تجمع إلي عيالهم بروحون أولى روضة **حياكـــــــــــــــــم** (2009 - 2010 )

[أم@الحلوين]

السلام علـــــــــــــــــــــيكم


الموضوع باين من عنوانه تجمع إلي عيالهم بروحون أولى روضة سويت هالتجمع عشان نفيد ونستفيد من بعض


من احتياجات وملابس وأغراض يعني كل ما يحتاجه الطفل في هذي المرحلة عشان عيالي اسم الله عليهم بروحون الروضة


هالسنه ومحتاره ..


ناطرة تفاعلـــــــــــــــــــــــــكم يا أمهات :ggdw:

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

؟؟
4مشاهدات ولا رد!!!!!!!!!!!!!!!!!!

 

[همسQ8]

رد: تجمع إلي عيالهم بروحون أولى روضة **حياكـــــــــــــــــم**

مرحبا انا ولدي بجري بروح اولي روضة وخايفة علية وبعد مستانسة بس انا سجلت بروضة خاصة افيد لة بحكم اني مدرسة روضة لان التدريس رياض فاشل مايستفد الطفل ولاشئ
واذا عندكم اي استفسار عن الرياض حياكم

 

[Om JaSsOm]

رد: تجمع إلي عيالهم بروحون أولى روضة **حياكـــــــــــــــــم**

أنا بنتي الحين بأولى روضه وأوديها مدرسة خاصه english play group قبل كنت أحط بجنطة المدرسة ريوق حقها ومطارة ماي واهم بعد هناك يمشون على نظام اكل معين ومسوين لهم جدول كل يوم يوكلونهم شي وهم معودين اليهال وقت الاستراحة كل واحد يبطل جنطته وياكل اللي عنده .. طبعا الاكل الغير صحي مثل بطاط وكاكاو وخرابيط ممنوع مايرضون لازم يكون اكل صحي وبنتي طبيعتها أكلها قليل ولا يعجبها اي شي فترجع من الروضه اكلها على حطته مو جايسته بس تاكل اكل الروضه واهم يعطونهم وجبتين الريوق من عندهم الساعه 9 وبعدها وجبة خفيفه اللي اهي اكلهم بالجنطه ومرات تاكل اللي احطه لها بالغلط فترجع البيت شبعانه حتى غداها ماتاكله عشان جذي هونت ما قمت احطلها شي الا حليب كاكاو لانها مدمنه عليه .. .وكنت احطلها مطارة ماي اقول يمكن تعطش تبي تشرب بس تلفتنا المطارة تسرب ماي مادري شلون وكل مطاره اشتريها نفس الحالة تدمر الجنطه وهم لاحظت انه جناط اليهال يعلقونهم برا مايدخلونهم معاهم فقلت مايحتاج احطلها حتى ماي لانه كل شي موجود ومتوفر عندهم .. قمت اوديها على ملابسها اللي عليها وجنطة عوده شوي مو جنطة اكل احتياط اذا بيحطون لها كتبها فيها عشان الواجبات وبس

 

[love love]

رد: تجمع إلي عيالهم بروحون أولى روضة **حياكـــــــــــــــــم**

أنا بنتي الحين بأولى روضه وأوديها مدرسة خاصه english play group قبل كنت أحط بجنطة المدرسة ريوق حقها ومطارة ماي واهم بعد هناك يمشون على نظام اكل معين ومسوين لهم جدول كل يوم يوكلونهم شي وهم معودين اليهال وقت الاستراحة كل واحد يبطل جنطته وياكل اللي عنده .. طبعا الاكل الغير صحي مثل بطاط وكاكاو وخرابيط ممنوع مايرضون لازم يكون اكل صحي وبنتي طبيعتها أكلها قليل ولا يعجبها اي شي فترجع من الروضه اكلها على حطته مو جايسته بس تاكل اكل الروضه واهم يعطونهم وجبتين الريوق من عندهم الساعه 9 وبعدها وجبة خفيفه اللي اهي اكلهم بالجنطه ومرات تاكل اللي احطه لها بالغلط فترجع البيت شبعانه حتى غداها ماتاكله عشان جذي هونت ما قمت احطلها شي الا حليب كاكاو لانها مدمنه عليه .. .وكنت احطلها مطارة ماي اقول يمكن تعطش تبي تشرب بس تلفتنا المطارة تسرب ماي مادري شلون وكل مطاره اشتريها نفس الحالة تدمر الجنطه وهم لاحظت انه جناط اليهال يعلقونهم برا مايدخلونهم معاهم فقلت مايحتاج احطلها حتى ماي لانه كل شي موجود ومتوفر عندهم .. قمت اوديها على ملابسها اللي عليها وجنطة عوده شوي مو جنطة اكل احتياط اذا بيحطون لها كتبها فيها عشان الواجبات وبس

واشلون دراستهم؟؟؟

ولد حماي اهناك واحسه مستفيد مشاءالله عليه اهو احسه يمشي عمره

بس ماتدرين عن حضانتهم؟

 

[بطة الزلبطة]

رد: تجمع إلي عيالهم بروحون أولى روضة **حياكـــــــــــــــــم**

انا بنتي العودة ان شالله شهر 9 تدخل اولى روضة وسجلتها بالenglish play group بعد والله من كثر ما يمدحونها قلت اجربها لان الخاص وايد احسن من الحكومة اللي ماعندهم غير اللعب مايعلمون اليهال شي والروضة اهم مرحلة لان الياهل يتاسس صح بالعربي والانجليزي والحساب

 

[باونتى]

رد: تجمع إلي عيالهم بروحون أولى روضة **حياكـــــــــــــــــم**

انا بعد وياااااااااااااااكم :eh_s(6): ان شاء الله ولدى حبيبى بيروح اولى روضه وانا سجلته فى مدرسة التكامل العالميه وودى استرى له جنطه تكون مميزه حق الروضه

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

هلا بكل الي انظموا حق التجمع والله يخلي عيالي وعيالكم يارب وعقبال يوم تخرجهم من الجامعة

انا عيالي حطيتهم بحضانة الانجليزيه واااايد ستانسوا

بس الحين سجلتهم بروضة حكوميه قبال بيتي احس انه اريح من الزحمه واللويه والروضه يديده

صار لهاا سنتين من فتحوهاا واااااايد نظيفه وسنعه ومدرساتهم يهبلون يشرحون الصدر

بس هم احاتي وافكر اقول اخاف عليهم شسوي

من وين اشتري ملابس الروضه؟ وشنو يحتاج؟

 

[الحــــــلا كله]

رد: تجمع إلي عيالهم بروحون أولى روضة **حياكـــــــــــــــــم**

انا بنتي بعد ان شاء الله شهر 9 تدخل الروضه
بس بسألكم بنات وين صايره english play group
وجم رسوم الدخول ؟

شجعتوني عليها

 

[um 3li]

رد: تجمع إلي عيالهم بروحون أولى روضة **حياكـــــــــــــــــم**

انا ولدي سجلته بالتكامل والحمدلله قبلوه

بس بعدي ما زهبت ولا شي

بس ان شاء الله باخذله اليونيفورم شهر 8 ، وراح آخذله ملابس داخلية جديده
تكرمون جوتي جديد حق الرياضة
والجنطه بعدي ما ادري من وين راح آخذها بس راح اخليه اهو الي يختارها

والله يخليلنا عيالنا وعيالكم يااااااااااااااااااااارب

 

[Brounzi_girlly]

رد: تجمع إلي عيالهم بروحون أولى روضة **حياكـــــــــــــــــم**

بنات انا بنوتي الكبيرة هاسنة دش الروضة بس ماسجلتها مادري خلص التسجيل او لأ الله يعافيكم الي عندها فكرة تقولي وبيني بينكم ودي اسجلها بخاص
مع التحية...........

 

[Turquoiseya]

رد: تجمع إلي عيالهم بروحون أولى روضة **حياكـــــــــــــــــم**

انا للحين ابي روضة سنعة في المنطقة العاشرة ومحتارة للحين

 

[بطة الزلبطة]

رد: تجمع إلي عيالهم بروحون أولى روضة **حياكـــــــــــــــــم**

حبيبتي الحلا كله ال english play group لها 3 افرع بالسالمية ورى المطافي وفي برميثية تصير عالشارع مجابل منتجع شيك وعندج بسلوى جبال البنزين اللي بعد الجمعية وبداية التسجيل 100 للحجز واخر اغسطس 450 دينار وبعدين كل شهر 90 يعني الحلو اللي فيهم انه نظام دفعات مو نفس باجي المدارس دفعتين وهذا طبعا شامل الملابس والكتب والاكل بعد عليهم

 

[Baby^Bop]

رد: تجمع إلي عيالهم بروحون أولى روضة **حياكـــــــــــــــــم**

انا بسجل معاكم ولدي أولى روضة ان شاء الله شهر 9 والله يوفقهم وعقبال مانسوي تجمع للخريجين من الجامعة

 

[Brounzi_girlly]

رد: تجمع إلي عيالهم بروحون أولى روضة **حياكـــــــــــــــــم**

بنات متى آخر يوم تسجيل الله يعافيكم

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

بنات انا بنوتي الكبيرة هاسنة دش الروضة بس ماسجلتها مادري خلص التسجيل او لأ الله يعافيكم الي عندها فكرة تقولي وبيني بينكم ودي اسجلها بخاص
مع التحية...........

التسجيل ليه28/5 روحي باجر ليش ماسجلتيه مبجر؟

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

السلام عليكم

 

[Om JaSsOm]

رد: تجمع إلي عيالهم بروحون أولى روضة **حياكـــــــــــــــــم**

آخر يوم تسجيل 7-5-2009 في english play group اهم محددين اول اسبوع من شهر 5 كل سنه حق التسجيل .. اما باجي المدارس الخاصه ماعندي فكرة عن آخر موعد للسجيل

 

[نور-الكويت]

رد: تجمع إلي عيالهم بروحون أولى روضة **حياكـــــــــــــــــم**

انا سجلته حكومه لأن الخاص كله فل
وانا كنت ابي الرؤيه ولا روض الصالحين ولا الابداع
الحمدالله على كل حال الخيره فيما اختاره الله
وان شاء الله ثانيخ روضه بشد حيلي وادخلها مدرسه خاصه
يارب يسر امري

 

[قطوه^برونزيه]

رد: تجمع إلي عيالهم بروحون أولى روضة **حياكـــــــــــــــــم**

انا معاكم بالتجمع ان شاء الله ولدي بيروح اولى روضه وسجلته بالانجليش بلي قروب بس محتاره احطه بسلوى ولا رميثيه