ما تشوف شر هالنشله صج مزعجه بنااتى بعد مرضى و بس يعاطسوون

و صاجه والله يبيلى اصبر على كماري بس شسوي ساعات صج ترفع الضغط اليوم الله لا يوريج العيش كله زعفران حتى ريلي لاعت جبده و ما اكل !!
جم مره اقولها لا تحطين وايد و اوريها بس ماكو فايده
و قريت اللي كاتبته عن سوسو في موضوع سوالف اليهال .. صج صج لووووووووووووووووووووووووول امبيييييه قويه حلاته والله اسم الله عليها .. ترى نونه جذي سوالفها بعد


رفرف
مبرووووووووووووووووووك حبيبتى الف مبروووووووووووووك يا حلو البناات والله
اما سالفة باااع حبه هذه ضحكت عليها ضحك ههههههههههههههههه جلم قلبه والله

 

[lolo77]

السلام عليكم
شلونكم امهات وشخباركم

ام احمد ما يشوفون شر اعيالج وبشرينا عن زوزو شلون انكسر انكسر ضرسها


وحمود انشالله بخير ؟؟ خطاكم السوووووووووووووووووو


رفرف وكل البنات
ابشركم

جوووووووووووووووووودي قامت تمشي
ومثل ما قلتي بنك فجأه مشت مع انها كانت توقف وبعدين تقعد وتحبي

الظاهر كانت توازن نفسها

والحمدلله والاهل ناطرين النون قتلهم لمن تمشي عدل اسويلكم
يقولون خلاص المهم قامت تمشي

انشالله هالاسبوع او اللي وراه للحين ما رحت وشريت


بنات والله لكم وحشه كلكم

اخيرا حسينا الموضوع في حياة

هههههههههههههههه

 

[أم حيدر]

السلام عليكمممممممممممممممممممممممم
شلونكم كلللللللللكم والله زماااااان

عندي كلام واااااااايد من وين ابدى

اول شي انا صارلي شهر والده - ولدت قيصري بالمواساة وسميت ولدي حسين

حيدر عمره سنه و8 شهور وناوية ادخله حضانه بس كاسر خاطري احسه صغير - شجعوني الله يخليكم شهر 9 بيصير عمره سنتين وشهرين واخذته امس حضانة انجلش بلاي قروب عشان نشوف الحضانه انطلق مع اليهال واستانس

ما اجذب عليكم زهقان وايد من قعدة البيت فترة النفاس اللي قعدتها بالبيت قاعده واراقب تصرفاته مسكين يبي يلعب ومحكور بالشقه24 ساعة

شتشورون علي؟

 

[رفرف]

لولو

مبروووووووووك حلات البنات اللي يمشون ..
اقول انتي ليلحين اترضعينها ؟
لأني لما وديت بنتي اخر مرة حق د.ريم قنواتي كانت ما تمشي عاد قالتلي اليهال اللي يرضعون طبيعي يتأخرون شوي بالمشي لأن الصناعي فيه كالسيوم اكثر .. فعلشان توازنين لازم تعرضينها للشمس ..
بس خلاص ماراح تفيدج المعلومة لأنها مشت يحليلها مشت مع كوكي ..
انا بعد بشتري نون باجر انشالله حق زوارة اهلي يوم اليمعة وزوارة اهل ريلي السبت ..


ام حيدر
الف الحمدلله على سلامتج ومبروك عليكم حسين
يتربى بعزكم انشالله ..
انا اقول نطري لي شهر 9 ودخلي دوري الحضانة ..
شوفي اول شي يتسنع نومه وانتي ترتاحيييييييييييييين وتفضين حق روحج وحق اخوه اذا تنومينه مبجر 7 ويروح الحضانة تلقينه نم يصير المغرب دايخ وينام عدل ..
ويستفيد .. ويستانس يلعب مع يهال بعمره ..
بس اهوه اول وتالي بيكسر خاطرج انا كنت اودي بنتي ولي بجت اخليها وامشي اقعد بالسيارة ابجيييييييييييييييييييييييي لين يطيب خاطري تالي احرك اروح الدوام قلبي ما يطاوعني بس والله احسن له ولج ..


ملوكة
شلونج وشلون البنات الحلوات ؟

 

[Miss_Tiger79]

هلا بنات شخباركم

مبروك ام حيدر ماياج ويتربى بعزكم

ومبروكين رفرف على مشي كوكي

والله انا حايسه ما عندي خدامة وولدي العود عقنقز وحالتي حاله

 

[keeka]

اهلا اهلا من زمان عنكم عساكم بخير والله انا جوجي حبيبي عقنقز وحالتها حاله كل مكاااان حتى بحلجها وراسها ماكلها اكال تكسر الخاطر وصايره عسره وبس تحن وماتبي احد كلش الا انا ولازقه لزقه الله يحفظها
واخيييرا رفرف رفيجت جناني مشت حلاته والله يالله نون نون انا جنون من كتينا النون واهي تستغرب الناس كلمن يقولي شافت روحها علينا خخخخ سلم قلبهم والله
لولو بعد مبروك المشيه وام حيدر الف الحمدلله على سلامتج انا توصلني اخبارج من اختي
والباجي جميعا ازيكم