** تجمع الي مسوين جراحة الفك**

[morningtulips]

عادي ممكن اسنانج جذورها طويله ومن النوع اللي صعب تتحرك


شكثر صارلج ؟؟


لانه حالات الخلع تحتاج سنه ونص تقريبا وفيه حالات تستمر الى سنتين




بالنسبه للدعامه


انني خشمج نازل ؟؟


يمكن يبي يحطها لج علشان يرفع خشمج >> يحسن شكله من الناحيه الجماليه

هلا وغلا....كيفك اسراء؟؟؟؟ كف شكلك الان؟:rerrerek:

عرفتيني؟ انا مرا كلمتك ع الواتس وارسلتلك صوري

 

[شتآآت]

مرحبا صبايا

بغيت أسال عن عمليه الفك يعطون اجازه عليها؟

وهل ممكن جهة عملي ترفضها لأنها مش عمليه ضروريه مره؟

كم بالعاده تكون مدة الإجازه؟

 

[Esraa.a]

مرحبا صبايا

بغيت أسال عن عمليه الفك يعطون اجازه عليها؟

وهل ممكن جهة عملي ترفضها لأنها مش عمليه ضروريه مره؟

كم بالعاده تكون مدة الإجازه؟

اييي اكييييد لها اجازه .. مو اقل من اسبوعين >> يعتمد الدكتور شكثر كاتب لج




و مستحيل العمل يرفض .. لانها اجازه معتمده


لكن قوانين الاجازات المرضيه تختلف باختلاف مكان العمل .. اذا حكومي او خاص




احنا عندنا القانون بالكويت اذا السالفه فيها دخووول مستشفى (عمليه جراحيه)
يحق لج خلال السنه تاخذين 40 يوم اجازه مرضيه مع راتب كامل وما نتحسب ضمن مرضياتج (طبياتج ) اللي هي في العاده 15 يوم بالسنه


طبعا يعتمد عالادارة والمدير ومدى تعاونهم .. اذا نوعهم غير متعاونين ممكن يحولونج مجلس طبي يتأكدون بمدى أحقيتج لل 40 يوم


طبعا بالنسبه لجراحه الفك تستحقون 40 يوم وبجداره
لانه من الآثار الجانبيه اللي تتبع العمليه صعوبة الكلام
والعمل طبعا بحاجه للنطق السليم خصوصا بوظائف خدمة العملاء




الآثار الجانبيه وتفاصيل العمليه تنكنب كلها بالتقرير الطبي

 

[Esraa.a]

هلا وغلا....كيفك اسراء؟؟؟؟ كف شكلك الان؟:rerrerek:

عرفتيني؟ انا مرا كلمتك ع الواتس وارسلتلك صوري

اااااااااه لو تدرين كم وحده تكلمني بخصوص جراحة الفك هههههههههههههههههه


حاليا مو ذاكره بصراحه .. يمكن اذا كلمتج اذكرج




انا الحمدلله شكلي تماام التماام وراضيه عنه بفضل الله

 

[الاخصائية امون]

السلام عليكم
كيف حالكم ؟
بقولكم اخباري حطيت التقويم من ثلاث شهور واليوم قالي الدكتور خلاص بحولك على الجراح ونحط لك الهوكسيز
بس عندي مشكله انا اخر ترم لي دراسه وعندي بحث بسالكم كم يبيلي واكمل حياتي طبيعي ودراستي ؟ لاني ما ابي على اخر ترم اخربها

 

[Esraa.a]

السلام عليكم
كيف حالكم ؟
بقولكم اخباري حطيت التقويم من ثلاث شهور واليوم قالي الدكتور خلاص بحولك على الجراح ونحط لك الهوكسيز
بس عندي مشكله انا اخر ترم لي دراسه وعندي بحث بسالكم كم يبيلي واكمل حياتي طبيعي ودراستي ؟ لاني ما ابي على اخر ترم اخربها

بعد شهر تقدرين تمارسين حياتج بشكل طبيعي بوجود بعض المشاكل البسيطه من انتفاخات وصعوبة الاكل وغيرها


لكن هالامور لا يمكن تمنعج او تسبب لج عائق دراسيا




الله يوفقج ان شاء الله ويكتب لج اللي فيه الخير




ولا تنسين تطمنينا عليج اول بأول

 

[الاخصائية امون]

كويس ان شاءالله مايأثر الشهر
ان شاءالله بس تتحدد العملية ابلغكم
شكراً لكِ

 

[morningtulips]

انا ابي اسوي العمليه نهاية السنه عشان طول الصيف ارتاح وبعدها ارجع للدوام....يارب يسرها والله اني خايفه من العمليه والتكاليف والاهمممممم كيف يطلع شكلي مرااااااا خايفه


اسراء انا الي صوري تخرع ههههههههههههه

الي انتي قلتيلي انتي مسويه تجميل بخشمك وقلتلك ايه..عرفتيني
انتي قلتي ماتحتاجين كثير وحالتك ماتستدعي..ههههههه صراحه ما الومك ماشاءالله عليك

 

[تفرقنا السنين !]

السلام عليكم
يعطيكم العافيه بنات مرره استفدنا من تجاربكم ..


انا لي شهرين من سويت العمليه ..

الخشم متى يرجع لوضعه الطبيعي ؟
ومتى اقدر آكل ؟

 

[Esraa.a]

كويس ان شاءالله مايأثر الشهر
ان شاءالله بس تتحدد العملية ابلغكم
شكراً لكِ

على خير ان شاء الله

 

[Esraa.a]

انا ابي اسوي العمليه نهاية السنه عشان طول الصيف ارتاح وبعدها ارجع للدوام....يارب يسرها والله اني خايفه من العمليه والتكاليف والاهمممممم كيف يطلع شكلي مرااااااا خايفه


اسراء انا الي صوري تخرع ههههههههههههه

الي انتي قلتيلي انتي مسويه تجميل بخشمك وقلتلك ايه..عرفتيني
انتي قلتي ماتحتاجين كثير وحالتك ماتستدعي..ههههههه صراحه ما الومك ماشاءالله عليك

ههههههههههههههههههههههههه ايييي تذكرتج

 

[Esraa.a]

السلام عليكم
يعطيكم العافيه بنات مرره استفدنا من تجاربكم ..


انا لي شهرين من سويت العمليه ..

الخشم متى يرجع لوضعه الطبيعي ؟
ومتى اقدر آكل ؟

الحمدلله على سلامتج


ياليت تذكرين تحربتج بتفاصيلها علشان البنات يستفيدون
ونحط اسمج بالقائمه الحديديه معانا






بالنسبه للخشم والله يطول على ما يرجع
انا خلال سنه كل يوم اشوف خشمي شكل .. استقر تقريبا بعد سنه


لكن حطي ببالج انه ما راح يرجع نفس قبل .. لابد فيه اختلاف ولو بسيط




والاكل الطبيعي يرجع من بعد الثلاثة اشهر تقريبا

 

[Esraa.a]

بنات بقولكم عن خشمي



انا خشمي من بعد جراحة الفك فرش .. خصوصا لما اضحك




دكتور هيثم مراد قبل اسبوعين سوالي غرزة خاصه بخشمي علشان ما يفرش لما اضحك
وفعلا ما شاء الله الحين لما اضحك ما يفرش !!




مستغربه ليش مو كل دكاتره الفك يستخدمون هالتكنيك لمرضاهم !!






يعني انا دكتوري اللي سويت عنده عمليتي مالت الفك ما سوالي هالغزره !!




بس فعلا لو يرجع فيني الزمن اعيد جراحتي عند د.هيثم مراد
بنات والله ما ابالغ ممتااااز ممتاااااااز ممتاااااااز ودقيق ما شاء الله بشغله والاحلى من هذا يراعي النواحي الجماليه فيج


يعني اذا الوجه ضعيف ممكن يستخدم لج حشوات تعرض .. واذا الذقن محتاج ممكن يستخدم حشوه
لانه فيه بعض حالات التراجع الشديد .. لو يقدمه الدكتور من العظم نفسه أقصى حد هم يظل متراجع >> نفس حالتي .. هذا غير غرزة الخشم اللي تكلمنا عنها
والشغل أتعب واقول دقيييييق


فيه بعض الدكاتره يختارون الحل الاسهل لهم جراحيا
يراعون مطابقة العضه بس ويهملون النواحي الجماليه الاخرى

مثل حالة رفيجتي كان عندها تقدم بالفك العلوي وتراجع بالفك السفلي


الدكتور قايلها ما نقدر نرجع الفك العلوي لانه ممكن يأثر عالقصبه الهوائيه .. اعتقد انه هذا السبب .. فقدملها الفك السفلي وطابقلها العضه عن طريق تقديم الفك العلوي شي بسييييييط


فصاروا الفكين متقدمين كثير مقارنة بمستوى الجبهه
هالشي ضايقها زياده ..
لانه ما انحلت المشكله .. هي مشكلتها اصلا التقدم بالفك العلوي

لما راحت لدكتور هيثم قالها بإمكاني اني ارجع لج الفك العلوي بس العمليه شوي صعبه و يبيلها شغل دقييق
طلع دكتورها الاول مختار الاحل الاسهل له جراحيا


هي فعلا العضه تطابقت عندها الحمدلله .. لكن بدون مراعاة النواحي الجماليه الاخرى
الفكين تقدموا .. فأعطى ايحاء انه العين غايره
ولما تضحك مخلي الاسنان السفليه والعلويه يبينون .. اهو الصحيح وقت الضحك الاسنان العلوية فقط تبين
والحين قاعده تفكر تعيد العمليه عند دكتور هيثم




طبعا سالفة الاسنان العلوي والسفليه يبينون وقت الضحك .. صارت فيني انا بعد للاسف .. بسبب انه مقاييس الجمال تختلف من دكتور لي دكتور
فيه بعض الدكاتره يقولون انه وقت الضحك لازم جزء من الاسنان السفليه تبين ومنهم دكتور عادل اللي سويت عنده عمليتي الاولى
لكن دكتور هيثم يقول لأ .. لازم بس الاسنان العلويه تبين


وانا مع دكتور هيثم بهالنقطه




حالتي كانت بحاجه ترجيع للفك العلوي وتقديم الفك السفلي
بعمليتي الاولى الدكتور قالي ما نقدر نرجع لج الفك العلوي لانه كنت حاطه تقويم من قبل والمسافات متكسره وحالتي حاله
فعدل لي وضعيية الفك العلوي وقدملي الفك السفلي ٧ ميلي والذقن ٦ ميللي


المهم اللي صار انه وجهي واااايد طال .. صار طويل وضعيف .. وانا ما احب الوجه الطويل
وكان وجهي من تحت مايل جهة اليمين اكثر بسبب الذقن مو مركبينه بمقاسات دقيقه .. بس سكتت و رضيت بالامر الواقع




مع الايام سمعت عن دكتور هيثم
رحت له .. قالي الحل اني اركب لج حشوات تعريض الفك .. والذقن اعدله واقصره لانه كان مايل جهة اليمين بشكل ملحووووظ و هالشي بين بالاشعه عدل وشفته بعييييييني


وسويت عنده العمليه قبل اسبوعين .. الحمدلله


حاليا وجهي عرض بأعطى ايحاء بأنه اقصر .. وعالجنب تحدد وانرسم صار فيه كسره مثل فك العارضات .. انا قبل فكي عالجنب مافيه ملامح


الحين صار مثل هيفاء وهبي بصورتي الرمزيه .. الحمدلله






اللي ابي اوصله .. لو كنت من البدايه مسويتها عند دكتور هيثم
اولا ممكن الخطه تخنلف .. يعني ممكن انه كان يقدر يرجع الفك العلوي !!!! وهالشي اللي انا كنت ابيه لكن الحمدلله على كل حال


نفرض انه ما قدر و انه سوه نفس خطة علاج دكتوري


بهالحاله .. بنفس وقت عمليتي يركبلي حشوات
ماله داعي اسوي عمليه ثانيه علشان الحشوات .. نفس وضعي حاليا .. اضطريت اسوي عمليه ثانيه علشان الحشوات


على فكره بنات مو كل دكاتره الفك يركبون حشوات >> دكتوري الاول ما يركب حشوات




علشان جذي اختيار الدكتور مهم جدااااا .. ما اعيب شغل دكتوري الاول لكن مو كل دكتور شغله بروفشنال


ود.هيثم مراد لو فيه لقب افضل من البروفشنال كان عطيته .. لانه يستحقه وبجدااااره




وموضوع غرز الخشم محد ضبطهم (عندنا بالكويت) الا دكتور هيثم
وحتى الحشوات هو الوحيد اللي يشتغل فيهم >> رحت لاكثر من دكتور بعد عمليتي مالت الفك أسأله عن موضوع الحشوات (علشان احل مشكلة طول الوجه اللي صارت معاي) .. ما يشتغلون فيهم .. والبعض كان متخوف انه يسويها لي لاني اول حاله له. .. مو مسوي هالعمليه من قبل وما يعرف يختار الحشوات .. لانه الاختيار دقيق فيها .. فيه منها انواااااع واشكااااااال كثيره .. كل شكل ممكن يعطيج رسمه مختلفه للوجه فالدكتور لازم يشوف انتي شنو محتاجه بالضبط تبعا لشكل الفك الاساسي


و على فكره دكتور هيثم يستخدم حشوات الميدبور .. والميدبور ميزته يلتئم مع عظم الفك نفسه وبين شكله طبيعي مع الوقت .. كأنه عظم الفك
وممكن يستخدم حشوات السيلكون للي حاب
حشوات السيلكون ممكن تنشال في اي وقت اذا مليتي منها
عكس الميدبور لا يمكن ينشال بعد ما يلتئم مع العظم






المهم انا سعيييييييده جدا بنتايج عمليتي الثانيه اللي سويتها عند دكتور هيثم مراد
مع انه مازال الوجه مورم .. بس مبين انه النتايج حلوه الحمدلله
وسعيده بخشمي بعد .. ما قام يفرش لما اضحك
وسعيده بشكل ذقني الجديدوسعيده انه وجهي قصر
وسعيده اني كتبت تجربتي لكم
وسعيده اني سعيييييييييده هههههههههههههه
حتى هو بعد سعيييد من النتيجه لما شافني اليوم ( اول موعد من بعد العمليه) حيييل عاجبته النتيجه قالي I'm SoOo happy




ممتنه جداااااا جداااااا جدااااااااا لك دكتور هيثم

 

[السعوديه2012ذ]

بالنسبة لأسعار الفك عند البروفيسور زهير حيدر بعيادة صفد انا جايه برمضان الفك الواحد 30 الف والذقن 20 الف
يعني فكين مع ذقن 80 الف ريال هو قايل لي التكلفه والحمدلله انا احتاج الى تقديم ذقن فقط

 

[morningtulips]

اسرااااااااااااااااااااااء الف الف الحمدلله ع السلامه


صراحه فررررررررررررررررررررررررررحت لك....كنت ملاحظه فعلا لما وريتني الصور انك حلويتي بس كان قهر لان وجهك قبل كان دائري وصغير.....


الحمدلله....يصير نشوف اللوك الجديد؟؟؟


تتهني يارب

 

[morningtulips]

بنااااااااااااااااااااات



تجيكم لحظات تقولون.............انا مجنونه؟؟؟ قاعده امشي بطريق انا مو قده؟؟
انا ايش سويت بنفسي عشان اسوي هذا كله



كل فتره والثانيه يجيني هالتفكير عشان العمليه

 

[الاخصائية امون]

اسراء الحمدلله على سلامتك ، وعقبالي ان شاءالله

 

[Esraa.a]

اسرااااااااااااااااااااااء الف الف الحمدلله ع السلامه


صراحه فررررررررررررررررررررررررررحت لك....كنت ملاحظه فعلا لما وريتني الصور انك حلويتي بس كان قهر لان وجهك قبل كان دائري وصغير.....


الحمدلله....يصير نشوف اللوك الجديد؟؟؟


تتهني يارب

بعدعمرررررررري مشكووووووووووره




واللوك الجديد ليلحين ما بانت نتيجته عدل .. لازالت فيه خيوط بفمي ولازالت التورمات والانتفاخات موجوده




لازم تروح علشان يبين انه عظم الفك والذقن محدد ومرسوم

 

[Esraa.a]

اسراء الحمدلله على سلامتك ، وعقبالي ان شاءالله

الله يسلمج حبيبتي


والله يسهل لج عمليتج وتطلعين بالنتايج اللي تتمنينها ياااااااارب

 

[Esraa.a]

بنااااااااااااااااااااات



تجيكم لحظات تقولون.............انا مجنونه؟؟؟ قاعده امشي بطريق انا مو قده؟؟
انا ايش سويت بنفسي عشان اسوي هذا كله



كل فتره والثانيه يجيني هالتفكير عشان العمليه

لانه مشوار الجراحه طويييييل .. يستمر سنه .. سنتين .. وفيه بعض الحالات اكثر




وخلال هالفتره اكيد بتوسوسين .. فكره توديج و فكره تجيبج >> هذا شي طبيعي






بس ان شاء الله النتايج الحلوه تهووون المشوار الطويل المتعب هذا