تجمع المتزوجاااااااات بعمر الـــــــــ40 الله يطوّل بعمرنا

[ورد الصبا]

صباااااااااااااااح الخير والورد والياسمين يا بناتي حبيباتي
الظاهر ان انا وانت بس اللي دوامي صباحي اشلونك يالغالية عساك بخير

شسوي من شغل البيت وقعدة الصبح معني متقاعده ومن يصير الليل ما ادل الطريج سيده فراشي علشان جذيه ماتشوفوني بالليل

ابي بس اتشكر من ام ضاري اللي اهو اسمي الصجي وعسى ربي يخليلج ضاري صج صج انقذتيني كنت افكر شسوي الزنجبيل والثوم كله مره يخترب عندي الثوم ومو قادرة احفظه اللحين عرفت اشلون مشكوووووووووووووووووورة حبيبتي


ويافوفو ماشاءالله ربي يحفظك وشجعتيني ودي اسوي عملية لزنودي معقدتني وبطني مووايد كبيير بس مترهل وهمن ودي اسوي شد لصدري لاني مؤمنه تماما اني مافي شي يشد الصدر حتى الرياضة لانه المدربة مره قالت لي هالكلام
انا ودي اعرف اثار الجرح يبين خاصة اللي بالزند والا لا

 

[بناتي حبيباتي]

الله يعينج على شغل البيت بس صج صج الحركه بركه

على فكره انا شابكه من الدوام لأني ما ابتدي شغل الا بعد الريوق

حياج تفضلي بحلوم على الصاج

 

[ورد الصبا]

عاد اتصدقين من زمان ما كليت مثل اكل الدوام والله كان وناسه لو ما المغثه اللي شفتها فيه اخر جم سنه
عليج بالعافية يالغالية

 

[بناتي حبيباتي]

الله يعافيج يا قلبي

ما اقول الا الله يعينج ويقويج على شغل البيت اللي ما يخلص

 

[ورد الصبا]

اي والله توني مخلصة جم شغلة بس وللحين ماخلصت
اتصدقين ودي ارجع اشتغل من يديد بس مالي خلق عوار راس يعني ابي شغلة بسيطة اتسلى فيها مليت من شغل البيت والكراف
معن تخصصي وعدد سنوات الخبرة اللي عندي يبون لي اقدعها شغلة بس مالي خلق اشتغل بنفس المجال عوار راس
بس محتارة

 

[ورد الصبا]

نسيت اقول لام ضاري تسلمين يارب على وصفة الثوم بس الله لا يوريك ريحة الثوم بطت مخي وتوني ترست لي غرشه بس انتي تحطينها في الثلاجة وماتخترب ؟؟ يعني جم يوم تظل
ونسيت اقولج فكرتك اشعلت قريحتي فقمت وحطيت طماط وثوم وزيت اشوية وفلفل اسود وملح وبالخلاط وسويت لي خطلة وقلت حق الحمسه يعني ماني عارفة ليش سويتها
بس حبيت اقولج اني فاااااااااااااااااشله في المطبخ احب البقه بس اقعد اطبخ الطبخات اللي حطي وشيلي مالي خلق كلشولا احب اجيس اللحم او السمج والدياي غصب
احب الوصفات السريعه وهمن من ادخل المطبخ ينقمت قلبي ماني عارفه ليش وماني لاقيه لي حل المشكلة ماعندي طباخه ولازم اتصرف والله احس انها مشكلة كبيرة بحياتي

 

[بناتي حبيباتي]

شنو تخصصج ؟ وشنو مجال خبرتج ؟ ليش ما تشتغلين بنظام المكافات ؟ عشان ما تلتزمين بعدد ساعات الدوام

 

[ورد الصبا]

أنا محللة نظم آلية واشتغلت همن في مجال قواعد البيانات ماعرف مسماه بالعربي
وشنو نظام المكافآت ؟؟

 

[بناتي حبيباتي]

ما شاء الله تبارك الرحمن

خووووش تخصص والله حسااااافه عليج تقعدين بالبيت باجر تنسين كل هالخبره اللي غيرج محروم منها

انا قصدي اشتغلي بنظام المكافات اللي مايكون داخل بنظام الخدمه المدنيه يكون نص راتبج اللي كنتي تاخذينه ايام الوظيفه

والحلو فيه ان المكان يكون على ذوقج وعدد ساعات العمل على حسب ظروفج

سألي عنه وأكيد راح تلقين الاجابه واضحه وشامله بالموضوع هذا

 

[ورد الصبا]

بعد قلبي ماتقصرين بس ماتعرفين اي جهة اسأل عنه يعني اقصد نظام المكآفاتماله علاقة بالشغل في الوزارات ؟

 

[ورد الصبا]

اتصدقين والله انك عطيتني فكرة بس المصيبة للحين الخدامة النحس ماوصلت هذي ثاني وحده اطلبها لا والله ثالث وحده الاولى اوراقها مو كاملة والثانية بعد ماوصلت واشتغلت اسبوع عندي قالت انا مسويه عملية ببطني وما اقدر اصعد ولا انزل ورديتها المكتب والاخيرة صارلها شهرين لا حس ولا خبر واهم فلبن والله مليت

 

[ورد الصبا]

ألووووووووووووووو وينكم يا اربعينيات مابدا شفتكم ؟؟

 

[بناتي حبيباتي]

الله يعافي المرتجعات ما يقولون لأ

ترى موشرط كل المرتجعات مو زينين ساعات يكونون مظلومين والله يا أما مو مستلمه راتبها ثلاث اشهر وردت المكت او ساعات المعزب يبيها واهي طلعت لأنها ما رضت بالحرام او حتى ساعات تكون المعزبه قاسيه عليها بالاكل والمعامله فردت المكتب يعني موشرط دايما يكون العيب من الخدامه نفسها

بالنسبه للوظيفه تقدرين تروحين مكتب الشهيد اللي باليرموك وتسألينهم عن هالشغله حاليا متوفره عندهم ولا لأ ؟

او روحي دوامج نفسه وسألي متوفره عندهم هالخدمه ولا لأ ؟

عموما أغلب الوزارات يتعاملون بنظام المكافات لموظفينهم القدامى

سوري قرقت عليج وايد وصدعت راسج

 

[الشهد كله]

كلها سنة وأيام وأدش ال 40 :0bee2e8d89::0bee2e8d89:

بس صج اشرايكم بهالسن ، صج عيوز ، ولا راح أكمل شبابي ؟؟؟؟؟؟​

 

[ورد الصبا]

اولا الساعة المباركة انك سولفتي معاي
ثاني شي ابي اعرف اي المكاتب الزينه لاني تعاملت مع مكتب العلي والكل امدحه لي بس للحين ماشفت شي هذي 3 وحده اطلبها منه
انا سمعت عن اللي يشتغلون بالساعات بصراحه انا تعودت اكون بروحي بالبيت محد يراقبني خصوصا اني بيتي من النوع المفتوح على بعضه فمابي باجر وحده تقعد تراقبني بلبسي او باي شي ثاني خاصة الفلبن قطع تقطعهم عبونهم حارة بس مصيبة شغلهم يبرد الجبد مرتب
والله حدي محتارة انا صارلي سنتين بدون خدامة بس تعبت ومليت ماني قادرة الحق
انزين عندي سؤال ثاني اي احسن ايب طباخ والا طباخه انا حدي محتارة ونجرة مع ريلي على هموضوع

 

[دانة من البحرين]

خالتي ورد الصبا


بقولج خلطة ماما وطريقتها بحفظها


فلفل اخضر رومي


زنجبيل

ثوم


فلف حار لو تبين


اخلطيهم بالخلاط مثل ام ضاري

لمن تحطينه بالعلبة وعشان يتم لمدة أطول من غير ما يخرب ضيفي معاه شوية خل بجذي ما راح يخرب لو كان عندج كمية كبيرة وخليه بالثلاجة :tomato2:

 

[بناتي حبيباتي]

كلها سنة وأيام وأدش ال 40 :0bee2e8d89::0bee2e8d89:

بس صج اشرايكم بهالسن ، صج عيوز ، ولا راح أكمل شبابي ؟؟؟؟؟؟​

العمر كله لج شهوده

بالعكس حبوبه هالعمر بالذات عمر النضح العقلي والوجداني والاجتماعي والجنسي هههههه يعني بتاع كلوووو

 

[ورد الصبا]

ياحبيبة قلبي يادندونه ماقصرتي بعد قلبي بس هالوصفة حق شنو استخدمها ميخالف انا فاشلة بالمطبخ

 

[بناتي حبيباتي]

اولا الساعة المباركة انك سولفتي معاي
ثاني شي ابي اعرف اي المكاتب الزينه لاني تعاملت مع مكتب العلي والكل امدحه لي بس للحين ماشفت شي هذي 3 وحده اطلبها منه
انا سمعت عن اللي يشتغلون بالساعات بصراحه انا تعودت اكون بروحي بالبيت محد يراقبني خصوصا اني بيتي من النوع المفتوح على بعضه فمابي باجر وحده تقعد تراقبني بلبسي او باي شي ثاني خاصة الفلبن قطع تقطعهم عبونهم حارة بس مصيبة شغلهم يبرد الجبد مرتب
والله حدي محتارة انا صارلي سنتين بدون خدامة بس تعبت ومليت ماني قادرة الحق
انزين عندي سؤال ثاني اي احسن ايب طباخ والا طباخه انا حدي محتارة ونجرة مع ريلي على هموضوع

على حسب انتي وين ساكنه في شقه ولا في بيت ؟

بس بصراحه الشغل مع الريال واااايد اريح وانظف ومعروف ان الريال شااااطر بالطباخ اكثر من المره

 

[ورد الصبا]

اهلين شهوده ترا غير سن الاربعين ايهبل عن خبرة سنتين ههههههه
بصراحه انا حسيت اني نضجت اكثر وخبرتي زادت اكثر وحسيت بالهدوء وراحة البال اكثر ولا حسيت اني كبرت بالمرة شكليا