تجمع البنات الي ياخذون حبوب فيتامينات للبشره وللشعر تعالوا

[بنت الاحلام]

up up

 

[blue rain]

بنات اللي تستعمل فيتامين هيلث هير تقولنا عنه لانهم يمدحونه حيل بالمنتديات الثانيه
وياليت اذا وحده تقدر تحط الصوره
ويعطيكم العافيه






=======================

 

[بنت الاحلام]

up up

 

[blue rain]

بنات افتر مخي من كثر ماسمعت عن الفيتامينات
:gr4uu:
بس شكلي بروح اخذ بنتوقار واتوكل على الله واستعملهم لشعري

وباخذ ايميدين لبشرتي

منو جربتهم

ويعطيكم العافيه







-----------------------------------

 

[blue rain]

up up up

 

[سـاكـــورا]

up
up

 

[يالبيه 17]

بنات قولو لي هيرفيت كبسولات ولا حبـووب ؟؟

ردو ع سؤالي الله يخليكم

 

[blue rain]

بنات قولو لي هيرفيت كبسولات ولا حبـووب ؟؟

ردو ع سؤالي الله يخليكم

هير فيت كبسولات بنيه كبار شوي

هذي صورتها ويمدحونها بعد








--------------------------------

 

[blue rain]

رحت لكذا صيدلية اسال عن احسن شي قلت بسال قبل لا اخذ بنتوجار ؟؟؟
كلهم قالو لي احسن فيتامين للشعر هير فيت والله احترت يابنات !!!!ماني عارفة شاخذ

مادري شكلي بهون عن بنتوقار واخذ هير فيت
منو استخدمتهم علموني تكفون للحين ماشريت فيتامينات ولا بلشت بشي وهل هي زينة صج ؟؟؟
فيدوني جزاكم الله خير



---------------------------------------

 

[om al ghaleen]

:68_asmilies-com:

بنظم معاكم لاني بلشت من امس اخذ فيتامين هيرفيت "
اول شي رحت عند دكتور عام وقلت له انه ابي فيتامينات لشعري لانه واايد يتساقط
ووصفلي هيرفيت ..
اخذتهم من الصيدليه بـ 6 الا شي
واكدتلي الصيدلانه انه ماتمتن بس قالت لي لازم تكملين الباكيت ولمده 3 شهور علشان يعطيني نتيجه حلوه

عاد ان شاء الله يخف هالتساقط والحمدالله ماابي كثاافه بس لايتسااقط كل شعره تطيح تقطع قلبي :dddds:
وان شاء الله اذا صار تحسن ابلغكم

\\

 

[حيادر]

حسب تصويت الاغلبية

بيرفيكتيل
هيرفت
حبوب زيت كبد السمك

جربتهم كلهم لوووووووووول

شوفوا

حبوب سيفين سيز ( زيت كبد سمك القد )
ايننوووووووون حق نعومة البشرة وطول الشعر بسرعة وتقليل التساقط

خلصت نص العلبة تقريبا بس وقفتهم

لان كثر الحجي عن انهم يفتحون الشهية

انا مالاحظت هالشي لاني اساسا امووووت على البلعة لووووووول
فمافرقت شهيتي معاي

بس خفت ووقفتهم



ثانيا

بيرفكتيل قريت عنهم بالمنتدى ويوم كنت اسولف مع وحدة عنهم
جان تقولي ويييه هذول كنت اخذهم من وانا بنت يهبلون
وانا من زمان كنت ملاحظة ان ان اظافرها قوية ماشالله وشعرها كثيف وبشرتها مشدودة
وماشالله ماتقص شعرها الا طال بسرعة
بس النحاسة ...

شتقولين بعد وما ادراك ما النحاسة

يوم تزوجت وعيلت قالت السر عقبها ولا يوم اهي بنت متكتمة على السر

المهم

خذيتهم والله لايوريكم
قصوا معدتي قص
تعوووور

خذيت 5 حبوب ووقفت بس

يوم سئلت الصيدلاني قالي هذول لام معاهم ماتشربين اقل من قلاصين ماي لانهم حيل حيل ثقال على المعدة لكن النتيجة بيرفكت
يعني اسم على مسمى لكن يبيلهم استمرار

عاد انا كلش ولا العوار ماحبه

وقفتهم



ثالثا

هيرفت حبيب الشعب معشوق الجماهير

مستمرة عليهم
صج اني اخوره يوم اخذهم ويومين انسى لووووول

لكن اول اسبوعين كنت منتظمة يوميا والله لاحظت ان التساقط وقف بصورة كبيييرة

لكن للامانة
انا كنت حزتها احط سدر وحنة وزيوت بشكل شبه يومي
فهل السبب منه ولا من هالاعشاب مادري بابضبط

لكن صج صج يهبلون وموناوية اوقفهم الا لما اخلص العلبة على الاقل احلل فلوسهم لوووووول


بس عقبهم خلاص ماني ماخذه ولا شي عن طريق الفم

مادامهم طلعوا الشعر بالراس اكيد بيطلعون الشعر بباجي الجسم وانا مو نااااااااااقصة

وهم يقولون تطلع كرش
هم مونااااااقصة

انا مشعرة ومكرشة شد بلاده لووووووول مو ناقصة معاناة اكثر

بستمر على اعشابي وخرابيط العيايز وايد ابرك
نتيجة بطيئة مو مشكلة

ولا دوخة ريجيمات وعوار ليزر وحف وشيرة

 

[nicegirl]

بنات من جربت فيتامينات fast Grow

ياليت اللي تعرفها او جربتها تقول لي

وشكراا لكم

 

[N.O.O.R]

انا توني باديه استعمل 7 سيز والله العظيم يا بنات بشرتي كان فيها اثار حبوب وما خليت شي ما جربته اخر شي عزمت اروح اخذ رؤاكتين اللي يأثر عالجبد بس الحمدلله من استعملت السفن سيز بدت تخف الاثار اللي بويهي

 

[نردين]

أنا استخدمت يور هير وبيوتين 2500 من الجي اي سي
صارلي شهرين استخدمهم وانشاء الله بكمل الكورس
صراحة روعة للشعر التساقط خف كثير وكذلك بدأيكثف شعري
اما بالنسبه للكرش أنا من
أول عندي كرش بس مع تمارين جورج كروز بقضي عليها

 

[نوني الرياض]

اذا تبون يخف التساقط انا استخدمت حبوب سترس تاب <<فيتامينات والله شاهد علي يكثفوون الشعر من ثاني اسبوع الي يتساقط شعرها يبين معها مكان الفراغات ومايزيد الوزن ..ويصفي لون البشررره
انشالله اكون افدتكم

 

[blue rain]

حسب تصويت الاغلبية

بيرفيكتيل
هيرفت
حبوب زيت كبد السمك

جربتهم كلهم لوووووووووول

شوفوا

حبوب سيفين سيز ( زيت كبد سمك القد )
ايننوووووووون حق نعومة البشرة وطول الشعر بسرعة وتقليل التساقط

خلصت نص العلبة تقريبا بس وقفتهم

لان كثر الحجي عن انهم يفتحون الشهية

انا مالاحظت هالشي لاني اساسا امووووت على البلعة لووووووول
فمافرقت شهيتي معاي

بس خفت ووقفتهم



ثانيا

بيرفكتيل قريت عنهم بالمنتدى ويوم كنت اسولف مع وحدة عنهم
جان تقولي ويييه هذول كنت اخذهم من وانا بنت يهبلون
وانا من زمان كنت ملاحظة ان ان اظافرها قوية ماشالله وشعرها كثيف وبشرتها مشدودة
وماشالله ماتقص شعرها الا طال بسرعة
بس النحاسة ...

شتقولين بعد وما ادراك ما النحاسة

يوم تزوجت وعيلت قالت السر عقبها ولا يوم اهي بنت متكتمة على السر

المهم

خذيتهم والله لايوريكم
قصوا معدتي قص
تعوووور

خذيت 5 حبوب ووقفت بس

يوم سئلت الصيدلاني قالي هذول لام معاهم ماتشربين اقل من قلاصين ماي لانهم حيل حيل ثقال على المعدة لكن النتيجة بيرفكت
يعني اسم على مسمى لكن يبيلهم استمرار

عاد انا كلش ولا العوار ماحبه

وقفتهم



ثالثا

هيرفت حبيب الشعب معشوق الجماهير

مستمرة عليهم
صج اني اخوره يوم اخذهم ويومين انسى لووووول

لكن اول اسبوعين كنت منتظمة يوميا والله لاحظت ان التساقط وقف بصورة كبيييرة

لكن للامانة
انا كنت حزتها احط سدر وحنة وزيوت بشكل شبه يومي
فهل السبب منه ولا من هالاعشاب مادري بابضبط

لكن صج صج يهبلون وموناوية اوقفهم الا لما اخلص العلبة على الاقل احلل فلوسهم لوووووول


بس عقبهم خلاص ماني ماخذه ولا شي عن طريق الفم

مادامهم طلعوا الشعر بالراس اكيد بيطلعون الشعر بباجي الجسم وانا مو نااااااااااقصة

وهم يقولون تطلع كرش
هم مونااااااقصة

انا مشعرة ومكرشة شد بلاده لووووووول مو ناقصة معاناة اكثر

بستمر على اعشابي وخرابيط العيايز وايد ابرك
نتيجة بطيئة مو مشكلة

ولا دوخة ريجيمات وعوار ليزر وحف وشيرة

مشكووووووووووووووووووووووووووره ويعطيج الف الف عافيه اختي
وعسى الله يوفقج ويحقق لج كل اللي تتمنينه يااااااااااااااااااااارب





















------------------------------------------

 

[جدة الحلوين]

انا بصراحة استعملت حبوب بيرفكت بس مثل ما قالو البنات نار على المعدة
المهم الحين قاعدة استعمل زيت الخلطة اليمنية من وحدة فى المنتدى والله وايد زينة
وبالنسبة حق الوجة دكتورى فى عيادة اوباجى عطانى حبوب رياكتين وان شاء الله راح اجربهم

 

[حلا العتبان]

بنات انا كنت استخدم حبوب سمك القد صدق رووعه للشعر بس فتحت شهيتي بشكل ما تتخيلووووونه يمه صرت طول الوقت اكل واكل انتفخت حيل منها وتركتهاااااا لاني لو ابستمر ر اح يخرب جسمي :0bee2e8d89:

والحين من مدح البنات اتوقع راح استخدم هيرفت
وترى المعلومه صدق يابنات والله ان اغلب الحبوب تطلع كرررش

 

[الأمـــواج]

انا قايلي الطبيب بس استعملي فوليك اسيدمع الفيفول حلو حق الشعر بعد والدم

 

[أم سالـمـين]

انا توني اليوم شريت حبوب century 21 الدكتوره تمدحهم

ومن قبل استخدمت بيرفكتيل تذبح وايد ثقيله عالمعده ووقفتها

وهيرفيت خلال شهر ونص زدت 6 كيلو

وسترس تابس خلصت العلبه وما شفت نتيجه وسلامتكم