تجمع الي مسوين ابتساامة هوليوود ........ فيدي واستفيدي

[qatar_girl77]

سؤال بنات لما الدكتور يجهز السن حق الفنيير وينحته يخليه مكشوف ولا يحط شي مؤقت

وهل يصير اخليه يسويلي فنيير مؤقت اشوف فيه الشكل النهائي قبل ليحط الدائم مثل لون الاسنان والشكل

 

[ملقوووفة]

qatar_girl77

اي يحطلج مؤقت بس يكون مو مضبوط عدل وماراح تشوفين النتيجه النهائية

انا اختي سوت وقبل لا يحط الدائم حطلها مؤقت بس كان يضايقها وقت الاكل وتحسينه شوي اكبر بس اهيا ما طولت بالمؤقت بس يومين وبعدين حطلها الدائم ..

بس يوم حطت الدائم بالعكس صارو مضبوطين

انا للحين ماسويت انشالله موعدي بعد 10 ايام تقريبا ..

 

[كويتيه مذهله 87]

لمتى ممنوعه من المكسذات .. تحسين اسنانج تتحرك يعني ؟؟
شنو النوع الي سويتيه ..!

ممنوع للابد حبيبتي مايصير تبطلين شي بضروسج
مره فتحت جيس بريد لولدي الي جدام تحرررك عاد يومها كان موعدي اشوه ماطولت

وماتحسين فيهم كلش بس اذا لمستيهم بلسانج من ورا تحسين جنه جير ما دري شلون اشرحلج

وسويت الفنيير الي ينحتون الضرس الطبيعي ويحطون عدسه الفنيير

 

[كويتيه مذهله 87]

سؤال بنات لما الدكتور يجهز السن حق الفنيير وينحته يخليه مكشوف ولا يحط شي مؤقت

وهل يصير اخليه يسويلي فنيير مؤقت اشوف فيه الشكل النهائي قبل ليحط الدائم مثل لون الاسنان والشكل

يحطولج مؤقت بس انا مرتين يطيح بسرعه اول ما ارد من العياده
بس ثالث مرا ركبهم عدل ما طاحوا

عاد الشكل غلط لووول استحي اضحك جدام ريلي

 

[خلان الاشده]

انا سويت حشوات تجميليه عند دكتور سامر بتيجان ما انصحج فيه شغله مو حلووووو
طاحت احشوه

 

[قمر19811]

]قوه بنات منو سامع عن عياده الثريا شفت وحده اسنانها حلوه امسويتها عندهم اسمه دكتور روبريت منو سامع عندها

 

[نوال عبد الجليل]

يا صبايا انا حبيت اشاركم بتجربتي في تجميل الاسنان:

عملت اسناني من فترة في عيادة المنارة في بيروت وركبلي الدكتور اسنان زيركون كان شكلها حلو بس المشكلة انها كانت تسبب لي الكثير من الالم والاهم كانت تعملي رائحة وطعم مزعج جدا في فمي درجة ان زوجي كان يطلب مني ان اغسل اسناني في الليل مرتين :yaaaaaarb:
وبعدين بدلتهم هنا في الكويت عند عيادة د. عبد السلام الجيلاني ارتحت من الرائحة بس المشكلة انهم كانوا كبار وكانوا يسقطوا كل شهر مرة او مرتين:eh_s(2):

بعدين نزلت على دبي عند الدكتور مجد ناجي في عيادة ليبرتي لطب الاسنان
بدلي اياهم والحمد الله منذ 3 سنوات ولا يوجد اي مشاكل والاهم ما فيهم رائحة وشكلهم يهبل بس هو قال لي اني لازم ابدلهم كل 10 سنوات :rerrerek:

ومن خلال تجربتي اقول لكم ان الواحدة لازم تسأل عن الدكتور ولازم تشوف شغله وسمعته مودور عل الارخص او الاقرب المهم ان يكون الدكتور فاهم
يعني د. مجد ناجي في عيادة ليبرتي بدبي عمل لي تخطيط لاسناني وجلس معي اكثر من 30 دقيقة يشرح لي ماشاء الله عليه فهمان ومتواضع
وبعدين كثير عنده مرضى معروفين ممثلين ومطربين و ناس معروفين من كل البلاد حت اني اذكر اني شفت عنده مرضى يأتون له خصيصا من ليبيا و المغربو السعودية
الاهم انه مش مادي يعني بدل لي كل الاسنان الا اثنين في اخر الفك قال عنهم جيدين وما غيرهم مع انه لو طلب ذلك لفعلت
حبيت انصحكم

 

[مس اغراء]

بليز اختي ملينا دعايات ترا احنا مواغبياء لهدرجه نبي نستفيد من تجارب مو دعايات
بعدين ماعندنا دكتور بالكويت بهالاسم
بليز لهون وبس

 

[الفارسه @]

حبيبتي انا مسويه اسناني ابتسامة هوليود بعيادة بيلا كلينك وبصراحه شي وااااااو عند دكتور ابراهيم غساني ما شاءالله ايده خفيفه حييييل

 

[فيروز خانوم]

انا حطيت موعد عند بيلا كلينك عند الدكتور ابراهيم غساني 10-9

انا بروح على كلام فيروز خانم ومتفائله فيهم انشالله ..

اول مره بروح استشاره وبشوف كلامه ..

ميمي شهالاسم الله يهديج هههههههههههه بدلعج ميمي استحي اناديك ملقوووفه
بالعكس انتي راكده وعندج نظر اللي اخترتي هالدكتور انا ماراح امدحه شهادتي فيه مجروحه انتي روحيله دربج خضر وكتبي تجربتج للبنات واي استفسار من عيوني :eh_s(2): وميرسي على ثقتك بكلامي .. انشالله راح تعجبك النتيجه نفس ما عجبت اللي راحوا قبلك :ggdw:

 

[فيروز خانوم]

بناااااات ياليت تفيدووني

انا بسوي الزيركون وفي ناس ماينصحوون ؟​

ياليت اللي مسويه الزيركون تفيدني وتجااوب على اسألتي
صج الاسنان تصير حساسه ماتقدرين تشربين لا بارد ولا حار
واللثه يصير لونهاا ازرق؟؟
واهم شي تطلع ريحه كريهه ؟؟
وجم عمرها يدوم في ناس يقولون حدها خمس سنين شدعوه ابردد اسناني على خمس سنين بس بعدين شنو اسووي؟؟​

ياليت تفيدووني

لان اابي اسسناني صفه وحده والزيركون اهو اللي ارخص بالعياده ​

هلا اختي انا سهرانه وبتفرغ لاسألتج ​

 

[بسمه غلا]

تسسسلمين ياقلبي

​

 

[فيروز خانوم]

شوفي حبيبتي انا ماركبت زيركون ركبت فنيير بس الزيركون والفنير واللمونيرز كلهم تركيبات يعتبرون
اولا - الزيركون مو ارخص شي بالعيادات بالعكس الزيركون قوي وغالي
ثانيا - مو انتي اللي تحددين شتختارين الدكتور اهواللي يحدد
يعني على سبيل المثال انا في سنين لي ركبهم زركون لان يحتاجون زركون
بعدين بخصوص اللثه لا الحمدلله ماتغير لونها وحتى لو تغير في توريد لثه
ثالثا 0بالنسبه للحساسيه بس اول شهر بعد التركيب تحسين بحساسيه .
رابعا - بخصوص الريحه هذا يعتمد على شطارة الدكتور بتركيب السن انه يكون ماخذ مقاس مضبوط ومافي فتحات تدخل من خلالها الفضلات0

 

[bebo-q8]

حبيبتي بسمة غلا... الزركون والبورسلان يعتبرون تركيبات ، يعني تركيب ضرس اما الفنير واللومنير هم عبارة عن قشرة تلصق فوق الضرس ، الحين اذا بغيتي تركبين زوركون وايد زين وافضل للاسنان وانا اوافق كلام فيروز خانوم بالنسبة لموضوع التركيب وشطارة الدكتور في تركيب الضرس صحيح ... والعموم حبيت افيدج واقولج الي اعرفه واذا بغيتي لاي استفسار سواء مني شخصيا او استشارة الدكتور اهلا وسهلا فيج باي وقت عندنا الاستشارة وفتح الملف مجانا بعيادة تيجان الدولي لطب الاسنان وحياج الله

 

[ملقوووفة]

اليوم كان موعدي عند بيلا كلينك

عند الدكتور ابراهيم غساني

ماشالله عليه نفسيته حلوه انا كنت متوتره يوم دشيت اول ما كلمته جنه قاعده اكلم واحد من اخواني

وطبعا قعدت اسأله واستفسر انا كنت رايحه عشان استشاره يعني بس جذي بسأل ما حطيت في بالي اخذ قياسات وجذي

ارتحت من كلامه وسويت القياسات بنفس الوقت وقالي انه راح يسويلي ال 10 اللي فوق و 8 تحت وحسبلي كل سن ب 120

وموعدي الياي 1 - 10 عشان يبرد الاسنان ويحطلي المؤقت


طبعا انا للحين ما شفت النتيجه لان توني انشالله اول ما اخلص اقولكم شنو صار وياي



خارج الموضوع :

حتى الموظفات نفسيتهم حلوه انا كنت رايحه وضيعت لان اول مره اروح وتوهقت حدي ما وياي احد جان ادق عليهم واقولها انا ضيعت امبييه مادري وين انا خخخخ وقلتلها انا اي صوب وظلت وياي لما عرفت وين ووصلت بالسلامه

 

[ملكية قدساوية]

بنات أنا أسناني ما تحتاج لا تقويم ولا تبيض الحمد الله بس أعاني من مشكلة عندي السنين الي جدام فيهم بقعه مخربه عليهم رحت للدكتور قالي هذا نقص كالسيوم فيج لهم كنتي صغيره وطلع في هالسنين وما يروحون الا انه يحك ضرس ويحط حشوه وقايل حرام بعدين ضر سج يخرب يمكن بالمستقبل ونصحني بلز قات تنحط على الضرس واهي 200 للضرس الواحد تنحط على كل الأسنان ولا تخرب اي ضرس لانها مجرد لزقه فقط وتكون مدى الحياة أسناني لون واحد ف مادري ودي اسوي صراحه وهم ودي اسأل اذا في وحده مسويتها او سامعه عنهم بليييييييز أفيدوني

 

[Letk te7s]

بنات الابتسامه يعنى شلون تخلى صفه الأسنان سيده وتبييضها واذا ضحكت اللثه ماتبين انا عيبي اذا ضحكت اللثه تبين ما احب جي

 

[Be colorful]

مرحبا شلونكم بنات شخباركم. أنا قاعده أدور دكتور عبد الهادي شهاب ابي اسوي عنده مسوي حق صديقاتي أينن تبارك الرحمن مابي غيره من شهر ٧ وانا اروح العيادة كله إجازة لي الحين أجازه أخاف ان طلع من عندهم وما يعلمون اللي تعرف خبر عن الدكتور تعلمني بليز مابي اسوي عند غيرة وشكرا

 

[miss.unique]

انا رحت عيادة بيان وباجر استلم قوالبي ان شاء الله

 

[ملكية قدساوية]

بنـآت الومينرز مو شريحه تنحط على السن ؟!
وهل لاااازم اذا بحطه يبردون سني وماله اضرار بعدين ؟!
وشنو احسن عيادة بلييييز بنات ؟!