تجمع إلي عيالهم بيروحون أولى & ثانيه روضه ..& حياكم &

[عشق]

رد : تجمع إلي عيالهم بيروحون أولى & ثانيه روضه ..& حياكم &

صباح الخير

امس ارجعت فطوم من الروضه كله نايمه والمغرب ارتفعت حرارتها
يا ربي هذا ثاني اسبوع حرارتها ترتفع يوم واحد وبس

مادري شسوي

 

[الرياش]

اشلونكم بنات شخباركم
والله يشافي اعيالكم أجمعين
عشوق اشلونج ما تشوف شر فطومه الحراره ترتفع وايد والا اشوي اذا اشوي عادي بس اذا وايد وديها الطبيب وقوليلهم السالفه

 

[الرياش]

انا بعد بنتي الاسبوع الي طاف كله تعبانه وصدرها امتنك ألحين الحمدالله أحسن
اليوم ان شاء الله بروح مستشفى الاتصالات علشان الدكتور يشوف ولدي اذا يحتاج عمليه حق اللحميه واللوز ويعطيني موعد .. عاد لازم أروح ورى صلاة المغرب على طول علشان لا أتأخر على الحسينيه حده موعدي خايس بس هذا الي حصلته وان شاء الله خير

 

[العياره]

مااتشوووف شر فطووووومه عشووق .. انا من ترتفع حرارة عيااالي واشوفهااا ماتنزل خلال يومين اوديهم عند سناء معروف يعطونهم ابره
وماشاءالله بعد ماااترتفع الحراره كلش

الرياااش اي والله موووخوش وقت حزة القرااايه

 

[أم@الحلوين]

السلام عليكم

شلونكم

ولهت عليكم حبايبي ،، هالايام كنت حدي مشغوله تدرون بعد ومأجورين ويارب الله يعطينا ويعطيكم مرادنا بحق محمد وال محمد

 

[عشق]

رد : تجمع إلي عيالهم بيروحون أولى & ثانيه روضه ..& حياكم &

مساء الخير عالجميع

اشلونكم وشخباركم

الرياش والعياره الشر ما اييلكم

انا بنتي خلصت وعندها اجازه اسبوعين وتبلش شهر واحد ان شاء الله
واليوم فديت فطومتي استلمت شهادتها هههههههههه

 

[عيون سارة]

عشق : الله يخليها لج والله حتى سارونه كل مريضة

تعبتني معها وتمرض وتعدي اخوها

وانا احوس معهم


وعقبال يارب ما تاخذ الشهادة الكبيرة

 

[العياره]

صبااااح الخير

ولهاااااانه عليكم وااااايد ... عشووق مبروووك وعقبال الشهااااده الجاامعيه
ام الحلوين اخباااارج؟؟

 

[أم@الحلوين]

صباح النو والنوير

هلا حبايب شلونكم

انااااا بخير


عشوق .. سلامتها فطوم .. ومبرووووك الشهاده عقبال الجامعيه يارب


العياره .. أهلين يا عسل شلونج وشلون كتاكيتج الحلوين ^_*

 

[أم@الحلوين]

عيون ساره .. سلامتها بنوتج ما تشوف شر

 

[الرياش]

السلام اشلونكم بنات شخباركم
عشوق ..مبروك الشهاده وعقبال الشهاده الجامعيه أنا الحلو في روضة ولدي انهم يعطلون مع الحكومه وناطرين الشهاده لووول
أم الحلوين اشلونج واشلون الحلوين

 

[أم@الحلوين]

عليكم السلام
هلا الرياش احناا بخير انتي شلونج وشلون عيالج ؟

 

[أم@الحلوين]

انا لهيت عنكم شوي عشان يوم الاربعا انكسرت ايد ولدي بالروضه وتخيلوا خذيته بنهاية الدوام وساكت بالسياره ماتكلم ولا كلمه مو من عوايده كلش قتله شفيك قالي فيني نومه وصلنا البيت طبعا اهو سيدا راح غرفته بينام وأنا لحقته وقعدت أسأله شفيج زعلان احد مسويلك شي قايلك شي واهو هم ساكت قتله اوقف خل أبدل ملابسك ييت بفصخه القميص جان يصرخ أييييييييييي قلت يمه شفيك هم ساكت يبط الجبد فصخته القميص ولا ايده مزورقه ومتفوخه :0bee2e8d89: وما يقدر يحركها قتله من شنو يقول طحت من الزحلاقيه قتله شلون ووين الابله عنكم قالي أبلاتنا اثنينهم غايبين ويايتلهم ابلة إحتياط ما يعرفونها :eh_s(14): يقول طحت وقعدت أبجي محد ياني حبيبي ولدي :lkmnkl: قتله وبلة الاحتياط ما ناديتوها لمن طحت قالي ما لقيناها اذا مو قد المسؤليه اشحادج صايره أبله :eh_s(1):
واليوم اللي بعده غيبت عيالي واليوم داوم ولدي الثاني وديته صفه ورحت ركض:RoadRunner: حق الناظره وأنا حدي مفوره:eh_s(14): وكلمتها وقلت لها عيالنا أمانه برقبتكم شلون جذي يصير بولدي ومحد يمه :0bee2e8d89: ومن هالكلام طلعت كل اللي بقلبي ،،وانا أعرف أبلاتهم لو موجودين جان ما صار اللي صار ماشاءالله عليهم حيل حريصين بس يالله شنقول قضاء وقدر وحمد الله على كل حال وأشوه يت على جذي وتأسفت مني الناظره وقالت كلامج عين العقل وسامحينا ومن هالكلام عاد اليوم رحت خذيت ولدي الثاني من صفه وأبلاتهم تحمدولي بالسلامه وحتى ربعه اللي بالصف الكل يقولي شلونه رفيجنا سلمي عليه والي عطاني كاكاو قال هذا حقه والثاني عطاني حلاو والثالث عطاني علج هههههههه صج يهال ياحلوهم ومكان ولدي حبيبي مبين بينهم الله يقومه بالسلامه يارب وعطاني الدكتور موعد يوم الخميس ويم الخميس عنده تصوير جماعي ماأد ري شسوي :bbbiu: وقبل لا أطلع من الصف قالتلي أبلته ممكن نزوره بالبيت أنا وعيال صفه نتحمدالله بالسلامه قلت لها حياكم الله والبيت بيتكم والعين أوسع لكم من المكان :wqedqw:

 

[أم@الحلوين]

قالتلي خل أستأذن من الناظره واعطيج خبر

واللحين أنا محتاره شنو أقدم :082502bye_prv:حق الاطفال لمن يزوروني بالبيت أبي أفكاركم واقتراحاتكم :080402ask_prv:

 

[عشق]

رد : تجمع إلي عيالهم بيروحون أولى & ثانيه روضه ..& حياكم &

الرياش تسلمين قلبي

ام الحلوين فطاير وميني تيشز كيك وحلويات وككاو
او جيس حق كل واحد واهو طالع

يهال عادي ما يهتمون حق شي

وما يشوف شر ولدج

 

[العياره]

ويييي مسكين مااايشوف شر ومثل ماقالت عشووق اخذيلهم هالسووالف اليهال مايحاتون الا بطونهم والخرابيط

عشووووووق شلووونج وشلوونها فطومه مع قعدت البيت

 

[الرياش]

حبيبتي أم الحلوين ما يشوف شر ولدج ..عاد كسر مره وحده حبيبي يا الله الحمدالله على كل حال
ومثل ما قالولج البنات فطاير وكب كيك وعصير أتوقع كافي

 

[الرياش]

العياره انتي ولدج قبل لا تسوين له عملية اللحميه استخدمتي قبلها بخاخ حق الخشم لمدة شهر والا علطول قالولج عمليه ؟
لأن انا ولدي سووله أشعه وقالوا اللحميه كبيره بس انجرب أول بخاخ لمدة شهر مع زيرتك ونشوف بعدها صغر حجمها والا لأ اذا صغرت ما يحتاج عمليه

 

[عشق]

رد : تجمع إلي عيالهم بيروحون أولى & ثانيه روضه ..& حياكم &

العياره
والله زينه ما احاتي لانها عند امي
بس عندهم اسبوع نشاط اقدر اوديها تروح تلعب قلت على الاسبوع الياي اوديها بس بغيتها ترتاح هالاسبوع

الرياش اشلونج قلبي واشلون العنونه بوسيها عني

 

[الرياش]

رد: رد : تجمع إلي عيالهم بيروحون أولى & ثانيه روضه ..& حياكم &

العياره
والله زينه ما احاتي لانها عند امي
بس عندهم اسبوع نشاط اقدر اوديها تروح تلعب قلت على الاسبوع الياي اوديها بس بغيتها ترتاح هالاسبوع

الرياش اشلونج قلبي واشلون العنونه بوسيها عني

أهلين عشوق العنونه اتسلم عليج لووول ان شاء الله أوصلها البوسه وانتي بعد بوسيلي فطومه وقرصيلي خدودها بعد عاد حبيبتي ماعندها خدود اضعيفونه سلم قلبها