$$ تجمع المدرسة الكندية ثنائية اللغة cbs $$

[قناديل الخير]

رد: المدرسه الكنديه الدوليه

ما شاء الله - اي حبيبتى ما في عطله الا في شهر 4 انا سالتهم - والحمدالله انه اخذ 3 في الاملا لانه ما عنده ورقة الكلمات كان غايب يوم الخميس الى طاف وما درس مسكين - وعادت له الاملاء الى طافه الاسبوع الى راح واخذ 4 من خمسه الحمد لله

 

[قناديل الخير]

رد: المدرسه الكنديه الدوليه

واي ليش الرد اول مره ما طلع بعدين طلعوا ثنينهم

 

[astmoon]

رد: المدرسه الكنديه الدوليه

منو تعرف دوام المدرسات للساعه كم؟ و بعد شنو جنسية المدرسات ؟ عفيه ضروري.

 

[ريماا]

رد: المدرسه الكنديه الدوليه

منو تعرف دوام المدرسات للساعه كم؟ و بعد شنو جنسية المدرسات ؟ عفيه ضروري.

المدرسات اجنبيات والمساعدات عربيات والدوام من الصبح لى الساعة 3
زين قناديل هالاسبوع ماعطوهم كلمات صح؟ الانى ماشفت شى

 

[قناديل الخير]

رد: المدرسه الكنديه الدوليه

لا ما عطوهم ورقة كلمات ما شفت

 

[astmoon]

رد: المدرسه الكنديه الدوليه

مشكوره ريما موفقه انشالله

 

[قناديل الخير]

رد: المدرسه الكنديه الدوليه

ريما اليوم عطوهم ورقة كلمات الاملا مدبسينها مع ورقة الدين

 

[ريماا]

رد: المدرسه الكنديه الدوليه

وى ليش جذى حيل متأخرين انا ولدى من اول الاسبوع يقولى ناسى الدفتر مال الهوم ورك واليوم جابة وشفت الورقة اليوم تخيلى وهووركاتة اشكثرهم تكودوا علية والحين درستة اشوى وحفظة الكلمات بالليل قبل لاينام بـراجع لة ان شالله
اشرايج نتواعد باجر واشوفج؟

 

[قناديل الخير]

رد: المدرسه الكنديه الدوليه

والله جان زين لي الشرف حبيبتى بس باجر ابوه راح يحضر انا ما اقدر عندى ضرف

 

[قناديل الخير]

رد: المدرسه الكنديه الدوليه

شلون الحفله ريما انشاء الله حلوه

 

[ريماا]

رد: المدرسه الكنديه الدوليه

مارحت ولله راح زوجى عالاسبوع الجاى بيبيعون السى د مال الحفلة بس وانا اوصل عيالى كالعادة شفت تحضيراتهم روووعة
تخيلى انا كل شى سويتة بيوم واحد من الساعة 6المغرب لى 9 خلصت وصج توهقت الان ولدى للى بثانية يبون لبس اغريقى فرحت خذيتلة من محل رجالى خامة دشداشة عالرمادى ودخلتها الخياط ورسمتلة الموديل مثل البلوزة الطويلة تقريبا لبس الرومان اشلون كسرات عالجم وجذى بساعتين سواها مع بنلطون داخلى ابيض وجوتى تكريمين وحزام كلة تركيبات الحمدلله كانت عندى بالصدفة اضبطت والمدرسة حيييل عجبها الشغل
والصغير للى بالبر كى كان لبسة احمر ببيض عن كندا هذا كلش ماتعبت فية اما ولدى الكبير قعدت احوس ابى تشيرت البرازيل ماكو مقاسة خاالص ومافى بالافرع الثانية اضطريت لضيج الوقت اخذ كبير وارد الخياط واعدل المقاس يومها قعدت نص ساعة وانا تحت الدوش مستلقية هههههههههه صج تعبت الانى انضغطت كل شى سويتة متأخر
صج بغيت اسألج قناديل كتاب القران هذا شنو؟؟ استاذ ولدى كاتبلى ملاحظة يبى كتاب قران ولدى يقول لازم اشترى قلت يمكن قصدة جزء عما ؟

 

[ريماا]

رد: المدرسه الكنديه الدوليه

ههههههههههههههههه بنلطون= بنطلون

 

[قناديل الخير]

رد: المدرسه الكنديه الدوليه

ما شاء الله -نفسي انا ما تحركت الا لما خلصتى انتى انا بديت الساعه 9 با اليل كان ناقص ولدى بس قميص او هاينك اسود رحت ماكس شريت ورديت بسرعه لانه عنده تى شيرت البرازيل وعنده بنطلون اسود - وبا النسبه للقران الكريم ما وصلتنى هاذي الملاحظه لانه ولدى عنده كتاب القران الكريم من المدرسه - شفتى الورقه الى يبلغون فيها اولياء الامور انهم دخلوا مادة اللغه العربيه قلت بقلبى والله البركه في ريما ما قصرت - وخذينا موعد حق ولدى لى الكي جي يوم الاحد ما عندج فكره عن طبيعت الامتحان

 

[قناديل الخير]

رد: المدرسه الكنديه الدوليه

اى الحمد الله زين سويت انتى نفسى انا ما بديت الا الساعه 9 با اليل على اساس ولدى عنده تى شيرت البرازيل وبنطلون اسود وتوهقت ما حصلت قميص اوهاينك اسود رحت ماكس شريت ورديت - والحفله زوجى يقول فوضى واهما كاتبين الساعه 45-12 ولما راح الا فقرة البرازيل على المسرح اشوه لحق على اخرها - وبا النسبه للقران الكريم ما وصلتنى الملاحظه لان ولدى عنده كتاب للقران الكريم من المدرسه - شفتى الورقه الى كاتبين فيها انهم دخلوا مادة اللغه العربيه على الروضه قلت والله البركه في ريما والله ماقصرت -واخذنا موعد لامتحان الكي جي يوم الاحد حق ولدى ما عندج فكره عن طبيعت امتحانهم

 

[ريماا]

رد: المدرسه الكنديه الدوليه

امم بشتريلة الكتاب شكل ولدى مضيعة؟
شوفى المتحان اكيد بيكون عن الاشكال والارقام والاحرف والالوان حفظى يعد من الون الى التن والوان يحفظ اهم الالوان وشكل الارقام والاحرف وصدقينى دام عندة اخو بالمدرسة يقبلونة وبعدين قوليلها ابى النتيجة الحين وطلبى انج تدخلين معاة
لله يوفقة ان شالله

 

[قناديل الخير]

رد: المدرسه الكنديه الدوليه

ياربى ليش يعلق معاي الرد ما يطلع بعدين يطلعون كلهم - المهم لا حبيبتى ليش تشتريله اهوا نفس كتاب المدارس الحكوميه اعتقد يوزعونه بدون فلوس او يمكن ما اخذ ولدج من اساس و اذا تعرفين احد يشتغل با اى مدرسه حكوميه يطلعلج كتاب

 

[ريماا]

رد: المدرسه الكنديه الدوليه

انا متأكدة انة ماخذا الكتاب الان عمرة مامر على بس بسألهم باجر بما انة ماعندى دوام
كلمات الاسبوع الجاى سهلة اشوة قلت ببدى معاة يوم الاحد

 

[ريماا]

رد: المدرسه الكنديه الدوليه

شريت الكتاب اليوم .امس امتحنو تربية اسلامية وسألت ولدى شنو سويت قالى خذيت زيرو قتلة ليش قالى انا اسولف مع مبارك(قلت ليكون ولد قناديل) هههههههههه وقالى انتو خذيتو زيرو
رحت اليوم وحاجيت استاذ جمال وقالى لا اهو خذا فل مارك بس انا اقولة جذى الان يسولف وماينتبة بس اهو حيل شاطر الحمدلله
بكرة عندهم املاء عربى والعربى ملوع جبدى صعب اشوى عليهم؟؟؟ اليوم بدرسة عربى وبدرسة كلمات الانجليزى اشوة سهلة هالاسبوع
وولدى اللى بالبركى غيروا تيجرة عاد التيجر القديمة رووعة والحين ماادرى بيتقبل التيجر الجديدة؟
دفعتى فلوس الصور؟ انا دفعتلهم عشان يطلعونها وصج نسيت لا اشترى سى دى الحفلة ماادرى قالولى هالاسبوع نسيت اسالهم ان شالله باجر اسالهم

 

[قناديل الخير]

رد: المدرسه الكنديه الدوليه

اي دفعتهم اليوم والله يستر على ولدى ها الاسبوع كلش مالى خلق لادرسته لاعربى ولا تربيه اسلامييه سالته قال سويت زين سمعت الحديث ولالستاذ عطانى 10-10 والله يستر اليوم لازم ادرسه الكلمات ما فتحنها -رحت يوم الاحد لاختبار الكى جى ونقبل الحمدالله بس الامتحان كان صعب عليه الارقام والحروف حافظهم بس لازم يعرف اشكالهم على الورقه تساله وين رقم 7 او 3 والحروف نفس الشى وزياده عليه مثلا شلون ينطق حرف h &c&w اهوا شعرفه مسكين وبعدين يكتب الارقام نسخ وقعدت اسولف مع ولية امر طلع ولدها مع اعيالنا بنفس الصف الى عطاهم دعوه مسكين تقول ماحد جاهم ولا حتى اعتذروا وكلمتنى بخصوص العطله تقول كلمتهم اكثر من مره علشان يخلونها مع عطلة الحكومه بس تقول لويجتمعون اولياء الامور على نفس الكلمه احسن يمكن يعبرونا

 

[ريماا]

رد: المدرسه الكنديه الدوليه

قعدت اسولف مع ولية امر طلع ولدها مع اعيالنا بنفس الصف الى عطاهم دعوه مسكين تقول ماحد جاهم ولا حتى اعتذروا

اى دعوة؟
مبروك قبول ولدج ..املاء العربى زفت فية خذا 8 من عشرة كلة منى عبالى الاملاء بالجملتين الاولانية طلع حتى باخر جملة كسرت زجاج نافذتى فماكتب زجاج عدل وماكتب نافذتى وقالى ماما كل صبيان خذو 8 و7 محد خذا فل مارك الا بنية قتلة ماشالله اكيد اقبال الصباح هههه اسم لله عليها هالبنت كيوت لله يحفظها وحيوية