تجمع الي ولادتهم بالرمضان

[أم ملاك]

هلا حبيبتي بالنسبة لناهده فعلا على شهر 6 ماكانت موجودة وكل المواعيد تاجلت حق شهر 7 بس الحين ولله الحمد موجوده ومراجعتها ماشية ما شاء الله .. بس الظاهر كان عندها ظروف بني آدم معذورة ..

1-خلصتي تجهيز حق النفاس؟

النفاس اذا قصدج الادوية لا ماجهزت انطر امي تطلع من العدة .. جريب وبس مادري اخاف ناسيه شي ذكروني ..


2-زهبتي جنطة المستشفى وشنو حطيتي فيها؟

انا اليوم بس بديت احط الاغراض بالجنطه باقي شغلات بسيطه شوي ..

حطيت فوط لي وحق البيبي ملابس داخلية لنا الاثنين وحشوات الصدر واللفات وبيجامتين لي و3 نفانيف لي ياني احد مع السليبر وجيس البيبي مع لفته .. هذول اللي اذكرهم الحين ..


3-من وين شريتي اغراض البيبي؟

اغلبهم من لاند مارك ونكست .. مذكير كير بسرعه يختربون مع الغسيل هونت عنهم ..


4-من وين شريتي ملابس النفاس؟

من الجنوبي ايفوري ..




شريتي مشد مال الولادة ؟اي نوعية ؟ومن وين ؟ و متى ناوية تلبسينها انشاء الله بعد الولادة؟

شريت من انور مثل السليب بس يغطي البطن يتوسع ويتضيج بس شكلي باخذ شورت بعد يمدحونه من الرياضي ..

وناوية البسه بعد عاشر يوم .. يمكن..


ابي اسالكم وين احصل شفاطه الحليب الاتوماتيك مو اليدوي و جهاز التعقيم مال المميات ؟؟

 

[TWEETY]

مرحبا بالفاطرات ......لوووووووووووووووووووووووووووووول
أنا ولادتي بإذن الله بآخر رمضان.....أول مرة !!!!
اذا الله قدر اني اولد بالشفا....عند دلال السالم....
جهزت ملابسي وملابس البيبي من سرداب عيد النصار....والباقي قبل رمضان باسبوع بخلصها ..بإذن الله...الله يهون عن الجميع ويسهل ولادتهم....

 

[* ورود *]

الله يسهل عليكم وعلينا ان شالله

 

[semaasem]

ام ملاك شفاطة الحليب تلقينها بالصيدلية وفي انواع سئلي الصيدلي عن احسن نوع اما جهاز التعقيم انا خذيته من سنتربوينت لاند مارك خذيت بيجون لاني مجربتها من قبل واحب منتجاتهم وطبعا في انواع وايد تلقينهم في بسنتربوينت وفي بلاند مارك

بنات انا ليلحين ماخذيت أدوية النفاس من حسو ولهوم سألت جم وحدة بغيت اخذ منهم بس خالتي تقول ماعليج منهم شدعوة هالاسعار ومايندرى عن شغلهم زين ولا موزين مدحت لي حسو معجزة الشفاء مال العسل تعرفونه؟ مافي وحدة مجربته؟ شرايكم بنات من وين أخذ؟
اي وعندي سؤال ثاني بعد.. يوم رحت حواي الشامية مدح لي شغلة اول مرة اسمع فيها بس شريتها لاني قريت عنها هني اسمها كبو النفاس مادري هو مثل القوطي مسكر مافتحته بس قالي ان الوالدة تتبخر فيه اول ثلاثة ايام عاد انا كل شي يقولون لي عنه اخذه مادري في احد عنده فكره عنه؟ مجربينه؟
اي وبسألكم يصير اشرب دارسين الحين ولا لازم وقت الطلق اخذه ودي اولد مافي اي بوادر يارب تسهل علينا ونولد بالسلامة ادري دوختكم باسئلتي بس ماعليه تحملوني حبيباتي رفيقات دربي والله يسهل عالجميع انشالله

 

[semaasem]

سوري ام ملاك اقصد في بلاند مارك اللي هو سنتربوينت وفي بمذركير مو مني مادري شفيني داير راسي

 

[حور78]

مرحبا حبايبي الحوامل أنا قيصريه وولادتي أن شاء الله في 8\9 وهذي أول مره أولد برمضان والله يعينا على الصيام بروحنا والميزه الوحيده في نفاس رمضان أن الكل سهران وياج وبيشيل عنج تعب السهر مع البيبي شويه وناويه أولد بدار الشفا مراجعاتي عند دكتور حسام كامل يهبلللل الله يقومنا كلنا بالسلامه وكل رمضان وأنتو بألف خير

 

[جاردينيا_2000]

شنو اخذ حق البيبي حق المستشفى ..قولولي بالتفصيل ..انا ناسيا من عمر بنتي 8 سنوات والله نسيت

 

[YaraQ8]

انا اخر موعد ولاده يوم 30-9 .... بس فتح بطن لأن البيبي للحين راسه فوق.. فأحتمال على تاريخ 15 اسوي العمليه .. اول مره ولادتي في رمضان و ضايق خلقي اني ماراح اقدر اصوم ولا اتعبد و بطوفني هالفرصه ... انشالله ناهده العلي و المستشفى يمكن الهادي

 

[om alzain]

الله يهون عليكم

انا ولادتي 22-9 ان شاء الله بدار الشفا عند دلال السالم

بسألج تويتي مجربة ولادة دلال السالم؟ انا اول مره اراجع عندها

ادعولي الله يسهل ولادتي

 

[زينانه]

انا اخر موعد ولاده يوم 30-9 .... بس فتح بطن لأن البيبي للحين راسه فوق.. فأحتمال على تاريخ 15 اسوي العمليه .. اول مره ولادتي في رمضان و ضايق خلقي اني ماراح اقدر اصوم ولا اتعبد و بطوفني هالفرصه ... انشالله ناهده العلي و المستشفى يمكن الهادي

لا انشالله ليش عمليه
انشالله مني لاخر شهر 9 يفتر البيبي
كثري المشي...او روحي للدكاتره اللي يفروون الياهل
في شاطرين بهالسوالف

 

[YaraQ8]

زينانه انا هذا ثاني بيبي و حتى الأول ما قلب و سويت عمليه ... انشالله يقلب بشوف بسأل عن هالدكاتره.. لأن اذا هذا بعد عمليه خلاص لازم الباجي كلهم عمليه

 

[زينانه]

الله يهون عليج بالسلامه

 

[rema911]

زينانه انا هذا ثاني بيبي و حتى الأول ما قلب و سويت عمليه ... انشالله يقلب بشوف بسأل عن هالدكاتره.. لأن اذا هذا بعد عمليه خلاص لازم الباجي كلهم عمليه

هلا حبيبتي اني نفسي اول واحد عملية لان راس فوق
حاولي شوفين كذا طبيب وادعي لله ان يفتر
مرة سالت الطبيب اذا في تمارين تساعد على ان ياهل يفتر قال حاولي في صلاتج انج تطولين بسجود شوي

يارب ان الياهل يفتر ويصير راسة تحت وللة يهون عليج ويرزقج ويرزقني بالولادة الطبيعية يارب
تكفون ادعونا انا نولد طبيعي

 

[rema911]

سؤال اليوم شنو برنامجك للعناية الشخصية بعد الولادة اشاء اللة ؟يعني كريمات, خلطات تفتيح----------الخ

 

[Yasmin]

بنات انا ليلحين ماخذيت أدوية النفاس من حسو ولهوم سألت جم وحدة بغيت اخذ منهم بس خالتي تقول ماعليج منهم شدعوة هالاسعار ومايندرى عن شغلهم زين ولا موزين مدحت لي حسو معجزة الشفاء مال العسل تعرفونه؟ مافي وحدة مجربته؟ شرايكم بنات من وين أخذ؟
اي وعندي سؤال ثاني بعد.. يوم رحت حواي الشامية مدح لي شغلة اول مرة اسمع فيها بس شريتها لاني قريت عنها هني اسمها كبو النفاس مادري هو مثل القوطي مسكر مافتحته بس قالي ان الوالدة تتبخر فيه اول ثلاثة ايام عاد انا كل شي يقولون لي عنه اخذه مادري في احد عنده فكره عنه؟ مجربينه؟
اي وبسألكم يصير اشرب دارسين الحين ولا لازم وقت الطلق اخذه ودي اولد مافي اي بوادر يارب تسهل علينا ونولد بالسلامة ادري دوختكم باسئلتي بس ماعليه تحملوني حبيباتي رفيقات دربي والله يسهل عالجميع انشالله

والله مادري عن حسو معجزة الشفاء وما اعرف احد مستخدمه

انا خذيت الكورس من خبيره اعشاب بالمنتدى معانا... اشوف الكل يمدحها

والكبو انا قريت عنه "طبعا انا مو مجربه ولا شي لانه هذي اول ولاده لي " بس سمعت وقريت اذا تبين تستخدمينه باخر النفاس لما تنظفين,,, لانه ممكن اذا تبخرتي فيه وانتي ما نظفتي ايمع الدم ويسوي كتل وما تنظفين عدل >>> هذا اللي قريته وسمعته

وشرب الدارسين هم سمعت تاخذينه لما يبدى الطلق,,, في بنات ياخذونه من يدشون شهرهم

مرحبا حبايبي الحوامل أنا قيصريه وولادتي أن شاء الله في 8\9 وهذي أول مره أولد برمضان والله يعينا على الصيام بروحنا والميزه الوحيده في نفاس رمضان أن الكل سهران وياج وبيشيل عنج تعب السهر مع البيبي شويه وناويه أولد بدار الشفا مراجعاتي عند دكتور حسام كامل يهبلللل الله يقومنا كلنا بالسلامه وكل رمضان وأنتو بألف خير

الله يسهل عليج ان شاءالله :tek:

شنو اخذ حق البيبي حق المستشفى ..قولولي بالتفصيل ..انا ناسيا من عمر بنتي 8 سنوات والله نسيت

انا حطيت بجنطة البيبي فوطه كبيره,,, جم فوطه وسط,,, مهادات,,, بجامات,,, جم كبوس وجم دس,,,

امممم هذا اللي اتذكره,,, وحطيت كل طقم بجيس بروحه,,, عشان بس نعطي السسترات الجيس ويكون كامل بدال لا نطلع شغله شغله

انا اخر موعد ولاده يوم 30-9 .... بس فتح بطن لأن البيبي للحين راسه فوق.. فأحتمال على تاريخ 15 اسوي العمليه .. اول مره ولادتي في رمضان و ضايق خلقي اني ماراح اقدر اصوم ولا اتعبد و بطوفني هالفرصه ... انشالله ناهده العلي و المستشفى يمكن الهادي

ان شاءاله تتسهل هالولاده والبيبي يفتر,,, عليج بالدعاء ويقولون السجود والحبي يساعد

الله يهون عليكم

انا ولادتي 22-9 ان شاء الله بدار الشفا عند دلال السالم

بسألج تويتي مجربة ولادة دلال السالم؟ انا اول مره اراجع عندها

ادعولي الله يسهل ولادتي

الله يسهل ولادتج وولادة كل حامل يارب

تكفون ادعونا انا نولد طبيعي

امييييييييين يارب تتسهل علينا كلنا ونولد طبيعي

سؤال اليوم شنو برنامجك للعناية الشخصية بعد الولادة اشاء اللة ؟يعني كريمات, خلطات تفتيح----------الخ

امممم, ماردري ماكو شي معين

اخر النفاس ببلش بهالشي

وقبل عنايتي الاسبوعيه العاديه مثل قبل,,, مره بلاسبوع سنفره للجسم وللويه مع ماسك

 

[صووصه]

سؤال اليوم شنو برنامجك للعناية الشخصية بعد الولادة اشاء اللة ؟يعني كريمات, خلطات تفتيح----------الخ

انا ابجاوبج على العناية الشخصية نشتغل على الكريمات والخلطات مثل سوالف جلسرين وزيت اللوز وجلسويد وبعدها بروح عند دكتور صالح الجريوي يسوي حق ويهي خلطلة الكرستال وسوالف لاني جربتها قبل وماشالله ويهي طلع يهبل وكريماته حلوة وتبين معاج وغير سوالف السنفره شريت سنفره البابايا من بودي شووب موطبيعيه حلوة مع وانتي بوقت فراغج تفركين ايدج والاماكن اللي تقدرين عليهاا تنعم اما المنطقة الحساسه جربوها حطوا كريم جلسويد الاحمر موطبيعي تحسين كانه يسوي تقشير اول شي بعدين ينعم ويبيض وهاذا اللي فبالي انشالله بسويه والله يسهل عليناا..:dddds:

 

[rema911]

انا ابجاوبج على العناية الشخصية نشتغل على الكريمات والخلطات مثل سوالف جلسرين وزيت اللوز وجلسويد وبعدها بروح عند دكتور صالح الجريوي يسوي حق ويهي خلطلة الكرستال وسوالف لاني جربتها قبل وماشالله ويهي طلع يهبل وكريماته حلوة وتبين معاج وغير سوالف السنفره شريت سنفره البابايا من بودي شووب موطبيعيه حلوة مع وانتي بوقت فراغج تفركين ايدج والاماكن اللي تقدرين عليهاا تنعم اما المنطقة الحساسه جربوها حطوا كريم جلسويد الاحمر موطبيعي تحسين كانه يسوي تقشير اول شي بعدين ينعم ويبيض وهاذا اللي فبالي انشالله بسويه والله يسهل عليناا..:dddds:

حدي محتاجة هذي سوالف

شلون كرستال زين؟ ابي بشرتي ترد صافية

 

[بناتي زينة حياتي]

مرحبا كرووووشااات

برنامجي للعنايه الشخصيه في النفاس ان شاء الله

حاطه لي نوته ومافي خلطه ماامدحوها الا كتبتها وناويه استخدم خلطات

بس اعرف نفسي طبعي ملول ومااكمل عالخلطه

بس هالمره ان شاء الله بلتزم ...

لازم نحط تجمع لنفوسات رمضان للي ولدوا وخلصوا يشجعون بعض عالخلطات خخخخخخخخخخخ

 

[rema911]

مرحبا كرووووشااات

برنامجي للعنايه الشخصيه في النفاس ان شاء الله

حاطه لي نوته ومافي خلطه ماامدحوها الا كتبتها وناويه استخدم خلطات

بس اعرف نفسي طبعي ملول ومااكمل عالخلطه

بس هالمره ان شاء الله بلتزم ...

لازم نحط تجمع لنفوسات رمضان للي ولدوا وخلصوا يشجعون بعض عالخلطات خخخخخخخخخخخ

فكرة حلوة انشاللة نتجمع بالنفاس وسولف مع بعض:dddds:
شنو احسن خلطة تكون جربتها وحستي فادتج ؟؟

 

[^ام العيون السود^]

فكرة حلوة انشاللة نتجمع بالنفاس وسولف مع بعض:dddds:
شنو احسن خلطة تكون جربتها وحستي فادتج ؟؟

حماتي استخدمت زيت اللوز حق المنطقه الحساسه وجسمها كله يعني كل يوم بليل قبل لا تنام تدهن جسمها والله صارت بيضا حيل فرق كبير وينعم
انشالله ناويه استخدمه