تجمع الصف الرابع ابتدائي للعام الدراسي 2012 / 2013

[دارسين]

الاحد عندناامتحان عربي ورقه اولى

والاثنينeورقه اولى ورياضيات قصير

 

[دارسين]

بنات ماقلتوليشلون اكتب الوقت بطريقتين مختلفتين

 

[ملاك الغيد]

بنات الله يعافيكم حدي محتاسه مع رابعه

المهم ولدي عنده امتحان انجلش الاحد والابله معطيته اوراق عمل وحاله معه نوذج واحد بس وتعبيريين والباقيه ماحلته المهم اللي ابي اعرفه ادرسه بس اللي حلته بالورقه ولا احل الباقي وادرسه لان ماعرف الحل

 

[كارلوفي فاري]

حبيبتي درسي ولدج كل شي ماخذينه بالدفتر وبالاوراق. وارجع واقول مذكرات جمعية المعلمين مجمعه كل شي فيها وبطريقه مرتبه. بس ترا الولد عن تجربه خصوصا اذا مو مهتم بالدراسه حيل لا تضغطين عليه بالمعلومات عطيه المعلومات اللي يحتاجها علشان يحل اكثر من نص الامتحان. لانه انا كنت اضغط ولدي بكل المعلومات وابيه يحفظ كل شي ليما اكتشفت اني بجذي ضيعت كل شي اللي فاهم ومو فاااهم

 

[دارسين]

اهم شي اوراق العمل الكتب مافيها شي اضافة للكلمات والست بوك والمدارس

يعطون مذكرات حليوة

بنات جدول الشهر موحد ولا شنو

بنتي عندها علوم الاربعا والخميس وطنيه وانتو!!؟

 

[ملاك الغيد]

مشكورين بنات والله يوفق عيالنا يارب

 

[دارسين]

بنات شدعوة وينكم

الأمتحانات عالأبوااب 

 

[نورالقمر24]

بنات ضروري بني عندها امتحان عربي
ابي حل

مرادف صباه
ضد حكيم
مرادف دهش

 

[yara2004]

اخباااركم امتحانات بنتي تبدا الاربعااااء بالعلوووم وماني عااارفه صيغة الاسئله الابله الله يهديها ما عطتهم تلخيص كل الكتااب وانا ماني عاارفه اشلوون اذاكر لها الي تعرف اشلون نماذج الامتحان تقوول والله دورة بالنت مالقيت وشريت مذكره نفس الكتاااب تعاريف وتبي حفظ وبنتي اذا ما فهمت ما تحفظ


صابني اكتئاب والامتحانات ما ابتدت

 

[ديانا سبنسر]

مرادف صباه. شبابه

ضد حكيم. أحمق


مرادف. دهش تعجب

بعدين لازم يكون عندك معجم

 

[دارسين]

يارد انا بنتي الاربعا علووم يبيله وقت بالمذاكرة شوي

والاسئله والتلخيص انتي لخصي مثلا وظيفة الجذور الاسئله اللي ورا كل درس واسئله الفصل

وفي اشياء داخل السطور يبيلها خفظ

 

[دارسين]

بنات في وحدة تدرس بنات سعد العبدالله تدرس علوم ورياضيات رابع الحصة بخمسه

وهذا رقمها حلوة ٩٩٨٢١٤٧٧ بس تروحون حق بيتها واهي كويتيه وحلو تلخيصها للعلوم

حبيت افيدكم وبالتوفيق لعيالنا كلهم

 

[أم دانـــه]

قوه امهات اشلونكم
ادري ماكو وقت حق كل شي
ولويه وعفسه
بس الله كريم هونوها وتهون

 

[أم دانـــه]

امس الثلاثا كان امتحان وطنيه والحمد لله سهالات
انا ماشفت الامتحان بس هذا على حسب كلام بنتي
واليوم انقليزي
عاد والله درستها عدل مسكينه اتعبت
كل شي بالدفتر حفظتها اياه
وكتاب التمارين بعد
والله كريم
ان شاء الله يسهل عليها وعلى اعيالكم بعد قولو امين

 

[أم دانـــه]

اي صج نسيت
واليوم راح ندرس حق الاجتماعيات
يعني باجر باذن الله امتحانها اجتماعيات
بس ماعليكم امر
سؤال؟
راح يعطونهم رسم الخريطه ( خريطة الكويت)

 

[love kuwait72]

هلا حبيبتي الاجتماعيات تحدد المواقع على الخريطه

 

[Mrs_Efron]

بنات تكفون امي متوهقه مع اخوي بالانجليزي كتاب الوورك بوك صفحه 11 اخر سوال مبين ان استماع و اخوي كان حاضر عادي مدري اهو فايل ادورله بالنت بموقع الوزاره ولا شنو بالضبط

 

[دارسين]

اهلين امهات


الله يوفق بنتيتج ام دانه احنا امس علوم كان حلو الامتحان على كلامها بس المنهج اسايا دسم

واليوم وطنيه تقول سهل واهوسهل اصلا


والاحد انجليزي ماعليكم امر امهات اللي اماحنوا انجليزي

يقولولنا شلون صيغة الاسئله

 

[دارسين]

سوري امهات

اماحنوا = امتحنوا

بنتي تقول ان ابلتها قالتلها اليوم انها ماخذة بالعلوم ٣٠ من ٣٠ شلون معقوله درجتهم من ٣٠ ؟

 

[أم الهواشم]

دارسين امتحان انجليزي يكون في كلمات فوق تحطهم بالفراغات وفي سؤالين من اسئلة الكتاب وجم سؤال قواعد بس تختار الاجابه الصحيحه وفي حوار من سطرين وتختار الاجابه
اي الامتحان من 30 لان الدرجه بالشهاده من 40