تجمع أولياء أمور مدرسة التكامل(صباح السالم)للعام الدراسي2009-2010

[Miss_Tiger79]

من صجج رفرف؟؟؟؟؟؟؟؟؟؟

املاء العربي باجر والله يستر

 

[Miss_Tiger79]

تعالو بنات

محد من عيالكم قالكم انهم سوو عمليه اخلاء وهميه بالمدرسه؟؟؟؟
انا عيالي يقولون طقو صفاره وطلعنا بالساحه الي بره

 

[um 3li]

سلامااات .. وانت ديرى بالج أم على الله ستر ..

حبيبتي الله يسلمج من الشر مشكورة

 

[um 3li]

أم علي
ترا المدرسة على أدنات الدون يتصلون على أولياء الأمور فتعودي عادي ان الشي ما يسوى بس عشان مايتحملون أي مسؤولية لو صار الشي الله لا يقدر على اليهال

اي صاجه ابلته قالتلي هالشي بس تدرين بعد القلب رجيج وانا وااااااااااايد احاتي زياده عن اللزوم هذا غير اني اخترعت لما قالتتلي انه نزل من خشمه دم !!!!!!!!!!!!!!!!!!!!!

بس الحمدلله على كل حال ربي ستر

 

[um 3li]

السلام عليكم .. .

امهات كي جي 1 شخباركم اشلون اليهال انشالله كل شي تمام .. ام على سلامات والطيحات هذي عادي لابد منها الله يحفظهم .
باونتي الرياضه اثنين وخميس .. صح ؟ سوري بس ماكو ذاكره

امهات قريد 1 اشلوووووونكم مو امبينين عسى ما شر .... عسى مو مستائين بس من درس العربي امبييييييييييه راسي قام يدور يوم شفته بس الله كريم انشالله ياربي يقدرون يحفظون هالجمل ..

بشوشه السوره بالقران اعتقد سوره الكافرون بس ليلحين ما وصلتنا الورقه ... وكلمات الانجليزي :
Then - them- that - this - path والخمس الكلمات الثانيه ماني ذاكرتهم عدل .

الله يسلمج حبيبتي مشكورة

 

[um 3li]

ام علي سلامات وخطاكم السو ..

مناره ..
انا امتنع عن التعليق وماني متكلمة على درس العربي وراسي ليلحينه قاعد يدور ..

ابي انوم اليهال واهج بس تعبت !!

الله يسلمج حبيبتي خطاج اللاش

 

[um 3li]

امهات انا سألت اليوم عن العطل بالمدرسة جان تقولي الأبله ان التكامل متروسة عطل !!!!!

كان المفروض عندهم عطلة شهر 10 بس لأنهم داوموا متأخر ...
عندهم عطلة الكريسماس بتاريخ 25-12 ولا تنسون ان 20-12 عطلة رأس السنة الهجرية وعقبها يداومون 4 ايام بعدين عطلة لي 4-1 لان الأحد 3-1 عطلة بدل 1-1 رأس السنة الميلادية ..
وبعدين 30-1 عطلة نص السنة اسبوعين ..
وهم بعد عندهم عطلة شهر 4...
وعطلة نهاية السنة شهر 6 .

عيل عيالنا متى يدرسون اذا السنة الدراسية كلها عطل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[manarah]

السلام عليكم ..
ام على التكامل نظامهم كل كوارتر عطله اسبوع يعني كل ما استلمتى الريبورت عطله اسبوع (كل شهرين ) هذا غير عطله نص السنه والعطل الرسميه مثل الاعياد وغيره .. وبعدين ترى انا وحده من الناس تحلطمت قبلج عالعطل اول ما ولدي دخل الكي جي بس بعدين لما شفت لقيت ان مستوى الياهل اوكي بالرغم من هالعطل فعادي لا تحاتين الدراسه بيطلعون من كي جي 1 مخلصين كل الاحرف والاشكال والالوان والارقام .



مس تايقر انا ولدي قاللي عن عمليه الاخلاء الوهميه لا وقاللي شمينا دخان بس عاد مادري هذي صج والا من عنده

رفرف .. العربي احنا الخط والله عالمزاج مرات يجابل الكلمه نص ساعه على اساس ينقشها ويبي خطه بيرفكت ومرات لااااا الله بالخير ... بس والله انا مو مشكله عندي الخط كيييفه بس المهم يعرف يكتب الكلمات .. اقصد يحفظهم

 

[رفرف]

تايقر ..
امبلا قالتلي عن الاخلاء .. قالت صارت حريجة ..
بس انا استنتجت انه اخلاء

ام علي ..
انتي يهمج المستوى ولا العطل ؟؟
الصراحة الحين انا اللي ادور العطلة دوارة من التعب اللي تتعبه بنتي واللي انا اتعبه معاها خل يرفهون شوي ..
دام التدريس قوي والمناهج حلوة والتأسيس اوكي لا تحاتين العطل .. بالنهاية النتيجة حلوة انشالله ..


مناره ..
زين يعني المعاناة مو معاناتي انا بس ..
الله يستر من املاء العربي اليوم بطني يعورني

 

[نواره الحلوة]

تعالو بنات

محد من عيالكم قالكم انهم سوو عمليه اخلاء وهميه بالمدرسه؟؟؟؟
انا عيالي يقولون طقو صفاره وطلعنا بالساحه الي بره

لا وانتي الصاجة كانت صج مو اخلاء ولدي يقول كنا بال pe وشفنا دخان يطلع من التكييف وبعدين اطلعت نار مثل الجراقي وعلطول طقوا الصفارة وطلعونا بره الظاهر بتمديدات التكييف

 

[Miss_Tiger79]

نواره
انا شكيت والله
بس قلت يمكن اخلاء
لانه لو اخلاء جان قالولنا قبلها عشان نهيئ اليهال لها

انزين ما سألتي الاداره عن شي جذي


الله يستر انشالله

 

[manarah]

طبعا من الحين ولمدة يومين يعم الهدوء بهالموضوع :dddds:
اتمنالكم ويك اند حلو

كويتيه ذربه وييينج مفقوده صارلج فتره عسى ما شر ؟

 

[باونتى]

شلونكم أمهات .. امهات كى جى 1 سى وجى .. عطونه اوراق ان عندهم رحلة ليوم الاربعاء .. مناره شنو سوالف بنتج بالمدرسه ولدى ما يسولف كلش :0bee2e8d89:

 

[manarah]

هلا باونتي ... بنتي انا اسحب منها الحجي .. اقولها خذيتوا لتر b تقوللي خذناه واسالها شنو الكلمات اللي خذيتوها عليه وتذكر بعضهم وانا اذكرها بالباجي وتقول غنينا بس تبيني انا اغني وياها انزين قوليلي الاغنيه عشان اعرفها ههههه بس اليوم غنت اغنيه تجمع الكلمات اللي بالحرف بي يعني اذكر بالاغنيه قالت baby ,bubble,ballon فعرفت ان عشان يحفظونهم الكلمات اللي عالحرف يقولونها لهم باغنيه .. وبالعربي انا اسالها خذيتوا الكلمه الفلانيه والا لا واهي تقول ايه والا لا ... بس انها تسولف من نفسها لا .. لازم انا اشتط وينشف ريجي .

 

[ام حسون وفطومه]

شلونكم أمهات .. امهات كى جى 1 سى وجى .. عطونه اوراق ان عندهم رحلة ليوم الاربعاء .. مناره شنو سوالف بنتج بالمدرسه ولدى ما يسولف كلش :0bee2e8d89:

مساء الخير باونتي
شلونج حبيبتي انا بنتي بعد عطوها الورقة اهي بكي جي 1جي بس اهمه شعرفهم بالمكتبة بعدهم صغار وما ودي اوديها واهي تبي تروح عفية اللي عنده خبرة او معلومة عن هالرحلة يعطينه خبر قبل لا ايي يوم الاحد.....

 

[ام حسون وفطومه]

هلا باونتي ... بنتي انا اسحب منها الحجي .. اقولها خذيتوا لتر b تقوللي خذناه واسالها شنو الكلمات اللي خذيتوها عليه وتذكر بعضهم وانا اذكرها بالباجي وتقول غنينا بس تبيني انا اغني وياها انزين قوليلي الاغنيه عشان اعرفها ههههه بس اليوم غنت اغنيه تجمع الكلمات اللي بالحرف بي يعني اذكر بالاغنيه قالت baby ,bubble,ballon فعرفت ان عشان يحفظونهم الكلمات اللي عالحرف يقولونها لهم باغنيه .. وبالعربي انا اسالها خذيتوا الكلمه الفلانيه والا لا واهي تقول ايه والا لا ... بس انها تسولف من نفسها لا .. لازم انا اشتط وينشف ريجي .

هلا منارة شلونج انا اخس منج ما تتكلم بالمرة بس انا بنتي تغني اغاني بس ما ادري اذا اهمه يغنونها وتقول يسالونهم عن الايام بالانقلش والاشهر

 

[ام حسون وفطومه]

حبيت اسال عن مدرسة الغانم ثنائية اللغة اعرف وحده نقلت بنتها من البريطانية لي هنا وبنتها كانت من الحضانة عندهم وقاعده تتشكى من الغانم ومتحسفه ليش حطتها هناك فتسال عن مستوى التكامل انا ما عندي خبره بنتي بالكي جي وما اقدر احكم على مستوى المدرسة,,واهي تقول اغلب االمدرسات بالغانم مو انجليزيات يا مصريات او لبنانيات عايشين بره بس بعتقادي مو هذي سبب المشكلة اللي يقدر يفيدني عشان اعطيها خبر وبنتها باولى ابتدائي

 

[كوكو لاتي]

بنات بليز امهات كي جي 1 متى عطوا عيالكم ورقة الرحله امس ولا اليوم ؟؟؟؟؟

 

[كويتيه ذربه]

طبعا من الحين ولمدة يومين يعم الهدوء بهالموضوع :dddds:
اتمنالكم ويك اند حلو

كويتيه ذربه وييينج مفقوده صارلج فتره عسى ما شر ؟

اشلونج مناره
اشصاير شنو سالفه الاخلاء
انا مسافره وانشاءالله باجر برجع
انا اتابع اخباركم كل يوم
وانشاءالله بس ارجع ارد اشبك كل يوم

 

[manarah]

هلا كويتيه .. توصلين بالسلامه انشالله والاخلاء مادري والله اذا صاير شي صج والا بس وهمي يعلمونهم بس عموما ما اعتقد صاير شي جايد الحمدلله ...

ام حسون وفطومه شخبارج ... انا الغانم ماعرفها بس هم ثنتين من رفيجاتي اعيالهم كانوا فيها وحولوهم مدارس ثانيه والتكامل والله انا اشوف مستواها ممتاز وانشالله تظل جذي ...
بالنسبه للرحله اهم بيروحون مكتبه عالمي الممتع اللي بالروضه اذا تعرفينها .. اهي اصلا حق الاطفال وحتى يسوون دورات طول السنه و بالصيف .. وبالرحله يقصون لهم قصص ويلعبونهم مسابقات ويسوون بيتزا يعني اهي اصلا حق اليهال فخليها تروح بتستانس ...

كوكولاتي ورقه الرحله عطونا اياها الخميس .