$$ تجمع المدرسة الكندية ثنائية اللغة cbs $$

[ريماا]

رد : $$ تجمع المدرسة الكندية ثنائية اللغة cbs $$

الفتاة عاادى تغيرين الموعد بس بلغيهم مبجر قولى صار عندى ظرف بهالوقت فبغيرة واهم بيشوفون الاوقات الفاضية عندهم ان شالله تناسبج

 

[ملكة بيتها]

يعطيكم العافيه

 

[قناديل الخير]

الله يعافيك

 

[Samurai]

مشالله خوش تجمع. شكلي بروح المدرسه اشوفها بس ليش كتب التربيه بفلوس. كلمو الوزاره

 

[الفتاة السماوية]

Samurai : حياج الله

ملكة بيتها : الله يعافيج

ريما : الحمدالله المس غيرت لي الموعد وصار يناسبني

بس بسألج الحين حدي معاها اقعد ربع ساعه انزين ومدرسين المواد الثانيه اشلون؟ انا طبت اقابلهم بنفس الورقه اللي عطونا اياها بس مادري هل راح اقدر اقابلهم بعد ما اقابل المس؟

 

[قناديل الخير]

اهلييين ريما شلون الشهايد ا؟ نا شهادة ولدي زويييينة مع انهم كانوا مكرمينة الخميس الي طاف!!!ولدي الي في الكي جي ما شفا شهادة لاته كان غايب اليوم لانة تعبان شوي وباجر بيشوفها ابوة في الاجتماع

 

[red flower]

هاي بنات بسالكم عن المدرسه تنصحوني فيها والا في احسن منها

 

[الفتاة السماوية]

هلا red flower
انا بالنسبة لي مرتاحة من المدرسة بفضل الله وقبل لا نسجل فيها استخرت وربي سهلها
وفيها مميزات تعجبني
لكن مافي مدرسة ما تخلى من العيوب

وأكيد في مدارس أقوى وأحسن
مثل الرؤية، الابداع، البيان

نصيحة بحثي واستشيري واستخيري قبل لا تسجلين بأي مدرسة

 

[قناديل الخير]

اهلييييين بنات شلونكم وان شاء الله الحلوين بخير شسويتوا في الاجتماع انا راح زوجي الاجتماع حق ولدي الي في قريد 2 ونسي لا يمر على صف الكي جي ويقولي شحقة ما له داعي شنو يعني توة في الروضة بس ماطاوعني قلبي قلت خل اروح واشوف ان شاء الله الاحق كان باقي نص ساعة على نهاية الدوام وموعدنا طاف طبعا بس الحمد الله ستقبلتني مس دينا وكنت اخر وحدة وشفت تست ولدي وكان اوكي والابلة الحمد الله تحبة و تمدح مستواه ورتاح قلبي ورديت البيت سبحان الله الابو في الدراسة مو نفس الام ياكلها قلبها

 

[الفتاة السماوية]

لوول قناديل الخير صج صج الحريم غييييير حاارين بالدراسه والريايييل أبرد من البرود وكل شي عادي والحياة حلوه

زين انج لحقتي وارتحي

انا ارتحت من الاجتماع وعجبني تنظيمه

الله يوفق كل عيال الامه الاسلاميه يارب


امبيه اليوم صج كان برررد الصبح ما توقعت الجو راح يبرد جذي بسرعه

لبسته قميص جم طويل مع الجوليه الكحلي

باجر ان شاء الله بشتري جاكيت من المدرسه

 

[ريماا]

رد : $$ تجمع المدرسة الكندية ثنائية اللغة cbs $$

اهلين امهاات اشلوونكم الاجتمااع ماشالله كاان منظم والحمدلله مستواى عيالى اوكى والمدرسين حييييل متعااونين ونفوسهم حلوة
الفتاة بالنسبة للجاكيتات شريت من المدرسة العام بس ماحسهم يدفون من دااخل الخاامة امم عادية مو قطن حتى عياالى موراضين يلبسونة كللش دورت لهم جاكيت كحلى بس مالقيت عندى من بولو بس حراام اقطة على مدرستهم خااف يضيعونة ماتسوى وشفت اليوم بلوفرات كحلية من سنتر بوينت حسيتهم اى شى موكوالتى وخياطهم مو مرتب ومريت مذر كير بس للى بجمعيتنا ماالقيت بلوفرات تصلح للمدرسة يمكن احصل بالافنيوز بمر زارا بفلوفراتهم مرتبة يمكن احصل كحلى للمدرسة او ادمز ينزل بلوفرات كحلية

 

[قناديل الخير]

اهليييييييييييييين ريما وين هالغيبة تو ما نور الموضوع وصح كلامج انا ما أخذ منهم الجاكيت ماينفع للبرد ومو عملي للمدرسة كلش انا خذيت لهم من غاب ومن أوكايدي من دبي كانوا في الصيف مسوين تنزيلات ومنزلين شتوي وبعد خذيت من ماركس & سبنسر البلوفرات مسكرة لونهم كحلي وبركب عليهم شعار المدرسة من ملابس ولدي ملوت العام انا من العام اسأل المدرسة عن الشعار يقولون مافية وها الاسبوع بمر المدرسة بشتري الترنقات وقمصان كم طويل والسديري الحفر بس وبكذا اكون خلصت

 

[ريماا]

رد : $$ تجمع المدرسة الكندية ثنائية اللغة cbs $$

هلااا قناديل امس كتبتلج رد ومانزل علق النت عندى ورحت انوم عيالى وقلت برد اكتب مرة ثاانية بس ماقدرت
احس يووومى كلة حاااااااافل من تدريس وحروب اهلية بين عيالى لله يعينى ولله بس انوومهم احس راااااااااسى اشكبرة حتى مالى خلق اسوى شى
صج بسالج عادى اشترى شعارهم؟ واركبة على بلوفر الان بلوفر الصبيان عندهم حفر مايدفى جنى قريتلهم انة مايصير نركب على اى قميص تفصال او جاهز شعار المدرسة
اوكاايدى مشكلتة فرعة الوحيد بالراية احس الافنيوز اهو للى جااامع اغلب محلات الاطفال

 

[الفتاة السماوية]

صح اهما دزوا ورقه كاتبين ممنوع هالسنه ينحط الشعار على الملابس اللي من بره

وكاتبين لازم الكل يلتزم بالزي الموحد من المدرسه

اخاف نشتري من بره ونركب الشعار وبعدين يبلغون اليهال ان ممنوع

ما يندرى والله

 

[قناديل الخير]

عااااااادي ياحياتي عندنا وعندك خير الله يصلحهم ويهديهم ياارب اي حبيبتي البلوفر الحفر مال المدرسة ما يدفي بس لازم اشترية عشان التصوير و شريت نفسة من ماركس بنسر بس مو حفر انا كتبت لكم في الصفحات الي قبل لما كنا نكتب عن التجهيز لانة العام في الشتاء ما لقيت كانوا خالصين والله الشعار انا جربت اول السنة ركبت لهم على تشيرتات بيضة سادة نفس طقة بولو ومشي الحال ما قالوا شي بعد شنسوي اذا اهما ما يوفرون ملابس الدفي والبنطلونات مافي مقاسات لازم نتصرف وخذيت لهم العام جاكيت كحلي متين من نكست حق البرد الي يلسع مثل المربعانية وكبرهم ها السنة أنا أخذ الجكيتات كبار عشان تقعد على الاقل سنتين وبس ياالله العافية

 

[ريماا]

رد : $$ تجمع المدرسة الكندية ثنائية اللغة cbs $$

قناديل جاكيتات نكست ليكون للى كبوسها فى فرو رماادى ؟اذا اهى نفس ملووت عيالى يونسوون بس حق البرد برد شهر 1
يوم التصوير بلبسهم الحفر مالهم

 

[قناديل الخير]

هلا ريما لا جكيتات عيالي مافيهم فرو واليوم نزلوا جدول مواعيد التصوير لصفوف موعد gr -2- a يوم الاثنين الساعة 10 ونص كي جي 1D-الساعة 8 ونص موعدهم مو حلو وجه ولدي متنفخ من بعد النومة <<<هههههههههه احاتي اللوك اهم شي وتمنى للجميع اجازة ممتعة وعيدكم مبارك مقدما

 

[ريماا]

رد : $$ تجمع المدرسة الكندية ثنائية اللغة cbs $$

علينا وعليج وعلى كل المهاات يتباارك ان شالله
احسن الصبح مبجر عشاان ماتخرب شعوورهم انا عندى واحد من عيالى مأساااة شعرة ههههههه

 

[قناديل الخير]

ههههههههههههههه لا والله انا احاتي العيون عيونة صغار واذا كان توة قاعد من النوم مصيييييييبة

 

[ريماا]

رد : $$ تجمع المدرسة الكندية ثنائية اللغة cbs $$

ههههههههههههههههه يااحلوة ماكو للى تسهرينة لى الصبح هههههههه
ولدى من فرحة العطلة قااعد الصبح مبجر يقول ترا ماكوو مدرسة ويتمشى بالصالة مستاااانس واخونا بعد فرحاانين بالعطلة كل شوى يقولون ترا نسهر مو تقولين ناامو مااكو مدرسة
شنوو تخربط نومهم ماينامون الا عشر وفوق يعنى اول يووم دراسى ماسااة
اشلون مع تجهيزاات العيد؟