تجمع اتصالات والملاحه

[الـمـزيـونـه]

بنااااااات أنا اقبولوني الميداني بالهيئة التطبيقي اللي بعديليه

ويريت اللي تخرجت واقبلوها اهناك أبيها تقولي..

وين حطوج واشلون الشغل معاج وشنو كنتي اتسوين اهناك ودوامج من ساعة جم لي ساعة جم..؟؟؟؟؟؟

لأن البنات خرعوني يقولون يكرفونج كراااف والدوام من ساعة 8 لي 3 <<< مووايد

بلييييز بنااااات ترى حدي خايفة وحاوت أغير المكان مارضوا ​

 

[still]

بنات الموقع مايبي تسجيل ..
بس تحطين رقمج المدني وتشوفين جدولج وو غياباتج ونتايجج ..

امااا ع المنتدى نفس المنتدى اهني تسجلين عادي

 

[سـديـم]

اذا انتي تبين اتسجلين بالمعهد اول شي

لازم تودين بياناتج لهم وبعدين

تسجلين بالنت تدخلين موقع الهيئه والتطبيقي

وبعدين وبعدين تدخلين الخدمات الالكترونيه وبعد ماتفتح الصفحه تدخلين نظام قبول الطلبه المتقدمين

وبعد ماتفتح تدخلين استمارة القبول اللكتروني

وعبي بياناتج وبس هذا اللي اعرفه

اتمنى تكونين فهمتي علي

 

[~Betty Boop~]

قوه بنات انا بمعهد الاتصالات توني مسجله بالمنتدى

وي توني شفت غياباتي علي 10 غيابات الله يستر

 

[سـديـم]

هااااا بشري اش سويتي (مادري والله)

اذا ماتعرفيني قولي لي وانا اسجلج اوكي

 

[دلوعة امي]

بنات .. اللي حابه تستفسر عن اي شي .. تدق على بنات المستقله ...بالتطبيقي ..


94436179



----------------

او موقع القائمه

www.pustq8.com/vb


فيه كل شي

 

[still]

هاا مادري والله اشصار عليج ؟!

 

[syda-ml38a]

up

up

شلوونكم بنات معهدي

 

[ليت الجرح من غيرك]

يالبـــــــــــيه والله بنات معهدي

انا صراحه كنت داشه واتطمش من قريت أسم الموضوع فز قلبي لكم وقعدت أقرى الصفحات كلها ومااخفي عنكم في وحده منكم معااي انا مت من الضحك لما اقرى شتكتب فديتها ماودي اقوول اسمها بس وربي سوالفها بالمنتدى شي بالطبيعه ماتسوولف وهاديه وانا كلا مجننتها هههههههههههههههههههههههههه مرات اكون يمها وانا واللي معاي ازعاح فديتهاااا

المهم انا سجلت عشاانكم وعشاان أفيدكم>>>> فيدي عمرج بالاول

أولا بقولكم قصة حيااتي الله يعينكم انا كنت قبل بالتكنولوجيا وقطوني فيزياء تطبيقيه وسحبت اورااقي ورفيجتي كانت بالعلوم الصحيه تخصص صيدله نفس السالفه سحبنا ودشينا هالمعهد اللي وربي انه يسووى الجامعات وكل شي انا بنات خالتي كلهم بالجامعه والتجاري جم وحده حبيت اقول شي لاحظته معهدنا حلوو حيل وراقي وانه اللي نصحني اني ادشه وواحد رفيج ابوي بالهيئه ومعروف انه الاتصالات والملاحه فرص العمل لهم كبيره وحبيت اقول انه صج البنات الموجودين راقييين حيل وشايفين خير موهيلق والعقد شويه بالمعهد نسبة 10%

بس اللي مااحبه بالمعهد واكره ولاافكر اني امرهم شؤون الطلبه وووع وخصوصا هاذي بنت المضف يمه لايحوووشك وربي حتى الطبيه اخلي ابوي يااخذها ماادش عندهم

اما عن التخصصات للي يقولون ان صيانه اقووى لا يبه انا قبلوني صيانه ورحت حولت برمجه أظمن شي بالمعهد واقوى شي البرمجه صج دراستها صعبه بس والله حلووه والمجالات بعدين راح تكون بالمستقبل مفتووحه لكم صدقووني اكثر خريجي البرمجه تووظفوووا بسرعه وكلن يبيهم لا ومجلات كبيره مفتووحه لهم وسألوو مشعل النشيط وراح يأكد كلامي

حبيت أعلق على كلام الاخت اللي تحجت عن أحمد المطيري انا معاج باللي تقوولينه صح يابنات احمد المطيري يتحرش انا انا مادرسني ولاشي درس رفيجتي مرات لاخصلت من كلاسي امرها خزات وابتسامات ومره كنت رايحه للمكتبه اللي فوق ادرس عندي كوز ولما طلعت واجههت أستاذي سلم علي وقالي ابلغ البنات ماكو محاضره وانصدم باحمد اول ماراح قالي انتي كومبيوتر شنو جان اعطيه نظره وامشي وللاسف موبس هووو أكثر من وااحد للأسف بعدين اسوولفلكم عنهم ههههههههه>>> للحش زاهبه
واتمنى من البنات لايتماادون او يضحكوون عشان درجه او شي وتظن انها شطاره ترى الكويت صغيره والدكتور يقرى اسمج الكامل يمكن يعرف احد يقربلج هو مستحيل بقولج اعرف احد يصيرلج ولازم كل بنت تنقل صوره حسنه عن بيت أهلها


أدري طولت بس سوالفكم ذكرتني باهبالنا انا ورفيجااتي أيام كورس اول مسائي ياحراام جننه الكل وربي ازعاج والا استاذه دانيال مالت الانجليزي شيبنه راسها المسكينه مره طلعت من محاضره شوي وتبجي

تكملة مغامراتنا راح أقولها بعدين والله شكلي ان تكلمت بتعرفووني هههههههههههههههههههههههههههه

فديتكم كلكم:eh_s(6):

 

[دلوعة امي]

لوووووول على طاري بنات الديره ونمثل الكويت خل اقوولكم سالفتيييييين


الاولى عن استاذنتا مالت الانجليزي .. ابيييه بنات مو صج مغرووره وشاايفه عمرها وشاده حيلها زياده عن اللزوم
المهم اليوم لابسه تنوره قصيره وكعب .. طبعا اهي متحجبه ..

وقااعده على الكرسي .. وفخوووذها كلها مبينه واللله بنااات لي داخل حيل حيل مو يعني شي بسيط ولا ركبها لا فخوووذها من فوق
ابيه عيب انتي قياديه ولابسه حجاب احترمي الحجاب اللي انتي لابسته ..


اللي صج قهرني استاذ السلامه المهنيه .. يقول انا ملتزم من شي الاستاذه الكويتيتن اقولكم لا تدواموون اليوم واي قهرني المصري

 

[لـولـو الحلوه]

السلام عليكم

بنات الله يخليكم ساعدوني

شنو اتخصص الكترونات او اتصالات ..

شنو الاحسن من ناحيه الوظيفه والدراسه

 

[~Betty Boop~]

لولو انا بعد متوهقه نفسج امتحانات الفاينل لتمهيدي ما بقى عليها شئ وانا مو عارفه شنو اتخصص او شنو الاحسن؟ منو يفيدني

 

[spanish-girl]

مرحبا بنات شلونكم ؟ بغيت اعرف شنو التخصصات الي عندكم ؟ وشنو احسن تخصص ؟

 

[~Betty Boop~]

مرحبيتين حالي حالج مو عارفه شئ ومحتاره

 

[~Betty Boop~]

بنات ابي اسولف معاكم طرشولي ايميلاتكم خااااااص؟؟

 

[spanish-girl]

بنات ليش محد رد

 

[حلوه وبس]

لسلام عليكم

ممكن دعائكم

http://q8yat.net/showthread.php?t=276749

جزاكم الله خير

 

[دكتــ فكتوريا ــورة]

انا تخصصي الاكترونات وكهربا كورس ثالث ..حلو وصعب شوي بس تمشون فية
وفي تخصص الاتصالات هذا حفظ بس ماعرف فية واجد
بس شوفو احسن شي تسالون الاساتذة عن التخصصات افهم منا انا دشيت هذا التخصص عشان احب الكهربا وماحب الحفظ وعمتي قالت لي دشي عمتي مديرة في وزارة الكهربا ...

 

[دكتــ فكتوريا ــورة]

بعدين على التخصصات يعطونكم مثل اورقة تختارون فيها القسم الي تبون اشون فية وبعدين يعطونكم بعد اورقة عشان التخصص

 

[مغتربه بقلبه]

حبايبي الي يسألون شنو احسن تخصص


احسن تخصص اهوا (( صيانى حاسب آلي )) وماياخذون فيه الا الي معدلاتهم مرتفعه وامتياز


لانه يختارون البنات التوب فيه


اهوا احسن شي