تجمع الصف الرابع ابتدائي للعام الدراسي 2012 / 2013

[فطووومة]

اي فطووومة حبيبتي بالعربي عطوها اوراق خارجيه فيها قطعه وعليها اسئله
كل يوم او يومين اوراق يديده
لغايه الحين ما افتحوا كتاب العربي

هلا اختي ام دانه

انا بنتي تمام الحمدلله بالعربي وخذوا درسين بالكتاب بس ماعطوهم اوراق عمل

اليوم يابت مذكرة تقييم مستمر للعلوم حلت سؤالين وماعرفت احل معاها سؤال:bbbiu:

الرياضيات للحين تمام عنندهم تصنيف افقي ورأسي

الانجليزي ماعطوهم كلمات بس اةراق يحلونها ويلزقونها بالدفتر

والله يستر

 

[فطووومة]

بنات انا ودي اعرف شنو القواعد الانجليزي المطلوبة منهم

وبالترتيب يعني من اول قاعدة للاخير حسب المنهج

حبيبتي القواعد والكلمات تحصلينهم بجدول اول كل درس بالكلمات

والمدرسة تعطيهم خطة كل اسبوع فيها كل شي بياخذونه هالاسبوع:eh_s(15):

 

[منيرة خالد]

السلام عليكم


مدرسة العربي طالبه نظراء لكلمة تحدى


شنو المقصود بنظراء هل اهو المرادف والا شنو بالضبط ؟؟؟؟ !!!!

 

[منيرة خالد]

اووووووه فهمت النظير هي


النظائر


وقف مخي عن التفكير



تحدى / تصدى / تمنى / تولى

 

[هونها يارب]

الله يعينا
المنهج دسم والله يكون بالعون

 

[دارسين]

فطومة حطيلنا اسئلتج التقويم نحلها ويا بعض ونستفيدً

والنظير يعني المثيل باللغه


بس بمعنى اخر

 

[هدفي الفردوس]

بنات تحطون مدرسين خصوصين لعيالكم

 

[dectora 7elwa]

الله يعين
المنهج دسم والواجبات كثيره
وولدي للحين يخربط بالتاء المربوطه والتاء المفتوحه

 

[دارسين]

هدفي الفردوس لا انا بصراحه ما احط بس اجتهد وياها

يوميا اليوم حفظنا دروس العلوم من الاول للاخير ٣ دروسً


وراجعت الاسلاميه وياها والاجتماعيات لحد الان سهل

والرياضيات مدرستهم حلوة والانجليزي بس حفظتها الكلمات الجديدة

 

[كارلوفي فاري]

والله اللي يبي لعياله الامتياز لا يعتمد على المدرسين الخصوصين. لان تدريسهم سطحي. يعني اللي تبي بس النجاح وماتبي تعب نفسها تحط مدرسييين
وهذي وجهة نظر

 

[أم دانـــه]

واااي منهج الدين دسم وكله حفظ
والعلوم بعد
تعتقدون جذي ولا بس انا يتهيئلي

 

[كارلوفي فاري]

الا جذي ونص. وانتي لسه شوفتي حاجه

 

[فطووومة]

ام دانة انتي نفسي احس مو فاهمه شي

بس للحين ماشية بالرياضيات
والانجليزي خايفه منه للحين ما عطوهم اشياء توها تنسخ كلمتين

وماعرف شلون احفظها العلوم ولا الدين

مو القرآن

 

[دارسين]

اكيد كل مايكبرون بتكبر الدسومة

يبيله نحفظ اول باول اهم شي التشجيع ومايتراكم على بعض

 

[دارسين]

فطووم ان شالله باذن الله بحطلكم شنو الاسئلة المهمة بالعلوم عبارة تلخييص

 

[كارلوفي فاري]

مذكرات جمعية المعلمين انصحكم فيها حيييل توفر عليج وقت او بالاصح تمارين لهم بعد مايدرسون

 

[دارسين]

كارلوفي انا وياج مشتركين بثانيه ورابعه حلووو


طيب وين يبيعونهم جمعية المعلمين بالجمعيه نفسها ولا شنو

 

[همس الجــليــد]

السلام عليكم
يعطيكم العافيه علي التجمع
وانا بعد انشالله معاكم بالتجمع وانشالله تجمعنا الكل يستفيد منه يارب

 

[فطووومة]

كارلوفي انا وياج مشتركين بثانيه ورابعه حلووو


طيب وين يبيعونهم جمعية المعلمين بالجمعيه نفسها ولا شنو

يبيعون بالجعمية

وهم بالمكتبات يبيعون مذكرات جمعية المعلمين كنت اشتريهم قبل حق بنتي كانت بعاشر


بنات متي الامتحانات القصيرة ؟؟

 

[نورالقمر24]

واجب بنتي موفاهمه باصواتها القصيره والطويله يعني شنو بظبط

اكتبي خمس كلمات تحتوي علي الحروف التاليه (ب-ت-ث)بأصواتها الطويله والقصيره


ساعدوني