تجمع إلي عيالهم بروحون أولى روضة **حياكـــــــــــــــــم** (2009 - 2010 )

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

هلا ام شهوده اي والله فقدناج جم يوم

شخبارج وشلون شهوده؟؟

اسم الله عليها الرحمن الله يحفظها يارب

انا اليوم عيالي كان عندهم يوم ترفيهي بحضور الفنان طارق العلي استانسوا ولونوا ويهم وعطوهم هدايا

 

[فطيرة فراوله]

رد: تجمع إلي عيالهم بروحون أولى روضة **حياكـــــــــــــــــم**

السلام عليكم امهات اشلونكم اليوم
ام الحلوين الله يخليلج الحلوين الحمدلله انهم اليوم اوكي
وانا قلت حق العياره وديه غصب والحمدلله انفعت الطريقه صج بجى اهناك اشوي بس الحمدلله حب الروضه وانشالله باجر بيروح
داريني عيب الناظره جذي تعامل اولياء الامور بس في اولياء امور دعله ما يروحون وهذا اللي يزيد الطين بله والله اليوم في صف رفيجتي ياهل يبجي قلت حق الام هديه و طلعي بس هدته والله والله سكت ولا كلمه مش دموعه وقعد طلعت لقيتها واقفه اطلطل تسالني اشلونه قتلها سكت ولا كلمه عشان جذي طلعتكم بس الاسلوب يختلف
وناسه ام الحلوين ياييبين لكم طارق العلي احنا السنه قبل اللي طافت يبا شعبانوو و اسماعيل سرور انا قمت اصور معاهم واستانست عليهم ههههههههه
ام شهوده الله يخليلج الحلوه شهد وبخريها من العين حتى ترى في ابلات يفز قلبهم على جذي اطفال ديري بالج عليها يا قلبي
وسلامي للجميع

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

عليكم السلام
هلا ابله فراوله شلونج وشلون البنات الحلوين الله يخليهم
اي زين سوت العياره يبجي شوي ويسكت على ما يتأقلمم شوي شوي انا جذي اوصلهم ليه الصف واقعد اطلطل عليهم من دريشة صفهم ودي اروح وودي اضل اشوفهم واخاف عليهم حبايبي بس شسوي لازم اقوي قلبي واخليهم يعتمدون على روحه والله حافظهم
اي اقولج اليهال بدعوا واستانسوا بس بطوا جبدي بس جافوني جلبو فيني
ومن باجر راح يبدي الدوام الاساسي خلصت فترة التهيئه
انتوا باجر بدرسون اليهال؟
العياره وينها؟؟ اكيد نامت

 

[العياره]

رد: تجمع إلي عيالهم بروحون أولى روضة **حياكـــــــــــــــــم**

لاااااااااا كااني الحين بناااام ههههههههههههههه

لا والله مادري شفيني كله لايعه جبدي ومعدتي تعورني

وولدي اليوم تعبان وديته المستوصف حطوله كمام بس واخييييراااا باااجر بيروح الروضه واهو راااضي خخخخخخخخخخخخخخ

اخبااارج واخبار الحلوين حتى باااجر اهمه بيبدون دراسه بس مااعطوني الطلبااات

ونسيت اخذهم من ابله فطيره

والمنتدى ليش صاااير جذي غثيث بطييييئ واااايد

 

[ذهبيه مرصعه بألماس]

رد: تجمع إلي عيالهم بروحون أولى روضة **حياكـــــــــــــــــم**

هلا وغلا فيكم
ما أبي اقول أي روضه اخاف يحطون على بنتي وولدي الابلات يمكن عضوات معانا لأن حيل حيل حيل الابلات مالهم خلق
أمس و اليوم بنتي وولدي شوي تاقلمو مع الوضع

و أمس كانو حاطين لولو كاتي و كانت حيل خايفه .. جان اروح حق اللي لابسه الشخصيه و اقولها فصخي الراس خل تشوفج بنتي إهي مو مقتنعه انكم بشر !!

و أول ما شالت الراس

بنتي مبققه عيونها مو مستوعبه مو مصدقه والله شكلها يضحك. صدمه !!!

عشر دقايق البنت منصدمه

بس بعدين عادي . و صارت تسأل وين لولو كاتي و وين لولو كاتي و صورت معاها اليوم ما كانت موجوده لولو كاتي ضاق خلقها بنتي .

يا زينهم والله

ولدي شيطان الله يستر عليه

و بنتي مدام أخوها معاها متطمنه

و اليوم أشوف الأبله قاعده تعلمهم دعاء الصباح و قرآن
و دخلت الممرضه عليهم .. و قامت تلمسهم من راسهم ( المفروض في جهاز مال الحراره اللي على الجبهه ترا مايكلف كلش...) أبي اعرف شلون تعرف غذا واحد مصخن و لا الملابس محررته

بعدين وحده من أبلاتهم ما اشوفها إلا خمس دقايق و كله مغلقه و مكتئبه انا الام اكتئبت منها الله يعين الاطفال صراحه هاذي امانه و توهم صغار ما نبيهم يتعقدون

و سألتهم اليوم شسوو قالو رحنا الفرصه قلت شنو الفرصه قالو ألعاب و ديارف

الله يعين بس ياريت الإهمام بالنفسيه الحلوه و الله الضحكه و الابتسامه و الصوت الهادي يجذب الاطفال ... حرام الصراح في ابله بصف قريب من صفوف عيالي بس أسمعها تصرخ حراام عليج بطيتي روسهم توهم قاعدين من النوم كل مره على هالحاله

و فطيرة فراوله انتي مثال نادر للمدرسات لان لو كل وحده قامت بواجبها بذمه و ضمير والله راح تلقاها بدنيتها قبل آخرتها

انا رحت مجمع منيره السرداب خذيت حق بنتي بنطلون مخمل بناتي ب 3 و 900 شي جذي يهبل و دفي و قصته حلوه مع البوت لان صارلي مده ادور بدلة روضه جاهزه بنطلون بس ما حصلت قلت خل أقلد قمر الكويت ماشالله عندها حب تركيب ملابس الاطفال و يعجبني ذوقها

قمت خذيت هالبنطلون و ركبت معاه جاكيت مخمل كنت شاريته من وحده بمعرض افكاري تبييع بدل أطفال من بره خذيت لها هالجاكيت لان بنتي تحب اللون الاحمر و فنيله هاي نك مكشكش كنت ماخذتها من نكست ساده ما فيها شي مع البوت الاسود طلع شكلها ذرب

و خذيت ترنق من زارا رمادي فيهم ترتر حلو على الكتف بس ما ادري عادي نلبسهم ترنق و لا لأ؟؟؟؟

 

[نونه العتيبي]

رد: تجمع إلي عيالهم بروحون أولى روضة **حياكـــــــــــــــــم**

هههههههههههههههههههههههههه
يا حليلها بنتج يا الذهبية
مساكم الله بالخير بنات
عبودي اليوم مابغى يدش الصف باين عيالنا كلهم مطقمين دلع على الصبح المشكله لما يرد من الروضة شلوووون اقنعه ينام بعد الغدى لأني اخاف أخليه على قومته من الصبح وينام المغرب يتخربط نومه
والمشكلة الثانية بنتي جوري حيييل متعلقة فيه ويوميا مناحه ما أدري بشنو ألهيها إهي عمرها 3سنين

 

[&شهرزاد&]

رد: تجمع إلي عيالهم بروحون أولى روضة **حياكـــــــــــــــــم**

صباااااااااااااااح الخيررررر ياا امهاااااااااات

شلووووووونكم ويااااااي قعدت الصبح واي عذاب بس احلىى شي لما تشوفوون عيالكم دااشيين مع اليهال ومستانسين تحسون بدوووو مستقبلهم



اليوووووم بنسبه لي اول يوم وديت ولدي فيه الرووضه لان كان مريض ونشله فخليته يرتاح هل الجم يووم

مع اني كل يوم اهيئه للمدرسه يقولي مابي روح بس بسم الله عليه اليوم حط نفسه جدام الامر الواقع وقال شكلها هل المدرسه مامنها مفر


صج بنات ليش قلوبناا جذي بسرعه تنكسر على عيالناا كسر خاطرر مقعدته من الصبح اشوي يبجي واناا ام قلب بغيت اقوله نااام لوووووول

والحين قاااااعده احاااااااااااتينه تريق شرب ماي رااح الحمام تكرومون واى المخ يشتغل

سؤال بنات انتووو اول يووم خذيتو عيالكم مبجرر ولا خليتهم لي الهده ؟؟



مااااكووووو احد غيررري ؟؟

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

صباح الانوار هلا شهرزاد احنا بخير انتي شلونج00

اي والله احلـــــــــــــــى شي لمن اتشوفينهم يروحون مع اليهال ومستانسين تحسين بشعور غريب صح

مايشوف شر ولدج وزين سويتي ماوديتيه اليومين اللي طافوا اهم شي صحته

وعادي اليوم اي حزه اخذيه عشانه اول يوم يداوم

واحنا محد بيودينا ورا الشمس غير قلوبنا اللي بسرعه تنكسر ودمعتنا على طرررررريف

 

[&شهرزاد&]

رد: تجمع إلي عيالهم بروحون أولى روضة **حياكـــــــــــــــــم**

الله يبلغنااا فيييهم ياااااااااااارب ونشووف بأحسن المستوياااااااات


قلت حق ريلي بروح اطل عليه بالعشر اشوفه شنووو سوي يقولي لا خليه اخاف يشوفج يجلب فيج

الله يصبر قلبي لييين اروح اخذه لووووول شدعوه على قلبتها فلم هندي

 

[العياره]

رد: تجمع إلي عيالهم بروحون أولى روضة **حياكـــــــــــــــــم**

صباااح الخير شلوونكم

اليوم الصبح وديته خذا كمام وعالساعه 8 وديته المدرسه اشوه اليووووم دش من غير لايبجي ولا يحن كللللللوووووش

باخذه بالهده واوديه سوق بو 100 يمووت عليه واهو اللي شارط هههههههههه

 

[داريني]

رد: تجمع إلي عيالهم بروحون أولى روضة **حياكـــــــــــــــــم**

صباح الخير

بنات شلون تدخلون صفوفهم عادي مني وطريج

انا اوصل ولدي لي مسرح وامشي ودي انطر لما يدشون صفهم واشوفهم
بس لوووول ماحد معطيني ويه من الابلات
وانا اوصل قبلهم يالله اليوم شفت وحده منهم وسلمت على سريع ومشت

والمشكله دوامي طويل وما اقدر اييبه


فطيره فراولة
امبيييييه بعد البحث والمدواوله انا ومرت اخوي
عرفنا انج فرواله الي كانت معانا بالحج طلعتي انتي لووووووووووووووووووول
اكيييييييد يحبوونج اليهال لانج بكبرج بيبي

وشلوون بناتج والفروالة الصغيره

مشاءلله اغلب البنات عقب الحج عيلو مره ثانيه منهم مرت اخويه يابت نور
بس انا للحين مسويه حظر لووووووول

 

[داريني]

رد: تجمع إلي عيالهم بروحون أولى روضة **حياكـــــــــــــــــم**

بنات انا اعاني مع ولدي
اذا رد يبي ينام واذا نام العصر ما ينام امبجر

واذا نام امبجر يقعد الفير وبكل نشاط وحيويه بالله منو بيجابله

صج احترت معااه

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

صباح الانوار هلا العياره

سلامه الكتكوت مايشوف شر

وكلللللللللللللللووووش يبيله هبان

وشرطه ولدج عجييييب الله يخليه يارب^_*




صباح النور هلا داريني

اي انا اوصله ليه الصف شكل روضة ولدج قشره والابلات نحيسييييييين

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

انا عيالي جذي يسون بس يردون يبون ينامون

بس كذر مااقدر احاول اسليهم احط لهم بلاي ستيشن والعاب وانا اقعد معاهم واسولف واقول قصص

عشان اطير النومه وامس عشيتهم وسبحتهم وناموا7 ونص

 

[داريني]

رد: تجمع إلي عيالهم بروحون أولى روضة **حياكـــــــــــــــــم**

صباح الانوار هلا العياره

سلامه الكتكوت مايشوف شر

وكلللللللللللللللووووش يبيله هبان

وشرطه ولدج عجييييب الله يخليه يارب^_*




صباح النور هلا داريني

اي انا اوصله ليه الصف شكل روضة ولدج قشره والابلات نحيسييييييين

اي معنه والله خوش روضه كانت روضتي اتذكر وناسه لوووووووول===لا والله
بس لازم ادرعم عليهم
باجر باخذ استئذان من الدوام وبروح اشفي غليلي بالروضه
بقعد لما ينهدون لووووول عاد يصير عاد واصير دعله

انا عيالي جذي يسون بس يردون يبون ينامون

بس كذر مااقدر احاول اسليهم احط لهم بلاي ستيشن والعاب وانا اقعد معاهم واسولف واقول قصص

عشان اطير النومه وامس عشيتهم وسبحتهم وناموا7 ونص

انا الهيه والله بس م مشكله انا من اغط على القنفه ايي ويتشطح يمي لووووول
من تعب انام واهوه ينام

 

[العياره]

رد: تجمع إلي عيالهم بروحون أولى روضة **حياكـــــــــــــــــم**

دااريني انتي حااول ملتنامين عشاان لايناام واذا على الصف درعمي انا ولدي اوصله لي دااخل الصف

ام الحلوين اي بشوفله موسى فيروز خخخخخخخخخخخخخخخخ

شنو الطلبات اللي طلبوها ؟

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

مرااااااحب هلا برفيقة دربي <<<<<<حلوه هذي

الله يبارك فيج حبيبتي وتسلمين والفال حق ميمي مسمس يارب تشوفينهم بأعلى المراتب يارب

افا عليج العين اوسع لج من المكان حياج

ميمي شمسويه بالحضانه ؟؟

 

[العياره]

رد: تجمع إلي عيالهم بروحون أولى روضة **حياكـــــــــــــــــم**

يالله انا بروح انشف شعري والبس عشااان بروووح

باااي

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

حتى انا بقوم اتوضى والبس عشان اصلي واروح اييب الحلوين

اشوفكم بالليل

باي

 

[أم@الحلوين]

رد: تجمع إلي عيالهم بروحون أولى روضة **حياكـــــــــــــــــم**

وااااي الله يعينج

عيل بالروضه اشبتسوي بطلعلج قرووووون ^_*