"" تجمع اداريات المدارس ""

[كاندل الكويت]

رد: رد : "" تجمع اداريات المدارس ""

السلام عليكم بنات
أنااأول مره اشارك معاكم في هالتجمع أنا كنت إدارية مثلكم بس الحمد لله بكمل دراستي لانه صج أنا ما اتخيل شكلي بعد 15 ولا 20 سنة على نفس الكتب ما يتغير بس بقولكم أنا لقيت الزيادة بشهادة الراتب مالتي أنا الدرجة الخامسة وكانت المكافأة 45دينار زادوها 55 دينار صارت الحين 100دينار
في احد مثلي

ياحياتي راح تنخصم 55 من الراتب وتصير بدالها 100 يعني تصير زيادتج 45 أو50 وبتجي بأثر رجعي من شهر 4 مع معاشات هالشهر انشالله

 

[ام شيخون]

نطالب بالتثبيت اكبر قسم بالمدرسة القسم الاداري
سكرتارية + شؤون طلبة + مشغل حاسب الي +صائغ برامج + امينه مخزن + منفذه خدمه + مجهزة تغذية + اخصائية اجتماعية + اخصائية نفسية + تقنيات + امينه مكتبة + تصوير فني والسموحه اذا نسيت احد التخصصات

 

[عسولة الكويت]

رد : "" تجمع اداريات المدارس ""

للرفع

 

[خجل العذاأارى]

مرحبا خواتي بغيت اسالكم انا مدرسه وخذيت مجلس طبي وعطوني 4اسابيع من تارخ 1-11
السؤال هل تبدي من 1-11 الى 1-12 ولا28-11 وسؤالي الثاني خلص مجلسي اللحين وطلبت تجديد وموعدي طول الفتره اللي طافت تقريبا اسبوعين مقزرتها على مرضيات من خاص ومستوصف وانا تعديت ال15يوم هل راح ينخصم مني نص يوم راتب ولادخلونها ضمن المجلس الطبي اذا قروا ردوا علي ضروووري والله اني ضاايعه ....

 

[ام شيخون]

انشاء الله البنات يفيدونج

 

[حلى علي]

السلام عليكم بنات
أنا بعد أشتغل سكرتيرة في الإدارة حولي وصارلي سنتين عندهم والشغل حييل مريح ورئيسات حييل حبوبات بس البعد الطريق هي مضايقتني وما عندي أحد يوديني وكله زوجي في الدوام مناوباته الله يعينه ما تخلص وطلبت النقل ونقلوني في مدرسة المتوسطة في الأحمدي والحمدلله بس الإدارة حييل شديدة وشغل حييل الكرف بس شسوي الله يعيني أهم شيء أني قريبة من أهلي بس ما قصرت والله كل الإداريات أحترمهم ويحترموني وقلبنا واحد بس للأسف الوكيلة حييل شكوكة الله يعينا والحمدلله صارلي ألحين سنتين في المدرسة وأن شاء الله بدخل بنتي في المدرسة معاي علشان أنتبه لها وسوري على كثرت كلامي الموضوع حييل حلو شكرا أختي ^_^

 

[ام شيخون]

هلا والله
حياج معانا
في التجمع

 

[كاندل الكويت]

يالله لا تبخلون علينا بتجمعنا يا اداريات ياحلوات

 

[كاندل الكويت]

السلام عليكم بنات
أنا بعد أشتغل سكرتيرة في الإدارة حولي وصارلي سنتين عندهم والشغل حييل مريح ورئيسات حييل حبوبات بس البعد الطريق هي مضايقتني وما عندي أحد يوديني وكله زوجي في الدوام مناوباته الله يعينه ما تخلص وطلبت النقل ونقلوني في مدرسة المتوسطة في الأحمدي والحمدلله بس الإدارة حييل شديدة وشغل حييل الكرف بس شسوي الله يعيني أهم شيء أني قريبة من أهلي بس ما قصرت والله كل الإداريات أحترمهم ويحترموني وقلبنا واحد بس للأسف الوكيلة حييل شكوكة الله يعينا والحمدلله صارلي ألحين سنتين في المدرسة وأن شاء الله بدخل بنتي في المدرسة معاي علشان أنتبه لها وسوري على كثرت كلامي الموضوع حييل حلو شكرا أختي ^_^

الله يوفقج يارب ... وأهم شي الستاف اللي معاج بالقسم نفسه ... دام البنات زينين الحمد لله هذا أهم شي لأن احتكاكج معاهم مباشر :eh_s(21): ... والوكيلات والمديرات الله يعينا عليهم :gr4uu:

 

[كاندل الكويت]

مرحبا خواتي بغيت اسالكم انا مدرسه وخذيت مجلس طبي وعطوني 4اسابيع من تارخ 1-11
السؤال هل تبدي من 1-11 الى 1-12 ولا28-11 وسؤالي الثاني خلص مجلسي اللحين وطلبت تجديد وموعدي طول الفتره اللي طافت تقريبا اسبوعين مقزرتها على مرضيات من خاص ومستوصف وانا تعديت ال15يوم هل راح ينخصم مني نص يوم راتب ولادخلونها ضمن المجلس الطبي اذا قروا ردوا علي ضروووري والله اني ضاايعه ....

هلا حبيبتي :eh_s(7): راح تنحسب لج الفترة اللي أخذتيها مجلس طبي من أول يوم من تاريخ الطبية مثال أخذتي طبية من تاريخ 1/11 /2010 يوم الأربعاء راح تنحسب من نفس اليوم واحسبيها يعني لو بدت من هالتاريخ راح يكون يوم الأربعاء اللي وراه كملتي اسبوع وعليج الحسبه كل يوم أربعاء تدخلين اسبوع ليما تكملين 4 أسابيع ولو حسبناها على نفس التاريخ اللي حددتيه راح تنتهي إجازتج يوم الأربعاء تاريخ 28/11/2010 وتباشرين العمل بتاريخ 29/11/2010 أوكي :080402ask_prv: وبالنسبة للغياب لو كملتي 15 يوم مرضيات وتعديتيها حتى لو مجلس طبي أو من خاص أو حكومة كلها نفس الشي :

1. أول 15 يوم مرضي خاص أو حكومة أو حتى مجلس طبي راح تنحسب من غير خصم من الراتب .
2. تعديتيها ودخلتي 15 يوم ثانية مرضيات ينخصم منج عن كل يوم تغيبينه ربع يوم من الراتب .
3. و 15 يوم اللي وراها مرضيات راح ينخصم منج عن كل يوم تغيبينه نص يوم راتب .
   ولو استكملتي كل هالأيام راح يكون غيابج بعدها من غير راتب بس الفرق بين الغياب لو كان بطبيات يكون غياب بعذر ومن غير عقوبة والغياب من غير طبيات يكون غياب من دون عذر وخصم وعقوبه ... وياليت فهمتي ياحياتي وإعذريني على الإطالة بس كنت بوضح لج أكثر :wqedqw:

 

[طمره 1]

السلام كلام كاندل الكويت صحيح بس بالنسبه للمجلس الطبى اذا عطوك طبيه ماينخصم شيىء لانه ينحسب من الباب الثالث

 

[ام شيخون]

يسلموووووووووووووووو با ادارياتي الحلوين

 

[كاندل الكويت]

السلام كلام كاندل الكويت صحيح بس بالنسبه للمجلس الطبى اذا عطوك طبيه ماينخصم شيىء لانه ينحسب من الباب الثالث

هلا حبيبتي آنا اللي أعرفه جذيه نفس كلامج المجلس الطبي ما ينحسب ولا فيه خصم لأني كنت ماخذة قبل 4 سنين تقريبا مجلس طبي وما انخصم مني شي ... بس الظاهر تالي صار حاله حال الطبيات مادري أتأكد وأعطيج خبر باجر انشالله أكييييييييد

 

[افتخر اني كويتية]

انا ست اسنين مسماي سكرتيرة و واشتغل شئون طلبه وهذي اخرتها لنا الله

وبعدين امسكينا كل وحده اشراف اداري على مرحلة .. كل خمس دقايق لازم نطلع اشراف

ومناوبة يومين بالاسبوع بداية الدوام والفرص ونهاية الدوام

يعني كراااااااااااااااف

لا واخر الفصل يعطونا كنترول لي عقب العصر

والله حرام وظلم


الله يعينا بس

 

[افتخر اني كويتية]

على فكره انا شهر 5 اللي طاف كملت خمس سنين والحين بالسنه السادسه


منو تعرف متى تجيني الدرجه الرابعه؟؟؟

بانتظاركم حبيباتي

 

[كاندل الكويت]

انا ست اسنين مسماي سكرتيرة و واشتغل شئون طلبه وهذي اخرتها لنا الله

وبعدين امسكينا كل وحده اشراف اداري على مرحلة .. كل خمس دقايق لازم نطلع اشراف

ومناوبة يومين بالاسبوع بداية الدوام والفرص ونهاية الدوام

يعني كراااااااااااااااف

لا واخر الفصل يعطونا كنترول لي عقب العصر

والله حرام وظلم


الله يعينا بس

اختي الغالية ... من باب النصيحة لا عاد ياخذين اشراف إداري كلللللللللش:yaaaaaarb: .. وللعلم ترى ما ينحسب لج بالتقرير لأنه مو من مهام شئون الطلبة ولا السكرتاريا . آنا 4 سنين آخذه ولاشفت أي تقدير وأثر على أدائي كشئون طلبة وتعبت حييييييييييييل من الفرفرة ومشاكل الطلبة وتأخير المدرسات عن الحصص :0bee2e8d89:. وبالنسبة للزيادة ماراح يخلونكم والله تستاهلون والباقين يستاهلون . بس إحنا والله صارت وظيفة شئون الطلبة أعمال شاقة مو نفس قبل وكل يوم يطلعون لنا بأوامر ثانية تعبنا من الكراف والاحتياط والمناوبات وغياب الطلبة وطبياتهم وحصرها وسجل الطالب وغييييييييييييييييرها . وترى زيادتنا ما تسوى طلعوها من عيوننا من شهر 4 وما شفنا شي ليما الحين واخصمو منا الـ 55 مالت الحكومة حسبي الله ونعم الوكييييييل وآنا ترى 10 سنوات خدمة والدرجة الرابعة وباقي لي سنتين أخذ الثالثة زيادتي 70 دينار بس ولا شفتها:nocommint: ...

 

[كاندل الكويت]

على فكره انا شهر 5 اللي طاف كملت خمس سنين والحين بالسنه السادسه


منو تعرف متى تجيني الدرجه الرابعه؟؟؟

بانتظاركم حبيباتي

هلا إختي ... بغيت أسأل عن تاريخ تعيينج أي شهر علشان اجاوبج على سؤالج ؟ وجم علاوة بتقرير الراتب عندج يعني الرابعة جم علاوة ؟..

 

[كاندل الكويت]

السلام كلام كاندل الكويت صحيح بس بالنسبه للمجلس الطبى اذا عطوك طبيه ماينخصم شيىء لانه ينحسب من الباب الثالث

هلا حياتي.. صح كلامج . ترى الغياب إذا كان من مجلس طبي ماينخصم من الراتب ويجي براتب كامل آنا تأكدت منه وكان كلامي نفسج لأني كنت ماخذة مجلس طبي وما اخصم من راتبي ... بس سألت وكيللاتنا وشككوني بعمري وطلع كلامهم غلط .

 

[كاندل الكويت]

يسلموووووووووووووووو با ادارياتي الحلوين

أب
أب
أب لعيونج

 

[احلى البنات25]

السلام عليكم منو موجود يا شؤون الطلبه