تجمع المسافرات الى اوكرانياا للعلاج الطبيعي(دمج جميع المواضيع المشابهه)

[الذوق]

مساء الخير ... شخبااااااااااركم ..؟؟؟
اشتقت لكم ... مشكوره عالسؤال بنوته توني شاريه الوصل وسيدا دخلت اشوف شخباركم ... امس كانت اول جلسه لولدي مبدئيا حلو يعني يسون له كل شي بالجلسه نص ساعه علاج بالعمل نص ساعه يوقفونهعالجهاز ساعه تمارين نص ساعه سباحه هذي ولدي كيف عليهااا احلى تمرين عنده ..علاج يالكسجين ولدي حطوله استنشاق للاكسجين لانه يه فيه تشنجات ما يصير بالجهاز .. ربع ساعه اضءه كهربائيه ونص ساعه علاج حراري والعلاج بالمياه المعدنيه .. بس طبعا مو كلها بنفس اليوم الاستنشاق بس 3 مرات بالاسبوع وعلاج بالعمل 3 بعد والسباحه مره عاديه مره جاكوزي مره مياه معدنيه يعني جدولنا كل يوم من 9 الى 12ونص .. وانتي متى سفرتكم ...

واختي ورود شخبارج وشخبار جلسة بنتج وافقوا عليه ولا شصار معاكم ...


يالله اشوفكم على خير واي سؤال انا حاضره ..

 

[بنت النور***]

الله يشافي عيالنا وكل مريض وياجرنا
خواتي الغاليات بغيت اسالكم سفرتكم للعلاج على حسابكم

 

[الذوق]

اكثر اللي لقيتهم هني على حساب الدوله .. وفي ناس يروحون على حسابهم ..

 

[بنوتة 1]

هلا والله الذووق وحمدالله على السلامة وانشاءالله تشوفين ولدج باحسن حال بس ياريت تكتبين لنا ولخواتج الاشياء اللي تحسين انها مهمة انه احنا نعرفها قبل لانجي التشيك بالنسبة للسكن وشلون الول انتي شريتيها وغيرها من الامور اللي تحسينها مهمة خصوصا اللي راح يقعدون برمضان هناك يجيبون معاهم اساسيات رمضان ولا كل شي متوفر والجو اسالي لنا عنه بالاشهر القادمة وما تقصرين ياعمري دوخناج وانشاءالله لقيت احد تقعدين معاه وتسولفين من اهل الخليج هناك وهل علاجكم يوميا من 9 الى 12 ونص والعطلة يوم ولا يومين وعفوا الدكتور لما شاف ولدكم قرر لكم مدة العلاج كم تقعدون ولا ما تكلم بالموضوع ؟ ؟

 

[اوووفه]

مرحبا الذوق بسألك انا ولدي عمره سنه شلون علي حليب الاطفال عادي يدخلونه الطياره انا سمعت انهم ما يدخلونه باوربا وبسألكم بنات صج وقفوا العلاج الطبيعي بالخارج الرجو الرد

 

[اوووفه]

بنات انا سألتكم كم سؤال ص 7 ما رديتوا علي الله يخليكم فيدوني وجاوبوني

 

[الذوق]

هلا بنوته والله ىشوفي انتي لما توصلين تعرفينن كل شي من المترجمين وشوي وشوي تعرفين من البنات اللي معاج بالمصح ..والله شوفي اغراض رمضان مو كل شي متوفر في شوربه ماجي انواع المعكرونيات .. المحاشي شفت اليوم جلي وكريم كرامل بس مو مثل مالتنا البهارات مافيه مخلوطه كل شي بروح جيبي بهاراتج احسن شفت اعيوش بس بعد ما جربت منهم شي .. الحليب والكرنيشن مافيه .. الول جير سلمتها عند باب الطياره وقت الاقلاع واستلمتها وقت الوصول عند الباب .. الجو اليوووم بررررد ومطر امس حلو يعني مثل ما قلتلج اخذي كل شي جم طويل وجاكيت احتياط .. والله اشوف بنات بالمصح واسولف وياهم بس للحين ما عرفت اسمائهم ولا قعدت معاهم بالحديقه .. الدكتوره ما قالت شي بس شافته واكتبت له جدول علاج ..

 

[الذوق]

مراحب اوووفه ... انا والله حاطه رضاعه ولدي وحاطه الحليب بمقياس الحليب وعادي ما قالوا شي دخلوه وبخصوص العلاج برى والله ما ادري ما سمعت شي ..

 

[بنوتة 1]

مشكورة حبيبتي الذوق ماقصرتي تعبناج معانا اعذريني اسالتي واااايد والله يفرحج بوليدج يارب واذا حسيتي انه في شي مهم لازم نعرفه بقولج شكرا مقدما واذا انتي بخاطرج شي من الكويت نجيبه معانا حبيبتي تحت امرج نعين ونعاون

 

[اوووفه]

مشكورة اختي الذوق علي ردك بس بتأكد اذا باخذ كميه كبيرة من الحليب وأحطه بجنطة الشحن عادي مايصادرونه تعرفين ولدي صغير ولازم حليب أخاف ياخذونه وأتوهق هناك مانلقي نفس حليبه

 

[الذوق]

سلامتج بنوته ... ما نبي الا العافيه لنا ولكم ..

 

[الذوق]

العفو اووفه انا ماخذه جنطه سفر كبيره كلها حليب لولدي وقهوه وهيل ونسكافيه يعني كلها مواد غذائيه ما قالوا شي عادي حبيبتي لا تحاتين..

 

[اوووفه]

نشكرتعاونكم معنا والله يردك بالسلامه ويشفي لك ولدك ويسلمه من كل شر وسؤال أخير الشقه الي سكنتوها كامله من كل شي من مواعين وغساله وغلايه واوتي وشوله أو في شغلات ناقصه ياليت تفيدينا عشان نجيب معانا

 

[الذوق]

الله يسلمج فيها جوله ومواعين وغساله الغلايه انا شريتهاا وفيها اوتي على حسب كل شقه انتي متى بتجين انشاء الله ...؟؟ظ

 

[اوووفه]

أدري تعبناك معانا يعطيك العافيه ----- أدعيلنا يسهل أمورنا أنشاالله علي نص سبعه علي ما تخلص أجراءات الفيز وغيره

 

[بنوتة 1]

انا بسوي جدول لاهم الاشياء اللي بناخذها ونحتاجها في الدول الغربية وعلى من سافرت تساعدنا بالتاييد او المعارضة او اضافة شي مهم وشكرا

 

[اوووفه]

يالله بنوته انا معاك أول شيء قهوة وهيل ومعلبات صحون سفري وعيش وبهارات وابر وخيوط وأدويه مثل أدول ودواء بطن وترجيع ومرة لا تنسون المرة مهمه وغلايه وأوتي وشراشف وكفر خفيف وشوربة ماجي واغراض ارمضان للي يرمضون هناك ولا تنسون تاخذون أبريق الحمام لان الشقق هناك بدون هوز للماي ما أدري فهمتوني أو لا وان تذكرت شيء راح اقول

 

[اوووفه]

يالله بنوته انا معاك أول شيء قهوة وهيل ومعلبات صحون سفري وعيش وبهارات وابر وخيوط وأدويه مثل أدول ودواء بطن وترجيع ومرة لا تنسون المرة مهمه وغلايه وأوتي وشراشف وكفر خفيف وشوربة ماجي واغراض ارمضان للي يرمضون هناك ولا تنسون تاخذون أبريق الحمام لان الشقق هناك بدون هوز للماي ما أدري فهمتوني أو لا وان تذكرت شيء راح اقول

 

[الذوق]

بنات لا تكثرون الاغراض اهم شي الاساسياتيعني قهوه وهيل وبهارات وعيش ومره وشراشف واغراض رمضان اللي ما راح تلقينهااا ... شوربه ماجي موجوده الشقه فيها مواعين وتلقين مواعين سفري فالبقالات ما يحتاج تجيبين حتى المعلبات موجوده وانا حمام شقتي فيه هوز هم غالبا مجهزين شقق العرب بكل احتياجاتهم .. انا شريت الغلايه من عندهم عشان تركب على بلاكاتهم .. الاوتي موجود وكفر ما يحتاج لان تناميم من غير مكيف انا والله الشراشف مكفيتني ..واغراض رمضان اللي يمكن ما تحصلينهاا لقيمات محلبيه شعيريه شوربه شوفان المعكرونيات بانواعهااا موجوده حتى العيش بس مو مثل عيشنا مكتوب عليه ارز بسمتي بس ما ادري شكله غريب ..

 

[اوووفه]

ها شلونك الذوق وشلون ولدك انشاءلله تحسن ها بشري تعرفتي علي بنات أو للحين مستحيه وشلون الجو هناك برد