تجمع ( المراجعات عند الكتوره ماجده اليتامى )

[Emanova]

السلام عليكم ....

انا اراجع عند الدكتوره ماجده اليتامى .... و قلت ابي اغيرها لما قررت اسوي طفل انابيب ...لكن للامانه كانت الوحيده اللي عطتني الكلام المضبوط و العدل ...

و ناطره انييني الدوره علشان ابلش تحالييل و سونارات و اشعات .........و الله كريم

فقلت ليش ما نتجمع ...:gathering:

و الله يرزق الجميع يا رب

 

[m e m e]

ههههههههه هلا خيتوه
يالله انا وياج نتجمع اهني

 

[الـفـجـر الـبـعـيـد]

انا كنت اراجع عند الدكتورة اللي معاها الشهرين اللي طافوا والشهر اللي طاف سويت تلقيح
صناعي وانا مافيني شي سليمه بس زوجي عنده ضعف والحمدلله ما صار حمل ومفكرة اغيرها لأنه قالولي اذا ماصار
حمل لازم ادشين عليها وولا رحت وطنشت قلت ماله داعي ماكو حمل شبتسويلي يعني وودي اغيرها ودي اروح عند
الدكتور عماد اللي برويال حياة اسوي تلقيح لأني قريت موضوع وحده من الخوات مشالله تمدحه وحملت بفضل الله ثم
علاجه بس المشكله استحي اكشف واعالج عند ريال .. شرايكم؟؟
شتنصحوني فيه ؟؟ وين اروح ؟؟ولا اعيد التلقيح عند الدكتورة ماجدة نفسها ؟؟

 

[Emanova]

روحي لها ....انا رحتعند اسامه صالحه و عند حازم الرميح ....محد برد قلبي الا اهي ....و الله يرزقنا كلنا

 

[Emanova]

معقوله محد يراجع عندها؟!؟!؟!

 

[سارا ديور]

بنت عمتي 16 سنه ماتييب عيال

اول مراجعه عندها اللهم لك الحمد احملت

ويابت بنت

عقبها بسنتين هم احملت ويابت بنت ثانيه

الحين احنا كل حريم عايلتنا عندها وهم رفيجاتي

توكلي على الله ورحي لها تراها وجهن امبارك

 

[سارا ديور]

http://www.annaharkw.com/Annahar/ArticlePrint.aspx?id=57214

 

[Pissy Missy]

انا ناويه اراجع عندها لان عندي تكيس بالمبايض والدوره ماتنزل على الا بحبوب

والحين ماشيه على الجلوكوفاج وابي اروحلها لان وايد مادحينها لي وبشوف شنو رايها بحالتي

 

[سارا ديور]

على فكره

بنت عمتي ماكان فيها عقم

ولا احملت بطفل انابيب ولا تلقيح ولا بحقن مجهري

لكن الله سبحانه ثـــــــــــــــــــــــــــــــــــــــــــــــــــــــــــم الدكتوره ماجده

الحمد لله احملت مرتين

 

[Emanova]

انا اليوم كنت عندها ... و وزنتني .... و قالت لي عصري نفسج اشويه .....قلت لها حاضر .........

 

[سارا ديور]

انا اليوم كنت عندها ... و وزنتني .... و قالت لي عصري نفسج اشويه .....قلت لها حاضر .........

انت متينه !!!!!

سوري فور ذات

ومدام قالت لج جذيه يعني ان شاء الله مشكلتج بسيطه

بس صح لازم تضعفين اشويا

الله يسهل عليج ويرزقج

 

[توته احلى بنوته]

انا بعد اراجع عندها ............ وقالتلي البويضه عندج صغيرة وتحتاجين ابر تنشيط
وانا الحين انطر الدورة علشان استخدم الابر ....... والله كريم واجيب حق ولدي اخو كل يوم يقولي ماما روحي اشتريلي اخو ؟؟؟؟؟؟؟؟؟؟ لا ومرات يقولي ماما خلاص اشتريلي اثنين اخو ..... )فديته والله)

 

[Emanova]

نا بطه مو متينه بس بالنسبه حق وزني قبل اكون دبه......

 

[Emanova]

انا بعد اراجع عندها ............ وقالتلي البويضه عندج صغيرة وتحتاجين ابر تنشيط
وانا الحين انطر الدورة علشان استخدم الابر ....... والله كريم واجيب حق ولدي اخو كل يوم يقولي ماما روحي اشتريلي اخو ؟؟؟؟؟؟؟؟؟؟ لا ومرات يقولي ماما خلاص اشتريلي اثنين اخو ..... )فديته والله)

ان شاء الله تييبين له 2 اخو و 1 اخت ...

و انا اييب بعد 3 و افتك لا حمال و لا ولاده بعد

 

[bant_alnoor]

ماجده اليتامى دكتوره شاطره
واذا انتو تفكرون اذا مانجح التلقيح عندها هالشهر وبتغيرون الدكتورة او الدكتور فانتو غلطانين نجاح التلقيج مو بايدها ولا بايد اي دكتور لكنه بايد رب العالمين هالدكاتره كلهم يعتبرون وسيله لتحقيق الهدف اللى احنا نبيه ونسعى له لكن في تفاوت بين هذي الوسائل في وسيله قويه وفي وسيله ضعيفه وفي وسيله متوسطه واحنا دايما نحرص على الحصول او اتباع الوسيله القويه حتى نوصل للهدف بشكل اسرع او بشكل سليم او بشكل اتقن من الوسائل الثانيه عشان جذي احنا دايما لما نروح نعالج نسأل على الدكتور او الدكتوره اذا كان شاطر ولا لا واتمنى انكم فهمتوني

وعسى الله يرزقنا جمعيا بالذريه الصالحه المعافيه يارب العالمين

 

[Pink-Ro0os]

هاي بنات بس حبيت اقولكم ان هالدكتوره وايد شاطره ............ والله يرزقكم ويرزق كل محرومه
بس حطو في بالكم ان كل شي بيد الله سبحانه وتعالى

 

[دانتي]

بنات انصحكم بالدكتوره ماجده الييامى ممتازه جدا جدا وانا توني مسويه عندها عمليه اطفال انابيب والحمدالله النتيجه التحليل كانت امس حامل والله يرزق الجميع

 

[Emanova]

بنات انصحكم بالدكتوره ماجده الييامى ممتازه جدا جدا وانا توني مسويه عندها عمليه اطفال انابيب والحمدالله النتيجه التحليل كانت امس حامل والله يرزق الجميع

ان شاء الله يثبته ..و يصوره في احسن صوره...و تقومون انتي وياه بالسلامه ..


عسى العمليه ما تعور ؟!؟!؟! انا ناويه اسوي عندها

 

[Anestazya]

بنات ابي رقمها وعنوانها؟


انزين اذا كانت الدورة ثالث يوم مايصير اخذ كلوميد ؟؟ انا المفروض اخذه اول يوم بس دكتورتي الخميس العصر والجمعه مسكره

 

[الـفـجـر الـبـعـيـد]

خلاص بتوكل على الله وبروح لها الأحد ان شالله عشان تحددلي موعد للتلقيح وان شالله خير


والله يرزق الجميع