تجمع الصف الثاني ابتدائي للعام الدراسي 2012 / 2013

[الغلا كله 82]

صباح الخير


يارب تكون بداية اسبوع روعه وجميل على عيالنا
الله يحفظهم لنا من كل شر يارب



بخصوص الاملاء بيكون بالدرس كله اعتقد
واذا مو بالدرس بكلمات الدرس اللي تنكتب بدفتر الصف



سبحان الله وبحمده سبحان الله العظيم
أستغفر الله وأتوب إليه

صباح النور

اللهم امين الله يجزاج خير

 

[الصابرة المحتسبة]

السلام عليكم
شلونكم امهات وشلون عيالنا

عساكم على القوة وعلى المجهود بهالتجمع لمصلحة عيالنا

عندكم بقسم التلاخيص موضوع للصف الثاني ان شاءالله يفيدكم

خذينا املاء واوراق عمل رياضيات وانجليزي وعلوم

الله يوفق عيالنا ويسهل أمرهم.

 

[فجر 1]

العفو يالغاليه

الله يعينا عالمدارس انا ابي جدول متابعه لحفظ ايات واحاديث الدين ومارضوا

تفضلى يالغلا جدول الآيات :
الفتره الاولى : مراجعة ماسبق حفظه فى الصف الاول ..
1/ سورة العاديات
2/سورة الزلزلة (1-11)
3/سورة البينة أ (1-5 ) ب( 6 -8)
الفترة الثانية :
سورة القدر
سورة العلق
مراجعة ماسبق حفظه
الفترة الثالثة :
سورة التين
سورة الشرح
سورة الضحى
سورة الليل أ(1-11)
الفترة الرابعة :
تابع سورة الليل ب (12 -21)
سورة الشمس أ (1-10 ) ب ( 11-15 )
مراجعة ماسبق

 

[فجر 1]

يابنااات انا تعقدت من الاملاء. الابله تطلب الدرس كله املاء هل معقوله كله بتمليهم خصوصا في كلماات غثيثه مثل
متحمس - فقبلتني - ورددت

انت فى الدرس الثانى .. حاولى تخليها تنسخ الدرس جم مره عشان تتعود على الكلمات
الله يعينهم ويسهل عليهم ..

 

[الغلا كله 82]

الصابرة المحتسبة

تسلمين وماقصرتي عالطله الحلوة والافاده


فجر

مشكورة وماقصرتي يالغاليه


جعلها الله في ميزان اعمالكم جميعاً

 

[احلى الاسامي]

اليوم عطوا بنتي جدول الامتحان الله يوفقهم

 

[مطلقه وأفتخر]

مساء الورد امهات

جزاكم الله خير على جهودكم اللي تسونها بالتجمع
بميزان اعمالكم يارب


احنا بعد قاعدين يمتحنونهم!
وبالنسبه للانجليزي الابله كله غايبه مادري شلون عالمنهج والامتحانات!

 

[كارلوفي فاري]

احلى الاسامي متى تبدا. انا تقريبا بدت كذا امتحان.

 

[دارسين]

احنا باجر امتحان االمهارة الاولى رياضيات
وعدة علوم وبعدة انجلش 

الله يوفقهم ان شالله

 

[فجر 1]

نفس السؤال متى تبدا الامتحانات نظام مدرستنا ما يعلمونا تدش الابله وتعطيهم امتحان ..
دارسين شلون طريقة امتحان الرياضيات ... ابى اعرف ..مشكوره

 

[الصابرة المحتسبة]

يعطيكم العافية

إحنا نعرف الاختبار من الخطة الأسبوعية يكتبون فيها واذا في املاء بعد
باجر بإذن الله اختبار مهارة الجمع والطرح.

 

[مطلقه وأفتخر]

احنا اختبروهم علوم وباجر رياضيات
طبعا لا اوراق عمل ولاشي

ومايكتبون بالخطه ان في امتحانات يقولون ممنوع من التوجيه!



الله يوفق عيالنا يارب ونشوفهم بأعلى المناصب

 

[مطلقه وأفتخر]

شهايد الفتره الاولى عقب العيد صح؟

 

[دارسين]

شلون ممنوع على اساس تقويم هههههه

المفروض الابلات يحطون بكل كتاب جدول فيه المهارة الاولى تاريخها ودرجتها

احنا جذي مدرستنا والمتابعه مطلوبة

 

[مطلقه وأفتخر]

واللي يقولج اني تناقشت معاهم وقالوا اهو المفروض يذاكر اول باول وان جاه امتحان مفاجئ عادي لانه مذاكر من الاساس
قلت اوكي كلامج حلو بس اذا كان عندي خبر انه عنده امتحان باليوم الفلاني راح اكون حريصه على انه يداوم بـ هاليوم ومايغيب لاي سبب ساعات بعض المواعيد الصحيه تكون صبح

حتى اللي بالثانوي يعرفون مواعيد اختباراتهم القصيره والطويله!



هالسنه مدرستنا موعاجبتني كلش
شكلي بكلم الناظره
احنا نبي الافضل لعيالنا وحالنا حال باجي المدارس

 

[Beyoncee]

يعطيكم العافيه على هالتجمع الحلو
وكل عام وانتو بخير بمناسبة عيد الاضحى المبارك
انا عندى ولد هالسنه ثانيه ابتدائي واهو آخر العنقود
مايحب العربى ولا ابلة العربى ولا يكتب الواجب خصوصا العربى والله ما خليت شي ماجربته معاه حتى معهد سجلته وكسر خاطرى
الصبح مدرسه والعصر تقويه وطلعته من المعهد ابى حل سهل يحببه فى هالماده والله حتى قصص وتركيب الاحرف جربتها يمل بسرعه
وبصراحه كتابهم العربى هالسنه ممل والدرس طويل وصعب على اطفال ثانى سنه لهم بالمدرسه
الله لا يهينكم لو عندكم نفس ولدى شلون تتصرفون معاه والله احترت وتعقدت

 

[دارسين]

اي حبيبتي لازم احد يكلمهم والغياب وارد ومافي مدرسه ماتسوي امتحانات مهارات لكل مادة اتا عندي بنتين

برابع وثاني كلهم نفس الفكرة نظامهم حلو

خمس امتحانات الفترة الاولى وخمسه الثانيه وبعد كل فترة شهادة

واللي عندها ولدها مايحب العربي اكيد مو حاب الابله بنتي كانت ماتحب العربي فجأه تغيرت

سااألتها شنو السبب قالت ابلتنا راحت جتنا ابله احبها 

 

[مطلقه وأفتخر]

صباح الخيييييير

دارسين والله فيني البجيه اشمعنى احنا لا!!


اصلا من تدرين بمواعيد الاختبارات ترتاحين ويقل التوتر
انا من يرد من المدرسه وانا طايحتله استجواب عطوك امتحان يقول مادري اقول الابله وزعت عليكم اوراق يقول نسيت ويتضايق من كثرة الاسئله


بيونسيه اذا مانفع معاه اي شي جيبيله مدرسه خاصه بالبيت عشان تساعده بالواجبات
وحاولي تكلمين ابلته وتشوفين ليش كاره مادتها

 

[الغلا كله 82]

شهايد الفتره الاولى عقب العيد صح؟

مومعقوله بعد العيد على طول لان مدرستنا يقولون الورقه الاولى للانجليزي والعربي هالاسبوع والباقي بعد العيد



دارسين صح لازم يحطون لنا جدول متبعه عشان نعرف كم اخذوا وشنو مستواهم


حنا من اول السنة كل شوي مسوين اختبار مسح ماادري ليه ؟؟ امس ماخذه اختبار مسح بالعربي تقول عطونا امتحان طويييا صفحاته واااااجد. وانا لو الادارة مو قايلين لي عن اختبارات المسح جان تلقوني منجلطه هههههههه

 

[فجر 1]

يعطيكم العافيه
مطلقة والله نفس حالتى بنتى من تطلع من المدرسة وانا استجوبه ها عطوكم اختبار ولا ورقة عمل ابلة العربى تجى
اهم شىء لانه العربى كل يوم ابله جديده .. مره واحده عطوهم خطه وثانى لا
فى مدارس زينه وفى مدارس لا .. ياربى مدرستنا نحن رايحه فيها مرحلة تاسيس المفروض المعلمات مايغيروهم كل يوم غير شلون تعرف مستوى البنات وهى مادرستهم اصلا ..