تجمع أولياء أمور مدرسة التكامل(صباح السالم)للعام الدراسي2009-2010

[um 3li]

اليوم كانت رحلة ولدي حق المكتبة بس اسأل ولدي شنو خذيتوا يقولي ولا شي بس لونا ؟؟؟؟؟؟!!!!!!!!!!!!!!!!!!!!!

عيالكم شنو قالولكم ؟؟؟

عطوا ولدي كيس فيها الرسمة الي لونها و مجلة وبس ؟؟

 

[كويتيه ذربه]

اشلووونكم امهات
انا اليوم من كثر ماعصبت على بنتي شافتني ابلتها العربي بالممر وقالت انها بدعت بالاملاء طبعا رفعت ضغطي قبل الاجازه استلمتها زف والحين معاقبتها ماكو طلعه اليوم
والابداع الثاني اليوم قايلين لهم ان قريد 12 مسوين يوم الهمبرجر و بيبعون همبرجر ونجتس عليهم
طبعا بنتي ماتقتنع ان بس همبرجر قالت حق ابوها عندنا حفله وابوها عطاها 5 دنانير والاخت خذت بوكها ويت بشرتني ضاع البوك وماشريت شي
والمسكينه تقول ان يابت علامه كامله بالانجليزي
بس العربي صج رفعت ضغطي كلمت ابلتها تقول لاتلومينها الكلمات صعبه حيل
صج الله يعيننا

 

[Miss_Tiger79]

كويتيه ذربه
ميخالف مسكينه بنيتج والله .. على ولت ابلتها الكلمات صعبه .. خليها تراجع بهالويك اند بالكلمات
وعلى البرجر داي ولدي عطيته فلوس وقتله اشترلك واشتر حق اخوك وودله صمونته لين صفه لانه بكي جي2 طبعا شراله ونسى اخوه ونسى ياخذ الباجي
وقبلها لما سوو حق الدونت عطيته 5 دنانير وطبعا ماردلي ولا فلس ... يعني انا ما اتوب لازم اعطيه حده حده وبس

 

[كويتيه ذربه]

هلا مس تايجر
عيالنا كله مستعيلين وبالهم مو معاهم الله يعيننا عليهم علما يكبرون

 

[Miss_Tiger79]

كويتيه ذربه
يغيت اسألج قبل عطلة الربيع عاديى اغيب ولدي بآخر اسبوع والا يحسبونله غياب ؟؟
لانه احتمال ما اخليه يداوم بنص آخر اسبوع

 

[رفرف]

شلونكم بنات ؟؟

ذربة لا تتعسرين ولا شي خلاص اللي اييبونه انا قمت ما احر نفسي ..
واخر قرار قررته اني ماني مدرستها حق الاملاء خل تعتمد على روحها بس اللي علي اني اكتبها واجباتها وهي مع النسخ المفروض تحفظ وان ما حفظت خلاص هذا مستواها مو لازم تكون بيرفكت حتى بالانجلش لأن ماكو فايدة احفظها وانسخها وتتعب اعصابي وبالاخر تكتب شي من كيفها مادري من وين يايبته ..


تايقر ..
انا اعطي بنتي دينار ولا اكو غيره واول مره ماشرت فيه كله ولا ردتلي ردود قلتلها اللي تردينه حطيه بالحصاله علشان تشترين فيه وصج وديتها وشرت فيهم قلت لها لو كل مرة بتردين ردودج بالحصالة تكفي فلوسج تشترين اكثر عاد اشوفها اخر مرة ردتلي الخردة الزايدة وقالت حطيهم بحصالتي ,.. جربي منتي خسرانه وعطي كل واحد فلوسه بروحه يشتري احسن ..

واتوقع ع الغياب بلى يحسبونه بس انتي كلمي المدرسة اذا عندهم امتحان ولا لا علشان تمتحنه ..

 

[Miss_Tiger79]

رفرف
بجرب هالفكره معاه وانشالله تفيد
اهوه مشكلته مستعيل وايد اسمالله عليه يقولي شريت ومشيت سيده وحتى موصيته عند باب المدرسه ان يشتري حق اخوه وماكو فايده حتى اخوه نساه ....
بس صج حطيتي هالفكره ابالي شكلي بسويها لهم
بس اخاف يطلعون على امهم

ومشكوره بشوف بسأل ابلاتهم

 

[كويتيه ذربه]

مس تايجر
اصلا اتوقع انهم بس يداومون يوم وراح تشوفين يغيبون كل مره جذي قبل العطل مااشوف في دوام بس هم سالي المدرسه احسن

 

[كويتيه ذربه]

شلونكم بنات ؟؟

ذربة لا تتعسرين ولا شي خلاص اللي اييبونه انا قمت ما احر نفسي ..
واخر قرار قررته اني ماني مدرستها حق الاملاء خل تعتمد على روحها بس اللي علي اني اكتبها واجباتها وهي مع النسخ المفروض تحفظ وان ما حفظت خلاص هذا مستواها مو لازم تكون بيرفكت حتى بالانجلش لأن ماكو فايدة احفظها وانسخها وتتعب اعصابي وبالاخر تكتب شي من كيفها مادري من وين يايبته ..


تايقر ..
انا اعطي بنتي دينار ولا اكو غيره واول مره ماشرت فيه كله ولا ردتلي ردود قلتلها اللي تردينه حطيه بالحصاله علشان تشترين فيه وصج وديتها وشرت فيهم قلت لها لو كل مرة بتردين ردودج بالحصالة تكفي فلوسج تشترين اكثر عاد اشوفها اخر مرة ردتلي الخردة الزايدة وقالت حطيهم بحصالتي ,.. جربي منتي خسرانه وعطي كل واحد فلوسه بروحه يشتري احسن ..

واتوقع ع الغياب بلى يحسبونه بس انتي كلمي المدرسة اذا عندهم امتحان ولا لا علشان تمتحنه ..

هلا والله
انا انقهرت لان مستواها وايد زين
اول مره تبدع جذي

وبالنسبه للفلوس تفس طريقتي انا بعد معودتها جذي

 

[Miss_Tiger79]

شخباركم بنات
شكلكم مستانسين ان مافي واجبات وايد هالاسبوع
ريحونا شويه على اساس الاسبوع الياي عطله

 

[نواره الحلوة]

السلام عليكم ومساكم الله بالخير

هالأسبوع بكون خفيف ان شالله ،، باجر ولدي عندهم assembly وبعد رحلة حديقة الشعب

 

[باونتى]

أمهات شلونكم .. أمهات كى جى 1 شلونكم .. ولدى كان غايب من يوم الخميس لانه مريض ومع الاجازه الحلوه تعود على قعدت البيت واليوم بجى يقول مابى أروح سكول وأساحله واقوله مس جاكى بتحط لك ستار انت حلو يله عفيه بالغصب وطبعا ان من داوم وانا كل يوم تاخير على المدرسة لمن خصموا من راتبى :0bee2e8d89: واليوم رجع حده مستعسر وخليته ينام الظهر ساعه ولى الحين قاعد واااى ياربى انا ما ابى اجازات كل ما تصير عطله يسوى فينى جذى

 

[نواره الحلوة]

هلا مس تايجر
عيالنا كله مستعيلين وبالهم مو معاهم الله يعيننا عليهم علما يكبرون

تدرين أمي شتقول إذا قلتلها متى يكبرون اعيالي عشان ارتاح تقول باجر اتمنين انهم ليلحين صغار لأنهم كل ما اكبروا كبر همهم واكثرت مشاكلهم :denya::denya:

 

[نواره الحلوة]

باونتي
صاجه كل ما عطوناإجازة اختربت نومة اليهال بس آنا اليوم اسهروا عشتوا عشان مباراة برشلونة متابعينها بس أول ما صفر الحكم علطول كل واحد راح فراشه والله يعيني على شلعة القلب باجر الصبح

 

[manarah]

السلام عليكم ...

نواره الحلوه حتى احنا امس خلصنا الهووم وورك بسرعه عشان نسفط حق المباراه وهم ولدي ما نام الا لمن اخلصت لا ومسكين كان محتار يشجع كاظمه والا برشلونه اخر شي استقر ان لازم يشجع كاظمه عشان الكويت

باونتي هذي ضريبه العطل لااازم عساره وراها بس يامالج من العطل ...بس انتوا الحين ما تبون العطله لي وصلتوا قريد 1 بتقولون حلاته اسبوع دوام واسبوع عطله لان الواجبات شلعة قلب .

مس تايقر شخبارج .. ايه والله وناسه ماكو املاااااااء مع ان واجب العربي طلع روحي مو قادر يضبط كلمه مهذب وهم بعد ما يضبط حرف الحاء او الجيم لما يكونون اخر الكلمه .. محينا لما الورقه بغت تنطق وتقول بس ارحموني .

 

[Miss_Tiger79]

نواره
صاجه والله
حتى امي تقولي جذي

مناره
انا بخير
انتي شلونج وشلون عزوز ليلحين معاناة مع الكلمات اليديده والا تأقلم معاها
احنا امس عطينا ابلاتهم هدايا الكريسمس ... كل سنه يسوون جذي لانه اشوف الابلات صج يستانسون

وانشالله نشوفهكم بالمدرسه على سنة 2010 على خير انشالله

 

[manarah]

صبح الخير على الحلوين اللي امعطلين ..
شخباركم بنات ...

مس تايقر الكلمات الحمدلله وضعنا صار احسن والخط قام ينبلع شوي واشوفهم بعد مرتين معطينهم كلمات بثلاث احرف ويركبونها ويقرونها وهذي افضل طريقه الحمدلله اللي بدينا ندرس صح .. ناويه انشالله هالعطله اجابله على الاحرف اكثر شي واركز على اللي خذوهم بس انشالله عزوز يعطيني ويه

كل امهات التكامل اتمنالكم عطله حلوه انشالله تستانسون وتريحون

 

[ام حسون وفطومه]

صباح الخير شلونكم وشخباركم
انا ضايق خلقي ليش بدت الاجازة لانه تنعفس النومه وشلوون تردين تنومينهم امبجر انا خليت بنتي تنام امبجر امس قلت ماني مخليتها تقعد واذا قعدت من الصبح تقعد مع شغالتها قلت هالمرة ماني مخليتها تسهر انا تاذيت واهي بعد وبعدين الكي جي1داومو متاخر لو شايلن وحدة من هالاجازات حقهم مو احسن؟؟؟؟؟؟؟
وبسالكم عيالكم مايقولوكم شي بالانجليزي انا بنتي بس تسولف عن ابلة العربي ؟؟؟

 

[ام حسون وفطومه]

السلام عليكم بنات
حبيت اعرف موعد التصوير لكي جي1 متى؟

 

[نواره الحلوة]

الموضوع صخه من بدت العطلة اتحسون ما صدقتوا يعطلون خخخخخخخ