{ تجمع الامل } 2 { تجديد الامل }

[bnt_kwt]

السلام عليكم
شلونكم بنات وشخباركم ؟؟
وبنت الكويت اشلونج بشريني عنج ؟؟
وعسى الله يرزقج ويرزق الجميع الذرية الصالحة في القريب العاجل

اهليييييييييييييييين مورجان اشلونج ؟ انتي وينج ؟ وين هالغيبه والغطه
واشلون بنيتج ؟؟ وشنو صار عندج من عيال غيرها

والله ايام من زمان والله نورتي حبيبتي
انا الحمدلله بخير وعلى حطه ايدج لا جديد عالساحه الفنيه

والله فيج الخير يا مورجان ونستني مشاركتج

 

[chocolat cake]

السلام شخباركم بنات الامل ؟ بنت الكويت شخبارج ؟
الله يرزقنا يارب بالذرية الصالحة

 

[kankona]

بنوت لا هذي الدورة سويت تحليل و الحمدالله على كل حال الله يعوضنى ان شاء الله

 

[bnt_kwt]

السلام شخباركم بنات الامل ؟ بنت الكويت شخبارج ؟
الله يرزقنا يارب بالذرية الصالحة

وعليكم السلام جوكليت كيك
انا الحمدلله بخير انتي اشلونج وشخبارج ؟

 

[bnt_kwt]

بنوت لا هذي الدورة سويت تحليل و الحمدالله على كل حال الله يعوضنى ان شاء الله

حياتي ما عليه خيره والله يعوضج ان شاء الله خيييير وعسى ان تكرهوا شيئا وهو خيرا لكم

 

[chocolat cake]

والله انا الحمدالله بلشت علاج وان شاء الله عمليتي الاسبوع الياي الله يرزقني يارب ويرزق كل البنات

 

[kankona]

جوكلت حيلتي الله يسهل و يتمم عليج يارب و ين سويتيها ؟

 

[مناوووي]

الله يرزقنا ياااااااااااااااااارب

 

[chocolat cake]

هلا بنات والله ليحين ماسويتها ان شاء الله هالاسبوع عند فوزية القطان والله يسر امورنا ويرزقنا يارب

 

[رمز الموده]

شلونكم بناااااااات شخباركم لكم وحشه

دلولااا وينج لاحس ولاخبر اشتقنالج


بنت الكويت شنو اخر اخبارج ؟؟

 

[دانتي]

مشكوره يا بنت الكويت للدعوه الحلوه والفال لج يارب يوم ما نسمع بالحمل ويرزقج يااارب الذريه الصالحه

 

[moorjan]

هلا فيج بعد قلبي والله انتي اللي فيج الخيير وشلووون انسى حبايبي ؟؟والله انكم دايم عالبال وهالمكان بالذات له ذكرى طيبة بنفسي ...
أنا اللي استناست بردج يالغالية وبسؤالج عن ابنيتي عسى ربي يرزقج بأحلى منها يا ربي ....وأما وسمية فهي الحمدلله بخيير شطانه اسم الله عليها ودخلتها الحضانة عشان تخف عن أخوها شوي امهبلته ( الله رزقني بفهودي وعمره الحين 10 شهوور ) وماكو والله خافه عن النت بكبره زادت المسؤليه اسم الله عليهم يبيلهم وقت وقلب الله يعينه يا ربي واعذريني على تقصيري ...
يالله ان شاء الله ما تخلص هالسنه الا بحضنج توأم ياخذون وقتج كله وكل بنات هالتجمع ان شاء الله

 

[bnt_kwt]

والله انا الحمدالله بلشت علاج وان شاء الله عمليتي الاسبوع الياي الله يرزقني يارب ويرزق كل البنات

ياااااااااارب ما يضيع لج تعب
ويفرح قلبج ويرزقج بطفل كامل الخلقه

 

[bnt_kwt]

هلا بنات والله ليحين ماسويتها ان شاء الله هالاسبوع عند فوزية القطان والله يسر امورنا ويرزقنا يارب

الله يسهل عليج يا قلبي

 

[bnt_kwt]

شلونكم بناااااااات شخباركم لكم وحشه

دلولااا وينج لاحس ولاخبر اشتقنالج


بنت الكويت شنو اخر اخبارج ؟؟

حبيبتي الحمدلله على كل حال
انا بخير ومو ناقصني الا ياهل يترس علي حياتي ويكملها لي

 

[bnt_kwt]

مشكوره يا بنت الكويت للدعوه الحلوه والفال لج يارب يوم ما نسمع بالحمل ويرزقج يااارب الذريه الصالحه

العفو يا قلبي واتمنى اسمع اخبار حلوه عن الكل

 

[bnt_kwt]

هلا فيج بعد قلبي والله انتي اللي فيج الخيير وشلووون انسى حبايبي ؟؟والله انكم دايم عالبال وهالمكان بالذات له ذكرى طيبة بنفسي ...
أنا اللي استناست بردج يالغالية وبسؤالج عن ابنيتي عسى ربي يرزقج بأحلى منها يا ربي ....وأما وسمية فهي الحمدلله بخيير شطانه اسم الله عليها ودخلتها الحضانة عشان تخف عن أخوها شوي امهبلته ( الله رزقني بفهودي وعمره الحين 10 شهوور ) وماكو والله خافه عن النت بكبره زادت المسؤليه اسم الله عليهم يبيلهم وقت وقلب الله يعينه يا ربي واعذريني على تقصيري ...
يالله ان شاء الله ما تخلص هالسنه الا بحضنج توأم ياخذون وقتج كله وكل بنات هالتجمع ان شاء الله

حبيبتي الطيبين مثلج وشرواج ما ينسووون كلش
وايامنها الاولى بالتجمع الاولي ما تنسي

الله يخلي لج وسميه وفهد ويبلغج فيهم يارب وما من قصور يالغاليه يكفي انج ذكرتينا ومريتي وما تتصورين اشكثر فرحني وجودج والله يسمع منج يا ام فهد ويكتب لي اللي فيه الخير العمر صار يركض والله كريم واصير ام مافي شي بعيد وصعب على رب العالمين

 

[chocolat cake]

بنت الكويت الله يرزقج يارب ويفرح قلبج ومشكورة على دعواتج

 

[moorjan]

حبيبتي الطيبين مثلج وشرواج ما ينسووون كلش
وايامنها الاولى بالتجمع الاولي ما تنسي

الله يخلي لج وسميه وفهد ويبلغج فيهم يارب وما من قصور يالغاليه يكفي انج ذكرتينا ومريتي وما تتصورين اشكثر فرحني وجودج والله يسمع منج يا ام فهد ويكتب لي اللي فيه الخير العمر صار يركض والله كريم واصير ام مافي شي بعيد وصعب على رب العالمين

بعد عمري يا بنوت والله أحرجتيني بكلامج الطيب :eh_s(7):وآمييين يا ربي ... ولا تحاتين يا قلبي بعدج شباب وان شاء الله ربي يكتبلج اللي فيه الخيير ...اتصدقين بنوته محد مرتاح بهالدنيا قبل لا اييب عيالي الله يحفظهم كانت نفسيتي ما يعلم فيها الا ربي سبحانه وانتي كنتي تدرين فيني والحين ولله الحمد والمنه الله رزقني فيهم اسم الله عليهم احس اني على اعصابي احاتيهم وان طلعت سوق ولا غيره بس احاتي وما اطول بو ساعه ساعتين وارجع أو اخذهم معاي عاد تعالى شوفي البهذله اسم الله عليهم.. وان سافرت خذيتهم معاي ما اقدر اخليهم يضيق خلقي وان خذيتهم اسم الله عليهم يننوني ... والحمدلله على كل حال ومع ذلك اهم ملح حياتي عسي اللله يخليهم لي ويخليني لهم ويهديهم ،،ويا ربي يا كريم اللي رزقتني يا ربي ترزقها وكل محرومه ولا تحرمهم من الذريه الصالحة عاجلاً غير اجل وتصلح ذريتنا يا ربي ...
انتي بس اتكلي على الله وابذلي الأسباب واتركي الباجي على الله ...

 

[Emanova]

السلام عليكم حبيباتي

ولهانه وايد وايد وايد عليكم

الحمدالله توني راده من العمره عسى ربنا يتقبل و الحمدالله كانت سهالات