$$ تجمع المدرسة الكندية ثنائية اللغة cbs $$

[الفتاة السماوية]

المدرسه بخيطان دخلتها عالشارع مقابل فندق كراون بلازا بالفروانية

بالعربي مستواهم عادي لا توب ولا ضعيف

وبالنسبه للمراحل : من الحضانة لي ثامن بس من السنه اليايه راح يفتحون الصف التاسع

 

[bambena]

شكرا لج

 

[قناديل الخير]

شخباركم مع الغبار الي صار اليوم وشنو المواقف الى صارت لكم بنسبة لي كنا متغدين في الافنيوز اليوم بس رحنا بدري بعد صلاة الجمعة لانه مانحب الزحمة واحنا طالعين على الساعة 5 ونص والا نشوف غيمة سودر كبيييييييييرة شكلها مرعب سبحان الله بس كانت بعيدة شوي وماعرفنا شنو اهيا بظبط غيمه او غبار او انفجار لان لونها كان غريب اسود على احمر سبحان الله وبسرعة لي بيتنا والحمد الله وصلنا وسكرنا الدرايش والابواب وشوي الا العفسة والاصوات من بعض الاغراض الى طارت من فوق السطح ومظلت جارنا طارت وطاحت في حوشنا والحمد الله الله فكنا لو قاعدين شوي في الافنيوز كان أنحكرنا وما قدرنا نطلع اللهم لك الحمد والشكر ولا كان تلعوزت مع اعيالي لان ولدي الصغير عنده حساسية في الصدر
الله يعينج ريما كانج في الشاليه والله طريتي على بالي ودعيتلج

 

[الفتاة السماوية]

هلا قناديل الحمدالله أنكم وصلتوا بيتكم بالسلامه

اي والله ريما بالشاليه ان شاء الله تكون اهيا وعيالها بخير

تخيلي احنا كنا بنطلع الصبح نتمشى جان انأجلها لي الظهر بعدها قلنا لأ انتغدى ونطلع وبعد ما تغدينا قلنا لا نصلي المغرب ونطلع لووول سبحان الله أجلنا طلعتنا كذا مره قبل لا ندري بتصير عاصفه وكنا قاعدين بالبيت وفاتحين الستاير والدنيا كانت نوور فجأه صارت برتقاليه بعدها ظلـمـــة
والسيارات بالشارع اوقفوا وهرنات واعتفست الدنيا فوق حدر
حمدنا ربنا ان ما طلعنا وسيده حطينه عالتلفزيون وشفنا نقل مباشر للعاصفه وتعليمات الداخليه

سبحان الله شي لا يوصف


ما سولفتي قناديل عن الانترناشونال داي
الامهات يقولون السنه اللي طافت كان أحلى وأرتب لان كان بصالة الالعاب مو بالساحه والشمس
بس اخوي استانس حده لان قضى اليوم كله لعب وركض مع ربعه ما وده يرد البيت
شفتي الناظر لما يترجى اولياء الامور يقعدون بالاماكن المخصصة الله يهديهم

 

[قناديل الخير]

اي الحمد الله الله لا يورينا مكروة احنا وجميع المسلمين
وبنسبه حق الانترناشينول دي العام احسن احلا شي عجبني ها السنه عرض مرور الدول في الساحة واخر شي الناظر يتكلم ما حد رد عليه
وسلبيات حرني مدرس ولدي مستر جيمس حابسهم في الصف وكل شوي يسكر الباب واولياء الامور يفجونا خنت حيلي ولدي عيونا علينا انا واخوه لصغير يبي يطلع يلعب بس ما سكت ما خليتها في قلبي قلت حق مس شيماء شدعوه كل الصفوف يلعبون ومبسوطين ومستر جيمس مسكر الباب وبعدها خلا الباب مفتوح وانا قاعدة في الصف لاحظت ان باله مو طويل على الصغار ما يطوف شي كلش ومخليهم واقفين شايل الطاولات والكراسي واذا قعدوا على الطاولات قومهم انا هذي وجهت نظري ومادري عن الباقي ادري قرقت عليج بس حبيت افضفض

 

[الفتاة السماوية]

لا اشدعوه قرقي واخذي راحتج هالتجمع مسوينه حق الفضفضة

مستر جميس الاسمر؟ مادري ماعرف الا مال قريد5
اتوقع حابسهم لان الناظر طالب جذي انا كنت امشي بالممر صوب صف من الصفوف ولا اشوف الناظر جدامي قال حق اليهال دشوا صفكم ، وشفتي تقسيمة الوقت اللي ماكنا فاهمينها هاذي اوقات العرض يعني كان المفروض يقدمون اكثر من عرض بالصف بس اللي صار ان في صفوف التزمت وفي صفوف لأ فا بعض الطلبه اطلعوا ولعبوا واستانسوا وبعضهم بالصف بس يدش عليهم ولي امر يقولوله معلومات عن دولتهم

احنا مس دينا بس اول ما دشينا عليها سوت العرض وسألت االيهال جم سؤال عن دولتهم وجاوبوا وسوو جم حركه ورونا جم شي وبعدين ضيفونا واللي يبي يطلع يطلع، واهوى ما صدق خبر وقضى يومه باللعب بس وقت الموكب راح صف معاهم

عشان جذي الامهات قالوا العام احسن لان الكل كان بصالة الالعاب ومقسمينه على اركان وكل ركن دولة واولياء الامور يشوفون الكل

يله مناسبه وعدت اهم شي دراستهم والحين اهما بعطله يريحون فيها ويستانسون

واذا على باله اللي مو وسيع حاولي تكلمين المستر أو الادارة

 

[قناديل الخير]

السلام عليكم اهلين شخباركم غاطين مالكم لا حس ولا خبر
ان شاء الله المانع خير

 

[قناديل الخير]

سبحان الله وبحمدة سبحان الله العظيم

 

[الفتاة السماوية]

وعليكم السلام هلا قناديل

والله لهيت اشوي بالاسبوع اللي بعد الاجازه طاح طيحه قشره ومرض بس الله قومه بالسلامه الحمدالله
وهالاسبوع داوم بفضل الله ، انتي شلونج وشلون العيال؟

رحلتهم اليايه المسيد الكبير إشسوى ولدج اهناك وشنو علموهم؟

دزوا ورقة يقولون راح يكون في يوم اسمه يوم التبرع للعاملين (الفراشات)
كل طالب اييب أي شي من بيتهم ما يبيه ويمعون الاغراض بسله ويعطونها حق فراشة الصف
يزاهم الله خير على هالفكره حلو ان الياهل يتعلم مساعدة المحتاجين

 

[قناديل الخير]

الحمد الله على سلامتة وما يشوف شر
رحلة المسجد الكبير خذوا جولة في المسجد و وزعوا عليهم دفاتر تلوين عن المسجد الكبير وبس ولدي ما يعلق
والله خوش فكرة التبرع

 

["~FOoFOo~"]

ممكن اعرف باي منطقه المدرسه

 

[قناديل الخير]

بخيطان الجنوبي مقابل كروان بلازا

 

["~FOoFOo~"]

يسلمو قناديل عالرد بعرف جم الرسوم ومتى يخلص التسجيل تكفون ردوا علي عشان باجر الصبح بروح اسجل ولدي

 

[قناديل الخير]

التسجيل توه ما خلص مريهم باجر وبتوفيق ان شاء الله

 

[ريماا]

هلاا امهاات اشلووونكم
انا غااطة اشوى ادمنت لعبة بايفوونى والوقت لي كنت اخصصة للنت صرت اقضى بالعب هههههه
قناديل طرشتلج رسالة بخصوص سؤالج
وحلوة فكرت تبرع للعاملات بشتري هدية لهم بس انا مااستلم ورقة التبرع الا ولدى للى بكى جى1 ؟؟ مادري القريد بعد بيتبرعون؟
ولله السنة مرت بسرعة وماباجى الا شهرين تقريبا للعطلة مستانسة وضاايق خلقي
قناديل عيالنا عندهم رحلة الابرااج

 

[قناديل الخير]

اهلييييييييين ريما اي شفتها الرحلة سويتي لهم تي شيرت فيه رسمة هاتف المس طالبة منهم ومو قبول تلهين قي الايفون وتخلينا والله ما الومك صج يلهي انا بعد طلعت بلاك بيري ادري بتقولين قديمة كح كح كح بس مطور ما حبيت الايفون شفتة عند زوجي وما يخدمني عشان اغلب صديقاتي واهلي في السعودية وقطر مطلعين bb واقدر اتواصل معاهم واقدر اتواصل مع الايفون في خدمة الوتس اب يعني من الطرفين ما افوت شي هههههههههها الله يعينا ولدي الي في الكي جي ما داوم من يوم الاربعاء من الحرارة الي ما تنزل بسبب الاحتقان في البلاعيم في اي شي مهم للكي جي وصل لكم ان شاء الله اذا صار زين بيداوم يوم الثلاثاء

 

[الفتاة السماوية]

مرحبا ريما وقناديل
يوم التبرع دازين ورقته مع قريد 1 وأتوقع حق كل المدرسه لانهم راح يكرمون فراشة كل صف.

اي والله يا ريما ماشاء الله تبارك الرحمن السنه مرت بسرررعة

وما بقى شي على عطلة الصيف

سبحان الله صج ما بعد الضيج الا الفرج الكل تعب وعانى والحين بنرتاح ان شاء الله

سلامات قناديل ما يشوف شر ولدج كل اليهال امرضوا وصار فيهم احتقان بعد الغبار

الله يشفيه يارب.

 

[قناديل الخير]

الله يسلمك الفتاة من كل شر اي والله صاجة اهوا اصلا العدوا انتقلت له من اخوه الكبير بس كان وقتها اجازاة لهم وما أثر علية الغياب والمستشفيات متروسة الله المستعان فايروس غريب يطول على ما يخفون اللهم لك الحمد

 

[كويتية222]

هلا خواتي هالمدرسة لهم فرع في الفحيحيل ؟!!

 

[ريماا]

ماايشووف شر ولدج قناديل ان شالله نزلت حرارتة الحين؟؟؟
كويتية ماتوقع لهم فرع ثاني