تجمع العرايس الي تأخر حملهم

[كرستاال]

الله يرزقكم وكل بنات القسم

 

[boliana_q8]

شلونكم بنات انشاءالله هالسنة سنة خير علينا كلنا
بنات وينكم مالكم حس
تعالوا قولولنا شنو سويتي شنو صار معاكم
انا متفائلة واااااااااااااايد من هالسنة
يارب كلنا يكون بجرنا من مواليد 2012

 

[وجع قلبه]

حبيباتي تسلموون
الله يرزقنا ويرزقكم

بنات قولولي منو جربت البرقدوش والميرامية

انا شريت من العويد برقدوش على شكل اكياس شاي
احسن من الي ينباع من العطار واسرع

بس كلام البنا بالمنتديات متناقض
الي تقول موزين ينشرب وقت الدورة والي تقول اشربيه وقت الدورة

منو عندها فكرة حبايبي تفيدنا

هلا بوليانا حبيبتي ..

انا اشرب مرقدوش نفس الشاي .. وماي ..
اشربه بكل وقت ماعادا الدوره ..
احطه عالماي واشربه ..

وزياده اخذ القسط ا لهندي وعشبة الملاك ..

ينضمون الهرمون والتبويض ..

 

[وجع قلبه]

حبيباتي انا دورتي خلصت 25-12 .. وقعدتت اسبوع عادي .. وطبيعي ..
واليوم الصبح نزلت الدوره مره ثانيه :eh_s(10)::eh_s(10):

مادري شسوي .. قلت يمكن مو دوره .. بس بالضبط احساس الدوره ..
الم بالظهر والبطن والصدر ..

انا عبالي بطيح مريضه بس انصدمت انها اعراض الدوره ..


بنات شسوي :eh_s(11)::eh_s(11):
انا كنت متفائله هالشهر ..
بس اخترعت اليوم لمن شفت الدوره .. :eh_s(16)::eh_s(16):

ياربي ملييييييييييييييييييييت وتعبت :eh_s(11)::eh_s(16)::eh_s(11)::eh_s(16):​

 

[ạ7ạśêś ~]

ـآلله يرزق الكل يًُ رب.ِ,
انا توني عروس صار لي 8 اشهر وشي.؟
والله يرزقني بالذريه الصالحه ي ـرب

 

[boliana_q8]

حبيباتي انا دورتي خلصت 25-12 .. وقعدتت اسبوع عادي .. وطبيعي ..

واليوم الصبح نزلت الدوره مره ثانيه :eh_s(10)::eh_s(10):​

مادري شسوي .. قلت يمكن مو دوره .. بس بالضبط احساس الدوره ..
الم بالظهر والبطن والصدر .. ​

انا عبالي بطيح مريضه بس انصدمت انها اعراض الدوره .. ​

بنات شسوي :eh_s(11)::eh_s(11):
انا كنت متفائله هالشهر ..
بس اخترعت اليوم لمن شفت الدوره .. :eh_s(16)::eh_s(16):​

ياربي ملييييييييييييييييييييت وتعبت :eh_s(11)::eh_s(16)::eh_s(11)::eh_s(16):​

حبيبتي ان شاء الله حامل
لاني سمعت ان الوحدة اذا بويضتها تلقحت لما تنغرس بالرحم تنزل دم


ياااااااااااااااااااااارب حاااااااااااااااامل

 

[boliana_q8]

بناااات وينكم من امس مالكم حس
حبيباتي طمنونا عنكم

 

[orchidia]

والله انا موعدها هاليوم وهذاني أنطر

ريلي قال ماكو تحليل الا عقب اسبوع

بس أحس بآلاآمها حيل لدرجة أني ألبس احتياط لا طلعت مكان


ياااااااااااااااارب

 

[مخاويه الزعامه]

والله انا موعدها هاليوم وهذاني أنطر

ريلي قال ماكو تحليل الا عقب اسبوع

بس أحس بآلاآمها حيل لدرجة أني ألبس احتياط لا طلعت مكان


ياااااااااااااااارب

ان شاء الله اعراض حمل يااااارب :eh_s(17):


وماتشوفينها الا بعد تسع شهور

 

[متوترة]

يارب نقفل التجمع ونصير كلنا حوامل يارب ياكريم

< اكلمكم والمزيونه مشرفه

هههههههههههههههه

بس قليله مو مثل اول

 

[boliana_q8]

بنات انا اليوم سويت اشعة الصبغة وبدون بنج
والله تبهدلت وعوار فضيع وتخيلوا عندي انسداد بالقناتين
وقالولي الانسداد من المشروبات الباردة واكل البرد وقت الدورة
مت من البجي
بس وحدة تصيرلي طمنتني لانها كانت مثلي
وتقول بس سوت منظار وافتحوا الانسداد عندها

يااارب سهل علي
اتصلت عالدكتورة عالية وقالولي٧٠٠ المنظار
احس مبالغ فيه السعر
ياربي شالحكومة الي محنا قادرين نسوي فيها تحليل واشعة
كل شي بطلعة الروح
مو المفروض المستشفيات الحكومية فاتحة لنا ابوابها
ولا بس حق هالاجانب امصيبة مستفيدين من كل شي
تعبنا واحنا نقط فلوس والكل ينهب من صوب*

 

[orchidia]

حبيبتي هونيها وتهون دامه انسداد لا عالجتيه ان شاء الله يصير حمل وربي يرزقج

وعسى أن تكرهوا شيئا وهو خير لكم

الفلوس كلها ماتسوى لو حملتي باجر وولدتي وبيبيج بحضنج

الله يرزقنا ويرزقج يااارب

 

[درة أهل الطولات]

الله يرزقنا ان شاء الله

 

[sosowaty]

اوركيديا شصااار شرفت و لا للحين

عسالله يرزقنا

 

[وجع قلبه]

هلا حبيباتي ..

بوليانا حبيبتي لا مو حامل .. ريلي متكسر وماصار شي عشان احمل .. خخخخخخخخخخخخخ

رحت دكتوره وسويت سونار ..
قالتلي هرمون مرتفع .. وانه ماكو شي .. وانها مو دوره ..
استمريت على هالحال 3 ايام .. بس جنه امس تالي الليل وقف ..
وبطني وصدري وظهري حدهم يعوروني ..

الله يستر ماحس هالشهر راح احمل ..

انشالله انتوا تبشروني بحمالكم يالغاليات ...​

 

[orchidia]

سوسو واتي حبيبتي انتي

لا والله ماشرفت للحين والنفسية بالحضييييييييييض

 

[boliana_q8]

بنات امس انا استخفيت على اهلي وعلى ريلي
ابجي من اي شي يصير حتى لو موقف عادي
لاني احس اني مضغوطة سواء من دراستي ولا من دوامي ولا من ريلي ولا من تأخر الحمل

وسالفة الانسداد هذي زادتني ضيقة
تخيلو اخوي يدلدغني ابجي
امي تسولف وياي ابجي

تعبت وتعبت ريلي معاي

الي اخر شي ريلي قام يبجي معاي ويقولي انتي لما تتضايقين انا اتضايق معاج انتي لما تتألمين انا مثلج اتألم
مو حسبالج انتي بروحج شايلة حمل وهم
انا اكثر منج

والله كسر خاطري وعور قلبي
يمه احس دمعة الريال تزلزل الأرض

لميته وضحكت وقتله انا لما ابجي ابي اطلع الي بداخلي ابي احس اني خفيفة
لاني لما اقمت الي بداخلي احس جبل قاعد على صدري

بس الحمدالله الحين تقبلت الموضوع
وباجر موعدي مع الدكتور يشوف الاشعة ويشوف التبويض
والله يكتب الي فيه الخير لنا

الله يرزقنا كلنا الذرية الصالحة

بنات قولولي سويتوا اشعة الصبغة
ترا حيل مهمة

 

[boliana_q8]

ها بنات وينكم اليوم
مالكم حس

انا توني طالعه من الدكتور منصور العرف
سوالي سونار والحمد الله الابر يابت نتيجة ما شاء الله
وشاف الاشعة قالي في انسداد
وعطاني ابرة تفجيرية قالي انشاءالله تحملين
وقالي اذا نزلت عليج الدورة تعاليلي احطلج موعد حق منظار البطن
نشوف اذا في التصاقات تشيلها
وان شاءالله تحملين

الحمد الله على كل حال

 

[عهد الغرام]

بنات انا توني عروس صارلي 4 شهور وماكو شي من اول شهر الناس تتصل ماكو شي ماصار شي
ورفيجتي تقول روحي راجعي شوفي اذا فيج شي لان خواتها ماحملو الا لما راجعوو والثانيه تقول سنتين متزوجه لو ادري بتاخر مراجعه من اول شهر ورفيج زوجي تزوج بعدة من او دوره ودي مرته للطبيب وحملت من اول شهر ماشالله عليها بس انا خايفة لاني من كثر ماتمني يكون لي بيبي ماراح يصير وزوجي وده بس مايبي يحسسني بنقص وانا خايفة كدري سيشوون شنو تنصحوني امي تقول من الله مو من غيرة ونعم بالله والناس لاتنطرين

 

[boliana_q8]

عهد الغرام لاتحطين في بالج ان اذا تبين تحملين هالشهر يعني راح تحملين
حتى المتزوجات الي عندهم عيال اذا خططوا للحمل ممكن مايصير بالشهر الي يبونه
اربع شهور هذي ولا شي يعني تو الناس على المراجعات
حتى اكثر الدكاترة مايستقبلون حالات مامر على زواجهم سنة
ان شاء الله راح تحملين بدون علاج