{ تجمع الامل } 2 { تجديد الامل }

[مارغريتا]

زين يعني نسبة النجاح مضمونه ؟

 

[دانتي]

اول شي الرزاق رب العباد وطبعا مضمونه ونسبة نجاحه كبيره وايد اتصدقين انا سويت العمليه 6 مرات خمسة مرات انجحت ما عده وحده بس انا كنت اجهض وايد والحمد الله ربي رزقني

 

[دانتي]

مارغريتا حبيبتي دشي على هذا الموقع ممتاز عن العقم وعلاج الحمل لدكتور بالاردن وشارحيلج خطوات عملية اطفال الانابيب بالصور والفيديو

www.layyous.com

 

[مارغريتا]

الحمدالله على كل حال ..

زين يصير انا اسويها ؟

انا مشكلتي التكيس وكل شي عندي سليم والتكيس دكتورتي تقول مو مسبب لج منع الحمل .. وانا مادري عن حجي هالدكاتره باطه جبدي دكتورتي

ودي اسوي اي شي عشان احمل بس اخاف زوجي مايرضى !

 

[دانتي]

غيري دكتورتج روحي حق ماجده وشوفي شنو تقولج واذا تحتاجين عمليه او لا تقولج انت ما تحتاجين مو شرط عمليه روحيلها وراح تدعيلي مارغريتا صدقيني ترى محد كثري دار على الدكاتره شفت احسن وحده الدكتوره ماجده وربي يوفقج

 

[المستبــده]

ويي سوري طولت عليكم

مارغريتا ودانتي

انا شهر 7 اكمل سنتين ان شاء الله وما عندي بيبي

شهر 10 رحت الدكتوره افحص قالتلي كل شي سليم

بس عطتني ابر تنشط المبايض وانا ريلي مسافر فعطتني اياهم وقت ردته بس للأسف مارد صار عنده شغل يعني طقيتهم على ولا شي

ومن عقبها مو قاعد يصير حمل مادري ليش

انا مشكلتي انه ريلي ماخذ دوره صارله سنه ونص وما ايي الا كل شهرين ويقعد اسبوعين بس ويسافر
شهر 7 يخلص والله كرريم


هذي قصتي بأختصار

 

[مارغريتا]

مرت ريلي الله كريم الله يرزقج يارب ..

دانتي .. انا ماخذه موعد عند دكتور منصور العرف بس على شهر 9 ..
بروح لدكتورتي وباخذ كل تحاليلي منها وببدي من جديد مع منصور الكل يمدحه

والحين بعالج عند حريم يمكن احمل قبل لا اروح له ..

بنات ..

مادري انا كل يوم احس ظهري يعورني مو عوار دوره .. لا تعرفون لما تشيلون شي ثقيل جذيه يعورني حتى لما انام يعورني .. مادري شسالفته ..

 

[دانتي]

الله يرزقج مرت ريلها وان شاء يرد ريلج بالسلامه طبعا لازم يكون ريلج موجود بالديره لانه فترة العلاج والتبويض لها ايام معينه للتلقيح يالله ان شاءالله لما برجع شهر 7 ويستقر تتعدل الامور وتحملين يااارب طبيعي من غير علاج

 

[دانتي]

مارغريتا حتى دكتور العرف ممتاز كنت اعالج عنده لما كان بالصباح خلاص خلج عليه وتوكلي على الله بس حطي بالج من علاج الحريم مو كل وحده شاطره ترى ساعات يخربونها بدال ما يصلحونها

 

[المستبــده]

اجمعين مارغريتا
انتي ما عندج عيال عدل ؟؟

دانتي
حبيبتي الله يسمع منج
انا عادي الحمدلله اقول احنا تونا ما كلمنا سنتين يعني ما احسها مشكله بالنسبه لي الحمدلله

 

[دانتي]

الحمد الله حبيبتي وربي يوفقج

 

[المستبــده]

اجمعين ان شاء الله

 

[مارغريتا]

هلا مرت ريلها ..

لا آنا صارلي سنه وشهرين من تزوجت ومالله رزقني لحد الآن والله كريم ان شالله

 

[حلمي الأمومة]

صباح الخير


شلونكم

مارغريتا ان شاء الله مايعدي هالشهر قبل الرمضان تبشرينا بحمالج

 

[مارغريتا]

الله يسمع منج حبيبتي

عاد قاعده احس بعواراتها شكلها بتجدم راضيه علي الحبيبه

 

[حلمي الأمومة]

لا ان شاء الله ما تجيج الا بنفاسج

 

[أحلى^حياه]

مرحبا بنات شلونكم

 

[عــود كمــبودي]

مساء الخير

 

[حلمي الأمومة]

هلا حياكم الله


عندي قهوة وحلووو وجاي منعنع

حياكم تقهوو عندي


:gathering:


نقعد نسولف وننسا الهموم

 

[أحلى^حياه]

الله ونااااااااسه حلمي الامومه

يالله انا يايه بالطرررررررررريج هههههههههههه