تجمع المسافرات الى اوكرانياا للعلاج الطبيعي(دمج جميع المواضيع المشابهه)

[ام نوونه]

رد: منوو راحت اوكرانيا ؟؟؟

الله يسهلها عليج يا ام نونه وعلى غيرج
ويفتحها عليكم بالعلاج

مشكوورة حبيبتي على هالدعوه الحلووة
والله يشفي عيالنا يارب

 

[♥ąϻᴑŁ♥]

رد: منوو راحت اوكرانيا ؟؟؟

لوووول ام نوونه انا عااارفتج من زمااان بس كنت شااكة :×

ابشرج حطولنا غرفه غسيل يعني بس اللي عليج اتييبين الصابون معاج

 

[ام نوونه]

رد: منوو راحت اوكرانيا ؟؟؟

زييييين الله يبشرج بالخير
انشالله انتوا متى ترجعون يوم الاحد ؟؟

 

[الصابرة المحتسبة]

رد: منوو راحت اوكرانيا ؟؟؟

ام نونه ألف مبرووك على الموافقة ويارب يسهل دربكم ويحفظكم ويبشرج بشفاء علاوي اللهم آمين.



♥ąϻᴑŁ♥ : جزاج الله خير على المساعدة وفي ميزان أعمالج يارب

 

[محناره]

رد: منوو راحت اوكرانيا ؟؟؟

انا اسفه اذا الكلام اللى قلته فيه شى مو زين بس والله هذا اللى حصل معاى ومو بس انا اكثر اللى معاى ما استفادوا لان مدة لعلاج قصيره بهالشهر فى ناس امرضوا وقفو اعلاجهم لمن تعالجم بالله عليج شبقى من الشهر يعنى العيب بالمده وبالاقامه يعنى الاكل والمكان والله حتى الغسيل كنت اغسل ملابسنا بايدى لاتشوفين ايدى يوم رديت والطبخ يايبه معاى جنطه متروسه اكل وما طبخت ولا شى لانهم موزعين علينا اوراق تعهد اللى يطبخ بالغرفه يوقفون اعلاج المريض صراحه خفنا وماسويت شى بس صراحه اللى نفعنى غلاية الماى اخذيها لاتنسين حق الشاى وحليب ولدج وكثرى من البسكوت والاجبان واهم شى الداقوس والاجار والمعبوج لان اكلهم مافيه طعم واخذى خبز المطاحن حق شهر وكيك اذا تحبين الكيك لان اغلب كيكهم فيه كحول وان شاء الله تردون بالسلامه واذا تذكرت شى اقولج

 

[ام نوونه]

رد: منوو راحت اوكرانيا ؟؟؟

الله يبارك فيج حبيبتي الصايرة ومشكوورة على الدعوة الحلوة
ويارب تشفي كل عيالنا

 

[ام نوونه]

رد: منوو راحت اوكرانيا ؟؟؟

انا اسفه اذا الكلام اللى قلته فيه شى مو زين بس والله هذا اللى حصل معاى ومو بس انا اكثر اللى معاى ما استفادوا لان مدة لعلاج قصيره بهالشهر فى ناس امرضوا وقفو اعلاجهم لمن تعالجم بالله عليج شبقى من الشهر يعنى العيب بالمده وبالاقامه يعنى الاكل والمكان والله حتى الغسيل كنت اغسل ملابسنا بايدى لاتشوفين ايدى يوم رديت والطبخ يايبه معاى جنطه متروسه اكل وما طبخت ولا شى لانهم موزعين علينا اوراق تعهد اللى يطبخ بالغرفه يوقفون اعلاج المريض صراحه خفنا وماسويت شى بس صراحه اللى نفعنى غلاية الماى اخذيها لاتنسين حق الشاى وحليب ولدج وكثرى من البسكوت والاجبان واهم شى الداقوس والاجار والمعبوج لان اكلهم مافيه طعم واخذى خبز المطاحن حق شهر وكيك اذا تحبين الكيك لان اغلب كيكهم فيه كحول وان شاء الله تردون بالسلامه واذا تذكرت شى اقولج

هلا حبيبتي
ليش تاسفين انتي قلتي اللي صار وعادي مرات الواحد تصيرله مواقف ماتصير حق غيرة
مو شرط الكل نفس المواقف تحوشها
وشكووورة حبيبتي ماقصرتي انشالله بودي معاي غلاية وزين قلتلي اودي خبر لان ماكان على بالي كلش
والله يشافي ولدج انشالله وتفرحين فيه يارب
ويعطيج العافيه

 

[الذوق]

تجمع المسافرات الى اوكرانياا للعلاج الطبيعي

مرحبا بنات شخبااااركم

بنات انا حبيت اسوي هالتجمع عشان نفيد ونستفيد من بعض

انا انشاء الله رايحه للعلاج الطبيعي في اوكرانياا لولدي فيه شلل دماغي ... وابي خبرت البنات اللي راحوا وابي همت اللي بيروحون ...


نساعد بعض وحتى لو صادف سفرت وحده مع الثانيه يقدرون يونسون بعض هناك


انا لندن وما تحملتهاا مع انها كلها عرب واسواق وتمشي ما ادري شلون بتحمل هناك ...


ابي احسن الاماكن للعلاج واي مناطق وهل لاحظتوا تحسن ...

بنات رجاءا لحد يحبط لاني بروحي محبطه انا ما ابيها ابي التشيك بس مو راضين فيها عشان جذي احاول اقنع نفسي فيهااا واهم شي اني ما اقصر بحبيبي بحاول اعالجه بكل الطرق ..

يالله بنات همتكم ...

 

[الصابرة المحتسبة]

رد: تجمع المسافرات الى اوكرانياا للعلاج الطبيعي

هلا ياذوق تفضلي هالرابط - - تجمع للي بيسافرون اوكرانيا للعلاج الطبيعي (http://www.q8yat.net/showthread.php?t=587733)

وراح أدمج كل المواضيع المشابهة .

 

[الزين فرح]

هلا حبيبتي الذوق الله يسهل اموركم ويعافيلج وليدج وتشوفينه بصحه وعافيه يارب

 

[الذوق]

تسلمون بنات عالردود بس للحين ما عرفنا كل شي ... حتى طريقه العلاج محد قال شي عنها وشلون ..؟؟

يا ليت تفيدونا اكثررر ..

 

[الصابرة المحتسبة]

ــــــــــــــــــ

 

[(( انفوي ))]

السلام عليكم انا كنت العام باوكرانيا اعالج ولدي من الشلل النصفي والحمدلله صار فيه تحسن كبير وملحوظ حتى اهلي لما رجعت لاحظوا الفرق وانا عن نفسي وايد امدح لك العلاج هناك لان صراحه معاملة الاطباء والعاملين فوق الروعه , وبعد جم يوم عندنا لجنة عشان نروح نكمل العلاج هالسنة باوكرانيا .

 

[بنوتة 1]

العلاج باوكرانيا افضل من التشيك وهذا كلام اللي كانوا معانا باوكرانيا وراحوا التشيك يقولون شهرين بالتشيك يساوي شهر باوكرانيا والله اعلم انا بروح التشيك شهر 7 وابلغكم بالفرق بين الاثنين لاني جربت اوكرانيا الصراحة علاجهم ممتاز بس ناقصه السباحة وبنتي تحسنت ادراكيا اكثر من الحركي عندهم

 

[الذوق]

انا كان علاجي باوكرانيا ... بس زوجي ما كان مقتنع .. وبعد الاستخاره سوينا لجنه وغيروها حطوا لنا التشيك والحمدالله على كل حال ... باوكرانيا حتى لو كان العلاج زين المده قصيره ما يمدي الطفل استفاد ... وهم قالوا لنا شهر واحد فقط لا غير غير قابل للتمديد ... واحنا دام رايحين رايحين ابي استفيد كثر ما اقدر ما اروح وارجع عالفاضيواهم شي عندي ان العلاج يكون مكثف ..

 

[بنوتة 1]

الله يكتب اللي فيه الخير لولدج "الذوق" وما تردين الا وانتي فرحانة قولي امييييييييييييين وانشاءالله انتلاقى بالتشيك ويستفيدون عيالنا

 

[MALAAK22]

شلوكم بنات شخباركم:eh_s(8):
سوري من زمان ماشبكت وشكرا علي مواضيعم وانشاء الله تعم الفايده للجميع

بالنسبه للاخت بنت الكويت بغيت افيدج ان علاج البدله مو بس حق اللي مايعرفون يقعدون! بالعكس هي مفيده حق الوقفه والمشي وعن تجربه ووايد ممتازه
وعلى فكره باوكرانيا في العلاج بالبدله :050103nbh_prv: بس غير البدله اللي بالبحرين وامريكا! ولانهم مايبون يعالجون فيها فيقولون لج تكلفتها غير شامله علاج الدوله يعني تدفعين من حسابج الخاص مع العلم العلاج بالخارج قالو اي شي يخص المريض مفروض الدوله تدفعه فبنهايه عن القال والقيل وعشان لاتقولون نبي علاج البدله ببساطه يقوقون لكم البدله ماتنفع حالتكم!

ام نونه طمنينا شلونكم ويا علاج البحرين؟ علي فكره ترا في بالكويت العلاج بالبدله بمركز ابولو 10 جلسات الجلسه لمدة ساعتين السعر 300 دينار وشوي ما اذكر بالضبط بهالحدود

ام نونه صح كلامج بانهم دوراو الارخص بس للاسف مادوراو الافيد لعيالنا !!
بالنسه لعلاج اوكرانيا جربنا العلاج هناك وبرنامج يومي كان حلو وشدنا بالبدايه بس للاسف ماشفنا فايده
الاخت محناره انا اشاركج بالراي 100 % وحق ولدي مااااااااااااااشفت اي فايده بالمرررررررررررره وبالعكس حسيت اتكست حالته :eh_s(14):
اولا من كثر ما كان علاجهم مكثف ويهد حيل الياهل طبيعي الياهل جسمه تعب وارتخي وكانو مستانسين علي قولتج من اول اسبوع يبون توقيع انه شفنه فايده! كل يوم حنه غصب مادري اول مره ادري العلاج طبيعي بسرعه يبين صاروخ اهو؟!!
غير هذا مثل ماقلت الارتخاء للاسف ماتوقعت جذي كان بشكل مؤقت بسبب التعب ولمه ردينا لكويت بعد اسبوعين رد كل شي مثل ما كان!! واللي حرني انه ولدي كان قبل وده يمشي بمساعدتي طبعا بس للاسف بعد اوكرانيا مايبي يمشي !
الاكل لاتعليق! الله يزيد النعمه,, والطلعات مايمدي علي ماتخلصين الجلسات كل محلات سكراو يعني شهر حجز لا مفر :gr4uu: وبالليل حراسه الذيابه مع صوتهم عشان صج تحسين انج ابمعتقل :23_asmilies-com:
اللي يلبسون عبايه الله يعينهم واللي تلبس نقاب انصحها ما تطلع يكون افضل!:j013:
غلاتي الكويت انا مثلج ما انصح فيها لا حق كبار ولا اصغار نفس الشي بصراحه ماشفنا فايده وانا لو شيصير اقعد بالكويت :q8: ولا اروح عشان هالدوله اللي صراحه تحسفنا ضيعنا وقتنا وهدينا عيالنا واهلنا وتغربنا فيها على ولا شي
اخت الذوق احنا مو قاعدين نحبطج بس نقول الصج عشان لا تنصدمين مثل مانصدمنا!
اهم دوراو اقل تكلفه + اقل مده = اقل فايده او بدونها!:nocommint:
للاسف والي حارني زياده في ناس وايد سواو دعايه وايد اوكرانيا زينه وزينه :gathering: بس لمه تشوفين عيالهم ماكو شي يديد! :080402ask_prv: وهذا مو بس حجيي انا حتي كلام دكاترة اطفالهم عندنا بالكويت سمعتها منهم الدكتور قال : ولي الامر قال هالحجي علاج اوكرانيا واايد زين وبنتا عندنا شفناها راحت وردت بدون اي تطور!! ليش هالدعايه مادري! هذا كلام الدكتو اللي يعالج البنت مو كلامي انا والله شاهد
عموما الله كريم والله يسخرهم لنا :yaaaaaarb: ويشفون الافيد لعيالنا مو الارخص لهم
وسوري طولت عيكم بحفظ الله :bye22:

 

[الذوق]

هلا والله شخبارج ملاااك وشخبار الحلو ...لا ابشرج ملاك حولوني للتشيك ... ما جربتي العلاج فيهااا ..؟؟

 

[الجـــــــود 27]

مساء الخير
انا رحت العام لاوكرانيا والحمدالله حسيت ولدي استفاد بس صج حجي البنات انها كانها معتقل بس يهون عشان ولدي واحسن شي خلوها شهر لو شهرين صدقوني ماتتحملون الوضع اعوذ بالله حشاتني ضيقه من هالديره

 

[بنوتة 1]

اخت ملاك 22 انا رحت اوكرانيا كل كلامج صحيح مية المية بس انا بنتي تحسنت ادراكيا وفعلا نظامهم غريب بس على كلام اللي راحوا التشيك لهم سنين يروحون قالوا اوكرانيا افضل واعتقد انج صادفتي ناس منهم انا كنت من دفعة 31 /8 لنهاية 9 كل اللي كانوا يجون من اجانب يقعدون اسبوعين لانه المصح جذي نظامه الا احنا الكويتيين كنا شهر هذا مو معناه يدورون الارخص واذا سالتي المختصين اللي درسوا علاج طبيعي بره بيعرفون اسم دكتور كازاخستان او ما ادري شسمه اللي كان يطق الظهر معروف بالعالم واعتقد بعد مر عليج مؤتمرهم اللي كان فيه كذا دولة عربية واجنبية مشاركة فيه والاعلام اللي موجودة عند البوابة تشهد بانه الدول الكبرى معترفة بنظامهم وعلاجهم وانا اعتقد انه ينقصهم العلاج المائي وانا اؤيد كلامج انه بدلة الفضاء عندهم لاني شفتها بكتيباتهم اللي وزعوها وسالت عدنان وجميل عنها ما عرفوا يردون علينا وعموما انا بنتي الحين اوديها علاج بالبدلة عند عايشة الرقم بمركز ابولو 10 جلسات 320 وفعلا بنتي بدت تتحسن لانه توها بدت تحبي الحمدلله والله يشافي عيالنا ويفرحنا فيهم ونتمنى انه ما نسافر ويكون العلاج متوفر بديرتنا بين اهلنا
الجود27 صح كلامج لو يصير شهرين نموت وما نتحمل الله يعين غسل الملابس والاكل انا كنت اكل الرقي بس عاد كان وقتها رمضا ن الحمدلله كنت جايبة معاي فيمتو ومكسرات وفلفل وااايد فادني والاهم البفك مع الدقوس اعوذ بالله ماجنهم بلد اوربي جمعياتهم تلوع الجبد كانهم بقالة عندنا وفاضية بعد يوم ردينا الكويت اتفقنا احنا والقروب اللي معانا كل وحدة تطلب من اهلها يسوون الاكل اللي تحبه تعالي شوفي ما خلينا شي تقول رادين من صحراء الله لا يعيدها من ايام حتى الخبز اشتقناله .....