تجمع الامل

[جارة القمر]

السلام عليكم
شخباركم

يارب نسمع اخبار حلوه

 

[ذكريات]

البنوتة عاد يقولون اللي دورتها منتظمة و تتاخر ان شا الله خير و تحمل ... الله كريم

 

[bnt_kwt]

ربي لا تذرني فردا وانت خير الوارثين

 

[جارة القمر]

ربي لا تذرني فردا وانت خير الوارثين

 

[-Bello-]

هااااي بنات اشلونكم مبارك عليكمم الشهر اول شي ... ثاني شي مشكووورين على الدعاوي الحلوه وامس سويت تحليل وهم ماكو حمل والله كريم .. وثالث شي تخيلوا اليوم اول يوم العيد واخر شي بالزواااره بس قعدت وابجي مت من البجي تخيلوا حمااااي جاك وحده من الخدم اللي عندنا بالبيت تطلع مع وااحد وقالها اعترفي تخيلوا قالت انه الخدامه مالت خالتي قبل اللي كانت اهي اللي تعدلي شقتي مسويتلي سحر وماخذه صوري وانا بحجاب وانا من غير حجاب وفوقها قالت حق خالتي انه اتفتش الخدامه الثانيه جان يلقوون هم عندها صوري مع انه هاذي كلش ماتدش شقتي ولا لها شغل فيني ولا انا لي شغل فيها ورب الكعبه انا طبعي ما احب الصراخ ولا الهواش ولا حتى مع الخدم ماددري ليش تبي اتسويلي سحر انا ماكنت مقصره معاها ولا المشكله انه الخدامه الاولى اللي جاكينها طالعه مع واحد هم عندها صورتي شكووو مادري مع انه ماصرلها شهر ابيتنا وانا حدي خايفه برووحي وسواسيه .. :eh_s(16): شسوي ؟!

 

[ذكريات]

وااااااااااااااي البنوتة الله يعينج مو حلو الموقف كلش وااااي سحر

حبيبتي كثري من ذكر الله و الرقية والمعوذات و كله شغلي قران في بيتكم

و الله عندي دعاء معطتني اياه و حدة سيدة جدها الرسول صلى الله عليه و اله وسلم علشان احمل و عقبها ب 3 اشهر حملت و الله قاعدة ادوره لكم و ان شا الله اول ما القاه احطه

 

[Q8tya_GirL]

اهلين البنووووته بعد عمري خلي ايمانج بالله قووي وانشالله ماكو الا الخير بس اهم شي كثري الرقيه
وبعدين هالخدم من وين ماخذين اصوورج مصيبه اتصيبهم ؟؟ ولاتفكرين حبيبتي وايد

 

[-Bello-]

مشكووره ذكريااات انشاءالله تفيدينا باللي عندج من بعد رب العالمين

مشكووره نويره ..انشاءالله ماكو الا الخير وانا اشوه انه دايما اشغل الرقيه الشرعيه اب سيارتي وبالنسبه لصورة البقره انا كنت ملاحظه قبل فتره كل ما اشغل الشريط اب غرفة نومي ياينعقد داخل المسجل يا ينقطع بس سورة البقر اللي جذي قاعد يصير معاها هالشي ..والله كريم انشاءالله

 

[ذكريات]

هذا هو الدعاء يبته من امي

لمدة 3 ايام بعد صلاة الصبح و بعد صلاة العشاء:

سبعين مرة سبحان الله و سبعين مرة استغفرالله و و مرة واحدة :

((استغفروا ربكم انه كان غفارا يرسل السماء عليكم مدرارا و يمددكم باموال و بنين و يجعل لكم جنات و يجعل لكم انهارا )) صدق الله العلي العظيم

 

[-Bello-]

ذكريااااااااااااااات مشكوووره ةاااايد حبيبتي , انزين شنو هذا ينقال بعد ايام الدوره دايركت ولا عادي اب اي ايام ؟؟

 

[ذكريات]

و الله انا اول ما امي عطتني اياه سويته ماذكر متى كان بس ما قالتلي شرط ايام معينة

حتى اذكر انا كنت بالكويت و ريلي بامريكا

 

[-Bello-]

يعطيج العافيه حبي وانشاءالله بميزان حسناتج ويوم تفرحين بشوفت بيبيج بين حضنج بالصحه والعافيه

 

[أوركيد]

يااااااااارب

عسى ماتدور هالسنة إلا كل وحدة فيكم شايلة بايدها الياهل اللي تتمناه ..حسن الخلق والخلقه ...

بإذن اللـــــــــــــــــــــــه :eh_s(17):

 

[-Bello-]

مشكوره اوركيد امين يارب العالمين

 

[¤§ زيتونة §¤]

عيدكم مبارك
كل عام وانتم بالف خير
ويا رب ما ايي العيد الثاني الا وكل الحبايب حملو والله رزقهم اللي يبون
اللهم امين

 

[LajoOona]

اشلوونكم بنات
عيدكم مبارك
حبيت اسالكم منو الي جربت الدكتور الصليلي الي بالجهرا ؟؟؟ واشرايكم فيه ؟؟؟
وعندي سؤال ثاني منو احسن دكتور يعالج عقم الرجال ؟؟

 

[أوركيد]

لجوونااا

الصليلي واايد يمدحونه ..آنا ما اعرفه بس كل من راح له وتعنى له يمدح ويشكر فيه ...

بس يقوولون زحمة عنده

 

[-Bello-]

هاااي بنات ... بقولكم شي

مادري ليش دايما بالايام اللي مفروض يصير فيها جماع تتعب نفسيتي وكله احس ابي ابجي وازهق دنيتي .. وكله اكوون متضايقه

 

[bnt_kwt]

عيدكم مبارك يا بنات
وتقبل الله طاعتكم انشالله وصالح اعمالكم

حبيبتي ذكريات مشكوره على الدعاء اللي عطيتينا اياه والله يسهل عليج امورج

لجووونا الدكتور الصليلي والله انا سمعت انه ممتاز بس حيل غالي ومواعيده مو مضبوطه وعياده حييييل زحمه وهالكلام سمعته من اكثر من وحده

البنوته حبيبتي ارقي نفسج بنفسج واقري بنفسج سوره البقره يوميا وتاخذ لها ساعه وشوي على سنه وحده مو تقطعين فيها
لمده اسبوع وعقبها اقريها الاسبوع الثاني يوم وترك وانشالله ما عليج الا العافيه

وعلى سالفه الجماع اللي يكون لازم يصير عادي كلنا نمر بنفس الحاله انا بعد يا نتناجر انا وريلي او اتعب او اهو يمرض سبحان رب العالمين بكل شي له حكمه والله كريم انشالله

زيتونه حبيبتي يعطيج العافيه وما قصرتي

 

[ذكريات]

بنوتة عادي اعتقد هذا شي نفسي لانج تحسين ان شي لازم يصير

انا قبل كنت ماخذه الموضوع تحدي بيني و بين نفسي كل مرة اقول عاد لازم احمل هالمرة .. لما تعبت خلاص

بنت الكويت مشكورة على الدعاء حبيبتي