تجمع الصف الثاني ابتدائي للعام الدراسي 2012 / 2013

[فجر 1]

احلى الاسامى مبروك مبروك :eh_s(17):.. عقبالنا يعطونا الشهايد اخاف قبل العطلة بس ...

 

[احلى الاسامي]

الله يبارك فيج فجر وعقبال اعيالج

 

[دارسين]

اي احلى الاسامي بي بعد متغوقه الحمدالله

الله يستر من رابع بس 

 

[مطلقه وأفتخر]

صباح الورد امهات
شخباركم وشخبار عيالكم

والف الف مبروك للناجحين ومنها للاعلى
وانا ولدي ناجح بعد


الحمدالله على كل حال

 

[فجر 1]

امهات انا بنتى يومين مادوامت مريضة جاتنى من المدرسة حرارتها مرتفعة وماسكة بطنها طلع عندهاالتهاب ..
امس واليوم فى شىء جديد

مبروك نجاح عيالكم ,,,

 

[كارلوفي فاري]

السلااام عليكم
ياجماعه احد يعرف متى امتحاناتهم تبدى

 

[احلى الاسامي]

الفتره الثانيه بدت وبعض المدارس الاسبوع الجاي

 

[احلى الاسامي]

متى العطله

 

[مطلقه وأفتخر]

صباح/مساء الورد


واخيرا الخميس
فجر ماتشوف شر بنتج وسلامتها
بنات اشسالفتهم ليش مايعلمون ان في اختبارات عشان نراجع لعيالنا!

 

[فجر 1]

^^^^^
تسلمى ياقلبى
.. اليوم عطونا الشهاده الحمد لله امتياز بس العلوم جيد جدا مع انها تحب العلوم الكتاب كله الابلة تكتبلها شاطره وحلوه بس اتغيرت الابلة الفتره الاخيره.. مالحقت على الاجتماع .اليوم .

معقول امتحانات الفترة الثانية بدت ماعلمونا .. ومافى اوارق عمل

 

[مطلقه وأفتخر]

مبروك فجر وان شاءالله تعوضها الفتره الثانيه
والله كلنا نعاني من تغيير الابلات ومادري على اي اساس يقيمون

 

[مطلقه وأفتخر]

بنات منو فيكم تستخدم المذكرات؟
اشرايكم فيها وشنو احسن مذكره تنصحوني فيها!
ابي محلوله ومو محلوله بس مو عارفه من وين

 

[مطلقه وأفتخر]

لمادة الانجليزي والعلوم

 

[الغلا كله 82]

قوة امهات

شلونكم وشلون عيالكم

مطلقه انا مااستخدمهم بس لما كنت حامل ماكنت اقدر اسوي امتحانات ولا اراجع لبنتي عشان اعرف حافظه او لا فكنت اشتريهم وامسح الاجابات بالكوريكتر واخليها تحلهم مثل الامتحانات وكنت اخذ اي شي مو مذكرة معينة

 

[الغلا كله 82]

وبنتي غيروا 2 او 3 من مدرساتها وزعلانه لان مو كل الشهاده امتياز قلت ترفعينهم بالفترة الثانيه ان شاء الله

الحين مدام تقييم اهم شي عندي تعرف الاساسيات وبحاول اخليها تقرا

شريت لها قصص كلماتها كبار عشان احببها بالقراءة

 

[فجر 1]

^^
الغلا القصص تخليها تقرا سريع عن تجربة صراحة اهم شىء

لانه كتاب المدرسة تحسين حافظين الدرس حفظ من كثر ماينسخه

مطلقة حبيبتى المذكرات نفس الكتاب بس انا شريت انجليزى فيه معانى الكلمات وفيها كلمات جديده
من المكتبة فى الجمعية

 

[الصابرة المحتسبة]

السلام عليكم
شلونكك امهات
حتى إحنا نعاني من هالتغيير

بخصوص المذكرات ماجربت بس شفت بخدمة الطالب في مذكرات.

 

[دارسين]

احلا مذكرات المرشد روعه


وماتدرونمتى اخر شي لهم دوااام

 

[كارلوفي فاري]

بنتي بدت الاسبوع هذا يوم الاحد علوم والاربعاء والخميس رياضيات وطبعا الاملاء العربي كل اسبوع. بس احاتي املاء ابانجليزي الكلمات بدت تصير طوال وواجد. وبالنسبه للي اسالوا عن المذكراات. انا مرتاحه حق مالوت جمعية المعلميين لانه فيهم نماذج امتحانات نفس مالوت التوجيه ومعاهم الاجابات ونااااادرا مالقى شي خطا او قديم.

 

[manoooram]

مساء الخير أمهات
شلونكم ؟

هالأسبوع يا بعد عمري بنوتي كله اختبارات الله يوفقها ان شالله
حوسه حوسه

كارلوفي فاري
الانجليزي معتمدين على توصيل الكلمات والأبله تقراهم لهم
غير ترقمين الصور حسب الاحداث اللي بدت
وصاجه الكلمات كل ماله تكون طويله
والخميس اللي فات امتحنوا علوم بدرس الحواس

حبيبتي المذكرات بجمعية المعلمين ماخذتهم ؟