تجمع اللي يعانون من ارتفاع هرمون fsh

[يآرب يتحقق]

تشترين من الحواي ( القسط الهندي ) الأحمر المطحون
تاخذينه 5 مرات باليوم ..... مثلا ورا كل صلاة
ملعقة صغيرة من العشبة على جلاس ماي حار صغير . تخلينه شويه وبعدين تشربينه
أنا استخدمته بعد الدوره الى اليوم ال 14 من الدوره
مدة شهرين..... وبعدييين روحي حللي بالمختبر.... واستمري حتى ينزل الهرمون.
أنا استعملت زيادة عليه ملعقة سمسم كل يوم ، وعشبة المدينة اول 3 ايام من الدوره.
والله يعافي ويشافي الجميع.
وادعولي بالذرية الصالحة عاجلا غير آجلا ...جزاكم الله خير

طيب يآ أختي كم كان وكم صار بعد الاعشاب ؟

 

[زهور بيضاء]

كان 19,5
صار 12
بعد شهرين من الإستعمال

 

[tooonaaa]

حبيبتي الله يوفقج ويخليج
بردتي قلبي بردج
وان شا الله اجربه

 

[tooonaaa]

متى يكون تحليل هرمون الfsh بأي يوم من الدورة
اللي تعرف تفيدني بلييييييز

 

[زهور بيضاء]

التحليل ثاني أو ثالث يوم الدوره

 

[زوارة خميس]

اهليين اختي جزاج الله خير بس اخذ القسط لي ١٤الدوره واخليه صح

 

[زهور بيضاء]

اذا انتي مأجلة سالفة الحمال اخذيه الى الدوره اللي بعدها . بمعنى اشربيه كل الأيام بس وقفيه وقت الدوره.
لكن اذا تنطرين الحمال كل شهر اخذيه من بعد الدوره الي فترة التبويض 14

 

[زوارة خميس]

جزاج الله خير والله يرزقج الذريه الصالحه ويرزقني ويرزق كل محرومه

 

[LeeMa q8]

جزاكم الله خير ياخواتي ..

 

[قصَيميه دلوعهـ!]

بقولكم قصتي مع الهرمون انا حللت صدفه تحليل للهرمونات وانا بنت مو متزوجه
المهم ويناديني الدكتور قالي عندك هرمون الذكوره مرتفع اضعاف مضاعفه وكل شوي يكررها علي
ويضيق صدري يابنات وصرت في هم لا يعلمه الا الله خصوصا يوم عرفت انه ياثر على الانجاب
لان لازم تاخذين حبوب منع للحمل وعلاج الهرمون ممكن يستمر اكثر من سنتين
وخفت العب بنفسي قبل الزواج

قلت مافيه الا حل واحد اني التجاء الا الله صرت اشرب ماء زمزم واتسبحت بماء زمزم وسدر واكلت عسل وسبع حبات من حبة البركه
وقريت سورة البقره اكثر من شهر تقريبا وصرت استغفر قد ما اقدر
وادعي ربي بثلث الاخير من الليل وبكل سجده ادعي ربي

والله العظيم وربي على ما اقول شهيد اقسم بالله ماخيب ربي ظني
رحت احلل مره ثانيه ولما اخذت مني عينة دم الممرضه استودعة العينه ربي
ودعيت
وقالت بعد 4 ايام تطلع النتيجه
سبحان الله واكلمهم بعد اربع ايام المستشفى بعيد عني
ويحولوني على المختبر قلت ابغى نتيجة التحليل قال تحليلك ماشاء الله طبيعي
واسجد لربي سجدت شكرا
سبحان الله اذا تاملتو قول الله فيما معنى الايه ان الله قريب يجيب دعوة الداعي
وربي يجيب المظطر اذا دعاه ويستحي ان يرد دعوة العبد
لاتتهون بدعاء ربي استجاب دعوة ابليس لما طلب انه يمهله الى يوم الدين
استجاب الله على طول وقال انك من المنظرين

وهذا تجربتي الشخصيه جربي اتجهي الى الله قبل العلاجات والادويه

 

[".شاعريه."]

الله يعوضكم ويرزكم الرزاق الرحيم
عليكم بالقيام والدعاء والطب النبوي وابشروا

 

[".شاعريه."]

عفواً الله يرزقكم

 

[MoOoOoNs]

انا اعاني من هذا الهرمون
بنات كل وحده تقولنا اول مره اكتشفته كم كان وايش استخدمت منظم وكم صار الان والاعشاب اللي نفعت معها من بعد اذن صاحبه الموضوع طبعا

عني انا اكتشفته كان 65 واستخدمت البروجلتون 3 شهور مع البردقوش يوميا ونزل ل22 وعطتني الدكتوره كلوميد وارتفع ل 31 وبعد 3 شهور من البروجلتون والبردقوش نزل ل 5 قالت لي الدكتوره اريح شهر من المنظم بس ارتفع وحسيت باعراضه من اول يوم ولما رحت وحللت كان 32 وحاليا واصل 27 بس غيرت البروجلتون لليفيال وهذ استجابه جسمي له بطيئه لان 6 شهور استخدمته وبدون دوره
وصرت استخدم اعشاب من راسي لان االاستروجين بس يرتفع ينزل هرمون fsh فجمعت الاعشاب اللي تحتوي استروجين نباتي خخخ ذكيه صح
حبه بركه وحلبه وبذور الكتان ويانسون وقرفه وكمون مطحونه ورشاد حب وبحلل هالشهر واشوف لي اربع شهور ماحللت
وهذي قصتي والحمد لله على كل حال وان شاء الله هالمكان يشهد حملنا جميعا

 

[ضحاوي الحلوه]

الله يرزقكم يااارب وتحملون كلكم ان شاءالله

الله يجزاكم خير ياخواتي انا زوجي عنده هرمون fsh واصل عنده اخر تحليل ٢٠ واهو طبعا مأثر عليه لان حيواناته المنويه صفر وهم سوا شق ومالقينا بالخصيه
البردقوش والأعشاب اللي قلتوا عنها ونزلت الهرمون عادي يستخدمها زوجي او الرجال غير عن المره
لان هذا الهرمون يصيب الرجل والمره ويتسبب بالعقم للأثنين سبحان الله
ناطره ردوودكم خووواتي ؟؟؟

الله يشفي زوجي ويشفيكم ويرزقنا يارب العالمين

 

[MoOoOoNs]

الله يرزقكم يااارب وتحملون كلكم ان شاءالله

الله يجزاكم خير ياخواتي انا زوجي عنده هرمون fsh واصل عنده اخر تحليل 20 واهو طبعا مأثر عليه لان حيواناته المنويه صفر وهم سوا شق ومالقينا بالخصيه
البردقوش والأعشاب اللي قلتوا عنها ونزلت الهرمون عادي يستخدمها زوجي او الرجال غير عن المره
لان هذا الهرمون يصيب الرجل والمره ويتسبب بالعقم للأثنين سبحان الله
ناطره ردوودكم خووواتي ؟؟؟

الله يشفي زوجي ويشفيكم ويرزقنا يارب العالمين

الله يجزيك خير ويشفي زوجك ان شاء الله

بالنسبة للبرداقوش فهو افضل منظم هرمونى للمرأة وليس للرجل باعتراف بعض المؤسسات الصحية في امريكا
يحتوى البرداقوش على بعض الهرمونات الانثوية او الاستروجينات وبالتالي لا يفضل اعطائه للرجل


يفضل حجامات متتالية شهريا حسب وزن الجسم لطوله وحسب قوة بنيان المريض وعدم وجود انيميا عنده
لدغ نحل في اماكن في منطقة العانة وما تحتويها
الاستحمام بماء دافيء ثم بارد
تدليك او مساج للرجل اليمنى من اعلى الي اسفلى مع حجامة في ظهر القدم
مساج لمنطقة العانة بزيت زيتون ويت حبة سوداء
التاكد من عدم وجود اعراض مس او حسد او سحر ومنها الربط
لان من انواع الربط ربط الحيوانات المنوية (سائل منوي مفلتر خالي من الحيوانات المنوية ) بفعل الجنى
تناول زيت الزيتون كغذاء لمدة 3 شهور
مع تركيبة اعشاب قوة وحيوية الاسبرمات

مغلي الشعيرالمحلى بعسل السدرحيث تشرب يوميا ثلاث كاسات ودهن العمود الفقري والجهاز التناسلي بالمسك الاسودالمقروء عليه سورة النور وسورة الطارق 7مرات

هذي الردود منقوله :eh_s(17):

 

[ضحاوي الحلوه]

الله يجزاج خير اختي


ووووووووين البااااااقين وينكم خواتي اللي عندها معلومه تقولنا

 

[amoon]

وانا اعاني من ارتفاع هالهرمون
الله يبشرنا بالشفاء ويبشرنا بالذريه الصالحه يارب

 

[عسل حدي]

خرعتوني بروح احلل

 

[وايت كات]

الله يرزق كل محرومة و يرزقني يااااااااااااااااا رب

 

[alhnan]

انا مرتفع عندي هرمون fsh و Lh الله يشافينا