تجمع الصف الثاني ابتدائي للعام الدراسي 2012 / 2013

[فجر 1]

صباح الخير يارب يوفق عيالنا ويهديهم يارب
انا ولدي ثانيه ابتدائي يعرف يكتب بس قراءه صفر صفر يبتله مدرس بالعطله طبعا ماكمل معاه ولاراضي يتكلم فالمدرس قالي ماينفع مع ان ابوه موجود بس يعاند
مفكره ادخله العصر بس خايفه اضغط عليه ياربي رحمتك الصبح مدرسه وبالليل

حبيبتى ماينفع نادى حضيع زمنه على الفاضى لانه هناك ماعندهم صبر على الياهل .. مادام يعرف يكتب يعرف الحروف ,, انت كل يوم عطى كلمة .. من ثلاثة حروف .. ( مثلا خَ ..خُ .. خ ِ) تخلى يقرا الحروف بنطقها الصحيح ( الله يوفقه .. بس ضرورى تعرفى سياسته شوفى شنو بيحب وتحاولى تقوليله اذا قريت انا رح اعطيج .. ) الله يوفقهم ..

 

[مطلقه وأفتخر]

مرحبا امهات شخباركم مع التدريس وشخبار عيالكم مع مناهج ثانيه

الانجليزي عطونا 3 كلمات بس مادري يحفظهم بالنطق والمعنى والا لازم يكتبها بعد

http://www.q8yat.com/t1094801.html#post31533929

هذا موضوعي بقسم المعلمات استفسر عن منهج ثانيه اللي حابه تشوفه او تسال المعلمات اسئله بخصوص منهج الانجليزي

الله يوفق عيالنا يارب

 

[دارسين]

أهلين أمهات لحد الآن مافي شئ جدي عربي من الكتاب حلول واللي عائلها مايعرفون يقرون

مجرد اهتمام بسيط يومي ما يخلص الكورس هذا إلا وهو يقرأء

 

[احب-الدايت]

شلونكم امهات انا بتي للحين ما عطوها ولا واجب ما ادري شفيها مدرستم ولا وزعو الجدول حرام الكتب وايد معوره قلبي

 

[الجوهرا]

مرحبا بنات انا وولدي بس درسوه التربيه الاسلاميه كلش ماكو تدريس ولا وواجبات

 

[red flower]

جزاج الله خير اخت فجر بحاول ويارب يسهلها ويفتح عل ولدي وعيالكم فتوح العارفين وينور عقولهم يارب

 

[bambena]

احنا هالاسبوع الدرس الثاني ألمح امي وهي تطل والدين سورة العاديات

 

[أم@الحلوين]

قوه أمهات
شلونكم
وشلون عيالكم مع المرحله اليديده

 

[دارسين]

اهلين ام الحلوين مدرستنا اخذوا دروس

بكل المواد وماشين الحمدالله

 

[فجر 1]

اشلونكم امهات ..شلون عيالكم
انا فى قلبى قصه من المدارس الحكوميه .. الحمد لله
من اول السنه الابلات غياب والعربى .. اهم شىء اابله مو مداومه .. والرياضيات بوم تجى ويومين لا واليوم الى تكون غايبه ماتعطى الدرس تدرس الى بعده ..( اليوم عطوهم النمط تقولى ماما مافهمت الابله حلته ليها( ياربى ) .. والانجلش للحين ماابطلوا الكتب .. حروف بس بدون كلمات .. ( سنه اولى كلمات وحروف وكل يوم متابعه )
الله يعين بعدين يزحموهم مايعرفو يركزون عدل ..

 

[سفرجل]

للحين مادرسوا شئ بس خذوا سورة العاديات لي رقم ٣
والعربي للحين تمارين المراجعه الي في الكتاب
والانجليزي للحين ولا شئ بس خذوا كلمات من اول يوم الام والابو والاخ والاخت وبعدين طقت بريك
والعلوم ورياضيات بس الي بدوا بالدروس. الحين بالدرس الثاني تقريبا

 

[الوردة المكنونة]

بداو كل المواد بس العربي للحين بالمراجعه وعطوهم نشيد حفظ
وتعطيهم املأ كل يوم 3 كلمات واليوم معطتهم المد

طبعا بنتي اول املأ درجه كامله وثاني املأ كعت يابت 1من 3 عاد بديت معاها نظام الهدايا على كل املأ صح وسويت مسابقه بينها اهي وبنتي اللي بأولى اللي تيب دفاترها كل يوم من غير اخطاء ومحلولين عند الابله ومصلحين وفي نجوم لها هديه وما شاء الله كل يوم صح ونجوم وكلام حلو من ابلاتهم بدفاترهم وكتبهم وانا كليتها كل يوم لازم اشتري هدايا ههههههه
بس الحمد الله اهم شي في نتيجه

 

[الغلا كله 82]

حلو نظام الهدايا

انا من زمان متبعه هالطريقه اجيب شغلات من ابو ميه وكل شغله صح اعطي هديه


اما عن الدراسه للحين محد بدا بس العلوم والرياضيات والدين اما العربي والانجليزي مراجعه وباقي المواااد ولاااااا شي

 

[الوردة المكنونة]

والله يبيله بو اميه ولا اذا بتم اشتري هدايا من كليرز والمكتبه الميزانيه بتروح فيها هههه

 

[الوردة المكنونة]

بنات نصيحه حفظوا عيالكم الدرس الأول قراءه لان الابلات يبون قراءه انا بالصدفه امس قلت حق بنتي اقري الدرس وشفتها بطيئه حفظتها الدرس قراءه يات اليوم قالت الابله اسألتنا منو تقرا الدرس تقول ولا وحده قرت بس بنتي وبنت ثانيه معاها بالصف والابله معطتهم هدايا كل وحده قلم رصاص

 

[manoooram]

هاي امهات شلونكم عيالكم مع التدريس
الله يعطيكم العافيه ان شالله
انا بنتي العربي بس حل تمارين الكتاب كمراجعه
الانجليزي ولا شي عطوهم الله مراجعه للي فات
العلوم عند الابله الكتاب
الاسلاميه للحين بعد ماكو شي عطوهم
بيبتدون الدراسة الفعليه من يوم الأحد ان شالله ويوزعون الخطة الأسبوعية

 

[هناء - Hana]

الله يوفق عيالكم؛*

 

[aroosalshemal]

هم شكلهم فعلا اغلبه مراجعات


بنات اللي عندها تمارين للرياضيات تحطها هنيه

 

[اثمان]

السلام عليكم امهات

الرياضيات احسه صعب عليهم:eh_s(10):

 

[كارلوفي فاري]

العربي ماخذوا درس كله مراجعات صح ولا لا