تجمع إلي عيالهم بيروحون أولى & ثانيه روضه ..& حياكم &

[دلوعة روحي]

و عليكم السلام

يا هلا


شهرزاد شخبارج ؟؟






العيارة .. المفروض هذا اللي يصير

شكلي بسويله كورس مكثف

 

[عشق]

رد : تجمع إلي عيالهم بيروحون أولى & ثانيه روضه ..& حياكم &

مسا الخير عالجميع

 

[أم@الحلوين]

مساء الانوار اهلين عشوقه شلونج

 

[أم@الحلوين]

صخه وينكم ؟؟

 

[دلوعة روحي]

مساء الخير

شلونكم بنات ؟

هل من جديد

انا ماكو شي يديد وصلته الصبح

و بعدين رديت عالساعة 11 وديت اوراق طالبينها مني الادارة و طلعته معاي

غديته عال 12 و نص و الحين نايم

و العصر ان شاء الله بطلعه احتمال المركز العلمي

 

[العياره]

اناا اليووم غيبت ولدي عشاان شوي يريح وبااجر اخليه يدااوم

 

[عيون سارة]

بنات شنو اسوي بها السارة
تبكي ما تبي تروح المدرسه

المشكله الى بعمرها راحو الروضه واهي بس تحن وتبكي
واليوم خليتها بالبيت الخدامه تقول مدام سوسو طقت اخوها

واهي ما تقدر عليهم اثنينهم


ووراها البيت

ها السارونه شيبت راسي من بدري

 

[بتبوتااا]

ياقلبي ام ساره عادي ماشاء الله بنتج حركيه وديها غصب خلها تبجي مره ومرتين بعدين تتعود ,

رجعت لكم بعد ضروف قاهره ما يعلم فيهاا غير ربي ,
عيالي مرضى وسيارتي اختربت وجز ريلي ومدرسه ولدي والله هالاسبوع الي طاف انحس منه مافيه :/

بس الحلو فيه يوم التخضير لووول ,
طبعا رايحه على عماي ما ادري انه هاليوم يوم تخضير ! :/

المهم الابله لبست بنتي لبس ورده من عندهم ,



وقلت للأبله دقايق اروح ايب لبنتي من مركز سلطان ولا تمسكني رفيجتي كانت يايبه 6 شتلات ههههههههههه انقذتني بوحده لبنتي ,,

لاحظو الكرتون تحت . .
وطبعا بنتي ملت من الللبس اللي لبسته تقول حر عليهاا فصختهاا اياه ,



وهذول البنوتات ,,



وهذا حوض الزرع مال صفهم اول شي وبعدين انترس بالورد ,,



وهذا ملخص ليوم التخضير .
للأسف ما خلوناا نصور النشاط والمسابقات والفقرات كانت وايد حلوه وخصوصا لمن طفوو الليتات وحاطين بالشاشه اغنيه قطوره والأطفال يغنن معاهم , كان شعور حلوو,
,

 

[دلوعة روحي]

العيارة

ما يشوف شر الكتكوت






ام سارة

قوي قلبج و حقريها شوي

وديها خل تبجي و تتعود

و الله انا ولدي لما كان بالحضانة

3 اشهر و اهوة يبجي كل يوم الصبح

نفسيتي حيل كانت تتعب

بس الحمدلله كل شي بحسابه

اول يوم بدوام الروضة الابلة سألتني : ولدج داش الحضانة من قبل ؟

لانه الوحيد اللي كان قاعد يلعب و الباجي كانوا يبجون

عالتعود حبيبتي






بتبووووت

واااي كربون البنات و الله

اي مبين هاللبس حار مساكين

وين سويتي بدلتي لها

و صج يوم التخضير تغييير

احب حفلات الروضة

بس يختج من اول السنة احاتي حفل التخرج ادري بيصير فلم هندي من البجي خخخخخخخخخخ

 

[أم@الحلوين]

العياره .. سلامته الحلو مايشوف شر


دلوعه .. شلونج ،، زين سويتي وديتيه الاكواريوم عشان يستانس ويغير جو


عيون ساره .. ما عليج منها حقريها ومثل ما قالت دلوعه قوي قلبج عشان مصلحتها والله يعينج عليها


بتبوتاا.. اول شي خطاكم السو وغدا شركم حبيبتي

وعلى طاري بنوتج اسم الله عليها عسووووله الله يحفظها وزين سوت رفيجتج المنقذه الله يابها لج

أحب النشاطات والحفلات احس ان احنا نستانس اكثر من اليهال

 

[دلوعة روحي]

ام الحلوين

اي و الله صاجة

ذاك اليوم بحفلة عيد ميلاد ولدي الابلات يرقصون و يصفقون اكثر من اليهال

حتى قلت حق الالبلة شكلكم انتو مستانسين اكثر من اليهال

قامت تضحك خخخخخخ تقولي مادري شفيهم مغلقين اليهال و مكشرين لووووووول بترقع

 

[أم@الحلوين]

لوووووووووووووووووووووول

عاد شنو يابوله هديه

 

[دلوعة روحي]

وحدة من الينات يايبتله مسدس

و وحدة ثانية سيارة

ما قصروا

يالله انا استأذن بروح انام حدي دايخة

تصبحون على خير

 

[أم@الحلوين]

عليه بألف عافيه

اذنج معاج

البنات وينهم ما بينوا

عشوووقه

العياره؟؟

حتى انا قفلت بقوم انام تصبحون على خير

 

[دلوعة روحي]

صباح الخير بنات

شلونكم

اليوم الصبح كنت على طريف اني اغيب ولدي لاني تعبانة



بس فكرت بيقعد بالبيت و بيشيطن و راح اتعب زيادة

لبسته ووديته عال 8 الا ربع

كانوا توهم بيدشون النشاط

 

[أم@الحلوين]

صباح النور

زين سويتي وديتيه اذا غيبتيه يتعود كل يوم بيغيب

 

[دلوعة روحي]

اي صاجة

 

[دلوعة روحي]

يالله بطلع اروح اييب ولدي اشوفكم على خير

 

[عيون سارة]

جزاكم الله خير والله رفعتو معنوياتي شوي انا مغيبتها ها اليومين
عشان مريضه

وكل ما تشوفني تقول انا فيكيشن
لوول مصدقه عمرها

 

[$حبيبة عبودي$]

بنات انا ماوديت ولدي الا يوم واحد ..عادي ماكو احد يجيبه ويوديه بانتظام واخاف من السواويق