تجمع أولياء أمور مدرسة التكامل(صباح السالم)للعام الدراسي2009-2010

[نواره الحلوة]

صباح الخير ,,
اشلونج نواره وشخبارج .. انا قبل فتره شفت الجدول وبالنسبه لنا البرودكشن يوم 1/4 مع الريبورت الثالث وبعدها تبدي العطله اسبوع يعني 4/4 بدايه العطله مثل ما قلتي .

رفرف مشكوره عالسايت وايد حلو .

هلا والله مناره احنا البروداكشن يوم 18/3 أمس ياب الورقة ويبون خمس دنانير عشان الدي في دي بس والله اذبحونا بالعطل يعني راكضين بالمنهج ركض وموملحقين مع العربي وهم بعد عطلة يبه خلوهم عندكم وراجعوا الدروس معاهم ولا تعطونهم شي يديد وقعدة اليهال بالبيت بس حق الهواش والنجرة وتخترب نومتهم والله اقعد بالدوام على أعصابي من كثر ما احاتيهم بالبيت الله يعينا والله :lkmnkl::lkmnkl:

 

[um 3li]

أم علي

احنا للحين ما عطونا ولا هومورك

نوارة انا ولدي بكي جي 1 E عند مس ايرما

ليلحين معطينه 3 واجبات والدفتر من عندهم بس قالولي اجلد الدفتر وانا نااااااااااااااااااااسيه التجليد وايامه بس اهم شي اني جلدت بدون فقاقيع :rerrerek::rerrerek:

اول واجب يكتب اسمه
ثاني واجب يكتب من 1-4
ثالث واجب 5و 6 و حرف C E W

 

[رفرف]

نواره حرام عليج انا ادور العطل دواره وكلها اسبوع ما تخترب النومة بس احنا نريح شوي من التدريس والاعصاب ..
وانا بعد مدرسة يعني تدريس الصبح وتدريس العصر صج صج تعب ...



بناااات ..
اذا تحبون تقرون كتب عن التربية وجذي في كتاب اسمه (الأطفال المزعجون) د.مصطفى ابو السعد روووعة بمعنى الكلمة انا ماخذته من زمان من معرض الكتاب بس ما يي دوره توني اقراه ومن أروع الكتب اللي قريتها لأنه وايد يتكلم عن التربية في الإسلام وكلامه وايد مقنع فيعني أدري طلعت عن الموضوع بس أنصحكم بالكتاب وبشده ..

 

[نواره الحلوة]

أم علي
للحين ما عطونا شي بس آنا قاع أكتبه بالبيت اسمه بالعربي والانجليزي وكل ما يابوا الجدول الاسبوعي اعلمه الحروف اللي يبونها واراجع واياه ولو اني مو حيل امجابلته لأن الكبير بقريد 2 وياخذ كل وقتي فأعطي الصغير دفتر وأقوله المس اتقول هذا هوموركك عاد يستانس يكتب بعد عمري حسباله صج
رفرف
صاجه ان ما كو تدريس العصر وأعصاب بس يختج آنا اللي عندي صبيان اتصير معارك الصبح وكل ساع واحد داق علي بالدوام يمه هذا طقني وهذا خذا البي اس بي وما أرد إلا الدنيا فوق تحت والخدامة ما تقدر عليهم وآنا أخاف اتعبثون باي شي الكهربا والا المطبخ والله قاعد أكتب ويوم تذكرت عورني بطني من المحاتاة

 

[um 3li]

نوارة الحلوة

صاجه والله نومة العصر صارت محرمه والسبب نجرتهم سمله عليهم وطقني واطقك غير الصراخ
مع انهم بنت وولد وبينهم 3 سنوات بس ماادري ليش يتهاوشون ؟؟؟؟؟؟؟؟؟؟؟؟؟؟؟؟؟؟؟

واخاف اخليهم عند الخدامه ما تقدر عليهم الصراحه

 

[manarah]

رفرف صاجه احنا ندور العطل بس هم هالسنه التكامل بدعوا بالعطل لان اهم نظام المدرسه كل شهرين عطله اسبوع وهذا غير العطل الثانيه اللي صادفتنا اللي هم عيد الاضحى والوطنى فحسيت السنه هذي كلها عطل ...

مشكوره رفرف عالكتاب وبروح جرير اشوفه لان اللي عندي اسم الله عليهم فوق المزعجون ود ابو السعد لا يعلى عليه استانس اسمعه اذا كان عنده برنامج بالتلفزيون .



ام على احنا مازلنا من غير هووم ورك بس بالكي جي 1 سالفه الهوموركات تكون على حسب الابله بس من الكي جي 2 لا الهووم ورك الزامي ونفسه حق كل الصفوف .

نواره حتى احنا بالعربي ما نلحق يعني واجب الكتاب والا ينسخ الجمل والا تحفظينه الدرس حق الاملاء .. هالاسبوع كان وايد ضغط بالهووم وورك .

ليلحين ما خلصت من سالفه طيرنا حق البرودكشن انشالله اقدر اخلص بالويك اند وافتك .

 

[كوكو لاتي]

السلام عليكم



الثلاثاء انشاله بودون ولدي حديقة الحيوان حده مستانس


وبالنسبه للهوموورك حق كي جي1 ماعطونا شي

 

[كويتيه ذربه]

اشلووونكم
والله ضحكتوني الظاهر سالفه اليهال كلنا نفس الحاله -مستحيل يتوالمون لازم خزني ولا عيب علي ولا ماخذ اغراضي ولاطقني ومانخلص
ام علي
انتي نفس حالتي بس بنت وولد وبينهم 3 سنين بس لازم نجره مع ان عيالي كبروا ومانخلص اخر حل لقيته سويت منع تجول بالبيت ييون من المدرسه وكل واحد بغرفه يدرس ومايشوفون بعض الا حزه الاكل

 

[ام _خلودي]

قووه بنات

اليوم دقوا علينا التكامل بنتى فيها عقنقز

حبيبتى تكسر الخاطر العدوه منتشره بالكلاس عندهم

ديروا بالكم على عيالكم

 

[رفرف]

يحليلكم طلعتو كلكم عندكم طاخ وطيخ ؟؟

انا بناتي بنااااات وبينهم فوق ال3 سنين بس احنا ماكو طاخ وطيخ احنا محارب ووحدة تحر الثانية ووحدة تفتن ع الثانية وشكاوي ما تخلص ..

ام خلودي ..
سلامات ما تشوفون شر .. وروحو البحر مع ان الجو مو مال سبوح بالبحر او ع الاقل ييبو ماي بحر سبحوها فيه ترا عجيب ينشف بسرعه

مناره ..
والله اقري الكتاب صج يستاهل انا حسيت اني وايد شادة عليهم من قريته وايد قمت اخف عليهم وهم نفسيتي ونفسيتهم احسن الحين ..
وقولي حق عزووووز لا يطق صبوية تقول قولي حق رفيجتج عزوز يلعب معاي طق كل يوم وانا ماحب
تقول قاعد يلعب مو صج لا تزفونه (خايفه على مشاعر الصبي لووول) بس انا بنيه ماحب العب طق ..
واي في واحد بعد كان بصفها بكيجي2 الحين موبصفها كل يوم يكفخها بالفرصة كل يووووم ويطقها حيل مره مكمشها مره شايتها حيييل يدزها ع الارض وانا اقولها قولي حق الابلة ولا طقيه اهيه خوافه ما تسوي شي وتقول الابلات بالريسس ما يسوون له شي واشوف صارلها جم يوم تلصق بابلتها بالفرصة ماتبي تطلع من الصف هالحجي من اسبوع .. وامس واليوم بس تبجي ماتبي تروح المدرسة اليوم تبجي من قلب تقول ما اروح الا اذا يي بابا معاي وطق الصبي !!
عاد مادري شرايكم اكلم منو ؟؟ انا قلت بكلم مستر براين اوكي يعني اهمه يهال ادري وتصير هالاشياء بس ع الاقل يكلمونه وبعدين التيجرز اللي بالفرصة لازم لهم دور شنو كل يوم يكفخها ولا احد يحاجيه !!!

 

[كويتيه ذربه]

قووه بنات

اليوم دقوا علينا التكامل بنتى فيها عقنقز

حبيبتى تكسر الخاطر العدوه منتشره بالكلاس عندهم

ديروا بالكم على عيالكم

وي الله يعينكم مو شي ايام المدرسه
ماتشوف شر انشاءالله
انا ولدي صار فيه برمضان اللي طاف
وديها المستشفى يعطونها لوشن وايد زين احسن من الدوا الابيض يوقف الحكه بسرعه ويوخر اثره
ويعطونج شراب يوقف مايطلع لها وايد
واذا عندج ياهل ثاني بالبيت مو صاير فيه في تطعيم مايطلع له كلش

 

[كويتيه ذربه]

رفرف
انا بنتي العام نفس الشغله بعد كله يطقها صبي
كلمي مدرسه الصف تنبه المدرسه التي تراقبهم بالبريك
او اذا صادفتي الولد كلميه قوليله حرام هيا بنيه وماتحب الطق ومن هالكلام يمكن يوخر عنها

 

[manarah]

رفرف .. ياويله مني عزوز لا ولا يهمها صبويه باجر انشالله اوصيه وبالنسبه للعب الطق ادري بولدي واعيال صفه دفشين .. صفهم فيه 20 صبي وخمس بنات فقط (كاسرين خاطري البنات) يعني ماشااالله عليهم شطانه على حركه ومن ايشوفوني يعطوني تقرير كامل عن عزوز ههههه اليوم شاطر والا مو شاطر .. شيطان والا عاجل .. كتب والا ما كتب يعني ما يحتاي اسأل الابله عن ولدي ..... وبالنسبه لصبويه والياهل اللي امأذيها ( بصفها بكي جي 2 والحين مو بصفها :eh_s(10): لا يكون ولدي اعترفي ) عزوز كان يطقه اول السنه صبي يقريد 2 وكلمت الاسستانت مالت الصف قالتلي كلمي مس زينه بالاداره ومس زينه قالتله بالبريك قوللي عن الولد والحمدلله كلمته واخلصت المشكله على خير ...

ام خلودي ما تشوف شر بنتج

 

[رفرف]

ذربة ..
انا قلت لها هالحجي وبالعادة اخليها تحل مشاكلها بروحها بس هالصبي بالذات مسويلها رعب اللي بس تبجي بغيب وبغيب .. والحين تحن غيري مدرستي ابي مدرسة بس بنات لأن الصبيان يطقون ..
الحين ابوها قال بيروح معاها المدرسة يكلم مستر براين لأن شافها تبجي وبغيب وبغيب عورت قلبه يقول ما يصير على سالفه تافهة جذي تكره المدرسة .. ومنها ان الولد يتنبه ع الاقل لأن شكله ماخذ راحته والمدرسات اللي بالريسس الله بالخير ما يدرون عنهم ..
هم اهيه خل تحس ان في احد بياخذ حقها لأن صج صج حايشها رعب منه .. طول عمرها تلعب مع صبيان وتنطق بس اول مرة في حياتها يصير فيها جذي ما تهنت بالويكيند مسكينة..

 

[Miss_Tiger79]

ام خلودي
ما تشوفون شر انشالله
والله يقوم اختج بالسلامه انشالله

رفرف
صح المفروض من اول ما تسكتين حتى لو انج تدرين انها تحل مشاكلها بروحها بس لازم يكون لج دور من وراها يعني تكلمين ابلتها بدون ما تدري
والحين عندج ابلتها ومستر براين
وصاجه الابلات الي بالفرصه جم مره اشوفهم جنهم مو موجودين اليهال يتراقعون ويتطاققون مالها شغل جنها ما تشوف شي ... حتى مره بدش المدرسه والا يهال يتطاققون وهذي ولا تدري وقفت اطالعهم ياااااالله انتبهت لهم لما شافتني وقفت ...

 

[ام _خلودي]

وي الله يعينكم مو شي ايام المدرسه
ماتشوف شر انشاءالله
انا ولدي صار فيه برمضان اللي طاف
وديها المستشفى يعطونها لوشن وايد زين احسن من الدوا الابيض يوقف الحكه بسرعه ويوخر اثره
ويعطونج شراب يوقف مايطلع لها وايد
واذا عندج ياهل ثاني بالبيت مو صاير فيه في تطعيم مايطلع له كلش

الشر ماياج ان شاء الله

انا دويتهاا المستشفى العسكرى عطوها الدواء الابيض ومضاد وخافض حراره علشان الحراره
بس الحمدالله مسخنت بس الحبوب منتشره وايد تكسر الخاطر وعندى ولدى لصغير عمر 3 سنين ونص
للحين ماطلع فيه بس حاطته مع اخته بيت اهل علشان عند مولود صغير عمره 20 يوم وبالنسبه للتطعيم
انا رحت الهادى مارضوا يطعمون عيالى العواد قالوا لازم يعدى عليه اسبوعين لانه خايفين يكون بفتره
حضانه للمرض والصغير يقول تطمع للياهل فوق السنه
اى مستسفى الاعطاج الوشن والدواء علشان اروح ايبلهاا

 

[ام _خلودي]

رفرف ومس تايقر ومناره

الله يسلمكم حبيبااى ويحفظ لكم عيالكم

بنات
انا ولدى اختبار القبول يوم الخميس ينفع ادق عليهم ياجلونه؟؟

 

[رفرف]

مناره لووووول لا مو ولدج .. اهيه تقول عزوز يلعب طق وينحاش ما يطق صج ما يعورني بس انا ماحب ..
ما عليج بنتي متعلمه على دفاشة الصبيان لأن عيال خوالها وعمامها كله صبيان فالدفاشة العادية واللعب مقدور عليهم ..
والولد اللي يطقها عبوود بس مو عبود ولد تايقر لا تايقر تشك بولدها بعد هههه ..
اهوه كان صديقها العام والظاهر السنة محتر ليش ما يلعبون معاه تقول يطقني انا ولجين هم لجين كانت معاها العام بس الحين مو بصفها ..


تايقر ..
اي انا قلت هالاشياء تصير عادي وماله داعي انا اتدخل لأن بنتي واااايد تعتمد علي رديه ما تدافع عن روحها بس السالفة زادت يعني لازم لازم يبيلها حل


ام خلودي ..
انتي دقي وشوفي ماعندي خبر بس يختي احسنلج تخلصين بدل هالمحاتاة

 

[Miss_Tiger79]

ام خلودي
لا تأجلين عشان تفتكين

رفرف
اي انا قصدي تخلينها تحل اي مشكله بروحها بس تكونين مساعده لها بدون ما تدري عنج يعني عقب ما تحاجون براين او ابلتها لا تقوليلها ان حاجينا براين او ابلتها وخليها تحس انها اهيه الي حلت مشكلتها
لا انا ادري مو ولدي لان ما يطق البنات بس الصبيان بس على لعب او اذا احد تحرش فيه ....
وانشالله تشوفين حل وترتاح صبويه

 

[كويتيه ذربه]

الشر ماياج ان شاء الله

انا دويتهاا المستشفى العسكرى عطوها الدواء الابيض ومضاد وخافض حراره علشان الحراره
بس الحمدالله مسخنت بس الحبوب منتشره وايد تكسر الخاطر وعندى ولدى لصغير عمر 3 سنين ونص
للحين ماطلع فيه بس حاطته مع اخته بيت اهل علشان عند مولود صغير عمره 20 يوم وبالنسبه للتطعيم
انا رحت الهادى مارضوا يطعمون عيالى العواد قالوا لازم يعدى عليه اسبوعين لانه خايفين يكون بفتره
حضانه للمرض والصغير يقول تطمع للياهل فوق السنه
اى مستسفى الاعطاج الوشن والدواء علشان اروح ايبلهاا

مستشفى دار الشفاء الدكتور ابراهيم العويدات
وتلقين اللوشن بكل الصيدليات حتى لونه مايل للوردي الفاتح شوي وسعره اعتقد نص دينار
بس وايد زين انا ولدي عمره 10 سنين وحاشه القوي حيل وبعدها صار ببنت اخوي وحطينالها اللوشن و خفف وماكان يحكها مع ان هم قوي حاشها