$$ تجمع المدرسة الكندية ثنائية اللغة cbs $$

[أم حمد 4]

أمهات بلييز أحد منكم مجرب با صات المدرسه وشلون طريقنهم لاني شركته بالباص وايد احاتيه وشلون نضامهم اول يوم دوامهم العادي صفوف الجريد 1

 

[الفتاة السماوية]

Back 2 School ​

الســـــــــــــــــــلام علـــــــــــــيــكم جميـــــــــــــــــــــعاً​

اول شي نرحب بالامهات اليدد على المدرسة​

وثاني شي نسلم على ريما وقناديل الخير شلونكم شخباركم​

والله يعينا ويعينكم ويسهل على الجميع هالسنه الدراسية اليديدة ​

بالنسبة للامهات اللي ما استلموا الملابس ولا الكتب يروحون باجر السبت 10-9 ويستلمونهم​

هالسنه في نقص شوي بالمقاسات بس قالوا بتوصل دفعه من الملابس الاسبوع الياي​

وبالنسبه للكتب كل شي متوفر بس في جم كتاب راح يستلمه الطالب بالصف واذا في كتاب ناقص يبلغونكم​

وعلى فكرة ترى طريقة المدرسة الدفاتر عليهم يعني ما تشترون دفاتر من المكتبه​

راح يعطونكم الدفاتر مع الكتب بس نصيحه انصح فيها الامهات اليدد لازم تجلدون الدفاتر لان اذا ما تجلدوا راح ينشق الغلاف مع الاستخدام ، جلدوا كل الدفاتر وعطوهم الابله اول يوم دوام لان الدفاتر والكتب تبقى بالصف بس الكتب العربيه اللي تروح البيت واذا في واجب يطرشون الكتاب البيت​

وفي شغله مهمه حاولوا تحطون طابع على كل شي الالوان المقص الصمغ وباجي الادوات لان المقلمه تبقى بالصف وعشان لا يضيعون اغراضهم​

اول يوم لازم تودون كل الكتب مجلده وعليها طابع عشان المس تحطهم بالصف​

والله يوفق عيالكم ويحفظهم يارب​

 

[شوكولا]

وعليكم السلام ورحمة الله وبركاته
اهلين وسهلين بالفتاة اخيرا احد عبرني
طيب حبوبه الkg1 لهم كتب بعد؟
ومشكووووووووره ع النصايح ان شاءالله بطبقها​

*

 

[الفتاة السماوية]

والله بصراحه ماعندي فكره عن الkg اذا في كتب ولا لأ

احنا ابتدائي بس

 

[ريم السالم]

السلام عليكم حبيت اشاركم بما ان عيالي بالمرسه الكنديه معاكم ريم السالم

 

[شوكولا]

حبيباتي افضل تيشر للkg1
منوووووو بليز
​

 

[شوكولا]

حبيباتي افضل تيشر للkg1
منوووووو بليز
​

 

[شوكولا]

هذا من كثر الاحباط انه ماكو احد بالقروب
قعدت ابدع​

 

[الفتاة السماوية]

هلا والله ريم حياج الله. نورتينا
عيالج اي صف؟

 

[أم حمد 4]

اليوم وايد لويه بالمدرسه من كثر ماهيه فوضى مسجله ولدي بلباص ونسوه بالمدرسه ولا ودقون ولدكم عندنا محد أخذه واي بعد قلبي قاعد مع التيشر بروحه صج مت من القهر بس باجر أوريهم ما راح أسكت

 

[قناديل الخير]

السلام عليكم
وكل عام وانتو بخير
بصراحه اليوم كان حوسه وفوضة بسبب تاخر استلام الكتب بس المفروض في حلول كثيره افضل من الي صار اليوم حتى استقبالهم لاطفال الكي جي بعد المفروض يكون احسن من الي شفناه اليوم شدعوه كل مس ماسكه ورقه فيها اسمها كانهم الي يستقبلون المسافرين في المطار وبس هذا الي قدروا عليه هذا من وجهة نظري
انا العام كان ارتب وافضل من ها السنه
في قرارت جديده ومتغيره شي عرفته و اشياء ما عرفتها يقولون بيشرحونها في اجتماع لاولياء الامور منها القرار الي 6 ايام في الاسبوع ما فهمته ومالهم حق ياخذون قرارات من غير ما يبلغونا فيها على الاقل لما نسجل او نعيد قيد التسجيل
والي عرفت تشرحلي جزاكم الله خير

 

[ريم السالم]

هلا فيج الفتاه انا الله يسلمج عندي kg2 وعنديgrad1 وحابه اسألكم عن مس كاتونا فيدوني جزاكم الله خير

 

[الفتاة السماوية]

اول شي بقول حق ام احمد الله يعيييييينج على هالموقف ولا تسكتين عن حقج,
يعني يدرون ومسجلين طلبة الباص شلون يروحون عنه!!

وريم ما اعرف هالابله مو مجربينها اعذريني ماقدر افيدج يمكن باجي البنات يفيدونج

هلا والله قناديل الخير واخيرا شفناج ، اي والله صاجة اللي سوى الفوضى استلام الكتب بنفس يوم الدوام
كان في استلام كتب السبت بس يمكن في ناس ما يدرون انا الحمدالله استلمتهم وجلدتهم ووداهم حق ابلته
وما شفت استقبالهم للكي جي بس الجريدز كان مثل ما قلتي ماسكين اوراق وكل واحد يصف عند ابلته بس ما لاحظت فوضى بالعكس الاسامي معلقه بره وكل واحد يعرف صفه قبل لا يدش الصاله ولما دشيت يتني وحده من غير ما اسالها قالتلي اي صف تبين ودلتي طابورهم وانا رايحه هم ياني مدرس يسألني اذا ابي مساعده ماقصروا وبعدين راحوا صفوفهم بنظام

يمكن بس بالكي جي كان في فوضى

بس عندي تعليق الساحة سووها ملعب انزين وين يلعبون اليهال الساحه اللي ورى ما تكفيهم

وقناديل انا مثلج ما فهمت نظام الست ايام!!

الله يعينا ويعينكم ويسهل على الجميع بس ميخالف اول يوم لابد تصير هالامور

 

[@انترلاكن@]

السلام عليكم
شلونكم بنات ؟؟ وكل عام وانتو بخير ...

منو يعرف مستر جيمس يقولي شلونه ؟؟
أمس ولدي داوم عنده واليوم يبجي ما يبي يدش الصف :krkrkr:
اللي مجربته أو سامعة عنه تفيدني الله يخليكم

 

[قناديل الخير]

اهلييين الفتاة صح كلامج الحوسه كانت مع الكي جي لان ولدي قريد 3 انا ما رحت ابوه كان معاه الصبح
وبنسبه لملاحظتج لساحه الي زرعوها انا معاج فيها بس كان في يهال يلعبون فيها يمكن اهما زارعينها عشان يلعبون فيه وما يتعورون لان ماانتبهت اذا كانوا حاطين اشباك كره قدم او لأ لان في واحد ثاني بره مسورينه حق كرة القدم والله يسهل في قرارات انا معاهم فيها مثل انهم زادوا اليوم الدراسي للكي جي 2 لي الساعه 2 افضل وكثفوا المنهج

 

[قناديل الخير]

السلام عليكم
شلونكم بنات ؟؟ وكل عام وانتو بخير ...

منو يعرف مستر جيمس يقولي شلونه ؟؟
أمس ولدي داوم عنده واليوم يبجي ما يبي يدش الصف :krkrkr:
اللي مجربته أو سامعة عنه تفيدني الله يخليكم

هلا والله انترلاكن حياك الله معانا
انا العام ولدي كان عنده اهوا في التدريس زين ودقيق ما يطوف يعني يحساب اول بأول

 

[ريماا]

اشلونكم امهاات لكم وحشه
اشلونج الفتاة وقناديل
للي اسالت عن مس كاتوون المس رووعه هاديه ومتعاونه لاخر درجه
اترلاكن مستر جيمس شديد حبتين بس روحه مرحه بالفصل ولدي كان يسولف عن حركاته بصف اشلون يضحكهم
صج انا مووفاهمة سالفة الست ايام ان شالله يكوون لمصلحت عيالنا هالبند الجديد
هالاسبووع مافي هوم وورك ومن لاسبوع الجاي بيبلشون
قناديل ولدى للي كان مع ولدج الحين بg3a وعندي بg2c و sk2

 

[قناديل الخير]

وعليكم السلام ريما وحشتينا
احنا الحمد الله بخير
gr3 b ,sk1 ,ولدي الي كان معاكم

 

[الفتاة السماوية]

هلا والله ريما انا بخير الحمدالله . بنات بسألكم منو جرب فيكم او سامع شي عن مس مولي تدرس قريد 2 بي?

 

[قناديل الخير]

حبايبي اليوم سالت لكم عن سالفة الست ايام الي موجوده في الجدول الي صروعتني بصراحة
تقول ان اليوم السادس الي موجود في الجدول اهو يكون بدايه ليوم الاحد من الاسبوع الجديد ويوم الاحد يكون يوم الاثنين والاثنين يكون الثلاثاء وعلى ها المجره
يعني الحمد الله ما في دراسة يوم الجمعه