تجمع الي عالجو ويهم عن طريق حبوب الراكوتين ؟؟..

[الإمبراطوره]

بالعكس اختي كانت تعالج عند د.عيسى بشور ووجهها كان كلف على حبوب على اثار يعني حده تعبااااااااااااااااااان ووجهها دهني حيييييييييييل ومع هالحبوب وكورسات العلاج طبعا كان معطيها حبوب ريواكتين مع كريمين تخلطهم ببعض(تقشير وتبييض) وعلى هالوصف بعد شهرين لي ثلاث شهور أزين من اختي ماااااكو ووحهها تغير 360 درجه والكل لاحظ وسألها بعد...فمشالله حيل نفعها بس طبعا لابد تحت اشراف طبيب هالحبوب واكو فحص دوري للحيطه,,وإذا عن التشققات مع كريمات الترطيب تحلين الازمه ,,الامور بسيطه ما يحتاج تعقيد,,

 

[شواره فسكيه]

ياربي متردده اخذه ولا لا امي تقولي لااا وانا اخاف اخذ شي واهي مو راضيه !!!!

 

[Brlnti]

مرحبا بنات ...

أخباركن ؟

مبارك عليكن شهر رمضان المبارك ...

أخبار حبوب الرواكوتان معاكن ؟

أنا اليوم صار لي 14 يوم (أسبوعين) أخذ العلاج ، الجفاف بديت أحس به من يومين ، أحس بجفاف بيديني و شفايفي ، و بشرة وجهي بدت تتقشر ....

بنات فيه صابونه و كريمات محدده لازم نستخدمها مع هالعلاج ولا عادي ؟؟؟

أنا الدكتور وصف لي مرطب للوجه نوترادرم (Nutraderm) بس إلى الآن ما استختدمته ،
و وصف لي مرطب شفايف فازلين (Vaseline) بديت استخدمه من يومين ...

بنات بسألكن عادي أحط مكياج و عادي شيل شعر الوجه و الجسم ، لأن بالنشرة مكتوب تجنب شيل الشعر بالشمع لمدة 6 أشهر على الأقل بعد العلاج
صعبه يعني لمدة سنه كامله ما فيه شيل شعر ( 6 أشهر فترة العلاج + 6 أشهر بعد فترة العلاج ) ...

بالنسبة للمكياج قرأت بالنت إنه ما يصير أحط ، مع إن الدكتور ما قال لي شي عن المكياج و شيل الشعر

أنا قبل كم يوم حطيت كريم تفتيح البشرة Olay بس حسيت بشرتي زي النار بها و أمي قالت لي لا تحطين شي ثاني مرة ...

ناقله الهم كيف أحط مكياج .. بالعيد عندنا مناسبة ( ملكه وحده من قريباتي ) .... الله يعين ​

 

[brat]

Brlnti

عادي تشيلين شعر جسمج بس شعر ويهج لا تشيلينه، الشمع راح يحرق ويهج ويشيل جلده والخيط راح يطلع حبوب. مالج إلا ليزر

انا سألت الدكتوره إذا عادي أحط مكياج مره بالأسبوع قالت أوكي (بس الصراحه ما سمعت كلامها)

وبالنسبة للكريمات آنا دكتورتي وصفتلي بس سن بلوك وكريم حق الحبوب اللي اسمه Benzac AC 5%

 

[brat]

حبيبتي انا يوم بديت العلاج حطيت ميك اب عادي ما أثر عالعلاج .. حتى الدكتور قالي انه العلاج وايد فاد معاي اكثر من غيري فالمكياج ما اتوقع انه يأثر .. و تقصدين بالاثار الحمر اللي يكونون من الحبوب اللي بويهج ؟ اذا استمريتي بالعلاج راح يختفون يا قلبي .. و انا هم البس عدسات طبيه على فكره و ما أثر الجفاف على عيني بس شفايفي اللي بدوا يتشققون و صج راحوا فيهااااا ..

مشكورة طمنتيني الصراحه. حتى آنا بدت شفايفي تتشق شوي اليوم :/

 

[غزال الرمال]

مررررحبا بنات


أنا سألت دكتورتي عن الأكل و عن المكياج ،، قالتلي عاااااادي !!!
و صج عادي جربت و ما أثر


و لكن



أحيانا


إذا غسلت وجهي (( صارتلي مرتين بس )) و أحط الفاونديشن بشرتي تحرقني


فأغسل وجهي و أحط كريم بيبانثين ( مال الحروق ) بعدين أحط الفاونديشن و عادي ماحس بشي
و بشرتي ما تأثرت



اليوم طلعتلي حبة


و ناطرة هالأربع حبوب >>> صاروا ستة
يروحون إن شاء الله



بس الحمدلله دام هالعلاج بيوخر حبوبي نهائيا
بصبر
و عسى الله يعيينا و يصبرنا و يفرجها علينا


قولوا آمين




بنات الحين تقريبا صار لي 24 او 25 يوم


و الحمدلله ما في شي بس شفايفي يجفون و أستعمل المرطب و ما أحس بشي

و بنات اللي بتعالج فيهم
لا تترددون
سووا تحاليل و شوفوا



أنا كنت خايفة
بس الحمدلله شفت تجارب البنات
و خواتي معنا بالتجمع (جزاكم الله خير) طمنوني

 

[غزال الرمال]

صج بنااااات

بغيت أسألكم



منو فيكم تستخدم
جل بنزاك ؟؟؟؟؟؟؟؟؟؟؟؟؟؟؟؟


اشلون تستخدمونه ؟؟!!؟؟!!؟؟



إذا طلعت لكم حبة تخلونها لما تروح من نفسها
ولا شتسوووووون ؟؟؟؟؟؟؟؟؟؟؟

 

[شواره فسكيه]

بناااااااااااات بقيت اسألكم انا احس في نغزات في ويهي يعني مكان الحبه هل هل شي طبيعي ولاا في شي ثاااااااني انا خايفه ؟؟

 

[Brlnti]

brlnti

عادي تشيلين شعر جسمج بس شعر ويهج لا تشيلينه، الشمع راح يحرق ويهج ويشيل جلده والخيط راح يطلع حبوب. مالج إلا ليزر

انا سألت الدكتوره إذا عادي أحط مكياج مره بالأسبوع قالت أوكي (بس الصراحه ما سمعت كلامها)

وبالنسبة للكريمات آنا دكتورتي وصفتلي بس سن بلوك وكريم حق الحبوب اللي اسمه benzac ac 5%

مشكوره ع الرد بس أظن أختي حتى الليزر ما يصير لأن مكتوب بالنشرة تجنب أي علاج باستخدام أشعة الليزر و ذلك لمدة 5-6 أشهر بعد نهاية فترة العلاج لأن ممكن يسبب ندوب ضخمة أو في حالات نادرة ممكن يسبب نقص في تصبغ الجلد أو فرط في تصبغه ، راح أصبر ع الوجه ما راح أشيل شعر الوجه ، الله يعين ...

و بالنسبة للمكياج قررت ما راح أحط مكياج إلا إذا كان فيه مناسبة ...

طيب عادي نستخدم واقي من الشمس و أيش أفضل واقي ؟ لأن بالنشرة مكتوب عدم التعرض لأشعة الشمس أو الأشعة فوق البنفسجية و حنا بالجامعه نتعرض لأشعة الشمس ...


و جزاك ربي خير

صج بنااااات

بغيت أسألكم



منو فيكم تستخدم
جل بنزاك ؟؟؟؟؟؟؟؟؟؟؟؟؟؟؟؟


اشلون تستخدمونه ؟؟!!؟؟!!؟؟



إذا طلعت لكم حبة تخلونها لما تروح من نفسها
ولا شتسوووووون ؟؟؟؟؟؟؟؟؟؟؟

صراحه ما استخدم بنزاك و لا أعرف كيف استخدامه ،

و بالنسبة للحبوب الحمد لله من صرت أخذ العلاج ما عاد يطلع بوجهي حبوب يمكن بس طلع لي 3 حبات و كانو كبار و جافين ،
بس لو طلع فيني حبه أكيد راح أخليها لما تروح من نفسها ​

 

[غزال الرمال]

Brlnti


مشكورة حبيبتي

 

[شواره فسكيه]

بناااااااااااات بقيت اسألكم انا احس في نغزات في ويهي يعني مكان الحبه هل هل شي طبيعي ولاا في شي ثاااااااني انا خايفه ؟؟

???

:0bee2e8d89::0bee2e8d89::0bee2e8d89:​

 

[مرايم2000]

صج بنااااات

بغيت أسألكم



منو فيكم تستخدم
جل بنزاك ؟؟؟؟؟؟؟؟؟؟؟؟؟؟؟؟


اشلون تستخدمونه ؟؟!!؟؟!!؟؟



إذا طلعت لكم حبة تخلونها لما تروح من نفسها
ولا شتسوووووون ؟؟؟؟؟؟؟؟؟؟؟

انا استخدم بنزاك ... تحطينه على مكان الحبة بس
وانا مرة استخدمته عالحبة بداية ظهورها واختففففففففففففت كلش
لكن الحبوب اللي من زمان فيني ما صار يكافحهم
يمكن لان انا الجل اللي استخدم2.5% بس
وانا حبوبي "شغل عدل

 

[مرايم2000]

???

:0bee2e8d89::0bee2e8d89::0bee2e8d89:​

طبيعي حبيبتي لاتخاااافين
لان انا بعد احس انهم يحكوووووووني
خاصة وانا نايمة خخخخخخخخ
والله اني اتضايق منهم
بس شنسوي

 

[شواره فسكيه]

طبيعي حبيبتي لاتخاااافين
لان انا بعد احس انهم يحكوووووووني
خاصة وانا نايمة خخخخخخخخ
والله اني اتضايق منهم
بس شنسوي

فديت قلبج ولله يا عمري ريحتيني ولله انا اقول بس اخاف انا لان احس بنغزاات جنه شي يغزنيي :krkrkr:
والله يرزقنا بالبشره الصاافيه الخاليه من الحبووب واثارها يارب :yaaaaaarb​

:

 

[دوناتس]

هاي بنات
حبيت افيدكم ان المكياج عادي انا استخدمهم واحط مكياج
واول ماستخدمتهم كنت خايفه من سالفه الحف وبعدين قعدت 3 شهور ماحفيتو وشفت السالفه مصخت وحفيت وماصار شي بس الدكتوره قالت عادي حف الجسم بس الوجه لا الا اذا بالخيط عادي .

عندي سؤال ..
انا فيني قولون وابي استخدم حبوب بس خايفه لان مكتوب بالنشره مايصير ناخذ علاج ثاني مع الرواكتين
منو استخدمت علاج معاه او عندها فكره ؟
وشكرا

 

[فراشه ذهبيه]

وااااااااااااي اشوه يعني نحط مكياج والله كنت احاتي هالشغله الدوام ما بقى عليه شي ولازم احط انا مومتعوده من غير مكياج .......اكره عمري .............. انا صارلي شهرين بالضبط وملييييييييييييييييييييييت كل من شافني قالي مسمره مليت والله ودي اعتزل العالم بس مشكله الدووووووووووووووام ............يارب يأجلونه يااااااااااااااارب


بس بنات منو زاد وزنها انا زاد وزني وجسمي صار لوعه ..........انا اعالج عند عيسى بشور وحبوبي اهي كوراكني جي نفس الروكتان
بس للحين ما سويت تحليل لان موعدي بعد 12 يوم


وهاذي تجربتي والله ماادري شلوووون بصبر 4 شهور بعد

 

[مدام فستقه]

الحين صار لى 14 يوم من بديت بالعلاج
واللحين بدت براطمى ينشفوون وويهى بدا يتقشر
وساعات اعضام جسمى تعورنى

بنات بسالكم ما ييي لكم عوار باعضام جسمكم وما تحسوون بالعطش عقب ما تاخذون الحبوب

 

[فراشه ذهبيه]

اي في عوار بالعظام انا كان معاي عوار بعظام القفص الصدري تذبحححححححححححح لما انام واتقلب ااووووووووووه حدث ولا حرج بس تقريبا راحت بعد الشهر الاول

 

[Brlnti]

brlnti


مشكورة حبيبتي

العفو

هاي بنات
حبيت افيدكم ان المكياج عادي انا استخدمهم واحط مكياج
واول ماستخدمتهم كنت خايفه من سالفه الحف وبعدين قعدت 3 شهور ماحفيتو وشفت السالفه مصخت وحفيت وماصار شي بس الدكتوره قالت عادي حف الجسم بس الوجه لا الا اذا بالخيط عادي .

عندي سؤال ..
انا فيني قولون وابي استخدم حبوب بس خايفه لان مكتوب بالنشره مايصير ناخذ علاج ثاني مع الرواكتين
منو استخدمت علاج معاه او عندها فكره ؟
وشكرا

هايات
مشكوره أختي ع الرد و الإجابة على أسئلتنا

بالنسبة لسؤالك أختي أفضل شي ترووحين للدكتور و تخبرينه إن فيك قولون و هو أدرى راح يشوف المناسب إذا تاخذين العلاج أو لا و الله يشافيك يا رب

الحين صار لى 14 يوم من بديت بالعلاج
واللحين بدت براطمى ينشفوون وويهى بدا يتقشر
وساعات اعضام جسمى تعورنى

بنات بسالكم ما ييي لكم عوار باعضام جسمكم وما تحسوون بالعطش عقب ما تاخذون الحبوب

هلا بمدام فستقه

أنا ألحين صار لي 15 يوم و أحس بجفاف بالشفايف و أحس بشرة وجهي بدت تتقشر

و الحمد لله ما أحس بأي ألم لا بعظامي و لا بمفاصلي .. لا ما أحس بعطش ، أصلا من أخذت العلاج و أنا ما عاد أحس بالجوع ​

 

[.. أميره ..]

طيب بنات التشقير عادي وقت العلاج بالراكتون ؟؟