تجمع المسافرات الى اوكرانياا للعلاج الطبيعي(دمج جميع المواضيع المشابهه)

[اوووفه]

الذوق بسألك في أحد أستقبلكم بالمطار مثل المكتب الصحي للعلاج بالخارج أو انتو رحتو بروحكم للمصح والشقه انتو حجزتوها أو هم حاجزينها لكم والشقق هناك كبار لاني باخذ عيالي وخدامتي وشلون علي المترجم شلون حصلتوة في أحد معطيكم رقمه قبل لا تمشون من الكويت ياليت تكتبين لنا بالتفصيل من وقت وصولك المطار منو الي استقبلكم وشلون رحتو الشقه والمصح وغيرها من هالأمور ما عليه كثرت عليك بالاسئله لاني أول مرة اسافر علاج كل سفراتي سياحيه وعن طريق قروبات لجذيه ماني عارفه

 

[الذوق]

ايه استقبلنا واحد بالمطار من المكتب هم منسقين لنا من كنا بالكويت وهو وداناا حق الشقق الفاضيه نشوفها بس احنا خذينا لنا فندق ليله ودورنا ثاني يوم على راحتنااا على حسب عددكم يورونكم الشقق على حسب طلبكم..وفيه مترجمين للنصح موجوددين على طول ..

 

[ورود11]

صباح الخير على الجميع

شخباركم وعسى كل اموركم تمام وربي مشتاقه لكم بس انشغلت هاليومين مع بنتي ومراجعاتها

الذوق شخبارك يا الغلا وعسى ولدك تحسن وتقبل العلاج

احنا للحين موراضين يوقعون اوراق بنتي وربي دمرو نفسيتي من كثر المحتنى وعيشونا بقلق ماقول الا الله يقدم اللي فيه الخير

بس بغيت اسئلك كم سؤال وتحمليني الله يعينك:eh_s(6):

1وين سكنتو اي عماره وكم ايجارها؟
2انتم على الصحة ولا الداخليه؟
3كم المده اللي معطينكم للعلاج لني سمعت انهم للتشيك يعطون بس شهر؟
4كم يصرفون لكم با اليوم كم مخصصاتكم؟
5العملة المتداوله للحين الكرونه التشيكيه او صارت يورو؟
6المعيشة شلون السعارها مناسبه ولا غاليه؟
7الجو شلون صاير حرولابرد؟
ادري كثرت عليك فديتك بس السموحه والله يشفي ولدك ويبالغك فيه سليم معافى ويبلغ كل ام بشفى ضناها يارب العالمين:aha:

 

[اوووفه]

مرحبا الذوق اشلونكم وشلون ولدك انشاءلله تحسن بشرينا عن اموركم انشاءلله مستانسين

 

[الذوق]

صباح النور ورود والله يكتب لكم اللي فيه الخير انشاء الله ..الحمدالله ولدي متقبل العلاج بس للحين ما شفت تطور .. وعن مدة العلاج اوكرانيا هي اللي بس شهر ما يمددون اما التشيك عادي واشكثر مددواا .. وعن السكن مافيه عماير ههي كلها جنها بيوت بس من طابقين ثلاثه او 4 وعلى حسب السكن يكون الاجار وفيه فلل حلوه وشرحه وكبيره بس ما بغيناااهااا لانها بعيده شوي عن المصح وعن المخصصات اهم ما يعطونج كل يوم بيومه ولا كل اسبوع لااا من يوافقون عليج يعطونج المبلغ كامل وانتي تتصرفين فيه يعني للشخص جم ما ادري ووالجو هالايام حررر بس مو حرنااا لااا حر بالنسبه للايام اللي قبلهااا يعني امس درجه الحراره 32 وكان حر احنا على الصحه والمعيشه مو غاليه لان اساسا مامصرف لان اساسا ما فيه اماكن واجد تروحين لهاا .. والعمله بالكرونااا

وعادي مامن طواله بالعكس استانست لا فدت احد .. امييين يا رب ويشفي جميع مرضى المسلمين ..

 

[الذوق]

مراااحب اووفه الحمدالله للحين كل شي اوكي ماشي حالنااا ... ننطركم بس ..

 

[ورود11]

السلام عليكم ورحمة الله وبركاته


شخباركم ياحلوات وحشتوني والله الذوق وبنوته1 واووووفه وكل البنات

الذوق بشرينا عنك وش علومك وش اخبارك عسى تعرفتي على رفيقات؟

وش اخبار وليدك مع العلاج عساه تحسن؟

والبنات الباقين من سافر ومن اللي للحين؟

عاد قولولنا شنو الجديد عندكم والعلوم اللي تونس بتطور حالات اعيالنا الله يشفيهم ويخليهم لنا

 

[الذوق]

وعليكم السلام والرحمه

الحمدالله طيبين وبخير وننطركم ... والله للحين على حطت ايدج تعرفت بس مو معرفه معرفه لا اذا صافتهم بالمصحه سلمنا وسولفنااا بس اما سوالف القهاوي والحديقه للحين لااا ..والله ولدي متقبل علاجهم ومستانس عليه بس ما لاحظت اي تطور .. وبس هذي علومناا انتي شخبارج وش سويتوا للحين .. قريت لج موضوع عن مراكز العلاج الطبيعي اذا لقيتي شي بلغيني يا حياتي عشان اسجل ولدي فيه لا رديت ..

 

[ورود11]

اهلين الذوق عسى دوم مبسوطين

غريبه ماتتجمعون با الحديقه؟؟؟ماش ماسمعتي نصيحتي ياوخيتي يوم ابو الشباب يقول صكيتي على الخدامات با الكوبت

تمشين وتتعرفين:gathering:

اجل ها السنه مافيه خليجيين وايد يعالجون؟؟

ولا ليش ماتجتمعون؟يختي انتي اللي ابدي اذا قابلتي البنات با المصحه قولي اعطوني ارقامكن ودقي عليهم وتواعدو قضو

الوقت يوم الغربه طوييييييييل>>>>>شايله همها:hjy5jewf:

انا اللحين ابحث عن المراكز اللممتازه للعلاج الطبيعي با الكويت بس ماحد رد علي من البنات الله يهديهم بستثنا الصابره اللي

تبذل كل مابوسعها الله يعطيها العافيه ويجزاها خير يارب بس المشكله اللي عندنا مجرد اسماء على الفاضي انا مجربه علاج

مركز الطب الطبيعي بمركز الفهد ومع الاسف هم اللي سببو خلع باالخوض لبنتي وهاذا بكوم ومعاملتهم للمرضى بكوم

وربي اخصائياتهم حكايه بروحها وجربت المركز التشيكي وجربت مركز المنصور على ما اعتقد والله يابنات كلها مجرد سحب فلوس على الفاضي

 

[اوووفه]

مرحبا ورود11 اشلونك وشلونك اختي الذوق
انا للحين ما سافرت والسبه وكيل الوزارة حسبي الله عليه ما خذ اجارة ومجمد كل المعاملات بس يمكن خيره
ورود انا الحين موديه ولدي مركز بالجهراء واحد مسوي عنده بالسرداب مركز مجهز وجايب دكتورين بلغاري وهندي انا الحين صارلي معاهم 3شهور يعني فيه تحسن بسيط بس يمكن لان عمر ولدي صغير سنه لجذي انا مو ملاحظه الفرق بس اذا تبين رقمه انا حاضر 97514132 وانشاءلله تستفيدين ويشفي عيالنا يارب

 

[الصابرة المحتسبة]

رد : تجمع المسافرات الى اوكرانياا للعلاج الطبيعي(دمج جميع المواضيع المشابهه)

ماسويت شي يقلبي ياوروود

وان شاء الله نلاقي ناس عندها ضمير وتحرص على عيالنا

 

[ورود11]

صباح الخير على الجميع

اهلين اووووفه شخبارك يا الغلا

الله يعينك للحين ماسافرتي وربي مسخره واذا الاخ ماخذ اجازه مافيه غيره يوقع اوراقكم؟؟يعني مافي ها البلد الاها الولدههههه


مافيه نايب يقوم با المهمه لحد مايرجع الاخ الموقر من اجازته؟؟ولاكان فيه ناس مرضى وتعاني ؟؟

خليها على ربك بس انا رفضولجنة بنتي وحده امريكيه على اللجنه لا وشنو تقول خلاص اهي راحت امريكا ومالقو لها

علاج معناة خلاص مالها علاج ليش اتسافر

زيين اوووفه حبيبتي بغيت اسئلك تكفن شلون صاير علاجهم ؟؟يعني تنصحيني فيه؟

ومنو يسوي التمارين للجهال؟؟يعني فيه اخصئيات ولابس ها الدكتورين؟؟

 

[بنوتة 1]

السلام حبيباتي صراحة انا تفاجات بالتشيك توقعت انها افضل من اللي شفته الشي المميز عندهم انه العلاج يومي فقط لاغير واللي متعبني انه عشان تشوفين نتيجة لازم نقعد اقل شي 3 شهور هذا كلام الدكتور وغير المصح كل شي على حسابنا الخاص يعني دوا بنتي للتشنجات خلص شريناه 34 دينار علبة وحدة طبعا وحذا طبي بنروح نشتري ومحد يقولنا بالضبط وين المكان يقول انتو روحوا وشوفوا محل طبي وغيره وغيره والوقت هذا ما انصحكم فيه للعلاج لانه الدنيا زحمة مووت كل الكويتين موجودين والسعودية وقطر وليبيا وغيرهم واكيد التشيكيين وعلى فكرة غير مصرح بالاقامة بالمصح الا للتشيكيين ليش ما ادري ووريتهم صورة بدلة الفضاء قالوا ما نعرفها ومو عندنا بس اكيد في مميزات ولانه بنتي قاعد تبجي ارد لكم بعدين عشان انومها "مراسلتكم من التشيك "

 

[بنوتة 1]

انا بالكويت اودي بنتي عند عايشة الرقم علاج طبيعي مكانها بالسالمية صراحة مستفيدة ووايد زينة مع المعالج احمد وهي الوحيدة عندها بدلة الفضاء وهذا رقمها 25645070

 

[بنوتة 1]

مميزات تجعل التشيك افضل من غيرها : الماء الطبيعي الموجود لديهم خصوصا انه ضمن البرنامج العلاجي وبصفة يومية يعني ما تشمين ريحة الكلور مثل اللي عندنا .
2/ العلاج الطبيعي يوميا وهذا ما نفقده في بلادنا .وللعلم بانه اجهزتهم بدائية جدا جدا يعني احنا افضل منهم بالاجهزة .
3/ المتابعة الاسبوعية من الدكتور المختص بالعلاج الطبيعي ومتابعة الحالة وتطورها وهذا شي حلو .
4/ الابتسامة واشعر بانهم لولا الزحمة لكان عملهم وادائهم افضل من ذلك بكثير .
5/ كوني ذهبت الى اوكرانيا فانا افضل هنا المكان فيه مطاعم عربية وكل شي متوفر للعرب هنا لكن الاسعار غالية مقارنة ببلادنا .
6/ وما ادري افكر بعد بمميزات وانشاءالله احصل واقولكم . بس ماراح انسى السلبيات وراح اذكرها لكم

 

[بنوتة 1]

اللي يسالون عن العملة المتداولة في التشيك بالنسبة للايجار لازم باليورو لكن الباقي بالكرونا وطبعا كل من جا هنا راح يمر المانيا لانها ساعة بالسيارة اقرب من براغ عاصمة التشيك فالتعامل بالمانيا باليورو " اقصد الاغلب" واذا انتو من محبي المعبوج والفلفل جيبوا معاكم لكن الدقوي عندهم نوع زين وعندهم تباسكو واذا في اي احد عنده اي سؤال انا حاضرة بس المنتدى ما يفتح معاي الا بالغصب والله زين فتح اليوم من فرحتي كل شوي اكتب

 

[اوووفه]

هلا ومرحبا ورود 11
المركز عنده دكتورين وفلبينيه بس الي يعالجون الدكتورين ويمدحون الهندي اكث وبصراه زوجي يمدحهم حيل لمى يودي ولدي يقعد يسولف مع الي يشوفهم ويمدحون المركز يقولون ان عيالهم تحسنوا وقاموا يمشون

 

[اوووفه]

والاحلي ما في المركز ان علاجهم مكثف 5 ايام بالسبوع وسعرهم رخيص 150 بالشهر وعندهم البدله الفضائيه والسبايدر 3 ساعات باليوم لمدة شهر ب350 دينار يعني ارخص من مركز عايشه
ويمدحون لي دكتور بمصر تخصصه علاج طبيعي اطفال شكثر ناس راحوا واستفادوا وعيالهم ردوا يمشون واسمه كمال شكري وانا وزوجي قلنى بنحول اوراق ولدي لمصر احسن عندهم العلاج بالكسجين والاوزون حيل يمدحونه

 

[اوووفه]

امانه بنات ادعوا لنا تسهل امورنا ويوافقون علي لجنه ولدي ونسافر ويهديلنى وكيل الوزارة ويوقع علي المعامله

 

[بنوتة 1]

اوووفة الله ييسر اموركم ويسخر لكم الوزارة بكبرها ويشافي وليدج اللهم اميييين