$$ تجمع المدرسة الكندية ثنائية اللغة cbs $$

[ريماا]

رد: المدرسه الكنديه الدوليه

هلا فيج ام الدكاترة
قناديل الورقة هذى موللصور مالت الطلاب هذى لحفلتهم للى طافت يوم الدول انا بعد مثلج استغربت وسالتهم وقالولى
لاحظتى الهوم ورك كل مالة ويصعب؟ اليوم تعبت معاة بالكلامات والهوم ورك وبكرة برد ادرسة الاملاء
ريان اشلون ولدج الحين مع الدراسة

 

[قناديل الخير]

رد: المدرسه الكنديه الدوليه

ريما حبيت ابلغج ترى المس طالبه منهم دشداشه مع وزار وغتره بس بدون ورقه ولدى قالى ما ادرى اذا عندج خبر

 

[^^ ريان^^]

رد: المدرسه الكنديه الدوليه

بنات اشلونكم

والله الانجليزي بدي يصعب لما بدوا يركبون الحروف اشلون تدرسونهم بالبيب ما عرفت

ريما الحمد لله ماشي حاله لس اليوم رد يشتكي من ابله اللايبرري يقول طاقته بروح اشوف اش سالفتها

 

[ام الدكاتره]

رد: المدرسه الكنديه الدوليه

هلا فيكم خواتي شخباركم وصلتكم الدعوه حق احتفال العيد الوطني؟
تصدقون عاد انا انصدمت لم شفت الحفله مالت اليوم العالمي كانت بسيطه وايد ومو مرتبه وانتو شريكم؟

 

[ريماا]

رد: المدرسه الكنديه الدوليه

ام الدكاترة انا شفت التحضيرات للى مسوينها تونس حيل اعجبتنى المجسماات وخيمة السدو اول ماتدخلين بس ماحضرت الحفلة زوجى حضر
ريان لى درستية املاء حرفى معااة خلى غصب يقرى وشجعية وكتبيلة كلمات من ثلاث احرف وخلية يقراهم بس بالاول لازم يعرف صوت كل حرف عشان يقرا نفس الشى العربى
متى حفلتهم العيد الوطنى ؟؟ انا شفت ورقة الكريزى وير وورقة ثانية كريزى شوز ماادرى اشقصدهم
قناديل باجر ؟يبون اللبس ماعندى وزار بحطلة غترة ودشداشة

 

[قناديل الخير]

رد: المدرسه الكنديه الدوليه

لا مو باجر اعتقد- حفلة العيد الوطنى فى تاريخ 24 -2 الساعه 9 الصبح

 

[ريماا]

رد: المدرسه الكنديه الدوليه

اى قناديل تذكرت اهى مو بالمدرسة الحفلة عدل؟
قناديل ماتلاحظين الهوم ورك كل مالة ويصعب اممم احس بدو يتعمقوون اهو حلوو بس انا تعبت من الترجمة حييل خاطرى اقوى اللغة الانجليزية عندى اترجى زوجى ادخل معهد مع ولد اختى بس مارضى وولد اختى بيدخل عمرة 13 وماشالله يبى يقوى لغة بس حسافة زوجى مو مقتنع واختى عندها سى ديات من معهد وقالتلى بتعطينى السى دياات عاد بقعد بالعطلة قعدة
واخوى مااشالله عيالة لغتهم تووووب مع انهم مدارس حكومية بس اهو يدخلهم معاهد 3 اشهر بمريكا فعارفين حتى الهجة لله يحفظهم ان شالله من كل شر
انا لو اقدر عالغربا جان دخلتهم معاهد بالصيف براا بسال اذا فى يمكن ادخلهم بس ابى ببريطانيا منها سياحة ومنها لغة

 

[قناديل الخير]

رد: المدرسه الكنديه الدوليه

لا مو كاتبين خارج المدرسه وانتى تاكدي بعد اي والله صاجه كل ماله ويصعب المنهج وانا اعتمد على الترجمه من قوقل وفي برنامج حلو اسمه كيف تتعلم اللغه الانجليزيه با الصوت والصوره سوى بحث بقوقل وتحصلينه وعندى مترجم صغير ماخذته من الغانم بس حق الكلمات واذا بتدخلين دوره يمدحون المعاهد البريطانيه افضل من الامريكيه انا والله ودى ادش بعد - تدرين مدرسة عيالنا مسوين دوره لاولياء الامور الى يبون يتعلمون لغة انا متاكده وصلتنى الورقه بس ما ادري وين حذفتها

 

[^^ ريان^^]

رد: المدرسه الكنديه الدوليه

اشلونكم بنات ؟؟
الحفله بتاريخ 24 الساعه تسع الصبح بتحضرون ؟؟ انا انشاءالله بحضر خل اشوفكم واتعرف عليكم
تري مدرسه عيالنا مسوين دوره انجليزي مدتها 7 اسابيع ثلاث مرات بالاسبوع وتهتم بالدرجه الاولي بالمحادثه وهذا اللي نبيه امس رحت وسولي اختبار مستوي وقالوا بيدقون علي
لاني اصبت باحباط انا زينه بالانجليزي بس من زمان مو ممارسه اللغه وابله ولدي تكلمني افهم شتقول بس مو قادره ارد عليها شعور محبط عشان جذيه قررت ادخل دوره

وبعد سجلت ولدي بتقويه الساعه 2 لاته بالريدنق والرايتنق موشي وهذي اخر التطوارات وسنوافيكم بالتفاصيل لاحقا

 

[قناديل الخير]

رد: المدرسه الكنديه الدوليه

انا نفس مشكلتج يا اخت ريان افهم شتقول المس بس ما اعرف الرد عليها <<< بصراحه ما احب ها الموقف

 

[ريماا]

رد: المدرسه الكنديه الدوليه

يبيلنا جراة بالمحادثة انا اخااف اغلط عشان جذى استخدم الجمل البسيطة
ريان يالله نتواعد بس مو اكيد احضر الان ساعات زوجى يقولى قعدى انا احضر
اشسوينى مع الابلة للى طاقتة؟انا اول السنة جذى ولدى قال انه ابلة سحر مصرخة على ولد وتأزم ناديتهاوقتلة جان تتعذر ةتنكر السالفة وتخز ولدى تقولة انااااا وولدى يهز راسة يعنى اى هههه جان اقولها اهددها بطريقة ذربة واقولها ترا كل شى تسويتة ينقال للامهات هذيل اطفال
من يومها الحمدلله مااشتكى منها
الحفلة نلبسهم لبس العيد الوطنى من البيت؟؟؟ حساافة الصبيان ماتبدعين فيهم مثل البنات انا بشتريلهم بلايز وكبابيس شفتهم بمركز سلطاان اشكاال رووعة وباجاات وفى اساور
قناديل خاف الدشداشة طالبينها لليوم الوطنى؟؟ الان يغنى ويرقص ولدى نسيت الاغنية بس عن البحر جنة سالى ولدج انا للى عندى موراضى يتحجى

 

[قناديل الخير]

رد: المدرسه الكنديه الدوليه

شلونكم بنات - ريان متى تبداء دورة الانجليزي ومتى تنتهى ومساء ولا صباحا وبكم سعرها اذا عندج خبر ويعطيج الف عافيه

 

[^^ ريان^^]

رد: المدرسه الكنديه الدوليه

هلا والله فيكم
ريما بالنسبه للابله اعتذرت وقالت انها بدون قصد وقالت لي راح تراضيه وبالفعل رد البيت مستانس<<<
واذا تحضرين الحفله بلغيني:]
قناديل الدوره تبتدي اول ثلاثه
سعرها 80 والعصر طبعا بس ما حددوا الوقت يقولون يشوفون رغبه اولياء الامور

 

[ريماا]

رد: المدرسه الكنديه الدوليه

ريان زين سويتى رحتيلها
بيوم الحفلة نلبسم من البيت ؟؟؟؟؟؟؟؟؟اليوم كاتبين يبون وزار وفنيلة

 

[قناديل الخير]

رد: المدرسه الكنديه الدوليه

اهلين ريما لا اعتقد اهما بيلبسونهم في المدرسه- انا دزيتهم مع ولدى قبل اسبوع للمدرسه

 

[قناديل الخير]

رد: المدرسه الكنديه الدوليه

وينج ريما فقدتج من غير شر

 

[ريماا]

رد: المدرسه الكنديه الدوليه

هلا قناديل
اليوم حفلة الروضة تخيلى ماكنت ادرى الظاهر خدامتى حاذفة الورقة مالت الحفلة عشان جذى ماقريتها
ووصلت عيالى ولا الروضة كلهم لابسين؟؟؟ جان ارد البيت واجيبلهم دشاديش وصديرى الكويت وكبابيس الكويت اشوة مدانى قبل لاتبدى الحفلة
اليوم ولدى معطينة شهادة شكر على تقدمة باللغة الانجليزية يقولى عطونى انا و3معاى وحدة متشقق من الفرحة يااااحلوة لله يخلية

 

[قناديل الخير]

رد: المدرسه الكنديه الدوليه

مبروك الف مبروك ولدج الى في اولى ابتدائي انا قبل عطلة الكرسمس كرموه ولدى في الانجليزي وقبلها في العربي بس ليش ما دعوج في الطابور انا قدموا لنا دعوه و راح ابونا وحضر التكريم

 

[قناديل الخير]

رد: المدرسه الكنديه الدوليه

اهلين شلونكم ؟ ان شاء الله اعجبتكم الحفلة انا بصراحه اعجبتي حتى زوجي يقول احسن من حفلة اليوم العالمي ولا استاذ على مبدع اليوم باالدشداشه والغتره - ريما توقعين يبيعون لنا التصوير مال الحفله موصور شريط او دي في دي كامرتي اليوم خونت فيني

 

[ام الدكاتره]

رد: المدرسه الكنديه الدوليه

شلونكم خواتي حضرتو الحفله اليوم ؟اليوم الحفله وايد حلوه ومرتبه فرق عن حفله اليوم العالمي وبغيت اسال في تقويه للطلبه بالريدنج والرايتنج؟يا ريت اللي عندها خبر تقولي ومشكورين