صباح الخير
حبيباتي لاتحاتون ولاتصعبون الامور سهلوها تسهل بامر رب العالمين
رابع صعبه للي مايدرس ولايجابل ويراكم بهالحاله احتمال يصير فيه رسوب لكن اذا جابلتوا اول باول ومتابعه يوميه بدووون مساعده الطالب بحل الواجبات اقصد حل الواجب عن الطالب وهذي تسويها امهات واااايد ان شالله راح تكون سهله بس لازم مراجعه ضروري .
بقول لكم طريقتي مع عيالي لما كانوا برابع الحين واحد سادس وواحد خامس
الاسلامية
كانت المدرسه تسوي امتحانات قصيرة يزاها الله خير بدرسين كل مره عشان الياهل يدرس قبل الامتحانات اتبعوها وااايد فادت بنتي وطبقتها مع ولدي يحفظون الدرس وتلخصينه وقت الامتحان يكون بس مراجعه .
اللغه العربيه
طبعا كانت المادة شوي دسمه ياخذون فيها الحال والصفه والموصوف والمعطوف يعني قواااعد وبالاناشيد اللي ياخذونها تيي اسئله عن التشبيه يعني يبي لها مجابل هالمادة.
الانجليزي
حفظوهم كلمات وشرحوا لهم الدرس وسالوهم شوفوهم فاهمين ولا لا بس اهم شي الكلمات عشان يفهم الطالب القواعد الابلات يعطونهم اوراق تنفعكم .
العلوم
المصطلحات ركزوا عليها باول باول عشان مايتخربطون فيها بس ان كان فاهم الطالب الدرس خلاص ان شالله بتسهل عليه الماده بس اول باول .
الاجتماعيات والوطنيه
يعتمدون على حفظ الطالب
الرياضيات
خليه يحل الواجب وان ماعرف شرحي له مساله ثنتين ثلاث عشر بس لاتفكرين تحلين له بتاتا حرام را ياثر عليه وايد بعدين
ان شالله فدتكم بطريقتي بتدريس عيالي
اي سؤال انا بالخدمه عام او خاص ولاتحاتون ان شالله راح يكون فيه امتحانات ومراجعات بقسم التلاخيص
ربي يوفق عيالي وعيالكم ان شالله
