تجمع المرضعات هنا ارجو التثبيت

[نـعـومـه]

وفي شي مهم يطري بالي

في اطفال يشربون رقمين حليب في اربع هذا صناعي

انزين طبيعي شلون اعرف ان بنتي شكثر تشرب !!؟؟ عباره عن رقم رقمين ثلاث !!؟؟ شلون اعرف

 

[فرح79]

نعومه​

والله وانا ما اعرف اذا ابني شبع من الرضاعه ولا لا يعني احيانا يبكي وما اعرف هو جوعان ولا معه مغص والله محتاره اخاف حلبيبي ما يشبعه​

 

[نـعـومـه]

اذا شبعان يبين شكثر شرب

دكتور يقول عشان يشبع البيبي لازم يشرب من 20 الى 30 دقيقه هالمده اتوقع تشبع البيبي

 

[فرح79]

لا والله يادوب ابني يرضع 10 دقائق

 

[فاقده ابوهاااا]

وي انا ولدى ما يكمل حتي خمس دقايق رضاعه ودوم يحن ويتمغص اذا كان يرضع

اما بالنسبه للشوربه انصحج بشوربه الدياي انتي تسوينها تفوحين الديايه مع بطاط وجزر وطماط وبصل مع بهارات تطلع عجيبه انا امي تسويها لي ما ادري اشلون تسويها جم مره حاولت اضبطها بس ما تضبط معاي امي نفسها بالاكل عجيييب

ويقولون الحسو بعد يزيد الحليب

 

[فاقده ابوهاااا]

صج علي المانع انا سمعت ان الام دامها ترضع ولدها ما تحمل عاد ما ادري مع كل الحريم لان امي تقولي انها رضاعتها لاخواني مثل حبوب منع الحمل ومتى ما اقطعت عن الرضاعه تحمل بعدها

عاد انا ماشيه على الرضاعه وباجي الاحتياطات بس ودي اسوي ربط بس ابي دكتوره ثقه وحده امجربتها

 

[أم حورية]

حبوب المانع المخصصة للرضاعة ما تأثر عالحليب نهائيا

واللهاية او المصاصة ما الها شغل بالرضاعة عادي

بي ديرو بالكم لا تعتمدون عاارضاعة كمانع للحمل انا حملت وانا ارضع

ترا التمر حييل زين حق الحليب

واللي تقول الحليب ما يشبع ولدها خل تاكل رهش عجيييييب لان يثقل الحليب ويزيد الدهن اللي بالحليب اللي يهلي الياهل يشبع ويزيد الحليب

والوقت ماله شغل بالرضاعة من ياهل لي ياهل يفرق فيه يهال باااردين وفي يهال مستعيلييين

بس ضروري تخلون الياهل يشرب لنا تحسين ارتاح وهدا او ناام لان اذا شلتييه ما يشبع لان الدهن بالخليب اهو اللي يشبع الياهل والحليب في بداية الرضعة يكون خفيف وفي نهايتها يكون ثقيل ويشبعه

اللي حابة تستفيد انا منزلة موضوع عن تجاربي الفاشلة والناجحة مع اارضاعة الطبيعية

 

[Ms.electric]

انا اليوم سألت عن اللزقة و الي بالصيدلية قالي تقدرين ترضعين عادي

بس الفكرة ان اهيا نفس حبوب منع الحمل ممكن تقلل الحليب بس اذا ما قللت الحليب و حسيتي ان

في حليب للرضاعة ف مافي اي مشكلة .. قلتله و اذا خففت و حابة اغير قالي عادي بس قالي حبوب الرضاعة حيل خفيفة

و لازم اول 15 يوم تاخذين احتياطاتج بعدين يبللش مفعولها

 

[سراج الليل]

بنات الله يعطيكم العافيه

انا صارلي اليوم ١٤ نفاس وبصراحه نفسي ارضع ولدي وزوجي حييل زعلان لأني مارضعته وهم لاني مارضعت عيالي قبل

بجري كنت حطيته مره ع صدري وماتحملت وعطيته صناعي في بنتي ٤ ايام بس وعقب ناس رايحين وناس داشين وعودتها ع الصناعي والحين بس رضعته ٣ ايام بس ولدي باااااارد مايرضع يقعد ساعه مايرضع وتعبت واذاني ورضعته صناعي وللحين متحسفه وتوني قعدت افقص بصدري وطلع حليب بس اتوقع ماراح يتقبله ولدي

ادعولي الله يهديه وارضعه لأني هالمره كان نفسي ارضع

للأخت اللي فوقي احب اقولها لزقة المانع سمعة انه مايجوز تحطينها لأنج اذا كنت ع جنابه وتسبحتي مكان اللزقه مايحوشه ماي وتبطل غسلج

 

[الثالثه]

بنات انا ولدت امس وابي ارضع طبيعي
بس موعارفه شلون ابلش
قربت بنتي من صدري
عضت عضتين جذي وقعدت تبجي

عفيه بنات قولولي شلون اتاكد انفيني حليب او لا

 

[om 7sony]

سراج
حبيبتي حاولي تشفطين
وخليه يشرب من المميه
جذي تكونين عطيتيه طبيعي وبنفس الوقت دامه بارد وما يشرب بسرعه انتي ترتاحين

وشوي شوي لم يتعود على صدرج

 

[فرح79]

حبوب المانع المخصصة للرضاعة ما تأثر عالحليب نهائيا

واللهاية او المصاصة ما الها شغل بالرضاعة عادي

بي ديرو بالكم لا تعتمدون عاارضاعة كمانع للحمل انا حملت وانا ارضع

ترا التمر حييل زين حق الحليب

واللي تقول الحليب ما يشبع ولدها خل تاكل رهش عجيييييب لان يثقل الحليب ويزيد الدهن اللي بالحليب اللي يهلي الياهل يشبع ويزيد الحليب

والوقت ماله شغل بالرضاعة من ياهل لي ياهل يفرق فيه يهال باااردين وفي يهال مستعيلييين

بس ضروري تخلون الياهل يشرب لنا تحسين ارتاح وهدا او ناام لان اذا شلتييه ما يشبع لان الدهن بالخليب اهو اللي يشبع الياهل والحليب في بداية الرضعة يكون خفيف وفي نهايتها يكون ثقيل ويشبعه

اللي حابة تستفيد انا منزلة موضوع عن تجاربي الفاشلة والناجحة مع اارضاعة الطبيعية

مشكوره اختى بس انا احس انه ابني ما يشبع من الرضاعه وصرت اعطيه حليب مساعد رضعه باليوم وبصراحه خايفه يترك صدري والله اني بعمل المستحيل للاستمرار بالرضاعه الطبيعيه

 

[فرح79]

بنات انا ولدت امس وابي ارضع طبيعي
بس موعارفه شلون ابلش
قربت بنتي من صدري
عضت عضتين جذي وقعدت تبجي

عفيه بنات قولولي شلون اتاكد انفيني حليب او لا

حبيبتي الرضاعه بالبدايه بدها صبر حاولي اكثر من مره وبعدين تلاقي الموضوع اسهل

 

[أم حورية]

اللي حابة تستفيد تدخل موضوعي كاتبة فيه كل شي

اسمه تجاربي الناجحة والفاشلة مع الرضاعة

ولاااا تعطون الياهل اول الايام ممية راح يتعود ويكره صدرج لان حلمة الممية كبيرة فسهل ياخذها اما حلمة الصدر بالبداية تكون مو كبيرة وراح ياخذ الاسهل بس لما يتعود ع صدرج صعب يتخلى عنه لانه حس بالامان والدفا

الثالثة اقري موضوعي راح تستفيدين ولا تملين من اول شي الرضاعة يبيلها اسبعين تعب بعدين راح بتعود والرضاعة بالبدياة طبيعي ان تكون مو منظمة ،، الغريب ان من اول يوم مليتي وتعبتيى *

 

[نـعـومـه]

اللي حابه تعود ولدها عالرضاعه طبيعيه دكتوره رضاعه تيي تعلم !!
وبخصوص الرهش سامعه صح ان يطلع الحليب !!




وبنسبه لمانع اللزقه سامعه مايصير للمرضع !!لانها نفس الحبوب

انا ودي استخدم حبوب عاديه مالت الرضاعه اخاف خفيفه !!! بس سمعت ينشف الحليب حبوب ثانيه

 

[نـعـومـه]

وبغيت اسألكم شنو احسن نوع لشفط الحليب ؟؟

 

[Ms.electric]

نعومة أنا لمن سألته عن حبوب الرضاعة قالي حيل خفيفة و أول 15 يوم لازم

تحطين موانع ثانية يعني واقي أو آشياء ثانية يقول بعد 15 يوم يبين تأثيرها

و قلتله اللزقة يصير أرضع قالي هالجملة حرفيا إن أهيا تأثيرها نفس تأثير

حبوب منع الحمل اللي أهيا تقلل الحليب أو تنشفه بس مو شرط كل وحدة يصير

لها جذي قال إذا في حليب رضعيها ليش لا ،، عاد أنا عن الحلال و الحرام بسال الدكتور

و إذا تأكدت أردلكم خبر

 

[نـعـومـه]

اذا بس خفتها بأول ١٥ يوم خفيفه عادي تهون

اهم شي بشكل عام تمنع عدل

 

[أم حورية]

انا استخدم شفاطة بيجون اليدوية واهي وااايد زينة ومرتاحتلها

موجودة بالجمعيات وسعرها 7 وشي

بس سمعت في شفاطة ثانية بسنتر بوينت تشتغل عالكهربا جنة

 

[فرح79]

حبيبتي انا اسمع انه الشفاطه اليدويه افضل من على الكهرباء لانها مؤلمه بالشفط اما اليدوي تتحكمين فيها احسن