تجمع احتجاج لكل وحده تبي تسجل صيفي بالكليه باجر "تربيه اساسيه"

[Designer girl]

السلام عليكم

ادري الكل محتر ومنقث وفيه حره حرام اللي قاعد يصير فينا حيل علني اليوم التسجيل :rgewrg:
واخرتها يوصلنا ان ماعندهم ميزانيه وسحبو موادنا :eh_s(4):

بنات لازم لازم لازم نتحرك مو اهم ترا اللي يحددون مصيرنا احنا اللي نتحرك وهذي حياتنا ومستقبلنا متا بنتخرج يعني !

والانذارات شلون بتنشال اذا ماكو مواد :eh_s(14):

صراحه الوضع يحتاج تغير والتغير منا احنا مو من احد ثاني لازم الكل يهتم ويتحرك

فمن جذي ان شاءالله باجر بنتجمع ونبي اقوى تجمع بالتسجيل من 9-12 ونشوف شلون يسيبونها

واللي تبي تفتح لها مواد وتبرد حرتها :ggdw: تروح باجر ونغير الوضع

:bbbiu:​

 

[Designer girl]

أأب أأب

 

[مسألة وقت ~]

ما اقول الا حسبي الله عليهم

وين راح يكون التجمع ؟

 

[Designer girl]

اي والله حسبي الله ونعم الوكيل بالكليه ان شاءلله عند التسجيل كلاسات العربي 101 والبورد اللي تنزل الجداول والامتحانات

 

[al_sheikha]

هووو صج خلاااص مافي صيفي ؟؟؟؟؟؟؟

 

[مسألة وقت ~]

انزين منو راح يشوفنا اذا احتجينا لازم عند دريشة العميد

 

[Designer girl]

الشيخه امبلا في صيفي انا كل كورس من دشيت الكليه واهما يقولون كل كورس بنفتح لكم مواد وكل كورس نعاني ومادري هالمواد منو ياخذها

 

[Designer girl]

مسألة وقت انا مادري وين مكتب العميد اصلن بس نروح باجر ونشوف شيقولون لنا

 

[مسألة وقت ~]

يالله الله يسسهل علينا
وانشالله فيه بنات وايد ايون

 

[دهورتني يازين]

اب اب اب اب

 

[Designer girl]

بنات انا رفيجاتي بنات الاتحاد والحين مسوين اجتماع قاعدين يحاولون يحلون المشكله ولما تخلص بقولكم شصار

 

[Designer girl]

والله انا ودي يتغير الوضع واحنا نكون سبب التغير يعني والله لويتجمعون كل بنات تربيه اساسيه ماتعتقدون بيتغير شي؟
مستحيل لاشافونا جماهير وشكثرنا والله العظيم مايسكتون ويتحركون

 

[طالبه مصدومه]

الكورس الصيفي الي طاف كان في مواد واايد اما هالكورس مافي ويسحبون موااد
شرايكم باجر نتجمع عند مكتب العميد بس للاسف ماعرف مكانه

 

[Designer girl]

طالبه ^ انا الصيفي اللي طاف رفيجاتي سجلوو بعد والله اذكر وانا جبت واسطات ولامانع واخر شي ماسجلت شي طلعو مواد مسبق ماخذيتهم حظ بس الحين عرفت اللي لي واللي علي

وين مادله يلا عادي نروح له كلش كلش نتواعد عند التسجيل ويدلونا

 

[قلبي ابوي]

اب اب اب

 

[al_sheikha]

اوووك اناا بكررة اساساً عندي محاضرةة الساعه 8 اخلصهااا واييكم

 

[توتا كويتيه]

حتى انا باجر محاضرات من ٨ لي ١٢ بس بحاول امر

 

[طالبه مصدومه]

ااب

 

[Designer girl]

اتحاد طلبة التطبيقي دائما يسعى لحل مشكلة الطالب ومن إنجازاته:
1- زيادة المكافأة الاجتماعية إلى 200 دينار، وهذا أقوى انجاز سعى له الاتحاد هالسنة، علما بأن الجامعة 35 سنة وللتو استلموا 200 دينار ونحن 12 سنة تقريبا وللتو استلمنا 200 دينار فهذا بحد ذاته انجاز كبير .
2- تعميم المكافأة على جميع الطلبة بعد إن كانت لحالات خاصة .
3- خصم للكتب .
4- تجديد وفتح استراحات
5- تجديد مصليات .
6- زيادة عدد الكراسي في الكلية
7- فتح كافيهات
8- أخذ موافقة من الحكومة والمجلس بإنشاء جامعة جابر للعلوم "للراغبين باستكمال دراساتهم "

وغيرها من الإنجازات فهذه بعض الإنجازات التي تم ذكرها..

وبخصوص الكورس الصيفي هذا يعتبر كورس اضافي زيادة من الكلية للطلبة لا يعتبر كورس أساسي لذلك نسعى للضغط على الكلية ولكن لا يمكن للاتحاد إجبار
لأن الاتحاد عبارة عن مجلس طلابي وحلقة وصل بين الطلبة والعماد وجهة ضغط وليس جهة تنفيذ، فالأتحاد طالبات وطلبة حالهم حال أي طالب يحتاجون إلى مواد وخدمات علما بأن إلى الآن لم تصل إلينا شكوى بخصوص الشعب التي تم سحبها وعدد طالبات الكلية 8 آلاف طالبة في كلية التربية الأساسية والقاعات صغيرة وقليلة والدكاترة قلة فالكلية لا تقبل إلا دكاترة متخصصين ليس مثل الجامعة الكلية الواحدة فيها 8 آلاف أو إذا كثرت 1000،وفي كلية التكنولوجيا نفس المشكلة واليوم قابلوا عمادة التكنولوجيا وسجلوا أسماء الطالبات لفتح الشعب والاتحاد يسعى للبحث عن حل للمشكلة كما ذكرت جريدة أجيال وسيقابل المدير العام غدا بإذن الله :
"@ajialq8: اجيال | حاليا اجتماع اتحاد طلبة التطبيقي مع المدير العام لحل أزمة الشعب في الفصل الصيفي #paaet #kuwait #q8 #اخبار"


وليس صحيح كما تقول بعض القوائم أنها ستذهب وتسعى لحل المشكلة مجرد أنها أرسلت تصريح لا صحة ووهمي فيه لأن القائمة الطلابية ليس لها جهة رسمية أمام الهيئة والهيئة لا تستقبل القوائم الطلابية فكيف تخاطب الهيئة والهيئة لا تستقبل القوائم ولا تعترف بها؟ ، فقط الاتحاد هو الجهة الرسمية، فندعو القوائم بعدم الاستخفاف بعقول الطلبة، فطلبة الهيئة لهم كل التقدير والاحترام ويعلمون من ممثلهم الشرعي .

ونحن في خدمة الطلبة
ومتواجدين في مقر الاتحاد لأي شكوى

مقرنا: الفيحاء ق8 ج 80 خلف مكتبة الطالب مباشرة

 

[Designer girl]

بنات هذا رد بنت الاتحاد كلمتها وقلتلها ان بنتجمع باجر قالت ماله داعي الدكاتره محتجين نفس مشكلة الكورس الاول وقالو الكورس الصيفي اختياري وماقدمو فعشان جذي ماكو شعب
واللي مسجلين عندهم من زمان ماسحبو صراحه جزاهم الله خير ماقصرو
واللي انسبحو الشعب اقل من 8
يعني كل وحدا بداوم باللي مسججلته عقب باجر اذا ماصار تغير لحد الحين

ودي يمدون التسجيل وتنحل المشاكل وتنفتح لنا مواد
خربو تقسيمتي من اول مادشينا الجامعه علومنا ان نسويلنا خطه مستقبليه ونحدد اهدافنا بس هذا مو بكليتنا طبعا