تجمع الكويتيات المغتربات باستراليا

[Australia girl]

بخير الله يسلمج حبيبتي ..ادعيلي احمل انا اعالج ياقلبي عندي شوية تعقيدات بالحمل وهني مافي الادكاتره رياييل وريلي مو راضي يقول لازم دكتوره (الله يهديه) ..فلازم انطر الكويت لما ارد ..وام العبد الخير بقبال على قولتهم اهوه توه اول سنه ربعه اللي على ويه تخرج وصلوا نفسج الله يعينكم ..وشلون الدراسه معاج وانتي متحجبه والا لا يعاملونج عادي ولا حسيتي في تفرقه انا اخاف من هالنقطه هني ..وكويتيه باستراليا ماتفكرين تدرسين هني

 

[* بنت المطر *]

هلا استرالين قيلز :: اكيد وودي بس الاوليه لدراسة زوجي لان يدرس دكتوراه وعلى حسابه الخاص .. فكرنا فيها اذا انا درست العيال

يبيلهم حضانه ووحده سعوديه قالتلي ان اسعار الحضانات هنيه خيالي فما نقدر بس انشالله وظيفتي ناطرتني بالكويت ...

بالنسبه للحمال تدرين ليش سألتج هالسؤال :

بقولج هالسالفه وبنصحج وانتي كيفج ...

انا قعدت 5 شهور بس ماحملت وقعد زوجي يحن ياليت تحملين وياليت تحملين ... رحنا انا وياه للهادي دكتوره هنديه خبله قالتلي:

عندج تكيس _ وانا طبعي صريحه وماخبي شي قلت حق زوجي ... وقعد يتطنز علي وقهرني وخليته يفحص

بالغصب وفعلا فحص مافيه شي ... انصحتني مرت اخوي الله يجزاها خير ليلحين ادعيلها ... ان اروح مستشفى الراشد

عند الدكتور نصر _ وزوجي مارضى يبي دكتوره نفس زوجج _ ورحت من وراه ودتني امي ... صراحه كان يضايقني

معايره حقي .. المهم رحت والدكتور سوالي فحص غريب !! وقالي مافيج تكيس بس وحده من المبايض حجمها صغير


وفيها ضعف انا دورتي مومنتظمه والسبه هالبويضه التعبانه .. عطاني حبوب اللي تنزل الدوره ..


وكتبلي على حبوب اسمهم serophen اخذهم من ثاني يوم بالدوره 3 حبات باليوم لمدة خمس ايام وعطاني موعد

عشان يشوف موعد الاباضه ويفحص البويضه وقالي اوكي وعطاني ابره .. وقالي بلهجته المصريه

( الليله وبكره ماتسيبيش الراجل ) لوووووووووووول وحملت حملي كان ضعيف وخذيت مثببتات

وكنت انام ع ظهري والحمدلله الله تمم علي ويبت ولد بعدها زوجي كان يدرس ماجستير

ومسافر بروحه وكان ع وشك رده قبل لايوصل نزلت علي الدوره وكان ودي احمل بالثاني

لقيت علبة الحبوب عندي كان باقي فيها وقلت باكل وبعدين بروح افحص البويضه كليت الحبوب

نفس وصفة الدكتور نصر بس ماخذيت الابره طنشت وسبحان الله حملت بالبنوته والحمدلله

دوري الحبوب بالصيدليات هنيه ترا هنيه يشجعون ع الحمل .....الحبوب اسمهم serophen

نصيحه لاتنطرين والمثل يقول اسال مجرب ولاتسال طبيب

والله يعلم مابي من هالكلام الا الاجر ودعواتج انشالله اذا حملتي

 

[Om_il3ubed]

بخير الله يسلمج حبيبتي ..ادعيلي احمل انا اعالج ياقلبي عندي شوية تعقيدات بالحمل وهني مافي الادكاتره رياييل وريلي مو راضي يقول لازم دكتوره (الله يهديه) ..فلازم انطر الكويت لما ارد ..وام العبد الخير بقبال على قولتهم اهوه توه اول سنه ربعه اللي على ويه تخرج وصلوا نفسج الله يعينكم ..وشلون الدراسه معاج وانتي متحجبه والا لا يعاملونج عادي ولا حسيتي في تفرقه انا اخاف من هالنقطه هني ..وكويتيه باستراليا ماتفكرين تدرسين هني

والله شوفي بالنسبه للطبيب انا جذي بعد ريلي مايرضى... فلما رحت قلتلهم ابي female doctor و عاد من يومها كله دكتوره والحمدلله بفضل الله وبفضلها حملت

بس اهم دايما يقولون لما يمر على زواجج سنه بعدين تعالي وعاد ال GP يعطيج تحويل حق امراض نسا وولاده واهم يجابلونج


انا حولوني على عيادة العقم :krkrkr: اول يوم دشيت القسم استاحشت وبجييييت بس الحمدلله بعد 4 اشهر حملت

 

[Om_il3ubed]

وبالنسبه للحجاب لا بالعكس ماكو احلى منهم ومتدلعه اخر دلع... تخصصي مافيه الا انا من الشرق الاوسط _03BA: وكلمتي مسموعه لوووول
يعني مثلا امتحاني هالكورس حق التخرج يوم 20-11 ... انا كلمتهم بمتحن اول 11 عشان ارجع الكويت :ggdw::ggdw: وماقالولي شي الحمدلله وايد مرتاحه وراح اشتاقلهم

 

[Australia girl]

(ام العبد) الله يتمم عليج وانشالله يارب تتسهل امورج ودراستج امين وتردين الديره بالشهاده اللي تسر خاطرج امين ..
كويتيه باستراليا ::: والله عن موضوع الحمال بعطيج نبذه عن حياتي
(((انا متزوجه صارلي سنه و6 شهور من البدايه وانا الدوره متلخبطه عندي بعد 7 شهور رحت الطبيب وسويت كل الفحوصات من هرمونات وسونار حتى الفحص الغريب اللي تقولين عنه(فحص الانابيب) وتلخصت مشكلتي انه عندي ضعف فالتبويض.. اما المبايض حجمهم زين والانابيب اوكي مافي التصاقات وهم عندي تكيس لاني البويضات لازقين بالمبيض فالبويضه ماتنزل انا اخذت (سورفين) (كلوميد) وهذي حبوب منشطه نفس طريقتج مانفعوني نشطوا البويضه شوي ..رحت اخذت ابر يمكن 12 ابره بالكويت صار حمل ضعيف وطاح هالحجي شهر 8 اللي طاف ..وهني باستراليا رحت عن GP وهم حولوني على دكتور بمطنقه ثانيه المشكله تدرين شنو انه منطقتي ريفيه بعيده شوي عن سيدني يعني لو اروح ارجع عن الدكتوره 10 ساعات روحه ورده ومراجعه صعبه بالنسبه لزوجي لان دوامه ينتهي الساعه 5 و 3 العصر ..لما صارت السكول هوليدي شهر 7 رحت عند خوش دكتوره عطتني حبوب وابر استمريت لحد اسبوعين لكـــــــــــــــــــــن (نزلت الدوره ) الحمدالله على كل حال والشي الوحيد اللي ما اخذته هو ابرة التفجير ..زوجي يقول خلاض كلها شهرين ورادين الكويت اجازه والدكاتره على كيف كيفج واللي تبين ..ومادري بهالفتره قعد ادعي برمضان وادعي دايما وانتوا ادعولي بعد يمكن يصير طبيبعي ...وبس تعبت ...خخخخخخخخ ...هذي قصة حياتي ..واما بالنسبه للدراسه انا افكر احاجي التعليم العالي بالكويت يعطوني بعثه على حسابهم بس يتكفلون بالدراسه اما السكن والمصروف على زوجي وانشالله ينفع معاهم لانه دراستي اتوقع تكلف 12000[/ والله كريم ...COLOR]

 

[Om_il3ubed]

(ام العبد) الله يتمم عليج وانشالله يارب تتسهل امورج ودراستج امين وتردين الديره بالشهاده اللي تسر خاطرج امين ..
كويتيه باستراليا ::: والله عن موضوع الحمال بعطيج نبذه عن حياتي
(((انا متزوجه صارلي سنه و6 شهور من البدايه وانا الدوره متلخبطه عندي بعد 7 شهور رحت الطبيب وسويت كل الفحوصات من هرمونات وسونار حتى الفحص الغريب اللي تقولين عنه(فحص الانابيب) وتلخصت مشكلتي انه عندي ضعف فالتبويض.. اما المبايض حجمهم زين والانابيب اوكي مافي التصاقات وهم عندي تكيس لاني البويضات لازقين بالمبيض فالبويضه ماتنزل انا اخذت (سورفين) (كلوميد) وهذي حبوب منشطه نفس طريقتج مانفعوني نشطوا البويضه شوي ..رحت اخذت ابر يمكن 12 ابره بالكويت صار حمل ضعيف وطاح هالحجي شهر 8 اللي طاف ..وهني باستراليا رحت عن gp وهم حولوني على دكتور بمطنقه ثانيه المشكله تدرين شنو انه منطقتي ريفيه بعيده شوي عن سيدني يعني لو اروح ارجع عن الدكتوره 10 ساعات روحه ورده ومراجعه صعبه بالنسبه لزوجي لان دوامه ينتهي الساعه 5 و 3 العصر ..لما صارت السكول هوليدي شهر 7 رحت عند خوش دكتوره عطتني حبوب وابر استمريت لحد اسبوعين لكـــــــــــــــــــــن (نزلت الدوره ) الحمدالله على كل حال والشي الوحيد اللي ما اخذته هو ابرة التفجير ..زوجي يقول خلاض كلها شهرين ورادين الكويت اجازه والدكاتره على كيف كيفج واللي تبين ..ومادري بهالفتره قعد ادعي برمضان وادعي دايما وانتوا ادعولي بعد يمكن يصير طبيبعي ...وبس تعبت ...خخخخخخخخ ...هذي قصة حياتي ..واما بالنسبه للدراسه انا افكر احاجي التعليم العالي بالكويت يعطوني بعثه على حسابهم بس يتكفلون بالدراسه اما السكن والمصروف على زوجي وانشالله ينفع معاهم لانه دراستي اتوقع تكلف 12000[/ والله كريم ...color]

اي التوقع يصير التعليم العالي عندهم شي اسمه التحاق بمبتعث اذا ماني غلطانه... يعطونج مصاريف الدراسه والباجي عليج بس جنه له شروط يعني مايصير تاخذين شهاده اعلى من زوجج

وبالنسبه للحمل طولي بالج ان شاءالله بيي الوقت... سبحان الله انا من اول ماتزوجت وانا احن ابي احمل وابي احمل والكورس الي طاف مع ضغط الدراسه كنت اخذ حبوب وادويه ومراجعات النفسيه والوضع كان كلش زيروووو

رديت الكويت غيرت جو شوي ورحنا انا وريلي دبي شهر عسل ثالث لوول وبعدين رديت هني وكملت علاجي والحمدلله برمضان فرح قلبي

طبعا بهالوقف والله جربت السلاح السري ( الاستغفار) دوره مسباح واقول استغفر الله ربي واتوب اليك بعد كل صلاه والدعاء والحمدلله

الله يعينج صج درب.. بس اهو احسن شي الكلوميد.. الابر كلش مانفعوني وحتى ابره التفجير مانفعتني :\

 

[Australia girl]

الله يعين الجميع يارب ..ومشكوره عالدعوه ياقلبي ..وليش التعليم العالي جذي شمعنى الشهاده لازم ماتكون اعلى منه والله غريبه ..يمكن االاثنين الجاي ادق على الدكتور احمد حق الملحقيه واشوف رايه بالتعليم عن بعد وجان زين يصير ..

 

[* بنت المطر *]

هااااي بنات .. ام العبد الله يتمم عليج فرحتج ويثبت حملج ويفرح عينج بشوفته

استرالين قيلز : الله يسهلها انشالله ترا علاج المره اسهل من علاج الرجل لو صار فيه عقم وانشالله تحملين قريب وتييبين توم مثل اللي

بالصوره عشان لا ليلج ليل ولانهارج نهااار لووووووووووووووووووول

بس قوليلي انتي من 9 شهور ماسافرتي .. ماشفتي اهلج .. اهلج مازاروج ؟؟ انا زوجي يقولي منطقتكم بيرث كلش ضيقة خلق

اما بالنسبه للحجاب احنا بمنطقتنا المحجبات اكثر من الاستراليات لووووووووووووووول

 

[Om_il3ubed]

اي انا بعد وايد سمعت ان بيرث كئيبه وحق الشغل اكثر من العيشه العاديه

 

[Australia girl]

ياحليلكم والله احنا موببيرث ..انا ساكنه بباثرست بنيو ساوث ويلز ورا سيدني ب3 ساعات فيها يقام اكبر سباق سيارات بالعالم ..بجبال البانوراما ورا بيتنا لووووووووووول ....وعن منطقتنا مافي الا عايلتين سعوديات وعرب شويه يعني كللنا على بعضنا عشر عوايل .....كويتيه الله يسمع منج راضيه راضيه بالحنه والازعاج مليت من الصخه اذيت زوجي حرام خل افج عنه شوي ..لادراسه ولاعيال الله المستعان ..انا صرالي من شهر 2 موجوده باستراليا ومحد ياني هني شايفين المسافه وايده الله يعين ..وانشالله شهر12 رادين اجازه ..وانتوا من متى باستراليا..؟؟؟؟

 

[* بنت المطر *]

انا زوجي موجود قبلنا بسنه انا كنت بالكويت ماخلصت ..... اخر كورس بالكليه والميداني خذيته بالصيف

وتخرجت شهر 8 _2008 زوجي رجع شهر 12 وقعد عندنا اجازه وسوالنا الفيزا ويينا هنيه نص 3 يعني صارلنا 6 شهور تقريبا

_ زوجي عنده انسبكشن شهر 11 وبعده عنده اجازه 3 شهور بس لم حسبناها ماديا مانقدر نروح الكويت ونرد عارفين التذاكر واسعارها

اما بانسبه لبيرث فمادري انتي جنه اول مادخلتي قلتي انا ببيرث او وحده غيرج مادري بس اختفت لووووووووووووووووووووول

اما بالنسبه لقولد كوست بينا وبينها ساعه بالسياره رحنالها ماعجبتني مجرد بحر بالسيرفر برادايز والمحلات اللي فيها كلها

موجوده بالمجمع اللي صوبنا ... تدرون انا شمضايقني يابنات ومكرهني بالديره !!!! ظروف زوجي الماديه !!!

الله يصبرنا بس انتوا احسن مننا الدوله تساعدكم باشيا وايد اما زوجي وايد عليهم يعطونه بدل كتب

 

[* بنت المطر *]

بنات نبي نسولف حق بعض عن الشوبينغ بما اني مدمنة شوبينغ .. لوووووووووووووووووول

يعني كل وحده تسولف لنا عن مشترياتها واذا تقدر تورينا بالصور ... وشنو اكثر المحلات اعجبتها واحسن الاسعار ...

وشنو خذت هدايا حق اهلها ومن هالسوالف انا عن نفسي عجبني صراحه big w وانتوا ؟؟؟؟؟

 

[Om_il3ubed]

سلمي على دكتور احمد وانا بعد بدق عليه بعد جم يوم اتمصلح لول
====> انا الي بلشت دكتور احمد انه يصير ملحقنا الثقافي لووول
المهم ماعلينا... اي big w عجيييب... واحب بعد sussan بجايمه عجيبه واسعارها بالسييل حلوووه

وعندج بعد myers o david jones حدث ولاحرج
وبالنسبه حق اهلي دايما اشتري الي اهم طالبينه مني لووول ما ايب شي زووود... وعلى طول اروح محلات الماعين واغراض المطبخ عندهم شغلات حلوه وقاعده اشتري حق شقتي ان شاءالله لي رديت الكويت

 

[Om_il3ubed]

وباقي 19 يوم والوالللده تييييييييييي :ggdw::ggdw:

 

[Australia girl]

ام العبد بالسلامه تيي الوالده يارب ...وكويتيه باستراليا ..الله يسهل اموركم يارب وتييسر اموركم انا زوجي كان على وشك انه يدرس على حسابه بس الحمدالله دوامه دزوه ...وعن الشوبينق والله مو ذاك الزود اللي عندي عادييين مافي شي يشرح الخاطر كله سوالف قطنيات بس تليق حق اهني ..مافي على سوقة الكويت ..وتقولين جولد كوست مافيها شي من صجج خل اكتبج جدول الرحلات اللي سوينها ...- رحلة الباص البرمائي Aqua Bus Sea World والموفي وورولد ..والدريم وورلد خصوصا مشالله انتي عندج اطفال فراح يستانسون ..وفي لعبه اسمها انفينتي عجيبه ..الواكس ميوزييم وخري عنه ويع ...والجبال اللي فيهم شلالات ..وكفايه جوهم عجيب احنا برد عندنا هناك شمس ..

 

[* بنت المطر *]

والله تبين الصراحه ماطولنا فيها يوم رحنا بس مادام جذي بنروحلها مره ثانيه ,,,,

ام العبد فعلا محل sussan عجيب توني ماخذه منه بجامات ع شكل برمودا وتي شيرتات روعه _ اما BIG W يوه شفت فيه

شغلات حلوه مثل سوالف ايكيا عندهم نفس الجلد فيه سحاحيب صغار ويتعلق بالكبت حق الاكسسوارات وواحد نفسه حق الجناط

وواي مال الجناط فضيع ارفف تحت بعض ويتعلق بالكبت وفيه واحد حق الكعابه عزكم الله _ اما تارجت مجرم بالاسعار

بعد فتره تطيح عندهم الاسعار بالمره يعني اللي كان ب 50 دولار يصير 10 دولارات واشيا تسوى _ اما ماير وديفيد جونز

عطورهم رووووعه

 

[* بنت المطر *]

باجر خميس يابنات كل شي يقعد لي التسع عندنا اما السيتي ( برزبن ) لا الجمعه يقعدون لي التسع وتصير عندهم زيطه دي جي الله وكيلكم

بالشارع وتعالوا شوفوا الخليجيين شلون متنحين ؟؟؟؟ لوووووووووووووووووووووووووول

استرالين قيلز يبيلج اسبوع بعد ببريزبن تستانسين

 

[* بنت المطر *]

هذي صورة شارعنا لوووووووووووووووووول شرايكم ؟؟؟؟

شكبر الصوره هههههههههههههههههههههههههه ناعرفت اصغرها لوووووووووووووووووووووووووووووووووول

 

[Australia girl]

كويتيه هذي منطقتكم ...لووووووووووول الصوره كبيره ...شكله الجوحلو

 

[* بنت المطر *]

اي لووووووووووووووول طلعت كبيره حيل ماعرف اصغر الصور _ اي هذا شارعنا شرايج ؟

بالنسبه للجو هالفتره متقلب مره حر مره برد _ بس باليل براااااد حلو