تجمع الصف الثاني ابتدائي للعام الدراسي 2012 / 2013

[%F&R%]

من مكتبه بيان

 

[سلاسل ذهبيه]

من وين اخذتم القرطاسيه ؟؟ شرايكم بمكتبة السنافر والا غاليه انا اروح لها بس اشتري شرايط وادوات حق شغلي بس ماجربت قرطاسيتهم واقلامهم وجذي

 

[&شهرزاد&]

صباح الخير بنات وكل عام وانتو بخيرررر ما بقي شي

مشالله مشترياتكم تشوق أنا للحين بس خلصت الملابس والجواتي تكرمون

باجي القرطااسيه ان شالله هالاسبوع

 

[يـاسمينا]

بنات متى دوامات الحكومه ؟
باجر ولدي اول يوم , الله يسهل ان شاء الله ..

 

[سلاسل ذهبيه]

ثاني ابتدائي يبيله اهتمام لان من ثاني يتأسس الطفل واهم شي القراءه سوا عربي او انجليزي اذا عرف الطفل يقرأ سهلت عليه كل المواد واذا طلع ثالث وهو مايجيد القراءه يتعقد ويشوف كل شي صعب وصف اني ابتدائي مايحتاج معهد او مدرس خاص لانها مرحله سهله وكل الامهات يعرفن المنهج وسهل تقدر الاام تدرس الطفل وتتابع معاه كل يوم
الا بعض الصبيان يكون عندهم عناد زياده ومايمتثل لكلام الام هنيه تجيب له مدرسه بالبيت احسن من المعهد

 

[كارلوفي فاري]

ثاني ابتدائي يبيله اهتمام لان من ثاني يتأسس الطفل واهم شي القراءه سوا عربي او انجليزي اذا عرف الطفل يقرأ سهلت عليه كل المواد واذا طلع ثالث وهو مايجيد القراءه يتعقد ويشوف كل شي صعب وصف اني ابتدائي مايحتاج معهد او مدرس خاص لانها مرحله سهله وكل الامهات يعرفن المنهج وسهل تقدر الاام تدرس الطفل وتتابع معاه كل يوم
الا بعض الصبيان يكون عندهم عناد زياده ومايمتثل لكلام الام هنيه تجيب له مدرسه بالبيت احسن من المعهد

انا معاها. وعن تجربه

 

[اطياب طيبه.أم عبدالله]

قوه امهات
يعطيكم العافيه
شدو الهمه باقي جم يوم

عن نفسي سجلتهم بالقاعده الحلبيه فرع الرميثيه توهم امبطلينه وشكله يشوق والاسعار في المتناول صراحه
سعر الماده ب 25 بالشهر ويوم وترك وبيحلون وياهم الواجبات

من باجر باذن الله عيالي رايحين قلت اوديهم مبجر لان قالولي ان مبلشين مراجعه حق العام فقلت استفيد

وهم سجلت ولدي الصغير وياهم بحضانه اقرا هم السعر عجبني بالشهر 80 دينار

 

[سفرجل]

مابقى شئ وتبتدي المدارس

 

[%F&R%]

اي وانتي الصاجه سفرجل كلها اسبوع الله يعينا ويعين عيالنا

 

[مطلقه وأفتخر]

مرحبا صبايا


احس التجمع هااااادي
هانت كلها ايام ويبتدي الازعاج والتدريس




العربي اول درس يتعلمون عن المقطع المشدد
وضمائر الخطاب والغائب والمتكلم


ركزوا عليهم من الحين انا مابلشت بس ناويه ابلش معاكم
من باجر ان شاءالله

 

[مطلقه وأفتخر]

اهلين شهرزاد منورتنا وانتي بخير وصحه وسلامه يارب

ام عبوود زين سويتي يمدحون القاعده الحلبيه ودي اشوف كتبهم

ياسمينا حياج معانا دوامهم الاثنين بإذن الله

 

[مطلقه وأفتخر]

سلاسل ذهبيه حياج معانا شغلج حلوو للتيجان@@
ماعمري دخلت مكتبة السنافر@@


اسمع فيها بس

 

[سفرجل]

واااي من اسبوع الياي يبدا الصداع ولويه واااااااي الله يعينا

 

[الوردة المكنونة]

شلونكم امهات

انا شريت الملابس والجناط والاحذيه ودفاتر واقلام بس ما شريت الملفات وباجي العده بنطر لما اخذ ورقة الطلبات لاني العام شريت واايد

سطرت وزخرفت حق العربي دفتر ٤٠ ورقه للصف

عدلت نومت البنات

راجعت شوي من الرياضيات وحفظتها سورة العاديات كامله وخليها تكتب كلمات من ٣ احرف املأ
بس القراءه مو شي وايد بطيئه ماتعرف ماخطر في بالي اعلمها تقرا نسيت

 

[سفرجل]

عطيها قصص قصيره اهي الي اتنقيهم خل تقراهم جدامج

 

[فجر 1]

قوه امهات ..!!
اشلون عيالكم ..
الورده صح كلام سفرجل .. القصص والله عن تجربة الحمد لله بنتى تقرا الحين ..
العربى .. شغاله معها فى الضمائر .. كل يوم جم كلمة ..
كل يوم اعطيها جم جملة من الانجليزى عشان تحفظ .. وثانية يعطوهم اسبلن ..
الله يوفق عيالنا وعيالكم ومايضيع التعب ..
ان شاء الله امهات التجمع هذا كلهم عيالهم متفوقين ..:yaaaaaarb:

 

[الوردة المكنونة]

طبقت نصيحتكم خذيت من قصصها قصه وخليتها تقرا فيها بس وايد قراءتها مو شي حسافه مادري شلون نسيت ما هيئتها فترة العطله

 

[احلى الاسامي]

متى الدوام الاحد والا الاثنين

 

[%F&R%]

اتوقع الدوامات على حسب كل منطقه تعليميه الجابريه وبيان ومشرف تاريخ 18 /9 لثانيه ابتدائي

 

[لوزين]

الاحد دوامات الروضه
الاثنين اولى ابتدائي
الثلاثاء جميع مراحل الابتدائي