تجمع((المراجعات عند فوزية القطان))

[al7nooona]

هلا حبيبتي ام مساااعد انا بخير الحمدالله انتي شلووونج شخبااارج شمسويه؟؟

انا لا قاطعه ولاشي بس صايره بهالتجمع مثل البطه السوووده محد يرد علي ولا يعبرني جم مره ادخل واسلم واسأل محد يرددد علي

عشان جذي قطعت فتره بس الله يشهد اني حبيتكم وعلى طوول انتووو على بالي

 

[nono93]

الله يرزققكم بالذرييييييييييه الصالحــــــــــــــــــــــــــــه يا رب

 

[سحابه ممطره]

الله يرزقكم ياارب

ياربي انا تعبت من زوجي حيل سمين مو راضي يتلحلح مو راضي يقطع دخان
وزوجي حيييييييل ضعف وغير مبالي شسوي معاه تعبت

 

[كويتيه مذهله 87]

الحنونه افا بس احنا خواتج ياقلبي

يارحمن أرحمني حبيبتي التدخين والسمنه مو شرط ما تييبون عيال بس خل يحلل تحاليل الغده او الهرمونات فيه بعضهم يأثر

 

[غلا عيوني]

بنات جم تسوي دكتوره فوزيه الحقنن المجهري؟؟؟؟؟؟؟؟؟؟؟؟؟

 

[دي حسن]

صباح الخير بنوتات شلووونكم شخباركم ،، ام مساعد شخبارج يا قلبي ؟؟ كوكو شخبارج ووين انووووج شخبارهاا سلمي عليها اذا كلمتيها ،،

 

[سحابه ممطره]

كويتيه مذهله سووا التحاليل كلهم عند دكتور خليل العوضي كله ممتاز
مافيه شي لا غدد ولا هرمونات
وعندي طفل منه حملت طبيعي فيه رغم ضعف بس ربج كريم
بس الدكتور قال من سمنه والتدخييين وتعبت معاه مو راضي يترك تدخين وبالحسره يرووح الممشى

 

[ام مسااعد]

الحنونه والله موقصدنا افا عليج

انتي اخت عزيزه وغاليه

كوكو ياقلبي انا بخير دامج بخيييير

ام حسووون هلا حبيبتي شالاخبار؟


يارب ارحمني الله يوفقج ويرزقج بالذريه الصالحه

 

[ام مسااعد]

اختي غلا عيوني

على حسب حالتج في ناس تكلفهم ١٨٠٠ وفي ناس ٢٠٠٠

ب مو اكثر من هالرينج والله يوفقج ويرزقج من دون عمليات

 

[عشق قلبين]

السلام عليكم بنات

انا قطعت عن النت تقريبا شهر بشروني مافيه اخبار حلوه مني مناك

حبيبتي كويتيه مذهله شلونج ياقلبي طمنيني عن صحتج

والله يابنات دايم ادعي لكم من قلبي عسى ربي يرزقكم بالذريه الصالحه اللي تفرح قلوبكم ويعوض صبركم خير

والشهر الفضيل قرب ورب العالمين ماينسى عباده

وان شاء الله تذوقون اللي انا ذقته بهالحمال هههههه سبحان الله غير عن حملي في بنتي و ولدي هالمره غير لين الثامن وكله جبدي لايعه وعزكم الله ترجيع ودوخه تقولون في الاشهر الاولى

بس الحمدلله هانت مابقى شي وبخاطري اصوم لو يوم من رمضان مابي اولد بسرعه

سامحوني طولت عليكم والله احبكم

 

[ام مسااعد]

هلا اختي عسى الله يهون عليج وتولدين بالسلامه ويبلغنا رمضان على خيييييييييييير ياااارب

 

[دي حسن]

صباح الخير بنات شلووونكم شلووونج ام مساعد شخبارج حبيبتي، والله اخباري كل يوم ادوام بهالجوو الحلووو انتي شخبارج ماكو مخطط للسفر ؟؟ كوكو واوا وووينج مالج حس

 

[مناوووي]

ياااارحيم ارزقنا

 

[كويتيه مذهله 87]

كويتيه مذهله سووا التحاليل كلهم عند دكتور خليل العوضي كله ممتاز
مافيه شي لا غدد ولا هرمونات
وعندي طفل منه حملت طبيعي فيه رغم ضعف بس ربج كريم
بس الدكتور قال من سمنه والتدخييين وتعبت معاه مو راضي يترك تدخين وبالحسره يرووح الممشى

الله يرزقج ويرزقنا قريب
ويهدي ريلج لا تضغطين عليه اشويشوي مرات هما يعاندوون

 

[كويتيه مذهله 87]

عشق قلبين حبيبتي مشكووره علي سؤالج الله يهون عليج يارب ويعينج كله بأجره ياقلبي وان شالله تخف هالجم يوم وتصومين رمضان يارب

دي حسن هلا فيج انا بخير وكلنا بخير بس تعبانه هاليومين امس يانه خبر وفاه خالتي الله يرحمها الي اعتبرها امي ويدتي وكل شي بحياتي ارتاحت من هالدنيا بعد قلبي وايد ارتاحت اخر مره شفتها تقولي وين السستر ابي ابره موتوني لان اكثر من شهرين بالمستشفي تعبت حياتي
الله يرحمها يااارب وعليها بالعافيه توفت يوم ولاده الحجه عجل الله فرجه الشريف ويوم شعبان

ام مساعد والله بخير ونص بخير تعبانه

 

[ام مسااعد]

عظم الله اجرج كوكو

 

[تل السكر]

مساء الخير
عظم الله اجرج كوكو
وام مساعد عساج على القوه
وخشف من زمان عنج
الحمد الله واستغفر الله

 

[ام مسااعد]

الله يقويييج اختي تل السكر كيف الحال؟

 

[ba6re8a]

مرحبا بنات شلونكم


كوكي عظم الله اجرج



بشروني منو حمل؟؟؟

 

[ام مسااعد]

قوه بنات شلووونكم؟


كوكو شخبارج اليوم فديتج والله