تجمع الي ولادتهم بالرمضان

[زينانه]

انا باذن الله بالراشد وباجر انشالله عندي مراجعه
وبشوف شتقول الدكتوره

 

[rema911]

انا باذن الله بالراشد وباجر انشالله عندي مراجعه
وبشوف شتقول الدكتوره

انا انشاللة مراجعتي يوم الخميس عند معصومة في الشفا

 

[rema911]

تصدقون للحين ما شريت المشد و ما ادري اي نوعية اشتري؟؟

 

[Om-3zooz]

و الله انا ضايق خلقي الدكتور قالي لا تصومين و انا حدي مستانسة كنت عبالي بصوم نص رمضان علالاقل

 

[زينانه]

تصدقون للحين ما شريت المشد و ما ادري اي نوعية اشتري؟؟

معصومه الرضي؟؟؟؟؟؟؟؟؟؟ تكفين شلون نفسيتها وسمعتها؟ زينه؟
شوفي انا شريت حزام من الصيدليه لونه ابيض لكن خفيف ومكتوب عليه للعمليات الجراحيه
نصحني فيه الصيدلي
مع ان ولاداتي الحمدلله طبيعي لكن قال هذا احلا واحد.

 

[زينانه]

و الله انا ضايق خلقي الدكتور قالي لا تصومين و انا حدي مستانسة كنت عبالي بصوم نص رمضان علالاقل

حبيبتي نصيحتي صومي.....اذا البيبي وزنه زين وانتي زينه
.... والله الصيام مايتعوض مع الناس بهالشهر الفضيل
الحمدلله البيبي ياخذ حقه من الفطور وعقب الفطور والسحور والفيتامينات... يعني متغذي متغذي
واتركي عنج حجي الاطباء........دام الطفل زين وانتي زينه لاتفطرين
ذكرتيني برفيجتي دكتورتها قالت لها مابي صيام وفعلا فطرت طول الشهر
ولما ولدت تحسفت...تقول البيبي كان زين شكو فطرت صج انا غبيه.

 

[rema911]

و الله انا ضايق خلقي الدكتور قالي لا تصومين و انا حدي مستانسة كنت عبالي بصوم نص رمضان علالاقل

ليش قالتلك لا تصومين في سبب معين؟
اذا ما فيج دوخة او تعب صومي

معصومه الرضي؟؟؟؟؟؟؟؟؟؟ تكفين شلون نفسيتها وسمعتها؟ زينه؟
شوفي انا شريت حزام من الصيدليه لونه ابيض لكن خفيف ومكتوب عليه للعمليات الجراحيه
نصحني فيه الصيدلي
مع ان ولاداتي الحمدلله طبيعي لكن قال هذا احلا واحد.

انا يوم الخميس راح تكون مراجعتي الثانية عندها صراحة ارتحتلها لاني لما سالتها ممكن اولد طبعي طمنتني وقالت انشالة في مجال كبير . بس باقي الاطبة قالولي ما ندري على حسب وزن البيبي و نشوف العملية تتحمل ضغط البيبي --------الخ انا اعرف بنات وايد اولدو عملية اول مرة و ثانية طبيعي يعني عادي
للة يرزقني والجميع انشاللة بالولادة السهلة يارب

 

[Om-3zooz]

قالي افطر لأني وزن البيبي صغير و انا ما باقي شي على ولادتي

 

[@حور@]

انا اول ولاده كانت قيصريه لان راسها كان فوق

لكن الولاده الثانيه الحمدلله طبيعي يالي الطلق وكل شي طبيعي

التوفيق من الله للجميع يارب

 

[جاردينيا_2000]

انا بعد قالتلي ماتصومين علشان وزن البيبي صغير ..وبعد علشان فيني التهابات لازم اشرب ماي وايد ..
بس قتلها راح اصوم ..توه الناس على ولاتي يمكن اخر رمضان او نصه ..قالت كيفج ..بس اذا حسيتي بعوار من الالتهابات فطري او حركه البيبي موطبيعيه ..على الله
انا ابي اشتري شورتات او بنطرونات البسها تحت الملابس ..امي اتقول لازم اشتريهم علشان ما يدخلي هوى ..من وين اشتري احسن نوعيه

 

[زينانه]

انا بعد قالتلي ماتصومين علشان وزن البيبي صغير ..وبعد علشان فيني التهابات لازم اشرب ماي وايد ..
بس قتلها راح اصوم ..توه الناس على ولاتي يمكن اخر رمضان او نصه ..قالت كيفج ..بس اذا حسيتي بعوار من الالتهابات فطري او حركه البيبي موطبيعيه ..على الله
انا ابي اشتري شورتات او بنطرونات البسها تحت الملابس ..امي اتقول لازم اشتريهم علشان ما يدخلي هوى ..من وين اشتري احسن نوعيه

الله يهون عليج ويحفظ لج جنينج وتشوفينه بين ايدج مثل القمر...
اي لازم تشترين بناطيل وبجايم قطن طوال مو شورتات حق النفاس ودلاغات
عشان الهوا اذا دش بالوحده حزت النفاس مصيبه ...........ديري بالج واي استفسار انا حاضره خبره

 

[rema911]

انا اذكر بحمالتي الاولى قالولي ان حجم البيبي صغير و نصحنتي وحدة من صديقاتي اني اكل كورنفلكس ابو نمر الي فية شكر و الحمدللة زاد وزن البيبي

 

[F@ntG Q@t]

الله يعينكم انا السنة الي طافت دخلت شهري برمضان و ولدت اخر يوم رمضان وباقي 3 ساعات على العيد كانت احلى مناسبة واول ولد وكتبت على الكاكاو سبقنا العيد بالفرحة . ولانه ملجتي كانت قبل العيد الاضحي الي قبله عمي كان كاتب على الظرف الي في مهري سبقنا العيد بالفرحة

 

[جاردينيا_2000]

وناسه ..ابي جذي ..اتكون ولاتي ..صايمه رمضان ..وانطر العيد ..وتكون الفرحه فرحتين
انا خايفه اوليد هذي الايام ..فجهت ملابس بنتي ..ملابس القرقيعان مع اكسواراته في علاقه واملبسته جيس وكاتبه عليه ملابس القرقيعان _ وملابس المدرسه وشباصاته ودلاقاته ودابسته مع الملابس وملبسته جيس وكاتبه عليه ملابس المدرسه وجهزت جنطته وحتى دفاترهه حتى الطوابع حاطته وكتبت عليهم اسم الماده ..- وملابس العيد بعد املبسته جيس ودابسه وياه اكسوارات العيد وشباصاته وحتى جواتيهه ..وبجايمها وملابس الداخليه ..كل شي امغلف وجاهز ..بالكبت ..مادري راح اولد الحين او بالعيد مادري ..اهم شي بنتي مابي اتكون ناقصه ..وايد احاتيها
اما انا فمثل ماقلت ناقصني بنطرونات قطن ..وقفاش حق الشاي ابيهم اكرستال ..والله المستعان

 

[[..كـــــرك..]]

بقولكم شي لاتضحكون علي انا توني بنت رحت الصيدليه ابي شي يشد البطن قالولي يهبل مع انه عندي كريشه خفيفه المهم رحت وشريت مال العمليات الجراحيه خخخخخخخخخخخخخخ


وعن الفشله قال لي الصيدلي حقج؟ قلت لا حق اختي خخخخخخخخخخخخخخ

 

[Brounzi_girlly]

الله يهون عليكم جميعا الفال لنا إحنا عقبكم إن شاء الله
مع التحية....................

 

[أم ملاك]

اشلونكم رفيقات دربي ؟؟؟

مبارك عليكم الشهر ...

انا المفروض باجر موعد ولادتي 4-9 للحين ماكو شي قاعده امشي ... والدكتورة افحصتني المراجعه اللي طافت ماكو دلالات على الولاده عطتني موعد مراجعه بعد اسبوع الاثنين الياي ما يندرى شيصير ...

الظاهر مو عاجبه الجو ما يبي يرطب .. من الرطوبة

بس الزين اني قاعده اصوم عشان اقلل من الايام اللي راح افطرهم ..

الله يسهل على الجميع ان شاء الله

 

[جاردينيا_2000]

متى تفحص الدكتوره ؟ في اخر موعد لج وله اول ماتدخلين شهرج ؟ تراني ناسيه 8 سنوات مو اشوبه

 

[أم ملاك]

هلا جاردينيا المفروض مو اول ما تدخلين التاسع لان ممكن الفحص يخليج تولدين مبجر ... يعني بعد اول اسبوعين من التاسع ...

 

[modimum]