تجمع الراغبات في الدراسات العليا في مصر

[S.O.S]

واااي لموضوع حده بوقته مشكورة اختي صاحبه الموضوع

بس يا جماعه صججج مايبون خريجيين مصر كهيئة تدريسيه في الجامعه؟؟؟ اقصد مايصيرون دكاترة قيها؟؟ ليييييش الظلم
اذا لي هالدرجه طايحه من عينهم مصر ليش معترفين فيهااا بالله؟ استغفررررررر الله العظيم احتريت

انا تعبت صارلي سنه وانا احووووس و ادور بالنت واخر شي استقريت على شي :---- اني اروح منتظم بجامعه طنطا جامعه حكوميه عشان هذا الي ماشي ومعترف فيه حاليا ... بس عقب هالكلام لييييييييييييش ادرس؟؟؟ و اتغرب؟ واخر شي مانبيج !! مالت عليهم زيييييييين

لا حبيبتي .. مو صحيح هالكلام
انا اعرف وحده ماخذة الماستر والدكتوراة من مصر
وعلى حسابها بعد
والحين اهي دكتورة بجامعة الكويت ما شالله
بس زهبي واسطتج وتمشي امورج يا قلبي :dddds: ​

 

[نشميه]

ترى مو كل التخصصات بكل الجامعات معتمده لا حسب يعني العلوم السياسيه بس معترف فيها في 4 جامعات معنى ىالباجي فيهم علوم سياسيه

بالنسبه حق طريقه البعثه انا لمن سألت الموظفه قالتلي ما في بعثات انتي تدرسن على حسابج ؟؟؟ صج ولا لا

 

[mi corazon]

يسلمو بنات

نشميتنا الحلوة مو شرط جنه .. تقدرين تدرسين تخصص غير تخصصج بس راح يزيدون عليج مواد قبل التخصص يعني بدال ما تتخرجين بسنتين نفس الباجي تتخرجين بسنتين ونص هذا اللي قالي عليه واحد يدرس بمصر دراسات عليا جنه اهوا برابطة الطلبة الكويتين

هالحجي سألت عليه وعليتهم فيه بمنتدى الطلبة الكويتين بمصر ليمن عطوني اجابه تريحني واللي قلت لكم عليها الحين

ومسالة التدريس بالجامعة حياتي sos على قولت نشومه واسطة واسطة واسطه

لانهم ما يقبلون بتاتا إلا خريجين اميركا وكندا واستراليا .. يعني حركات امريكاني

آنا أقولج شي

ليش ماتدرسين الماجستير بمصر وتالي دهني سير اي واحد من اخوانج او ريلج يروح وياج امريكا سياحه له ودراسه لج بس يمعيلج همجة فلوس


وسلامتكم

 

[Girly Girl]

انا علوم سياسيه وودي اكمل ماستر عن طريق الانتساب لاني موظفه ! وعلى حسابي بس محتاره بين مصر والامارات؟
واحتمال اكمل على نفس تخصصي او بزنس بس لحد الحين مادري

 

[رائعة]

التوفيق للجميع

 

[mi corazon]

يزاج الله خير رائعة عزيزتي

girly girl حبوبه ماكو شي اسمه انتساب الحين .. ماتعترف فيه وزارة التعليم العالي الموقرة عندنا

يا إما انج تقضين سنتين بالدوام او حسب شروط وزارتج تالي تقدمين على بعثه إذا كان معدلج يساعد ( علشان يودونج على حساب دوامج) او على حساب الدولة

او انج تاخذين تفرغ دراسي ويمشيلج نص المعاش وتدرسين بالمكان اللي يعجبج

وهم راح اسأل لج حبوبه

موفقه من الحين

اختج سوسو :*

 

[نشميه]

لا حبيبتي انا سأله بنفسي عن التخصص بمصر لاني كنت ابي ادرس شي غير تخصصي جان تقولي الموضه لا ما يصير تدرسين غير تخصصج بمصر اما البحرين عادي

جيرلي جيرل
ما في الحين نظام انتساب وانتي نفس تخصصي علوم سياسيه بس انتي ان رحتي مصر تقدرين اتضبطين الدكاتره وتتفقين معاهم على سالفه الحضور والغياب واذا كنتي بقطاع خاص جنه يعطونج بالسنه 45 يوم عطله انتي تبطين نفسج فيهم حق الامتحانات

 

[نشميه]

رفع

 

[نوور]

بتات لازم اصدق كل الاوراق حتى الميلادية والجواز ولا بس الشهادات
ردوا علي ضروري بروح باجر

 

[مغروره بس معذوره]

بنات اذا انقبلتو بمصر انشالله
حياكم الله ويانا بتجمع طالبات القاهره

تلقوون الرابط تحت ابتوقيعي

 

[الملح زايد]

بنات انا تخصص اقتصاد منزلي وابي اكمل بس مو مجال تخصصي لاني ما احب هالمجال

واساسا لغوه عندنا بالتربيه صار علوم الاسره والمستهلك وانا ابي اكمل شي بمجال التربيه

يعني اصول التربيه او ادارة تربويه

يصير اقدم في مصر غير تخصصي ياليت تفيدوني


ومشكوووووووووورين

 

[mi corazon]

حياتي إدارة مدرسية واصول تربية مالها شغل بتخصص معين

اهو تخصص عام بالتربية فقط

يعني دامج متخرجة تربية تقدرين تكملين هالتخصصات

ولو حابه سألي ليطمئن قلبك

وموفقة حبوبه

 

[contessa]

:0bee2e8d89:حبيبتي بس سوال
انا خريجه صيدله و ودي اكمل اداره اعمال
يصير؟؟
بس ودي انتساب لانه لاعت جبدي من الغربه

:0bee2e8d89:

 

[mi corazon]

أحبه موت ياقلبي حسب ما سألت وقالولي ( يصير) ان شالله

وعالعموم اكثر الموظفين يشتغلون ويدرسون ماستر لأنه اسهل من البكلريوس كلها سنتين وشي وخلاص

سنه دبلومه ( لازم ناخذها قبل ما ندش عالماجستر .. رفرش للمعلومات ومثل pre-
علشان تتطمنين وتسمعين الكلام بإذنج

الحين دامج عاقلتها توكلي

روحي التعليم العالي وكلميهم بالموضوع

قوليلهم بمبنى واحد انج صيدلانية وحابة تكملين ادارة اعمال ( بس لا تقولين لهم انتساب ) هالمسألة تكون بينج وبين الدكاترة

تسجلين انتظام ولمن تروحين للجامعة تكلمين الدكاترة وتتفقين معاهم



ولو قالولج مايصير تكملين تخصص غير تخصصج .. قوليلهم بمبنى 4 قالولي عادي وايد جذي كملوا غير تخصصهم


اول شي رتبي امورج بينج وبين نفسج .. وروحي وتوكلي


وتردين بالسلامة لديرتج رافعة راسنا بالشهادة

 

[contessa]

mashkoora 7bebti ma ga9erti

o ala ewafegech enshalaa
o enti bal'3eena b3d she9eer m3ach

 

[mi corazon]

اجمعين يا قلبي

وان شالله اكمنكم اول باول شيصير وياي

 

[نشميه]

يعطيج العافيه حبيبتي مي كرازون على المعلومات بس اخاف اذا كملت تخصص غير تخصصي تكون الشهاده غير معترف فيها !!!!!

 

[بنت السلطان]

بنات شنو الخطوات اللي لازم اسويها اذا بغيت اسجل بالجامعه بمصر يعني الاوراق والشهادة شنو اسوي اول شي ووين اصدقهم

 

[mi corazon]

نشمية حبيبتي لو شاكة بالموضوع ومن حقج اتشكين روحي سمعي بذنج

قوليلهم انا سألت في مبنى 4 وقالوا لي عادي وايد كملوا جذي

والشهادة اكيد معترف فيها مو تشوفين دكاتره بالسي في ملوتهم بكلريوس شي وماستر تخصص غير؟؟

عالعموم آنا سألت مخصوص لكم

لو قلبكم ماهو مطمن روحو سألو .. اهم شي تكونون مرتاحين قبل اي خطوه

وموفقه يا نشومتنا

بنت السلطان ياقلبي باجر ان شالله ايمعلج الروابط كلها اللي تفيدج بهالموضوع

بس مسألة التصديقات من الخارجية بالروضة ورا حديقة جمال عبد الناصر

راح يطلبون الجنسية والميلادية والشهاده

باجر اقولج بالضبط ان شالله

تصبحون ع خير

احبكم

 

[بيسان الكويت]

بنات شنو الخطوات اللي لازم اسويها اذا بغيت اسجل بالجامعه بمصر يعني الاوراق والشهادة شنو اسوي اول شي ووين اصدقهم

أول شي تروحين التعليم العالي بالمنطقه الحرة مبنى 4 وتاخذين منهم اسماء الجامعات المعترف فيها بعدين تروحين مبنى 1 تاخذين ورقه فيها الأوراق المطلوبة للتسجيل بالجامعات المصرية اللي أهيا
1- صورتين من البطاقه المدنية وصورتين من الجنسية
2- 12 صورة شخصية الحجم 4×6
3-صورة طبق الأصل من جواز السفر تييبينها من إدارة الجنسية والجوازات بالموجودة بالضجيج( ودي معاج جوازج لما تروحين أسهل لج )مصدقه من السفارة المصرية والخارجية الكويتية وصورة عنها
4- مستخرج رسمي من شهادة الميلاد من إدارة المواليد والوفيات بميدان حولي ( قيمه الطابع دينارين ) مصدق من الخارجية الكويتية والسفارة المصرية وصورة عنه
5-ورقه من التأمينات الإجتماعية لمن يهمه الأمر من الـتأمينات ( الرئيسي بالديرة / في بصليبيخات / في بمشرف جبال أرض المعارض شوفي الأقرب لج )مصدق من الخارجية الكويتية والسفارة المصرية وصورة عنها
6- طبق الأصل من شهادة الثانوية من المنطقه التعليمية اللي تتبعينها مثلاً الفروانية / حولي ... ألخ مصدقه من السفارة المصرية والخارجية الكويتية وصورة عنها >>الخارجية الكويتيه مبنى التصديقات بشويخ يم كونا والهلال الأحمر وقيمه الطوابع 25 دينار بعدين تروحين السفارة المصرية مكانها بالروضة يم حديقه جمال عبدالناصر وقيمه الطوابع40 دينار وصورة عنها
7-الأصل من شهادة البكلريوس من جامعه الكويت نفس المكان اللي استلمتي فيه الشهادة لما تخرجتي بشويخ مصدقة من الخارجية الكويتيه والسفارة المصرية وصورة عنها
ملاحظة : تروحين الخارجية الكويتية أولاً قبل السفارة المصرية
ولازم تطلعين كل المستندات المطلوبة وآخر شي التصديق
وبعدين تحتفظين بكل الأوراق عندج بظرف وتاخذينهم بتاريخ 30/6 للتعليم العالي مبنى واحد عشان تفتحين ملف وتسجلين للجامعه اللي انتي رغبانه فيها وموفقه بإذن الله
أبي منج تدعيلي بالدعاء اللي بتوقيعي :yaaaaaarb:
وتقبلي مروري