تجمع الحقوقيات ( حياكم يالزميلات )

[السمبتيك]

قوه يا القانونيات :eh_s(7):

انا حبيت اسوي تجمع لنا
للمتخرجين من كلية الحقوق
سواء الي اشتغلت
محاميه
او باحثه قانونيه في احد الوزارات او البنوك
او محققه
او وكيلة نيابه ان شالله مع الزمن :eh_s(10):
وحتى الي للحين ماتوظفت وقاعده تدور على وظيفه

كل وحده تقول وين اشتغلت
وهل مرتاحه بمكانها وحاسه ان بعد كل هالدراسه نالت الي في بالها ؟؟
عشان يكون هالتجمع مرجع لكل الحقوقيات الحين وللمستقبل

حياكم :eh_s(7):

 

[السمبتيك]

انا ببلش اول وحده

انا تخرجت من 2008 يعني ( عيوز )

اول ماتخرجت قيدت بجمعية المحامين بس مااشتغلت
والحين بادية اشتغل بمكتب محامي وسجلت بدعم العماله

وكملت ماجستير بجامعة الكويت وخلصت الحمدالله بس هالشهاده شكلي ماراح استفيد منها بشي

 

[frawlah_83]

انا ببلش اول وحده

انا تخرجت من 2008 يعني ( عيوز )

اول ماتخرجت قيدت بجمعية المحامين بس مااشتغلت
والحين بادية اشتغل بمكتب محامي وسجلت بدعم العماله

وكملت ماجستير بجامعة الكويت وخلصت الحمدالله بس هالشهاده شكلي ماراح استفيد منها بشي

اسمحيلي على هاللقافه :d

بس ليش ماتصيرين معيده بالكليه او ادرسين بالتطبيقي جنه عندهم دبلوم قانون

 

[Angel_store]

اب اب اب

 

[السمبتيك]

والله ودي اختي فراوله
اصلا انا ماكملت ماجستير الا عشان هالشي

بس للاسف مايصير اقدم باي وقت لازم يفتحون المجال للتقديم
واحيانا اذا افتحوا مايكون عندهم نقص لتخصص القانون

توه افتحت جامعة الكويت يبون استاذ مساعد بس مايبون حقوق
شنسوي !!!!!

 

[frawlah_83]

اي صح كلامج اهو على حسب الاحتياج

انزين مارحتي جربتي التطبيقي

 

[نادية_]

انا تخرجت من سنه وحاطه ايدي على خدي

 

[السمبتيك]

هلا والله ناديه
حياج

اي اشوفج تحوسين بالمنتدى ( مثلي )

ليش ماتنزلين المحكمه ؟ على الاقل تكون لج خبره وتكونين ضيعتي وقت !!!

 

[قهوه ساده]

صباح الخير
انا توني متخرجه وحدي محبطه
الديوان الرقم فووووووق ومايتحرك
والكل يسألني وين قدمتي
وطبعا واسطتي رب العالمين توكلت عليه

 

[قهوه ساده]

النتيجه بكالوريوس حقوق ابدا ماترضي طموحي
حسيت اني ضيعت ٤ سنين على الفاااااااضي
يمكن هالشعور من حالة الاحباط
خيره ان شاء الله

 

[السمبتيك]

قهوه ساده

ليش ؟؟ عاد الديوان كل يوم يقطني بوزاره
كل مااسوي رفض يقطني بوزاره ثانيه !!!

يمكن انتي مسويه ربط !!!

نزلي المحكمه صدقيني بيعجبج الشغل
ولا تسجلين بدعم العماله لم تلقين الوظيفه الي تبينها

والتحقيقات عن قريب ان شاالله بتفتح
واماكن ثانيه ان شالله

خليج متفائله

 

[السمبتيك]

هذي عباره تشجيعيه لخريجين الحقوق





لماذا القلق من المجهول وكل شيء عند الله معلوم لذلك إطمئن فأنت في عين الله الحفيظ. ••و قل بقلبك قبل لسانك••.
فــوضـت أمــري إلـى الله»

 

[frawlah_83]

عجبتني العباره واخذتهاةوحطيتها في تويتر بعد اذنج

العباره تشجيعيه مو بس حق خريجين الحقوق حق كل الخريجين

كل شي رزق من الله ومحد بياخذ رزق الثاني كل من له نصيب بياخذه ... وكل شي خيره والخيره فيما اختاره الله


الله اوفقكم ويرزقكم بالوظايف الي تبونها ويرزقني معاكم ان شاءالله

 

[السمبتيك]

لوووووول

حلالج افا عليج


اي والله صاجه
الحمدالله على كل حال

 

[السمبتيك]

وينكم يا الحقوقيات
الظاهر ماتدشون هالقسم كلللش

 

[قـانـونـيـة]

هلا بالزميلات..

أنا خريجة 2010
باحثة قانونية في ( مكتب وزير الدولة لشئون مجلس الأمة ) تبع مجلس الوزراء من 9 شهور...
حبيت أشارككم ، والله يرزقكم بوظايف تسركم ...

وفي شي مهم بأقوله لكم:
كل وحدة أول ما تتخرج تتمنى تتوظف بمكان نادراً ما يقبلونها فيه ، عشان جذي إرضي بأي مكان حطوج فيه وإحنا قانونيين يعني كل مكان يبونا وخلي دايما في بالج هالعبارة:
" ليس المهم إلى أين أنت متجه ، أو ماذا أصبحت ، ولكن من المهم أن تتذكر من أين أتيت "
صدقوني لما قريت هالعبارة قامت تهون علي أي مشكلة تتعلق بمستقبلي الوظيفي لأني قادرة أتغلب عليها كفاية إني تخرجت من الحقوق وإنتوا عارفين صعوبتها ونظامها ، ما أقولج لا تكونين طموحة لكن الخيرة فيما إختاره الله ,,,
والله يوفقكم ويزيدكم من فضله ....

 

[السمبتيك]

هلا والله فيج قانونيه

صاجه والله
الواحد يرضى بالي الله كتبه له

ياليت تفيدينا عن مكانكم
من حيث الشغل ورواتب والمميزات والسلبيات
عشان الكل يستفيد وياخذ معلومات عن اماكن الشغل

 

[ام عيالي]

انه لي الحين ماتخرجت وكنت عايشه باحلام اني بشتغل بالتحقيقات وانصدمت من شرطهم يبون عمر معين انه لما اتخرج يكون عمري 31لاني درس عقب الزواج والعيال وبعدينقلت محامين الدوله والبلديه وديوان المحاسبه علا نياتي حسبالي يقبلون علا المعدل لاني ليمن الحين اذا شديت حيلي اشوي بتخرج ان شالله جيد جدا اطلعت السالفه واسطات ومحسوبيات وعوار قلب والله ماني عارفه وين بروح واشبفكر فيه بس الله كريم الي كاتبه ربي بيصير بس والله المعاشات ابو 700 او 800صدمه ياناس حنه حقوقيين مو اي كلام ماكو تقدير كلللللش

 

[السمبتيك]

هلا والله اختي

الي انا اعرفه ان ديوان المحاسبه مايشترط عمر معين بس يشترط ان تكون حديثة التخرج على مااعتقد

في عندج قطاع خاص بنوك وغيره
في عندج الوزارات صج ظلم بس الواحد شيسوي !!!
الله المستعان

 

[نادية_]

والله في اماكن وايد بالديره للحقوقيات بس المشكله كلها يبيلها واسطات وفي اماكن ما ندري عن رواتبها بس متوقع قويه

مثل بورصه الكويت وغرفة التجاره ومعهد الابحاث واعاده الهيكله بالاضافه للاماكن القويه مثل ديوان المحاسبه ومجلش الامه والوزرا والنيابه والتحقيقات والفتوى والبلديه \.....................

بس العامل المشترك لكل الاماكن الووووووووووووووووووووووووووووووووووواسطه