تجمع إلي عيالهم بيروحون أولى & ثانيه روضه ..& حياكم &

[عشق]

رد : تجمع إلي عيالهم بيروحون أولى & ثانيه روضه ..& حياكم &

اليوم رحت سالت التيجر قالت انها قالت حق الصف كله قعدوا
بس بنتي حساسه ازعلت على بالها انها اهي
اعتذرت من التيجر

معطينها هوم ورك
حلت واحد والثاني باجر ان شاء الله

والمساحل اليوم على برد هههههههههههههههه

 

[دلوعة روحي]

مساء الخير

شلونكم بنات ؟؟

 

[عشق]

رد : تجمع إلي عيالهم بيروحون أولى & ثانيه روضه ..& حياكم &

اهلين دلوعه احنا بخير وانتي

 

[توتاتوتا]

هلا توتوتا أنا عيالي بثانيه روضه

انتي عيالج أي صف ؟؟

عيالي اولى روضة بس بخاص و عندهم بعض الواجبات و حفظ يعني شوية ارقام و حروف و سور قصار

امي مدرسه سابقا تقول اسسيهم من الحين مسكة القلم و الحروف و الارقام و شلون يحلون علشان هالسنتين مافيها رسوب و ترتاحين اذا دخلوا ابتدائي كلامها عاجبني بس تعبت 3 الله يصلحهم ماقدرت بالذات الواجبات طلع تعليم الكتابه اصعب شي

 

[العياره]

شلووونكم

وااي ذبحني ولدي صااير واايد يعاند زهقت منه والحين قااعد يمي موراضي يناام يقول الا بناام بدااركم

شسويله بالله

 

[أم@الحلوين]

عشق..فدييت الحاسه والله يحلوهاا


دلوعه ..مساء النور احنا زينين انتي شخبارج ؟


توتاتوتا..اسم الله عليهم وصاجه امج بكل كلمه قالتها التأسيس من هالسنتين عشان لا يتعبونج لمن يكبرون أنا شارتلهم سبوره من ايكيا كل واحد وحده واقعدهم عالكرسي واشرح لهم أول الارقام بالعربي وبعدها أعلمهم الحروف الهجائيه وبعدها اسمهم ويوم احفظهم الايات لصغيره ويوم الحروف الانجليزيه ومرات اطبع لهم اوراق عمل واحل معاهم وغير القصص التربويه اللي اهي شي اساسي لهم وبس


العياره..اهلين
وااااااااي الله يعينج حقريه ولا تعطينه ويييي وقطي نغزات عن الياهل اللي ما يسمع كلام امه الله شسوي فيه وما يحبه :eh_s(4):



يوميات عيالي بالروضه اليوم ..

أول ما قعدتهم واحد منهم قال ما يبي يروح الروضه تعبان أهو اول امس كان صدره متنق وعطيته كمام ونام ولمن قعدته الصبح قالي انا بغيب أهو ما مداه يداوم الاخ على طول بغيب :lkmnkl: وشكثر حنيت هم مارضى يروح قمت بدلت ولدي الثاني ورديتله ولمن خلص تادوام رحت يبته ولا مسوين لهم مسابقات ومعطينهم هدايا ورايحين المرسم وكل واحد راسم رسمه حلوه ويهديها حق امه :tongue22:
ومعلمينهم خبرة الحاسب الالي وولدي مستانس كل دقيقه يقولي بشبك هههههههههههههههه:krkrkr:
وولدي اللي غاب قام يصرخ وعصب على اخوه ليش غاب شكوو انت بروحك قلت ماني رايح يطلع حرته بالمسيجييييييييين:eh_s(2):

 

[دلوعة روحي]

عشوق و ام الحلوين

بخير الحمدلله

بنات بسالكم احد منكم جرب يسوي عيد ميلاد عياله بالروضه ؟؟

 

[دلوعة روحي]

شلووونكم

وااي ذبحني ولدي صااير واايد يعاند زهقت منه والحين قااعد يمي موراضي يناام يقول الا بناام بدااركم

شسويله بالله

واي احس يصيرون جذي

يعني شخصيتهم احسها تصير اقوى

انا ولدي لحد الحين قاعد

مع انه نايم ربع ساعة العصر بعد

مادري شسوي بفترة العصر ؟؟ ما ابيه ينام

بس هم احنا نرد تعابى من الدوام

فمابالج اليهال

حرام يكسر الخاطر يقعد يترجاني عشان ينام شوية :eh_s(2):

 

[أم@الحلوين]

أنا لأ ماجربت بغيت أسوي أصلا عيد ميلادهم شهر 6

بس بنت خالي سوت عيد ميلاد بنتها بالروضه وشيشتني احتمال هالسنه اسويلهم عشان يستانسون

بعد ما استذنت من الناظره ترتيباتها كانت طالبه كيكه من سابليه وشاريه معجنات وكب كيك للأطفال وكرتون ماي وعصاير وصحون وقفاش

وحاطه بالصف كله بالونات وزينه وشاريه هدايا لليهال كافي ان بنتها استانست

 

[العياره]

ام الحلووين اي طنشته يكلمني ولا ارد عليه واعطيه من هالنصاايح لما اقتنع برووحه رااح نااام

دلووعة رووحي الاسبوع اللي طاف رفيجة ولدي بالصف كاان عيد ميلاادهاا امهاا ياايبه كيكه وصحون وقفااش وهداايا حق اليهال

 

[أم@الحلوين]

العياره..زييييييين تسوين فيه ما ينفع معاهم غير الحقرااااان

 

[دلوعة روحي]

و الله ودي اسويله

عيد ميلاده بعد 9 ايام

و خصوصا اني راح اكون باجازة

شكلي باجر بروح انسق مع ابلته

شيشتوني

لان ولدي كل يومين يرجع من المدرسة يقولي اليوم سووا عيد ميلاد فلان

و اليوم عيد ميلاد فلانه و يكون حده مستانس

ففكرت اسويله حبيبي

خل يستانسون اليهال





العيارة

يالله عالبركة الفال حق اللي عندي

 

[دلوعة روحي]

و الله ودي اسويله

عيد ميلاده بعد 9 ايام

و خصوصا اني راح اكون باجازة

شكلي باجر بروح انسق مع ابلته

شيشتوني

لان ولدي كل يومين يرجع من المدرسة يقولي اليوم سووا عيد ميلاد فلان

و اليوم عيد ميلاد فلانه و يكون حده مستانس

ففكرت اسويله حبيبي

خل يستانسون اليهال





العيارة

يالله عالبركة الفال حق اللي عندي

 

[أم@الحلوين]

خلاص دام جذي سويله خليه يستانس حبيبي كل عام واهم بخير وعقبال ماتلبسينه بشت عرسه ياااااااااااااااااااااارب

 

[بتبوتااا]

احنا تمام وان شاء الله كلكم تمام

ام الحلوين

ما خليتها كلمتهاا وعرفتهم انه كل صغيره وكبيره توصل لي وعلى طول اروح لهم عادي عندي ,
واليوم ما وديتهم الروضه لانه اخوهم مريض :/

شوفو مشترواتي لطلبات الروضه ,

http://www.q8yat.net/showpost.php?p=19711723&postcount=278

 

[أم@الحلوين]

بتبوت .. زين سويتي

وبالعااااااااافيه الاغراض يونسون

بغيت أسألج عدة النظافه من وين تونس ؟؟

والطاوله اللي عليها حروف وايد زينه ومفيده حق اليهال؟؟


والطين الطبي هم من وين؟

و سامحيني اذيتج بالأسئله

 

[عشق]

رد : تجمع إلي عيالهم بيروحون أولى & ثانيه روضه ..& حياكم &

دلوعه
انا سويت عيد ميلاد بنتي باول اسبوع صادف المدارس
شريت كيكه على ستروبري كيك
وفطاير ودونت
وعصير
وقفاش وصحون وزينه وتفاخيات
وهدايا من بو 100 فلس حطوهم بجنط اليهال
وغنوا وصفقوا لها
وراحت حصتها
حدها استانست
وما ترضى اليهال يكلموني تقول لهم هذي ماماتي انا ههههههههه

 

[lazaward]

السلام عليكم
شلونكم يا امهات صارلي جم يوم ما اشبك كل يوم تصير عندي شغله
اليوم بنتي طالبين منها لبس حق يوم التخضير راح يكون يوم الخميس
فا طالبين تلبس اي لبس على ورده والا على خضره
انا فكرت اشتريلها لبس ورده من محل الالعاب عشان تصير نفس اغنية قطوره
والا انتوا شرايكم عندكم اقتراح ثاني

انا ولدي هناك بعد

اتينن هالروضة و ناظرتهم اليديدة شكلها حليوة

و الوكيلة عسل و خدوومة

اي والله صاجه الناظره اتينن وايد عسل وحبوبه
والوكيله والله وكل الادارة زينه
انا شفتهم باللقاء التنويري

 

[دلوعة روحي]

خلاص دام جذي سويله خليه يستانس حبيبي كل عام واهم بخير وعقبال ماتلبسينه بشت عرسه ياااااااااااااااااااااارب

اي ان شاء الله بسويله خلاص :eh_s(6):

 

[دلوعة روحي]

رد: رد : تجمع إلي عيالهم بيروحون أولى & ثانيه روضه ..& حياكم &

دلوعه
انا سويت عيد ميلاد بنتي باول اسبوع صادف المدارس
شريت كيكه على ستروبري كيك
وفطاير ودونت
وعصير
وقفاش وصحون وزينه وتفاخيات
وهدايا من بو 100 فلس حطوهم بجنط اليهال
وغنوا وصفقوا لها
وراحت حصتها
حدها استانست
وما ترضى اليهال يكلموني تقول لهم هذي ماماتي انا ههههههههه

اي ماشاء الله

اليوم اقولج كلمت ابلته

قالت عادي وة تقدرين تيين و تصورين

قالت ماله داعي اي فطاير بس الكيكة و القفاش و الصحون و اذا حابة هدايا

لان الاطفال راح يكونون متريقين

و خلاص ان شاء الله ناوية اجهز شوي شوي:eh_s(9):