..>تجمع الامهـــات الي عندهم اطفـــال خـــــدج <..

[ZajiL]

هلا لوالو الحمدالله هذا انا مثل ماتحطيني تلقيني لاجديد ..سهر ولويه ..الله كريم وتيي خدامتي الثانيه مسكينه خدامتي تعبت

بروحها...

لولو قاعد انطر اول مايكملون بناتي 3 شهور بحطلهم بسكوت فارليز بالحليب ولا شوي سريلاك العيش يمكن يخليهم يطولون

بالنوم شرايج

وانا مثلج مكانك راااااوح :tongue22:
والله ماادري ياعذوره انا ععيالي ابلش معاهم لمه يكملون 4 شهور

 

[ZajiL]

--------------------------------------------------------------------------------

بااااااااااااااك لاحلى تجمع


انا غطيت جم يوم عن النت كللله
والسبب كنت نايمه مع صلوح بالمستشفى
حبيبي بغا يمووت بس الله ستر
يالله لك الف حمد وشكر على سلامه وليدي حبيبي

كنت موديته مراجعه حقه حق مستشفى البحر

المهم عطوه قطره ولعبت فبه
بغا يموت بين ايدي
احركه ما يتحرك وصار لونه ازرق
والدكتور يركض فيه وانا بس ابجي واركض ورا
صار فيلم والله
لين وصلنا غرفه التخطيط ظليت برا خفت يقولون ولدج عطاج عمره

تميت برا
سمعت الدكاتره يقرقرون والحريم حوالي يصبروني
فجأه سمعته يبجي
ركضت على الغرفه ولقيت حاطيله كمام حبيبي
مت من الخوف عليه
كانوا يبون يودونه باسعاف حق الصباح
بس شافوا طبيعي طلعوه
بس ما سكتت قلبي نغزني
واحنا طالعين قلت حق ريلي خل نوديه مستشفى الجهرا
لانه ملفه هناك
وانا بالطريج اشوف الولد مو طبيعي رد لنفس الحاله
وريلي داس فينا بغينا نموووت
سفط ريلي عند باب الحوادث ودشينا نركض فيه
الدكتور يبي يعرف شنو اللي صار بالضبط حقه
وانا مو قادره اتكلم من البجي
دخلوه الحوادث
شققوا جسمه من الابر
مت مت عليه
طلعت برا ما قدرت اشوف المنظر
يعصرونه عصر يبون دم حق التحليل
ودوه الجناح وانا وراه اركض
وااااااااااي لحظات ما تروح عن بالي ابد
اصعب لحظات بحياتي كلها

والحمدلله قعدنا يوم وطلعنا وردت حالته الطبيعيه
الف حمد وشكر لك يارب

عاد توه كان طالع من الشيشه حبيبي
صج قبل كنت اشوفه بالشيشه وكله وايرات وقلبي يعورني عليه
بس لمن صار بحضني وتعودت عليه
ما تحملت ارد اشوفه بنفس الحاله

الف حمد وشكر لك ياااارب على صحه وليدي وعلى كل شي

:eh_s(2)::eh_s(2)::eh_s(2):

بعد قلبي تدرين انا اقرى قصتج والي صارلج ياتلي رقعه واخترعت على صلوحي حياتي
الله يحفظه لج ارب انزينشمنه الي صارله وشنو السبب
حياتي ماشوف شر

 

[ZajiL]

غفران الحمدالله على سلامتج ولدج ومايشوف شر وعسى الله يعافيه..... والله يعينج حاسه فيج بسراحه ....................انا نفسيتي تعبانه حييل تكفون ابيكم تدعون لولدي لان تعبان حيل وصاكه فيني الدنيا ولدي بالشيشه ولما الحين تعبان النزيف اللي براسه من الدرجه الرابعه وكلام الدكاتره يذبحني الدكتور يشرحلي ودموعي تصب صب والمشكله نفسيتي تعباااانه حدي مو قادره اتحمل حتى نفسيتي مالي نفس ارجع لبيتي وزوجي ادعولي ان الله يصبرني ويرحم بحاله وحالي

:eh_s(2)::eh_s(2)::eh_s(2):

بعد قلبي يااام غازي الله يشافي يارب
والله حاسه فييييييييييييج الله يكون بعونج يارب
اللهم رب الناس اذهب الباس اشفي ابن ام غازي انت الشافي لاشفاءه الا شفاؤك
شفاء الايقادر لسقما

اللهم اني اسالك باسكم الشافي المعافي ان تشافي ولد ام غازي وترده لحظنها يارب وتفرح قلبها فيييييييييه
سلمي معافى اللهم اميييييييييييييين

 

[++The DuchesS++]

لولو


انا كنت رايحه مراجعه حق مستشفى البحر
وحطوله قطره توسعه ما ادري شنو
والظاهر زايدين الجرعه وصار اللي صار
لولو بسالج لين متى نراجع البحر
اشوف امهات معاهم عيالهم على 5 و7 شهور
شكلها السالفه مطوله
وانا خايفه من الموعد الياي
الله يستر

 

[ZajiL]

بنات ولدي على طول يرجع من خشمه ويختنق وكان موعده عند الطبيب وقالي الطبيب انه معاه ارتجاع
وصرفله دواه خاص حق هالسالفه مولينيوم اعطيه 3 مرات
والحمدلله له اليوم ثالث على الدوا بس مره وحده رجع منخشمه
بنات على طول تصدقوا خصوصا احنا برمضان والصدقه مضاعف اجرها الله يحفظ عيالنا يارب
وان شاءاالله يردون عيالكم لكم وبحضنكم ويكبرون ويصير هذا كله ذكرى



ام غااااااااااااااااازي

اقري ياسن واااااايد زينه انا سامعه حديث يقول بما معناه انه صورة ياسن لما قرات له يعني اقريه بنية الشفاء وان شاء الله تبشرينه
قرييييييييييييييب بسلامة ولدج يااااااااااارب

 

[ZajiL]

لولو


انا كنت رايحه مراجعه حق مستشفى البحر
وحطوله قطره توسعه ما ادري شنو
والظاهر زايدين الجرعه وصار اللي صار
لولو بسالج لين متى نراجع البحر
اشوف امهات معاهم عيالهم على 5 و7 شهور
شكلها السالفه مطوله
وانا خايفه من الموعد الياي
الله يستر

هلا وغلا هلا ام صلوحي رفيج ولدي
اي هالقطره توسع الشبكيه حياتي مايشوف شر
طبعا المراجعات على حالة الياهل مو كلهم نفس الشي يعتم اذا الشبكيه سليمه وجم بالاميه سليمه
انا عطاني الدكتور موعد لمه يكمل ولدي 4 شهور
يعني مو وااااااااااااااحد لاتحاتي اهي يحطولهم القطره في الزياره 5 مرات كل ربع ساعه مره
وبعدين طبيب يلبس ليت بعييييينه ويفتح عيييييييييين الياهل بمشابك ويقعد يفحص الشبكيه
ولاتحاتين مايعور لانه قبل لايحط المشابك الي تفتح العين يقطره قطره مخدره عشان مايتضايق
لانه ماتعور ترى انا مجربتها وانا كبيره :eh_s(6):
هلى المشابك وبس عاد يقولج الدكتور النتيجه نفس الوقت
ان شاء الله مافييييييييييه الا العافيه

 

[++The DuchesS++]

لولو

انا احاتي لان اللي صارله مو شوي
راح اظل احاتي والله
قالولي اذا رحتي الموعد الياي دخلي على الدكتور قبل وقوليله اللي صار
والله كريم ان شاء الله

 

[++The DuchesS++]

لولو


ولدي مرتين رجع من خشمه
والغلط مني لان الدكتور منبهني اني ارفع ولدي بعد الرضعه

وبغيت اسألج عن الرضاعه
انا قاعده اعطيه حليب من صدري من الشفاطه
حاولت معاه اخليه على صدري ما ينفع
اقدر اعطيه حليب صناعي مع الطبيعي
لاني ماني الحق عليه وعلى اخته اسم الله عليهم
والمشكله امي وخالتي يزفوني ويحسسوني بالذنب
كل ما قتلهم قالو حرام عليج

 

[ZajiL]

لولو

انا احاتي لان اللي صارله مو شوي
راح اظل احاتي والله
قالولي اذا رحتي الموعد الياي دخلي على الدكتور قبل وقوليله اللي صار
والله كريم ان شاء الله

ماتنلامين ياقلبي اكييييد تحاتين

لولو


ولدي مرتين رجع من خشمه
والغلط مني لان الدكتور منبهني اني ارفع ولدي بعد الرضعه

وبغيت اسألج عن الرضاعه
انا قاعده اعطيه حليب من صدري من الشفاطه
حاولت معاه اخليه على صدري ما ينفع
اقدر اعطيه حليب صناعي مع الطبيعي
لاني ماني الحق عليه وعلى اخته اسم الله عليهم
والمشكله امي وخالتي يزفوني ويحسسوني بالذنب
كل ما قتلهم قالو حرام عليج

اي ديريبالج تسدحينه او يتشرقد على ظهره لانه على طول راح يرجع من خشمه ساليييين قريب الشهرين
مع هالمعانات الله لايبلي احد :eh_s(2)::eh_s(2):

اي عادي تقدريييييييييين تساعديييييينه انا جذي اسوي ولو انه الحيين قمت مااشفط لانه تعبت
وصدري ورم واهم مايبي :eh_s(2): فعطيته حلييييييييييب خاص بالخدج الي حاطه صورته بالصفحات الاولى
وااااااااااااااايد زين واهو نفسه نفسه الي يعطونه اياه بالمستشفى
فماتغير عليه شي طبعا لاغازات لازم كل اليهال تصير معاهم لين يبدون يقعدون تروح او على 4 شهور

شوفي غفران انا كن بخليه بس على الطبيعي واول مراجعه له عصب علي الطبيييييييييييييييب
قالي لازم ادخلين صناعي احنا بني الياهل يكبر باي طريييقه لانه حليب الام مايكبره بسرعه
وزنهم لازم يزيد ولا خطر عليييهم يكونو عرضه للمرض الله لايقول
صج حلييييييييييييب الام مفيييييييييييد وضروري بس هم وزنهم لازم يزيد بسرعه

 

[العطر 87]

زاجل الله يسلمج حبيبتي على دعواتج والله يسمع منج ياااااااارب والله يعينكم ويعاونكم على التعب بس بغيت اسال انا لما اروح اسال عن ولدي كله يقولون لي حالته حرجه حيل وتعبان وفيه .الخ بس بعرف ليش كله يخوفوني يقولون لي احتمال اذا عاش يمكن راح يتاثر قصدهم ما يشوف او امراض ثانيه بجسمه بسبب النزيف ابي احد يطمني هم شنو بس يخرعونا يا امهات ولا شنو؟؟اليوم اللي اروح اشوف فيه ولدي ارجع منهاره من كلامهم

 

[ZajiL]

زاجل الله يسلمج حبيبتي على دعواتج والله يسمع منج ياااااااارب والله يعينكم ويعاونكم على التعب بس بغيت اسال انا لما اروح اسال عن ولدي كله يقولون لي حالته حرجه حيل وتعبان وفيه .الخ بس بعرف ليش كله يخوفوني يقولون لي احتمال اذا عاش يمكن راح يتاثر قصدهم ما يشوف او امراض ثانيه بجسمه بسبب النزيف ابي احد يطمني هم شنو بس يخرعونا يا امهات ولا شنو؟؟اليوم اللي اروح اشوف فيه ولدي ارجع منهاره من كلامهم

حبيبتي ام غازي
اليوم مع اذان الفير والاقامه قعدت ادعي لوليييييييدج من كل قلبي والله حاسه فيييج حبيبتي :eh_s(2):
شوفي ياقلبي ترى انا تهاوشت مع الطبيب يوم ولدي كان بالحضانه حتى من كثر مابجيت
التموا السسترات علي ويهونون علي وحتى طلعولي اياه وخلوني اشيله طبعاا اهو كان بالسلام مانقلته

ليش تهاوشت لانه كل مااروحله اسئله شلون الاتهاب الي معاه خف ولا لا يقول لا الاتهاب الي معاه من النوه الخطير

كل يوم استغفر الله كان يحسسني انه ماراح يطيييييييييييب :eh_s(2): بس رئيست السسترات والمسؤوله عن الخدج
قعدت معاي وقالتلي لاتخافين الاطبه لازم يقولون الحقيقه مايقدرون يقولون ويهونون على المرضى عشان تالي مانلومهم
طبعا انا هالكلام مايقنعني لانه الطبيب لازم يراعي مشاعر الام بس صج عصبت على الطبيب وصرت ارجف وابجي
طبعا مو كل الاطبه لانه في اطبه لمه اي زامهم يهبلووووووووون ويريحون الواحد
بس بعضهم مايبي يبلش عمره يقول الي عنده وبس مايهتم بمشاعر الاهل :eh_s(4):

 

[العطر 87]

يابعد عمري يا زاجل مشكوره حبيبتي ...الله كريم انشاء الله ويشفيلي ولدي ويطمنوني وارتاح يارب .......

 

[العطر 87]

وحابه اشكرج من كل قلبي على هالموضوع اللي بيفيد امهات الخدج ويعطيج العافيه بسراحه خوش موضوع

 

[athora]

السلام بنات ...ام غازي حبيبتي الله يقوم ولدج بالسلامه مشافى معافى عليج بالدعاء ووني على يقين ان الله هو اللي يشفى

ومالج شغل بالدكاتره وهذرتهم الزايده وان شاءالله مافيه الا العافيه حبيبي انا بقولج عن قصة بنتي مع الدكاتره حسبي الله عليهم

بنتي الحين عمرها 10 سنوات .يوم كان عمرها 3 اشهر كانت نايمه وفجأه قامت تصرخ وتبجي وتختنق وتشاهق ركضنا فها

مستشفى الفروانيه حطولها حقنه شرجيه فاليوم وانتي بكرامه خرجت جان يعطونها ابرة فاليوم وعقبها اعتفست ابنت قلبها جنه

وقف قامت السستر تقلبها وتقول بيبي بيبي انا رحت اركض اادي الدكتور ويوم يه الا مدخلينها غرفة السسترات وقفين الباب انا

قلت خلاص بنتي راحت وانهرت وحالتي حاله وبعد شوي مادري شسوولها والحمدالله طلع صوتها وصرخت وقعدنا

بالمستشفى اسبوع مافيها شي ...بعدين رد حالت البجي والشهاق يطول اكثر من ساعه وديناها هلمره الاميري وقالو هذا صرع

وغلط اللي سووه الفروانيه المفروض يردون يعطونها حقنه شريه مو ابره البنت صغيره ماتتحمل زين عاشت ..وعطوها

ادوية الصرع وماكو فايده كلساع يجربون فيها دوا وترد الحاله المهم قالولي بنتج فيها اسوء انواع الصرع اسمه انفنتايل اسبازم

بالعربي اسمه السلام وبنتج 80 % راح تعيش معاقه وهروها ابر ودربات لما ريحة ايدها وريولها خياس من اللزاق يطول

عليها..واشعات وتحاليل لدرجة اني قعدة معاها شهرين بالستشفى ماطلعنا وسويت لجنه ومارضو يسفرونها جان ناخذها

ونسفرها لندن على احسابنا واول يوم شافها الدكتور ومن كلامي عرف ان فيها ارتجاع بالمريء وسوينا اشعه وهي ترضع

ماده بيضه طلع الارتجاع مايطلع برا طع انه اول شي يصعد البلعوم عشان جذيه تبجي يحرقها الاسيد وبعدين يدخل الرئه

ويخنقاها وطلع علاجها بسبط موتيليوم وزنتاك ..شفتي شصار معاي مالج شغل بكلامهم ان شاءالله ولدج مافيه شي والله يشافيه

لج ويخليه لج ان شاءالله

(غفران ) مايشوف شر حبيبي صلوح والله عور قلبي ابيه عاد انا كشت بموعد البحر قلت حرام كل 3 اسابيع بكمل شهر

احسن والمفروض اوديهم هالاسبوع ابيه شسوي اخاف يصير فيهم نفس صلوح واخاف اكشت ويصير شي لعيونهم لا قدرالله

(لولو) هلا قلب امس خذيت من بوتس دفاسيون لغازات مساكين ماينامون منها بس بجي واليوم يمكن اوديهم الهادي صارلهم

جم يوم خروجهم وانتي بكرامه اخضر على زيتي غامج دكتور بوتس قال لازم تودينهم الطبيب ..

 

[أم شاهين المزيون]

أم غازي الله يشافي وليدج ويرده لحضنج بالسلامه يارب ، احنا مو ناسينج بالدعاء والله اني لا دعيت لعيالي ادعيله بعد يردلج بصحة وخير يارب، ومشافى من كل مرض آآآآمين يارب العالمين ،، وانتي ادعيله كل ما قمتى وقعدتي ..
لا زرتيه مسحي عليه وقولي اسأل الله العظيم رب العرش العظيم ان يشفيك .. 7 مرات واقرئ عليه ولاتنسين رحمه ربج الله ما ينسى عبدة عليج بالدعاء وما فيه الا العافية ما لج شغل بالدكاتره هم بشر وتشخيصهم مو بالضرورة صح،، الله فوق كل شيء ..

 

[ZajiL]

يابعد عمري يا زاجل مشكوره حبيبتي ...الله كريم انشاء الله ويشفيلي ولدي ويطمنوني وارتاح يارب .......

وحابه اشكرج من كل قلبي على هالموضوع اللي بيفيد امهات الخدج ويعطيج العافيه بسراحه خوش موضوع

بعد قلبي الله يطمن قلبج عليييه يارب

 

[ZajiL]

(لولو) هلا قلب امس خذيت من بوتس دفاسيون لغازات مساكين ماينامون منها بس بجي واليوم يمكن اوديهم الهادي صارلهم

جم يوم خروجهم وانتي بكرامه اخضر على زيتي غامج دكتور بوتس قال لازم تودينهم الطبيب ..

هلا عذوره لا احسن وديهم دام خرووجهم اخضر اخاف ماخذين برد بطنهم
مايشوفون شر حبيبتي

 

[ZajiL]

ام شاهيين

شخبارج حبيبتي وشلون عيالج ان شاء الله احسن
الا بسالج جم لهم عيالج بالحضانه وليش كل واحد مكان لاني ماني عارفه السالفه بالضبط

 

[athora]

((زجول)) نسيت اباركج على اللوك اليديد مبروك:aha:

اليوم ريلي كان مار المستوصف وقال للدكتور عن بناتي ...قله الدكتور خلهم يردون طبيعي بروحهمموزين تعطونهم ادويه

توهم صغار ...انا بنطر بعد جم يوم ان ما تعدل بوديهم

((او شاهينو))شلونج وشلون شاهين

((ام غازي)) يالله يشافي عيالج وتلقينهم بحضنج متشافين متعافين ان شاءالله

 

[أم شاهين المزيون]

ام شاهيين

شخبارج حبيبتي وشلون عيالج ان شاء الله احسن
الا بسالج جم لهم عيالج بالحضانه وليش كل واحد مكان لاني ماني عارفه السالفه بالضبط

هلا يالغلا صارلهم الحين شهر واسبوع والحمد لله على كل حال ، انا ولدت بالشفاء ونقلنا واحد لحضانه الجهرا وما كان في مكان للثاني عندهم حضانه بس ما عندهم جهاز التنفس الصناعي ، وكان تعبان شوي بعد ، ولما الحمد لله صار احسن شوي نقلناه الولاده الصباح ، وتنقرقوا والله يجمعهم على خير، وتقر عيني بشوفهم ، آآآآآآمين يارب العالمين ..