تجمع أولياء أمور مدرسة التكامل(صباح السالم)للعام الدراسي2009-2010

[ام حسون وفطومه]

السلام عليكم
شلونج منارة شخبارج
شلونكم امهات شخباركم مع الزحمة حبيت استفسر ان كي جي 1جي رحلتهم باجر والا الاربعه لان تخربط مخي واليوم معطينها ورقة ان ناخذها الساعة12 باجر بغيت اعرف اذا احد عنده خبر خل يساعدني بليييييز

 

[um 3li]

السلام عليكم
شلونج منارة شخبارج
شلونكم امهات شخباركم مع الزحمة حبيت استفسر ان كي جي 1جي رحلتهم باجر والا الاربعه لان تخربط مخي واليوم معطينها ورقة ان ناخذها الساعة12 باجر بغيت اعرف اذا احد عنده خبر خل يساعدني بليييييز

حبيبتي ما ادري عن صف بنتج

بس ابلته اليوم قالت ان اذا باجر ما يبي يداوم عادي مو شرط واذا بيداوم لازم ناخذه الساعه 11 لأن المدرسات راح يمشون على الساعة 12 ومحد راح يقعد مع اليهال

يعني لا تخلون عيالكم اكثر من 11 ونص او اذا ما تقدرون غيبوهم باجر لان محد راح يقعد معاهم بعد ال 12

 

[um 3li]

ام على انا بنتى بكى جى 1 بي

وعندها رحله يوم الخميس مع ولدج

وبالنسبه لرسوم انا نفسج للحين مادفعتلهم شىء

باجر بحاول امر الاداره واسال واذا صار عندى خبر

اردلج

اي والله حبيبتي عطيني خبر عن الرسوم عفية ... انا دافعتلهم 900 دينار قبل بداية السنة والباجي هم بدفعه مرة وحده

انا مو ماشيه على نظام اقساطهم

 

[um 3li]

اشلووونكم بنات ..

ام على ايه عندهم امتحان اخر السنه ويكون بكل الاحرف والارقام والالوان والاشكال وبس ... وبالنسبه لولدج اذا اهو ما يتكلم انتي سحبي الحجي يعني انتي عندج الورقه شوفي شنو خذوا وقولي واهو راح يقول معاج وبالنسبه للاغاني ترى مو مهمين عادي احفظوهم والا لأ لانهم كل اسبوع ياخذون اكثر من اغنيه ..
ام خلودي بالنسبه للرسوم ماراح يغيرونهم انا ساءله الاداره وقالوا عالكورس الثاني بيعوضونهم يا اما دوام شهر زياده او بيزودون الدراسه ساعه للكي جي 1 .

صح كلامج حبيبتي وانا هذا الي قاعده اسويه اتابع معاه بالورقة الأسبوعيه

ومشكورة انج قلتيلي عن الامتحان انا عبالي بس الأحرف

راح اشترري بطاقات واعلقهم على الطوفه عشان كل ما يمر يشوفهم

غصب لوووووووووووووووووووووووول

وجنه حرام يزيدون الدوام ساعه هذول يهال ... ولا انتي شنو رايج ؟؟

 

[باونتى]

شلونكم وشخباركم .. بنات اليوم بغيت أبجى :krkrkr: رحت آخذ ولدى بنهاية الدوام وكان علييه عربى جان تقول أبلة العربى ان ولدى ما يجاوب وما يسمع الايات تقول واايد خجول .. يا حسرتى ياربى شسوى فى هالولد ما يتكلم أسحب منه الحجى بطلعة الروووح والله قمت أشك اقول أخاف ولدى ما يستوعب ولا فييه شى ؟؟ تهقون فيييه شى ؟؟ أعرضه على أخصائى نفسى ؟؟؟ وااى بنات حدى متضايقه :0bee2e8d89:

 

[ام حسون وفطومه]

يعني شلووون باجر بودونهم الرحلة والا لا اهمه مع كي جي 1سي عفية عطوني خبر عضان اوديها والا لا

 

[ام حسون وفطومه]

حبيبتي ما ادري عن صف بنتج

بس ابلته اليوم قالت ان اذا باجر ما يبي يداوم عادي مو شرط واذا بيداوم لازم ناخذه الساعه 11 لأن المدرسات راح يمشون على الساعة 12 ومحد راح يقعد مع اليهال

يعني لا تخلون عيالكم اكثر من 11 ونص او اذا ما تقدرون غيبوهم باجر لان محد راح يقعد معاهم بعد ال 12[/QUOT



حبيبتي حتى انا اليوم عطوها ورقة عشان باجر الساعة12 يطلعون بس انا نسيت اسالها عن الرحلة؟؟؟؟

 

[manarah]

السلام عليكم ...

ام على رايي والله عادي اذا زادوهم ساعه مو مشكله ما تفرق وايد ...

أم حسون وفطومه انا مادري عن صف بنتج بس أتوقع ما في رحلات باجر .. ماراح يمديهم يروحون ويردون اعتقد تتأجل ... بس اني ليش بتغيبينها اذا تقعد الصبح امبجر وديها ؟؟؟

بااااااااونتييي .. اشلونج ترى وايد مخترعه انتي وما وصلت لأخصائي نفسي ... وعادي الخجل .. وماعليج الحين راح يتعلم واااايد اشياء من اليهال بعمره اشياء زينه والا مو زينه يبيله وقت يتأقلم انشالله وباجر اتقولين وين الخجل ويييينه ....

طبعا اخيرا وليس اخرا ... امهات قريد 1 اشلونكم انشالله الأمن مستتب عندكم .

 

[Miss_Tiger79]

باونتي
ميخالف نطري على ولدج وراح يتعلم من اليهال الي معاه لا تحاتين انشالله مافيه الا العافيه

مناره

الامن مو مستتب عندي والحمدلله
كل يوم نبتدي من 3.30 لين 6 تخيلي
وانا اعصابي انتلفت خلاص
والحين ليش قاعده اعطي الثاني نسخ من عندي عشان يتعود على الواجبات الي بقريد1 صاير بطيييييييييييئ وانا على اعصابي
الله يعيني انشالله

 

[نواره الحلوة]

صباح الخير بنات
اليوم وديت اعيالي المدرسة ماكو زحمة الظاهر ان في غياب وايد من الطلبة حتى شكيت انهم قايلين لهم لا اتداومون

 

[ام حسون وفطومه]

صباح الخير شلونكم
انا وديت بنتي اليوم واشوه الابلة قالتلي ان الرحلة باجر مو اليوم وان الهده 12الا ربع راح يبطلون الباب وصح اليوم المدرسة مو زحمة حتى بنتي تقول امس ما كان في وااايد بصفهم .....انا عندي اوديها ولا تقعد من الصبح نجره مع اخوها

 

[كويتيه ذربه]

اشلوووونكم

 

[باونتى]

أمهات شلونكم .. اليوم ما بغيت أودي ولدى المدرسة بس قعد وقال مابى بروووح قلت يله أوديه يقعد فى البيت شنو يسوى .. وصج اليوم مافى زحمه ..

 

[كويتيه ذربه]

اي اليوم ماكان في زحمه انا رحت مبجر الساعه 11 مافتحوا الباب الا 11:45

 

[رفرف]

شلونكم امهات ؟؟
انا اليوم رحت المدرسة 12 الا عشر وماكو زحمة الحمدلله ..
ومنارة الامن مو مستتب أبدا .. بنتي بطييييئة ليلحين وحل الهوموورك ما يخلص الا بشلعة قلب ..
يعني عادي جدا نقعد ساعتين بورقة عمل العربي .. الباقي سهالات بس العربي ملوع جبدي وفوق هذا الخط مأساة مليون مرة امسح واخر شي خلاص اهيه تبجي وانا ايأس واخليه ..

 

[نواره الحلوة]

رفرف
اشلونج و الله يعينج تدرين جربي مع بنتج انها اتحل الواجبات بروحها وما تكونين معاها راح اتشوفين انها اتخلص أسرع لأن اليهال يجربون هالخدعة مع امهاتهم عشان يحصلون أطول وقت من الاهتمام يعني اهي راح اتكون وايد مستانسة ان كل تركيزج لها وقت اللي اتحل الواجبات فتطول على ما اتخلص وهذا الكلام قريته في كتاب super nany وطبقت اشويه من هالطريقة لأن قلبي ما طاوعني أخلي ولدي يحل بروحه بس خليته يحل الماث والانجلش بروحه لأنه اسم الله عليه شاطر فيهم بس العربي أكون على رآسه بس والله الطريقة فادتني إلى حد ما

 

[manarah]

السلام عليكم ...
رفرف الخط عندنا وعندج خير بس خلاااااص انا ما قمت اركز عالخط المهم ان ينقرا ابيه يحفظ الكلمات ونخلص ..
انزين عندي سؤال امعقدني بالماث ماني عارفه اشلون اشرحه له اللي تعرف الطريقه تقوللي .. السؤال موجود بهووم وورك اليوم
How many more childeren choose bears than cars ماني عارفه افهمه الجواب بليييز نرجو المساعده باسرع وقت ممكن

 

[Miss_Tiger79]

نواره
تدرين جربنت هالطريقه تدرين شسوه ؟؟؟؟
ما كتب ولا كلمه ... تخيلي
فالحين حاطه كرسي بين مكتبه ومكتب اخوه ومجابلتهم


مناره
يعني شنو الفرق بينهم
يعني الي اكثر يكون اكثر منه بشكثر
انا نفسج تنحت وبعدين فهمته
بالضبط يعني .. جم طفل زياده اختار الدب عن السياره ... تحسبين الزياده بس


رفرف
الله يعينج ويعينا

 

[رفرف]

نواره ..
اذا ع الاهتمام بالعكس انا طول اليوم معاها واكافئها لي خلصت فاتوقع احسن لها تخلص بسرعه ..
وانا كل الواجبات اخليها تحلهم بروحها بس العربي قوث راسها علشان الخط ولا في فايدة ..
ولما اقولها حليه بروحج واهدها القاها مو حالة شي كللللش ..
اليوم ما درسوهم عربي والخميس املاء .. اهمه كل يوم ينسخونهم الجملة ولا تثبت !!



مناره ..
نفس ماقالت تايقر .. يعني عدد الاطفال اللي اختارو دببه - عدد الاطفال اللي اختارو سيارات ..
يبون الفرق الزايد بعدد اللي اختارو دببة ..
اتوقع حليتيه خلاص انا ياية متأخر

تايقر ..
تصدقين يوم الزوارة بنتي حاطتلها دفتر تكتب فيه جمل العربي تتشيحط جدام خوالها ..
تكتب الجملة بدقايق ومرتبه وخط ايهبل !! بغى يوقف قلبي !!
ليييييييييييييش عيل تحل الواجب بساعتين ؟؟ تعقدت !!

 

[كويتيه ذربه]

رفرف اشلونج
انا جربت مع بنتي طريقه وبدت تنفع معاها قمت اقول كلما طولتي الواجب بعد الست ماكو هديه وثاني يوم لي الخمس ونص وكل يوم اخليها تتشجع تخلص اسرع بس للحين ماطبقت لي الخمس ونص لازم ست او ست ونص واذا خلصت لها هديه من صندوق الهدايا