تجمع الامل

[-Bello-]

مشكووورين بنااات على هالدعوات الحلوه اللي اللصراحه اهي اللي تصبرنا والحمدالله ...سدن ما اقووول الا انشاءالله الله يرزقج ويرزقنا بالذريه اللي نتمناها اللهم امين

 

[جارة القمر]

مشكوريييييييييييييين بنات علي هالدعاء

$سدن$


الله يرزقج حبيبتي

ويعطيج الصحة والعافييييييييييييه لعلاج طفل الأنابيب

وتحملين وأتيبين توأم حلوين

 

[¤§ زيتونة §¤]

الله يرزقكم كلكم يا رب يا رب يا رب
وافرح فيكم كلكم يا رب يا رب يارب


وان شاءالله بهالليالي العظيمة ربي يتقبل دعائنا للجميع

 

[bnt q8 in usa]

الهي كيف ادعوك وانا وانا
وكيف اقطع رجائي منك وانت انت
الهي اذا لم اسالك فتعطيني فمن ذا الذي اساله فيعطيني
الهي اذا لم ادعوك فتستجيب لي من ذا الذي ادعوه فيستجيب لي
الهي اذا اتضرع اليك فترحمني فمن اتضرع اليه فيرحمني
الهي فكما فلقت البحر لموسي عليه السلام ونجيته
اسالك ان تنجيني مما انا فيه وتفرج عني فرجا عاجلا غير اجل بفضلك ورحمتك يا ارحم الراحمين


اللهم بحق هذا الدعاء وبحق من ناجاك انت الكريم وانا العبد الضعيف المسكين
استجب دعوتي
وارزق اختنا جارة القمر وبنت الكويت وسدن وكل من ليس لديه ذريه الذريه الصالحه

يــــــــــــــــــــــــــــــــــــــــــارب
يــــــــــــــــــــــــــــــــــــــــــارب
يـــــــــــــــــــــــــــــــــــــــــــارب

 

[LaSt WoMeN]

آميــــــــــــــــــــــــــــــــــــن يا رب العالميـــــــــن


السلام عليكم و رحمة الله و بركاته

شلوون الحلويـــــــــن ؟

ولهت عليكم و سامحوني على تقصيري معاكم
بس يعلم الله كل ما طريتوا على بالي دعيت لكم بالخير
و بالذرية الطيبة و ان شاء الله ربنا ما يخيب ظننا و رجانا ..

بنات حبيت أنبهكم على شغلة ..
و خصوصا اللي تحاليلها اهي و زوجها سليمة ..
مادري اذا قلتها لكم من قبل او لأ ..
بس تدرون ان في بعض انواع الطيور تسبب عقم !

انا اعرف وحدة حملت مرة عادي ..
و صار عندها بيبي و لما كانت تبي تحمل مرة ثانية طولت و مو قادرة تحمل !!

راجعت الهادي ..
جان تسألها الدكتورة اذا عندهم طير بالبيت و صج كان عندهم ..
فقالت لها اول شي طلعوا هالطير .. و ثاني شي عطتها حبوب جم يوم تاخذهم .. و الحمدلله الله يسر و قدر انها تحمل مرة ثانية ..

بس حبيت أنبهكم على سالفة الطيور ..
طبعا مو كل الطيور جذي بعضهم في فيروس ..

و تعالوا صج بقولكم ..

شفتوا محمد العوضي يزاه الله خير لما قابل الداعية
_ مادري شنو أصله بس جنه تونسي _ هالداعية كان مطرب مشهور .. اقولكم شسالفته اذا ما سمعتوها ؟


الله يسلمكم من كل شر ..
كان لهالداعية ام مؤمنة بالله سبحانه ايمان قوي جدا جدا ..
و كانت تدعي لولدها لما كان مطرب فتقول ..
اللهم اجعله من دعاة الإسلام ..
لاحظوا .. !!

يعني ما كانت تدعي له بالهداية فقط .. بل حددت انه يكون من دعاااة الإسلام .. و فعلا استجاب الله الكريم السميع المجيب لدعائها ..

و كان لها دعاء ثاني ..

لما أًصابها مرض السرطان الله يكافينا و اياكم شره يا رب ..
ظلت تدعي الله سبحانه 11 سنة انه يشافيها .. دون كلل او ملل ..
و دون ما يفتر ايمانها او يقل ..
و سبحان الله تشافت و كأن لم يكن بها شيئا ..
هذا المرض اللي عجز الطب ان يجد له علاج حتى الآن ..
فسبحان الله ..

و الدعاء الثالث اللي كانت تدعو به كان شيء عجيب !

كانت تدعو الله سبحانه بأن يتوفاها بالحرم في مكة
و ان يكون ابناؤها وقت وفاتها ساجدين لله !
انظروا الى هذه الدقة في الدعاء و الطلب من الله سبحانه ..
تحدد بالضبط ماذا تريد لأنها ببساطة توقن بأن الله يستطيع اجابة دعائها
و ان ما تطلبه منه شيء يسير ..

و كانت تدعو و تدعو ..
و لما راحوا الحرم قالت لأبنائها _ و هم رجال كبار _
انها لن تطوف طواف الوداع هذه المرة لأنها ستموت في الحرم ..

و جلست تدعو لكل من تعرفه ..
اخوانها اخواتها جيرانها و جميع اقاربها و تدعو و تدعو لهم بكل الخير ..

ثم بدأت رجلها ترتعش ..
و شيئا فشيئا تصعد الرعشة الى الأعلى وصلت كتفيها ثم وصلت الى رقبتها ..
كانت تحتضر ..
و تقول لا اله الا الله .. لا اله الا الله .. و ترددها و تكررها مرارا ..

في تلك الأثناء .. أذن المؤذن لصلاة الظهر .. و قام ابناؤها للصلاة ..
فماذا كان الإمام يقرأ ؟؟

كان يقرأ :
" كلا إذا بلغت التراقي و قيل من راق , و ظن أنه الفراق , و التفت الساق بالساق , الى ربك يومئذ المساق "

نعم كان يقرأ هذه الآية التي تصف لحظات الاحتضار ..
و دمعت عينا ابنها الداعية و عرف و تيقن ان والدته مفارقة لهم لا محالة ..

و سجدوا لله ..
و عندما انتهوا من الصلاة قام مسرعا لوالدته فوجدها قد فارقت الحياة .. !!

و دفنت ليس فقط في مكة .. بل بالتحديد في نفس المقبرة التي دفنت بها السيدة خديجة رضي الله عنها .. فأي شرف ذاك .. ما شاء الله ..

الله اكبر .. لم يخيب الله ظنها به ...و اريدكن مثلها حبيباتي ..
بمثل ايمانها بالله ..
و صدقوني لن يخيب الله ظنكن ابدا ..
فالله عند حسن ظن عبده به ..






اللهم ياذا الجلال و الإكرام .. ياذا الجلال و الإكرام .. يا ذا الجلال و الإكرام .. ارزق بنت الكويت و البنوتة و سدن و كل محروم و محرومة من نعمة الذرية و عوض صبرهن بخير كثير .. و اغدق عليهن من واسع فضلك و رزقك انك انت الوهاب الرزاق الكريم مالك الملك الغتي العلي القدير ..

اللهم انا نسألك بإسمك الأعظم الذي اذا دعيت به أجبت و اذا سألت به أعطيت أن تيسر امورهن و تشافيهن و تعافيهن و ترزقهن من جزيل رزقك و تمتعهن بعظيم نعمك و تقر أعينهن بذريات طيبة صالحة معافاة ..


كالعادة .. يصادف دخولي لهذا الموضوع أذان الظهر و اتفاءل لكن أكثر

مع حبي :eh_s(17): ​

 

[رقي]

امبيييييييييييه فلانه
احنا عندنا طير
وكل يوم اوكله بيدي

 

[LaSt WoMeN]

والله شوفي رقي .. يمكن منه و الله أعلم !

 

[bnt_kwt]

سدن حبيبتي الله يرزقج بالقريب العاجل
بنت الكويت بامريكا ربي يسهل عليج كل امورج ويرزقج بكل انواع الرزق الحلال
المال والبنون ومحبه الناس اكثر واكثر ويرزقج ويرزق كل اللي تحبينهم الصحه والعافيه قولي امين

فلانه حبيبتي اشكثر اتفاءل بدخولج انتي وزيتونه وبنت الكويت بامريكا
ودعواتكم الصادقه اللي طالعه من القلب
ربي يوقفكم دنيا واخره يارب ويجزاكم كل خير على كل اللي تسوينه

 

[bnt_kwt]

بنات بقولكم شي غريب صاير معاي
نزل علي دم يوم الاثنين قبل الفطور وكنت احس بالم فظيييع ابطني مثل الام الدوره
بس نزل شويه
وثاني يوم بعد نفس الشي وثالث يوم انا نظيفه وقف الدم الصراحه هالشي اول مره يصير فيني الدوره بس يومين ؟؟ وما حسيت باي عوار الا اول يوم
شي غريب بالنسبه لي
الله كريم والله يكتب اللي فيه الخير
خالتي ام ريلي تقول لي روحي حللي وانا ما ابي احلل اول شي خايفه وثاني شي ما احس انه فيني اي شي من اعراض الحمل ما ادري شسوي ؟؟
اشرايكم شوروا علي
انا قلت عقب ارمضان بروح احلل

 

[@ دهن العود @]

انتى ليش تنطريين شنو خسرانه روحى حللى او اشترى تحلييل بيت

لان سبحان الله بعض الحمال يبدا بنزول دم خفيف فليش ما تتاكديين احسن لج

من التفكييييييييير

 

[جارة القمر]

السلام عليكم

شخباركم جميعا

زيتونة
bnt q8 in usa


آآآآآآآآآآآآآآآآآآآآآآآآآآمين يارب العالميييييييييين
مشكوريييييييييييييييين حبايب قلبي علي هالمرور العطر والدعاء يارب يوفقكم ويخليكم لعيالكم يارب

ويرزقكم بالرزق الحلال



===========================

flana


وعليكم السلام حبيبتي

صج سالفة الطير سامعه فيه عندي رفيجتي تنوم القطوة بينه وبين ريله
وعنده أنواع وأشكال من الطيور ولا وتخليهم يطيرون بالبيت أنا ما أرضي أكل منه ولا شي

أشدراني مدي النظافة عنده

وقلتله تري اللي مانعج من الحمل هالسوالف مو راضية تصدق

وجم مره تحمل وتقط عوار

الله يهديه



وصح أنا شفت الحلقة حبيبتي



والله يرزقنا جميعا يارب


===========================
bnt_kwt

هاه حبيبتي

بشرينا

أن شاء الله يارب حامل:eh_s(22): :eh_s(17):
===========================


@ دهن العود @


هلا حبيبتي

شخبارج

 

[bnt_kwt]

دهن العود مابي اخاف اندقر
بخليها الدقره حق عقب رمضان

جارونه حبيبتي الله كريم انشالله

 

[جارة القمر]

bnt_kwt


أنا داخله الموضوع

وبتقولين حللت وطلعت حامل

 

[bnt q8 in usa]

روحي حللي يا بنت الكويت وقبل اي شي توكلي علي الله هو خير المتوكلين
والله باذن الله بيكون معاج

 

[-Bello-]

بنات بقولكم شي غريب صاير معاي
نزل علي دم يوم الاثنين قبل الفطور وكنت احس بالم فظيييع ابطني مثل الام الدوره
بس نزل شويه
وثاني يوم بعد نفس الشي وثالث يوم انا نظيفه وقف الدم الصراحه هالشي اول مره يصير فيني الدوره بس يومين ؟؟ وما حسيت باي عوار الا اول يوم
شي غريب بالنسبه لي
الله كريم والله يكتب اللي فيه الخير
خالتي ام ريلي تقول لي روحي حللي وانا ما ابي احلل اول شي خايفه وثاني شي ما احس انه فيني اي شي من اعراض الحمل ما ادري شسوي ؟؟
اشرايكم شوروا علي
انا قلت عقب ارمضان بروح احلل

بنت الكويت انا نفس حالتج وكانت متأخره علي 12 يوم ولما يتني يتني يومين وبس من غير اي عوار ولا شي لووووووول لما كلمت المره الي عطتني اعشاب جان تقوولي بشارة خير انشاءالله اشفيج نسيتي لما كنت كابتلكم قبل فتره ... اخاف من الجوو:eh_s(3):

فلانه ... والله العظيم اني اقرا وعيوني دموووع دمووع على الدعاوي
ومشكووورين وااايد انتي وزيتونه وبننت الكويت بامريكا الله لا يحرمنا منك انشاءالله

رقي ... طلقي سرااااح طيركم المسكين ...لووووول عاد تصدقووون انا كل ما اييب طيووور اب شقتي لازم يموتووون ليش مادري سبحان الله

 

[bnt_kwt]

حبايب قلبي انتوا والله احبكم من كل قلبي وانتوا خواتي ويشهد الله علي اني اعزكم حييييييييل حيييييل بس ماني محلله الحين اخاف دام انه نفسيتي زينه الحين اخليها عقب العيد انشالله

واول ناس بتدرون انتوا اذا في شي واذا مافي شي هم انتوا بتدرون والله كريم

وانا مو حاسه ولا شاكه 1% اني اكون حامل ما ادري ليش
والله اني مو يائسه بس ما ادري اشفيني عموما انا حايشتني حاله من الكسل والخمول وحتى حق العيد ما شريت ولا شي ولا لي خلق اطلع اصلا اخليها انشالله عقب رمضان وماكو الا الخير

 

[Q8tya_GirL]

انشالله يا بنت االكويت تفرحينه بالخير انج حامل يارب

تقريبا صارلي 5 ايام من يتني الدووره صار عادي عندي وجودها وعدم وجودها واحد الله كريم :eh_s(6):
بس بنت الكويت انا ودي اروح الصباح اشلون العلاج عندهم واذا تعرفين منو اشطر دكتور اهناك

ويعطيهم العافيه البنات اللي يدخلون ويدعون لنا والله يعطيهم علي قد نيتهم انشالله

 

[ذكريات]

سدن حبيبتي الله يرزقج بالقريب العاجل
بنت الكويت بامريكا ربي يسهل عليج كل امورج ويرزقج بكل انواع الرزق الحلال
المال والبنون ومحبه الناس اكثر واكثر ويرزقج ويرزق كل اللي تحبينهم الصحه والعافيه قولي امين

فلانه حبيبتي اشكثر اتفاءل بدخولج انتي وزيتونه وبنت الكويت بامريكا
ودعواتكم الصادقه اللي طالعه من القلب
ربي يوقفكم دنيا واخره يارب ويجزاكم كل خير على كل اللي تسوينه

في وحدة تصير لي صار لها جذيه شهرين و طلعت حامل

يارب تكونين حامل امين

 

[bambena]

شلونكم حبايب

بنوته انا اول حمل نزلت علي عادي يومين وعوار ووقفت وماكنت حاسه بالمره اني حامل انصدمت لما دريت بس تعورت بالخامس والحمدالله على كل حال يوم ياني عبودي بعد وقت نسيت كل هالسنين والعوارات

الله يخليج حللي وبشرينا وان ماطلعتي حامل شنو المشكله ؟! الله مو كاتب وماراح تاخذين الا رزقج


ياربي ياحبيبي ترزق خواتي بهالايام الفضيله وتستجيب لدعواتهم وادعولي احمل يارب صارلي فتره احاول الله كريم

 

[@ دهن العود @]

خلاص بنوته احسن لج انسى الموضوع ولا تفكريين فيه ترا كثر التفكييييييير يذبح

جارونه حبيبتى انا بخير دامج بخير انتى شلونج

بنات لازم نتحرك احسن لنا انا صارلى فتره تاركه العلاج يعنى ابى اريح

بس الحين افكر بالانابيب اشرايكم ؟؟؟