تجمع المسافرات الى اوكرانياا للعلاج الطبيعي(دمج جميع المواضيع المشابهه)

[ورود11]

مساء الخير على الجميع

بنوته1 صراحه انا قريت كلامك تقولي توقعتي التشيك فضل من كذا؟؟؟

ابي اسئلك بنوته با الله شنو افضل دوله با العلاج الطبيعي تشوفينها احسن من التشيك؟؟

ويعدين انتي تقولين اجهزتنا احسن من اجهزتهم صح بس المشكله مو في الاجهزه المشكله في اللي الي يعمل با الاجهزه:lkmnkl:

بنوته انتي شفتي تعامل الاخصئيات على كثر المرضى اللي عندهم وقارنتيهم مع ربعنا اللي عندنا؟؟؟

ولا تفسرون كلامي على انه دفاع عن التشيك لا والله بس الحق يقال انا صراحه جربت اغلبيه المراكز للعلاج الطبيعي

ومستشفياتنا سوى خاص او حكومي وماشوف فيه وجه مقارنه با المررررررره

وجربت المانيا وامريكا وبصراحه اشوف التشيك افضل بكثير

والعلاج الطبيعي معروف ياقلبي مايبين الا بعد90يوم وهاذا شي طبيعي وموبس العلاج الطبيعي كل علاج

المرض يجي مره وحده والعلاج يجي با التدريج

يعني بصراحه انا اشوف ان التشيك للعلاج الطبيعي مافيه وجه مقارنه بينها وبين اي دوله وهاذي وجهة نظري وكل انسان له وجهة نظر

 

[ام ناييف]

رد : تجمع المسافرات الى اوكرانياا للعلاج الطبيعي(دمج جميع المواضيع المشابهه)

خواتي ممكن سؤال

انا بنتي متلازمة داون عمرها الحين سنه وثلاث شهور
بس ما تحبي بس تزحف ولا تمشي ولا تعرف توقف

كانت تاخذ علاج عند مركز الفهد والحمدلله صارت تقلب وتزحف والا قبل عمرها 10 شهور ما تتحرك
والحمدلله على كل حال
الحين وقفوا العلاج يقولون خل تاخذ راحه ونكمل بعد العيد ان شاء الله
ابي اعرف وين اقدر اوديها علاج طبيعي زين بالكويت وهل تحتاج اوديها للخارج
لانهم قالوا لي اذا صار عمرها سنتين ما مشت احنا نوديها لج الخارج علاج طبيعي بس الحين لا توها صغيره

وهل تعرفون احد يجي البيت يسوي لها علاج طبيعي ويكونون زينيين

ولكم كل الشكر
ودي اشوفها تمشي ( الله قادر على كل شي)

 

[بنوتة 1]

ورود11 حبيبتي انا اشوف انه تعاملهم عادي مو ذاك الزود بس انا اول مرة اجي التشيك واللي جايين من قبل قالولي فعلا عاملهم غير عن الاشهر الماضية والسبب الزحمة اللي تصير بشهر 5 و6و7و8 يقوللون حتى عقب تشوفينهم غير الشي الثاني الناس اللي موجودين من شهر 4 قالو انه العلاج كان مكثف اكثر من جذي يعني البرنامج فيه كل شي يومي اما الحين في اشياء ناخذها يوم بالاسبوع او يومين الشي الثاني حبيبتي العلاج بالعمل في امريكا الفايدة منه يسالونج شنو تبين بنتج تتعلم او تستفيد من الجلسة هذي طبعا انا قلت ابيها تاكل بروحها وفعلا بدوا يلعبون معاها وهما يعلمونها طريقة مسكة الملعقة والاكل وغيره اا هنا الله يعافيج العلاج بالعمل مثل بالكويت بالضبط اللهم انه المدة اقل من الكويت بعدين انا ما قلت بالكويت افضل نا قلت الاجهزة افضل وانا معاج انه المهم اللي يستخدمونها وبصرااحة اختي انا احس انه الدولة اظلمتنا لما ودت العدد الهائل لمركز واحد صغير مثل هذا مقارنة بمراكزهم الثانية وبالنسبة لافضل مكان علاج طبيعي ما اقدر احدد مكان بعينه للحين بس التشيك ما يتعاملون ببدلة الفضاء مع انه لها فوائد كثيرة وهذا كلامهم والغريب انه بولندا قريبة منهم وهي الولى في استخدام البدلة وعموما دافعي حبيبتي لانه المهم الفايدة لعيالنا الله يشافيهم ويمكن كلامي يكون غلط لاني اول مرة اجيهم وجيت بوقت زحمة حيييل او لاني شفت انهم مو مثل طبنا ما ادري انشاءالله يكونون سبب بعلاج وشفاء كل المرضى اللي عندهم الحين يارب ومنهم بنتي اللهم اميييييييييين واسفة حبيبتي اذا ضايقتج

 

[الذوق]

مرحباااا


شخبارج اختي ورود .. والله انا احترر لما اشوف ناس ويانا اهني مافيهم الا العافيه وجايين سياحه على حساب الدوله بينما فيه ناااس بامس الحاجه للعلاج .. بس حسبي الله على الواسطاااتت ..

اسفه اني تاخرت عليج بالرد اختي ورود بس المنتدى ذبحني كل شي لازم اسجل ما ادري ليش يطلعني بالنسبه للكورس يقول سعر الكورس ما يتغير 900 دينار والكورس شهر طبعاا .. بس المعيشه والسكن يصير رخيص حيييل يعني نص السعر اللي احنا ناخذه اللحين لان اللحين موسم ..

ورد على كلام اختي بنوته صح العلاج مو ذاك الزود والاخصائيات بعضهم مو كلهم ما عندهم ذمه اذا قابلتيهم اشتغلوا واذا الطفل بروحه ولا مع خدامه ما يسوون شي ... بس هم افضل من الكوويت لان ولدي سبحان الله متقبل علاجهم صح للحين ما استفاد بس ما يبكي وقت التمارين ويكون مصحصح من اول اليوم لين تخلص التمارين مو مثل الكويت من يشوفهم كنه يدري انهم اصلا يبون الفكه منه يبكي على طوول وتحسين انه يتألم غير اهني احسه مستمتع .. وعن العلاج بالعمل نفس الطريقه قابليهم يتشغلون وعموما هم ثنتين بس اللي شغلهم تووب الباقي اي شي ...

بعدين بنات انا سمعت عن مركز لدكنوره اسمها فوزيه السلطان لما دخلت على سايتهم حسيت ان الاخصاائيين كفأت منو سمعت عنهم او جربتهم تفيدناا منو احسن اخصائي وبكم الكورس ..

 

[ورود11]

اهلين باالغالين

بنوته1 الذوق وباقي البنات

الذوق ماقصرتي لبى قلبك

بنوته انا مابي ادافع عنهم ولا هموني كثر ماهموني المرضى اللي بيقرون كلامنا وبئثر فيهم لنهم تعرفين يبحثون عن الافضل

واذا قرو كلامك بيضنون ان العلاج مايستاهل وانا بحسب خبرتي وتجربتي الله لا يضيع تعبنا ولا تعب كل مسلم ويرد لمرضانا

رد جميل وشفى عاجل غير اجل اشوف ان التشيك افضل بلد في العلاج الطبيعي واذا ردي على كلامك ضايقك فاانا اسفه يا

الغاليه ويعلم الله ان كل همي هو الفايده لكل من يقرى كلامنا

ويعدين يابنات انا منبهتكم لها النقطه وقايله لكم اكثر من مره ديروبالكم الئخصايات فيهم زينه وفيهم فاشله وتحسي انها توها تتعلم

وانا ترى والله اني اذا ماعجبني علاج الاخصائيه اطلب تغييرها واكثر من مره وادش بعيونهم لين يغيرونها غصب طيب

مو على كيفهم اهم شي اللي اقتنع بشغلها واحس بنتي مرتاحه وياها هاذي نقطه النقطه الثانيه الي هو الضغط وكثر المرضى

يصير زحمه وانا باقول لكم على شي يابنات انا اسوي استفتى عن احسن مدلكه واسئل المرضى اللي هناك عرب واشوف

اكثر وحده مدحوها واخلي المترجم يكلمها من غير مايعرفون المستشفى واخذهه تجيني البيت العصر تسوي لبنتي تدليك وادفع

لها با الساعه عشان تستفيد بنتي اكثر:33_1185028183:

 

[اوووفه]

مرحبا الذوق
انا نفسك جنني المنتدي كله يطلعني وارد اسجل وماكو فايده
المهم وينه مركز الكتوره فوزيه عندنا بالكويت او برى

 

[الذوق]

هلا والله فيكم كلكم .. اختي ورود على طاري الاخصائيات انا سويت جذي اللي تدلك ولدي تهبل بس ما تطلع تدلك فالبيت فقالت لي عن وحده ثانيه سألت عنهاا امدحوهااا .. وجبتهااا شهر كامل .. هي تجيني لابسه بدله عاديه واذا جات تطلب تبدل واخليها تدخل الغرفه تبدل احتراما لها ما دخلتها الحمام ..تخيلي عقب هالشهر انا ما اشيك وراها لان واثقه فيهاا حليوه وطيبه حتى التبديل تبدل والباب مفتوح عشان ما اشك فيهاا .. ذاك اليوم دخلت الغرفه بعدهااا زوجي كان يبي اغراض من الغرفه لما دخلت لقيت جنطتها مفتوحه وفيها ملابس زوجي الداخليه تخيلوا ما سرقت اي شي لااا لااا الملابس الداخليه .. عقبهاا توووبه ما قمت اجيب احد البيت ديروا بالكم بناات منهم ..

هلااا اوفه ايه المركز بالكويت صوب المرينااا ادخل قوقل واكتبي مركز فوزيه السلطان لاعاده التأهيل بتلقينه .. اقري وقولي لنا رايج .. انا صراحه مقتنعه فيه واول ما ارجع الكويت بسجل ولدي فيه انشاء الله وباحاول يكون العلاج يومي بس انشاء الله الاسعار تكون مناسبه مو غاليه .. عشان نقدر عليه ..

 

[بنوتة 1]

هلا حبايبي ورود 11 انا ما زعلت ولاضايقت حبيبتي وفعلا مصلحة المرضى اهم شي ويمكن اللي كنت بقوله قالته الذوق وانتي بعد انه فيهم الزينة وفيهم اللي توها جديدة يمكن وصلنا خيير وبصراحة سالفة نجيبهم البي بعد العلاج احس خربتهم شوي يعني اللي تعالج بنتي كل ما تشوفني تقولي انتو متى تروحون كانها تبي تقول للحين ماقلتولي اجيكم البيت وقبل الوقت تخلصنا لكن اللي قبلي تجيبها البيت اشوفها ممتازة مع بنتها وحتى اكون ناطرتها وتشوفني ولا تعتذر عن انها تاخرت علي المهم مجمل العلاج في ناس تقول استفادت وهذا يرجع طبعا لنوع الحالة والوقت والله يشافي مرضانا ومرضى المسلمين والذوق انشاءالله تطلع فوزية السلطان زينة وتفيد عيالنا بنتابع الموضوع واللي فيه الخير انشاءالله نشوفه

 

[$حبيبة عبودي$]

الله يشافي مرضاكم..

 

[بنوتة 1]

قدساوية كيوت مشكورة حبيبتي وجزاك الله الف خيييير

 

[ورود11]

صباح الخيرعلى الجميع

شخباركم ياحلوات وين الغيبه؟؟؟


بنوت1 الذووق اووفه وباقي البنات؟؟الذوق بشرينا عنج وعن وليدج عساه تحسن وتقيل العلاج؟؟

وانتي عساج مرتاحه وامورج ماشيه وموناقصج شي؟وعساج ترعفتي على بنات؟>>شايله همها:hjy5jewf:

بنوته1 شصار معاج اذكر تقولين بتسافرين؟؟

وانتي اووفه شخبارج وشخبار البطل ؟سافرتي ولا لا؟؟


عطونا علومكم:080402ask_prv:

 

[بنوتة 1]

ورود11 مشكورة على السؤال وانا حاليا بالتشيك مركز نوفا العلاج زين بس الاهم انا اشوفه التمارين والسباحة والحمدلله امورنا ماشية وعلى فكرة انا والذوق نتشاوف بالمصح والحمدلله بس عسى يفيد عيالنا وحيروني دكتور العظام قال بنتج تحتاج عملية ودكتور العلاج الطبيعي واحد ووحدة الرجال يقول ئي محتاجة والمرة تقول لا بس علاج طبيعي وما ادري قلت ما ابي استعجل المهم بقولكم اليوم الجو عندنا روووعة مطر طول اليوم والجو باارد وحلو

 

[اوووفه]

هلا والله ورود11 شخبارك ومشكورو علي السؤال
انا للأسف ما سافرت حسبي الله عليهم رفضوا لازم واسطه مع ان دكاترة ولدي اكتبوا تقرير عن حالته وانه يحتاج لعلاج مكثف بس حسبي الله ونعم الوكيل لازم واسطه والله خير كل الاعضاء مسافرين اذا بغيناهم ما لقيناهم واذا جت حزة الانتخابات قامو يركضون ورانا يالله الله كريم
وانت بنوته حمدالله علي السلامه متي وصلتي التشيك وانشاءالله فيه تحسن

 

[ورود11]

اهلين وسهلين باالصبايا>>باب الحاره:eh_s(6):

مرحبا بنوته1الله يجعل على ايديهم الشفى لبنتك ويردكم سالمين غانمين وفرحانين بشفى الحلوه يارب

وش عمليته؟؟؟اذا تطويل اوتار فااذكر سوتها وحده لبنتها وسوو عليها جبس من الحوض الى الاقدام لمده شهرين

وشالوه وسوو لهاتمارين لمده شهرين والحمد الله ردو للكويت البنت تخطي بس قالو لها ماتقطعين العلاج الطبيعي

لين يصير عمر البنت 20سنه ولا ترا بترجع اصعب من قبل على العموم انتي لا تستعجلين والله يكتب اللي فيه الخير

اووفه ياقلبي لا تحزنين ولا تضايقين ماتضيق الا وتفرج وانا اختك وعسى ان تكرهو شي وهو خير لكم انا رفضو لجنة بنتي

تدرين ليش لنه كان المسئول وحده امريكيه توهم مسلمينها الملفات ماتدري وش الطبخه ورفضت كل المعاملات حتى لجنه ولد

عمي تخيلي فيه سرطان وتوه مبتدي بجسمه يعني علاج سريع بعد الله يستاصلونه رفضو علاجه ماني عارفه وش الحكمه؟؟؟

بس انتي شكلي لجنه ثاني مره والله كريم لن الجان الي شكلنها قبل صادفت القرار يوم قالو كل يشكل لجنه با المستشفى الي

تابع منطقته فصارت حوسه الحين رجعو لجان الاحتياجات الخاصه بمركز الفهد اطلبي لجنه والله كريم

 

[بنوتة 1]

اووفة الله يسر اموركم ويهون عليكم يارب حاولي مرة ثانية وانشاءالله في تحسن لابنتي اتمنى يارب ، حبيبتي ورود11 انا بنتي الرجل اليمين بدت تلف بروحها وبنتي للحين ما تمشي عمرها 7 سنوات ومبين انه العظم قاعد يطلع برة الرجل فهمتيني فما ادري الله يسهل الامور انشاءالله والتشيك الحين صارت بااردة اليوم الجو حلو بس ماطلعت كلش صراحة زهقاانة ومسكينة بنتي لو تتكلم يمكن قالت بطلع حابستها معاي بس انشاء الله نخلص 3/9 ونرجع الديرة قبل العيد ونفرح بشوفة الاهل وقبل لا انسى حبايبي مبارك عليكم الشهر وعساكم تعودونه كل سنة

 

[اوووفه]

اهلين وسهلين بالحلوات
الله محي اصلكم (باب الحارة )
ورود11 حبيبتي شخبارك " علي قولتك خيره تعرفين دخل علينا ارمضان وانا بعد الحين بالتاسع واصله فماراح يركبوني الطيارة بس مع هذا ما استسلمنا مسوين تظلم وزوجي يقول بيبدأ يراجع مرة ثانيه من بدايه شهر واحد عشان علي اول الصيف نسافر بأذن الله
وانت بنوته الله يشفيلك بنيتك يارب ويردك بالسلامه ومبارك عليكم الشهر

 

[بنوتة 1]

حبيبتي اووفة مشكورة ومبارك عليكم الشهر انا نفسج كنت بولد ووقعوا اوراق بنتي قالهم زوجي انه زوجتي على وشك ولادة قامو اجلوها 4 شهور تقريبا

 

[اوووفه]

الله يقومك بالسلامه انشاءالله

 

[الموهوبه]

رفع رفع رفع

 

[الصابرة المحتسبة]

رفع